مافي أحد يعز ديرة غير اللي تربى فيها
فأحب المدن إلى قلبي هي الرياض ..
صدق مافيها شيء يجذب لكن
] وما حب الديار هو الدافع خلف هذا الحب [
وخارج المملكة ..
دمشق مدينة تاريخية لها ماضي عريق
ذات طبع مختلف عن جميع المدن التي زرتها
*
اقتباس
كمِ مرِه سآفرِت دآخل و خآرج المملكه ؟
داخل المملكة لا تعد ولا تحصى وهذي من نعم الله علينا
أما خارج المملكة فمــن زمان ماطسيت خارج المملكة
كان عند الوالد الله يطول بعمره عشق لسوريا لكن
من يوم حس أن العيال كبرت هون عن السفر للخارج
كانت سفرنا خارج المملكة إلى سوريا ثم من سوريا ننطلق
إلى لبنان وتركيا
*
اقتباس
تَحبَ تنآم فالطيآرِهـ ولـآإأ ايش تسوِي ؟
الطيارة كلها على بعضها ما أحبها .. لأن السفر فـ ] الطيارة [
ماله طعم صراحةً
صحيح أنها أسرع لكن ماللسفر أبد طعم بالطيارة
وللعلم سفرياتنا كانت مع الوالد كلها بالسيارة
وإلى الحين يقول اللي يبي يسافر بالطيارة يسافر
لكن هو مستحيل يسافر الا اذا كان لحاله أو كان السفر بالسيارة صعب عليه
لا يظن بعظكم أني أخاف منها لاو والله لكن هذا شيء نفسي
*
اقتباس
كمِ آكثرِ مُدهِ جلستهآ برى المملكه ؟
شهر ونص تقريبا
*
آيش أفضل خطوِوِط طيرِآن في نظرِك ؟
مالي خبرهـ لكن الأكيد أنها مهي الخطوط العربية السعودية ولا ناس ولا نسما
*
آجمِل منظرِ أعجبِك في آحد الدوِل (( مع الصوره إن وجد)) ؟ أو داخل المملكه؟
أكيد كانت أجمل المناظر في تركيا في منطقة
تسمى بـ الحربيات قريبه من أنطاكيا
*
اقتباس
حآدثه او موقف صآرلك وِآنت مسآفر طرِيف ولـآإأ محزِن ولـآإأ اي شي ؟
السفريات واجد والمواقف فيها لا تحصى
ما بين مقالب إلى مواقف محزنة وأخرى محرجة
لكن أفضل المواقف كان من تنفيذي أنا
كنا في أبها قبل العام
كنا ساكنين في فيلا حول السودة وكانت الفيلا معزولة عن العالم
كنت مضبط فيه مقلب لأعيال عمي .. بأن أتنكر لهم كأني جني
ولتني ما ضبطته نشبولي ذاك اليوم من الخوف ماناموا الا بحضني
*
اقتباس
لوِ عرِض علِيِك العيِش في بلد غير بلدِك مآرآيك ؟
مهما كان العيش بالقرب من الأهل والحبايب
أفضل بكثير من العيش خارج اسوار الوطن مهما كانت المغريات
*
اقتباس
هلِ تؤِيد السفرِ خآرِج الوطِن العرِبي ؟ والمملكه بشكل الخصوص؟
نعم أأويد السفر لكن بضوابط ..
فمثلاً عندما [ العيال تكبر ]
وأدري ان وراهم بلاوي خلاص وقف سفريات
واللي يبي يسافر منهم اذا تزوج بسفره على حسابي
مع ني الحين أتمنى السفر لـ فرنسا وبإذن الله بتحقق هالأمنية
*
اقتباس
لو عندك اجآِزه وين حاب تقضيها ؟
ما أهتم بالمكان بقدر ما أهتم بالربع اللي بقضي معهم الإجازة
حالياً أتوقع البرية هي أفضل الأماكن لهذه الأوقات
ترى الدعوة كانت مزح في مزح ولا حنا عارفين أنك اخطيتي من العجلة وحبينا نعلق شوي
على العموم آسفين ياأم الوليد غلطة وماراح تتكرر <والله ماعرفنا من اللي نمون عليه ومن اللي مانمون
كل الشكر لـ اخوي عبق على الأستضافة والتوريطة ^_^
وبسم الله نبدى ..
● من آي مدينه ـهَ ؟ وِآي منطقه ؟
من الريـاض
● ايش اكثرِ المدن اللي تحبهِآ ؟ داخل وخارج المملكه؟
داخل المملكة : حائل والرياض
خارج المملكة : مدينتين أتمنى أني ازورها وراح ازورها بأذن الله هن فنيسيا وفلورنسا بأيطاليا
● كمِ مرِه سآفرِت دآخل و خآرج المملكه ؟
3 مرات فقط لاغير <تكتب شيك أنت ؟
● تَحبَ تنآم فالطيآرِهـ ولـآإأ ايش تسوِي ؟
واحلى نومة والله <تجي عند الدريشة وتدق اللطمة وماتدري بروحك الا يوم يقولو انزلو خلاص دحدرنا ^_^
● كمِ آكثرِ مُدهِ جلستهآ برى المملكه ؟
امممم 15 يوم
● آيش أفضل خطوِوِط طيرِآن في نظرِك ؟
الصراحة انا ماجربت الا الخطوط الامارتية والسعودية بس في نظري الخطوط السعودية أفضل لكنها أغلى شوي
● آجمِل منظرِ أعجبِك في آحد الدوِل (( مع الصوره إن وجد)) ؟ أو داخل المملكه؟
منظر شاطئ دريم لاند في جزيرة بالي الصراحة خيال , والصور واجد بس يبيلها شغلة وتحميل <واحد متعيجز
● حآدثه او موقف صآرلك وِآنت مسآفر طرِيف ولـآإأ محزِن ولـآإأ اي شي ؟
والله الحوادث والمواقف كثير بس هي حادثة وحدة لايمكن انساها ماحييت
كنا في جزيرة بالي وكان من ضمن برنامج الرحلة مغامرة التجديف الخطر , هو اللي يركبون على قارب مطاطي احمر وينزلون مع الشلالات ومن عند الحجر وشي زي كذا , عاد حنا من زود الهياط اللي فينا قلنا قدام ياولد والملاعين الاندنوسيين يرفعون فينا سئودي قوي وسئودي قوود قلنا يارجال قدام هي موتة ولا موتيين
الوكاد ركبنا هالقارب والله لايوريكم من شلال في شلال ويوم انتصفنا الطريق لف فينا القارب ومادريت الا انا بوسط النهر وخوياي عني بعيد <قسم شفت الموت بعيوني
النهر كان سريع جريانه والخوذة حقت الراس طاحت وانا صقع في هالحجر وابلع من هالماء لين ماهدء الشلال ومادريت بنفسي الا انا صاقع قارب خوياي وسلت الحمدلله
بس اللي كان قاهرني اكثر شي في هالرحلة >التسلب الأندنوسي اللي يصور فديو قدامنا
ملعون الخير كان يمديه ينقذني بس التسلب قعد يصور تقل ماصدق على الله لقى لقطة يزين بها الفلم
قصة تحزن صح ؟
قالوالي نبي نمثلها بطولة احمد السئا بس انا رفضت <لأن السينما ممنوعة عندنا
● لوِ عرِض علِيِك العيِش في بلد غير بلدِك مآرآيك ؟
تبي الصدق كنت أفكر أعيش في احد الدول الخليجية إذا توفرت لي معيشة أفضل , لكن ماأن تعديت حدود الوطن حتى غيرت رأي 180 درجة <والله مامثل ديرتنا ديرة ^_^
![الصورة الرمزية ][عبق الحروف][](image.php?s=d3057e7bbbb72f5352f2b69ad1ca4726&u=67828&dateline=1262799251)
هيه عشق يا بدوي تعال تعال أنصب علينا شوي 
العرض العادي
