بسم الله الرحمن الرحيم,,,,,,
هذه اول مشاركة لي في منتديات الود ,,,,,,,
وحبييتأهدييكم هذه القصيدة ,,,,,,
بعنوان : رمضان افرنجي
__ حسبي الله عليج يا غربة رمضانج أقشر
يجي الشهر و يروح و مايبان للفرحة مظهر
وين المؤذن لين على بصوته و كبر
و اليهال عقب العصر هذا بالقاري يفتر
ذيله يلعبون كرة و هناك طايحين له عمبر
يازين القعدة عالدكة يا حلو ذاك المنظر
تشوف الصواني تدور وبين البيوت تفتر
هذا حلو أم فيصل وذاك تمر بو ناصر ما قصر
يا زين حجي غلوم لين إنه بالأذان تأخر
والفطور اشكال والوان طب و تخير
السفرة تكفي الشعوب من عمان لي مدقشقر
وين التشريب والهريس و ذاك المقلي المبهر
وين المحلبية و اللقيمات وينك يا كستر
و روحة المسجد عقب الفطور و إنت تتمخطر
تقول حامل بتوم أو يمكن اكثر
غير القعدات و الخيام والغبقات الله اكبر
حسبي الله عليج يا غربة رمضانج أقشر
شهر بطوله يمر مثل غيمة صيف ما تمطر
و انت يا مغترب يا لي قمت تنادي الوالد مستر
وااله على حالتك قلبي تكسر
حايس بين الكلاسات والصفوف و اللابات مفتر
لي مشيت تقض البصر من الغزال الأشقر
إلي طول السنة منخش بس برمضان يظهر
حزة الفطور تبي تمرة و تمشي على كاكاو محزر
و فطورك وسحورك واحد يا بيتزا او برغر
حسبي الله عليج يا ايام كرشي بدا يصغر
حسبي الله عليك يا زمن صج إنك اغبر
حسبي الله عليج يا غربة رمضانج أقشر
و مبارك عليكم الشهر
العرض العادي
