لعبه عطوني وجه !

انا مرزوقة · 21-08-2002, 04:16 AM

السلام يا حبايب الود !! هذي لعبه مادري راح تلعبونها و لا لأ زي المرة اللي فاتت حطيت لعبه و ما عطيتوني وجه ... بس يالله اجرب حظي :

انا الحين راح اكتب لكم جمله و اخر كلمه من الجمله يعرفها اللي بعدي حسب ما يرى ... مثلا :

فجل : هذا انسان يسمى شلفنطح و هو من اعضاء منتدى الود

اللي بعدي راح يمسك كلمة منتدى الود و يعرفها و هاخر كلمه من تعريفه يعرفها اللي بعده و هكذا ...........

يالله اللي بعدي عليك منتدى الود ...

============================:)

الفجر البعيد · 21-08-2002, 04:21 AM

يعطيج العافيه اختي مرزوقة واللعبة حلووووووووووووووووووووووة...

منتدى الود: احلى منتدى واروع مكان يجمع فيه ناس كل واحد قلبه على الثاني .. وتضاف فيه مواضيع حلوووة حيييل..

تحياتي
الفجر

انا مرزوقة · 21-08-2002, 06:12 AM

تسلمين يالفجر البعيد

وانا ما ادري ليه محد يعطيني وجه اذا حطيت سالفه

المهم... اخر كلمه كانت

مواضيع حلوه حيل= هذي مواضيع نقراها نستانس عليها لكن اكيد ماهي مواضيع انا مرزوقة

اللي بعدي ..انا مرزوقه كمل

الحلى كلة · 21-08-2002, 06:37 AM

انا مرزوقة =عضضوة متميزة في منتدى الود واظن انها من الشرقية

وبااايووووو عنونييي

الفجر البعيد · 21-08-2002, 07:37 AM

اظن آخر كلمه "منطقة الشرقية "..

المنطقة الشرقية : منطقة حلووووة وانا احب اروحها واحلى مافيها سوقها...

تحياتي
الفجر

انا مرزوقة · 21-08-2002, 11:02 AM

سوقها .... 1. كلمه تعني المكان المراد للتسوق و هو ما تذهب له تامرة كل فتره و الثانيه

2.سوق بمعنى قد يعني سوق السياره و الهاء ضمير متصل .....

( يا خماعة اللعبه انك تعرف الشي تعريف تحاول تخليه مضحك اكثر ما هو جد )

تعقيب على كلام الحلى الكله ... مشكوره بس انا مو من الشرقيه :D

======================

الفجر البعيد · 21-08-2002, 11:08 AM

ضمير متصل : بنت عمي اللي ما تفج لازقة فيني كانها لزقة عنزروووت :D :D :D :D

تحياتي
الفجر

انا مرزوقة · 21-08-2002, 11:19 AM

لزقة عنزروت = كلمه قديمه تعلمتها من التلفزيون !! و تطلق على شلفنطح اذا لزق هنا و استملح حاله !

=========================بس===

العمدة الإجباري · 21-08-2002, 11:30 AM

ما عاش اللي ما يعطيكي وجه يا مرزوقة،،،، إحنا إيش بنسوي هنا.

الثانية:
1/ هي فترة زمنية يختلف تأثيرها وقياسها على الناس،،، فالمستعجل يدورها و ما يلحق يقيسها،،، و بارد القلب،، علاقته بيها زي علاقة لاعبي الهلال بالكتب.
2/ الثانية: هي تعريف الزوجة للمرأة التي يتزوجها زوجها بعدها،،، وغالبا ما يضاف إليها صفات أخرى مستقاة من البيئة المحلية، مثل (خطافة الرجال،،، أم 44،،، ).
3/ الثانية: هو إسم يطلق على القناة الأرضية التي تبث إرسالها من السعودية،،، ولا يعرف لها منهج معين أو أسلوب،،، البعض يسميها غصب 2 والبعض يسميها إستبنة القناة الأولى وخصوصا اثناء المباريات، والبعض لا يعرفها على الإطلاق،، لأنه ماله إلا هيفاء.

الفجر البعيد · 21-08-2002, 11:37 AM

هيفا: البنت اللي دق العود يعني انا :D :D <<< مصدقة نفسها الدبة..

ما اله الا هيفا : فاصخة للحيا والادب

تحياتي
الفجر