على قولت الشاعر جيزاني لابس برمودا:
لعنبو حظن جاني اليوم يمي *** ولعنبو يومٍ جابه الحظ عندي
يعني طحتلي بمصيبه الله العالم شلون اطلع منها في يوم من هالليالي المغبره بغبارٍ ماتشوف يدك منه عقب محاولات شتى من ماي مذر ( على بالي متربي في واشنطن ايه هين ) ومحاولاتٍ بعد من ابوي ( منيب مدلعه وقايل دادي بكيفي انا حوووور ايه عارف الواو مالها داعي بس كيفي لاحد يزعزني ) المهم ابلشوني ياوليدي وياغناتي ( يعني ياروحي بس بدوي متربي برى وش اسوي ) ماعلينا وانواع التمحلس عندي ؟؟ بلشت بعميري وانواع التفاكير والتفحصات ( وأنا أقول الله يستر وش وراهم ذولي أكيد بيدبسوني في شيء بس وشووووووو الله أعلم ) قلت مايخالف بعديها " أيوه يابابا وانتي ياماما وش عندكم آخر الحتسي وزبدته وشوووووووو ( انطمو شووووووووووي مؤدب صح عارف ههههه ماعليه بس هذا اللي حصل ) قلت هاااااع وشو وراكم سكتو قالو وهم انواع التودد لاوالله ياوليدي مهنا شيء ابد سلامتك قلت لاوالله مايصير وشو اطلبو عزززززززززكم اذا ماطلبتو مني بتطلبون من مييييييييين ( على بالي مؤؤؤؤؤدب أيييييييييه هين ) انيهاهاهاهااااااااااااااااااااااي مسوي ذكي بجرجرهم ...........؟.؟ قمزت الوالده قالت وراك ماتحسي يابو محمد ..؟.؟ قال ايه اللحين بحتسي قلت وشووووووووو ( وبغيت اجيب العيد واقول احتس يامال الصمخ وراكم منطم وتفرتس ايدينك يا ماي فاذر على بالي اموووووووون واحد من الربع ) المهم قال شف ياوليدي ( وأنا جالس اخزه ======>بعين حاااااااااره بشوف وش بيقول)قال أبد ياوليدي انا زي منت شايف كبرنا قلت وقف يايببببببببه ( وانا أفغر فمي قلت يؤ ماقهيتها منك بسسسسسسس ) قال وشو قلت تبي تصرفني من البيت يعني تبي تطردني يعني بيني وبينك ( جيت عند اذنه وقلت تبي تعرس صححححححح وتبيني اطلع من الغرفه صح كفشتك ) قاااااااااال لاوالله ياوليدي مهوب تسذا قلت : اصصصصصصص بس لاعلم ميمتي ( من جد اموووووووووون ) قال ولد انطم لحوسك حوووووووس الحين بس ترا الاحترام لمك مهوب لك ( أيه هين أحترام لمي الا والله الذله بنت حلال ذروق الوالد خخخخخخخخ ) المهم قلت اجل وش فيه قال : أسممع العلم ياصلك ويتعداك قلت وشوووووووو عساه خير بابي قال ياولدي حنا كبرنا زي منت شايف نبيك تعرس ونبي نشوووووووف ورعان وبزورتك قبل ماياخذنا راعي الامانه ( قلت أيييييييييه والله من التسذب الا والله يبي من يخدمه هو وعجيزه ذي وامي بعد تبي من تأمر عليييييييه وسوي تسذا ولاتسوين تسذا وليييييييييه تسوين تسذا وانا ماغير مفغر فمي بينهم ) جلست شووووووووووووووي منطم ولا أدري وش اسوي ؟.؟ قلت يعني اللحين أنتم وش تبون مني ( وتبسم الشويييييييييب بأبتسامه خبيثه ) قال شف ياولدي أمك لقت لك وحده تناسبك وتصلح لك ( عاد أنا اللحين صدق فهيييييييييت من قلب ولا عرفت وش اقووووول ) قلت هاااااااه ....!!!! شلون يعني يبه قال ابد لقت لك موضي بنت خالت عمتها ( قلت والله البلشه وش ذي بعد مدري من وين جايبينها عمت مدري جدت خالت امي جدتي يوووووووووه والله الحوسه) قلت صحيح يممممممممه ، أنبسطت الوالده خخخخخخخ ايوالله ياوليدي وهي حبيبه لاتهش ولاتنش ولاتقول شيء وراعيه بييييييييييت بعد ( قلت ايوالله لقتها مختارتها لانها خبيله علشان تأمر عليهااااا انيهاهاهااااااااااااااااااااااي على بالها امي منيب كافشها ايه هين هين يالضبان بس وش ورانا بشوف اخرتها مع امي وابوي ) قلت ايوووووووووه وبعدين قمزوووو سوى وتسن الكلام مهوب عاجبني ...؟.؟ قال ابوي ورى ماتعدل يوم اكلمك قل سّم ( من الذله طبعاً موب عيب مهيب ذرقه بس ابوي ولازم احترمه خخخخخخخخ ايه هين ) المهم قال شف بنروح الحميس الجاي ونخبطها لك وابوها رجال شرواك ، قمزت شرواك الطيب .... قال اقووووووووول انطم بس خلني اخلص حتسي قلت اسلم ، قال المهم لاتروح وتخت من هنا والا من هنا تراها عوايدك ( عارف اني بصكه ركبه وتزليب خخخخخخخخخخ ) قلت تيب يايبببببببببه ( بجيبه بأسلوب يمكن يتفهم الموضوع وبسوي أخلاق ) قال هاااااااااه ( بدون نفس عارف بس مايخالف ابوي وش اسوي ودي احوسه بس مقدر ) المهم يايبه انت تعرف انه في زمنا هذا مافيه شيء اسمه زواج غصب ، ( قمز قال وجععععععععع وش غصب ذي ) قلت لالالالالالالالا( ابي اصرف جيت ابي ازينها حستها ) قلت لا يايبه يعطيك العافيه اقصد انا ماشفت البنت والبنت ماشافتني يعني لازم نشوف بعض قبل نتزوج ومن هالاشيااااااااء ( والا وماغير تحمر عنون ابوي ويتطاير الشرار منها وشوي والا يغولني يعني يخنقني لان الكلام ماعجبه ) قال وشووووووووووووووووو أعقب بسسسسسسسس يالخااااااااااسي ، قلت افا خربت الاخلاق ( طلعت اخلاقه سياحيه اعرف بس من زمان ماشفتها ام العبيد حقته ) قال لييييييييييه هي بنته ناقه تبي تحوفها ( يعني تفحصها ) اعقب بسسسسسسسس ولا اسم هالكلمه منك مرهٍ ثانيه ( بالتنوييييييين على بالي بدوي ) قال اللحين يالخاسي لو احد جا يبي يخطب اختك حصيصه بتخليه يشوفها ( مهيب اختي اتسذب بس تلفيق خخخخخخخخخخ عاش مصرف . المهم قلت وش فيها يايبيه الشرع يقووووووووله تشوفه ويشوفها قال اقووووووووول انت بتقطع وتخسى والا لا ( والله اللي ورطت عمري بنفسي وشب فيني ) هذا اللي باقي اقوووووووول جعل الله ماياخذ عمري قبل ماتعرس هالبنت ( وانا على بالي مسوي حنين خخخخخخخخخخ) لالالا بسم الله على قليبك يايبه العمر كله انشاء الله ويطول بعمرك ويخليك ذخر لنا ( مشوها عاد عارف انواع الارانب بس نبي نتمصلح ) قال اجل بتوري الخطابه اختك اخفسسسسسسسس بس ( يعني انطم ولا اسمع حسك ) قلت والله النشبه ذي ...!!! قال ايش قلت شيء قلت لا ابد سلامت قلبك يايبه .؟.؟ يعني اللحين وش الحل يايبيه قال ابد العلم وجاااااااك الخميس بنروح نخطب البنت ........!!! ( انا اللحين بلشااااان وورطان وانواع الافكار والهواجيس وشلووووووووووووون ابي اعرس على ذي ولاشفتها ولا شيء ويعنني مسوي فيها حبيب ورومنسي ابس بنت عيونها خضر وشعرها اصفر مدري اشقر وطويله وعنقها وش زينه وعيون تقول عيون بقر آسف قصدي عيون غزلالالاني وشلون مدري هم يقلونه وابيها مبرومه عاد ذي اللي ماني عارف وش معناها صدق ويعني مزيونه ومثقفه ومتعلمه وتشتغل خخخخخخخخخ ابيها مدرسه علشان الهف راتبها اخر الشهر حركتااااااات ) المهم ذا كله بيطير اممممممممم والا والله وانا اطالع في الوالده وهي مسويه نفسها بريئه وادري انها هي اللي مشيشيه الوالد علي ......!!! قلت يمممممممممممممه قالت يالبييييييييه ، قلت لبى قلبتس ياميمتي الا شرايتس بكلام الوالد قالت ابد ماعليه غباااااااااار ( عاد مسويه فيها مثقفه بنت الجامعات ذي ) قلت يعني قالت ابد قل تم ورح مع ابوك ولاتطولها وهي قصيره ...!!! قلت احلىىىىىى يممممممممه الا شرايتس نسوي ديتوي مع بعض بس ( على بالي استخف دمي ) قالت عبيد قلت سمي قالت انطم لو سمحت قلت ابشري .؟.؟ وانطميت فعلا مدري وش اسوي ، المهم رحت هذيك الليله لغرفتي ومشغل الموسيقى الهاديه وعلى بالي افكرررررررر بعمق ومن يشوفني أفكر على أغنيه ناري ناري ناري من قمالو أيه هين قمالو والله الذله تطلع شيف وأتدبس بها المهم والله ونمت وأنا أحلم بفتاه احلامي ..........!!!صحيت الصبح وزي العاده بليس راكبٍ على خشمي وماد بوزي شبرين قدام وعفاريت الدنيا تنطط بوجهي واخذت منشفتي ورحت اغسل وجهي ( تلاحظون اني مثقف منشفتي وكنكم شايفيني انشف بثوبي خخخخخخخ ) المهم يوم خلصت من تغسيل كشرتي مادريت الا اللي تقل جني ناطن قدامي فضخ قلبي وارتعت الا من طلع اختي حصيصه السبيكه ( ياربي ياقرد من تبي تلزق بحلقه بالله وش ذنبه ذا اللي راح يتزوجها لانه ماراح يشوفها انا اقول حكم عليه بالاعدام ) قالت مبروووووووووووووووووك بصوت يروع قلت بسم الله الرحمن الرحيييييييم وش بلاتس انتي ومبروك على ايششششش قالت امششششششششش يابووووووو رمششششششش ( متربيه في الشارع ذي شكلها عربجيه من جد ) قلت وشو اللي امشششششششش يابو رمششششششش قالت بعد بعد اسرااااااااار ياعيني ياعيني ....!!!! قلت وشووووو والله مدري وش تحتسين عنه قالت ابد لاتخاف منيب معلمه احد ...؟.؟ والله النشبه ذي يابنت الحلال وش السالفه ؟.؟ قالت سمعت انك بتعرس على بنت خالتك عمت امي ....؟.؟ ومير ابلم قلت افففففففففف امداه ينتشر الخبر قالت سر في بييييييييييير منيب معلمه احد ( وكني شايف ان الخبر راح تسمع به كل السعوديه ) قلت ايييييييييييييه ذا هو الخبر يصير خير انشاء الله ...؟.؟ ( الظاهر هل اليوم موب معدي على خير ................!!!) رحت وداومت وبليس راكب على كشرتي ومبي احد يحاتسيني ويالله وبالله خلص هاك اليوووووووووم وهلما اليييييييييييييين جا اليووووووووم الاغبر الموعود فيه ادخل القفص الابيض ( اقصد الكفن ) جاني ابوووووووي مرتز ببشته هالاسود اللي يشوفه يقول هو العريس موب انا ومتطيب ومتكشخ على سنقت عشره قال قمممممممم قام عصبك ولا نايم بعد الله يعينها عليك اللي تبي تاخذك ( وانا مسوي نفسي ناييييييييم ياويلييييييييي ليتني فارك قبل مايجي بس نصيب ) قال اقوووووووول عبيد بتقوم والا بجيب لك غرشه ماء واكبها عليك والا اقمز تقل جني قلت لاوش دعوه يابو الشباب ( كني اموووووووون بقوه صح هههههههه المهم قال اقمز زي الذيب والا ماغير اقمز هاك القمزه اللي بغيت اتوطى ابووووووووي واصيح هوووووووووو قال ووجعييييييييييه وراك حسبي الله عليك بغيت توطاني ماتشوفني قلت انت تقول اقمز زي الذيب قال اييييييييييه الله يخلف على امٍ جابتك بس يالله اخلص بس والبس ثوبك وبشتك ونبي نروح للربع يحترونا لانصيف عليهم ، قلت يايبه الساعه 7 الصبح اللحين بدري حتى الدواير الحكوميه مافتحت قال اقووووووول رايحين نخبط حنا والا نقدم معروض انطم والبس ويالله احتريك تحت نبي نفطر ونمشي لهم ( وانا ماغير ادربي راسي واقول ابشر يايبه ) طلع من الغرفه وانا من جد مقهووووووووووووور مدري شسوي المهم والله لبست وتكشخت وحطيت الطيب ( كلونيا ماعندي غيرها شاريها بالعيد العام ولاقضت ) ونزلت من غرفتي بعد ماقفلتها فيها بلاووووووووي لو تشوفونها كل شوي اتفرج على افلام عن الطبيعه والمقناااص ( خخخخخخخخ اقنص بالمغرب ، قنص قنص مافيها شيء لاحد يفهم غلط ) ونزلت مادريت الا مامي وبابي منتظريني ودوبني صبحتهم بالخير واكلت لقمتين وتني ماخلصت كاسه الحليب ( على بالي احافظ على رشاقتي ) الا مادريت الا ابوي تالني مع علباتي قم يالله نبي نمشي اخلللص وراك ميت وانا عجزت احتسي صاك القلاب وذا مسكني مع علباتي وماغير عنوننننننني حمرت وشوي وتطلع برى العب بها تيل ومصاقيل ولا بعد غصيت باللقمه المهم والله وقمت ورحت شغلت السياره ( ددسن 2003 وش فيهااااااااااا ) ولا رافع الصوت للأخير وحاط قف وناظر دمعتي كيف ادرجت يعنني عاشق الولد المهم ومادريت الا كف حلاقه يمشي مليووووووون على غاربي ( علباتي يعني ) قال وجع اقصر الصوت فضحتها مع الجيران ولا رايحين نخبط له من زين الطبايع قلت ابشر سم يايبه ، وانا بعد بلشان ببشتي مدري اظل لابسه بالسياره والا انزله بس خايف ابوي يحوس مريري لو نزلته المهم جت منه اشوى قال نزل بشتك يالكمخه لايتصفط قلت ابشر ، ورحنا ودوبني اتدبى بالموتر لانه مطيح مقدر اخاف يحك بالمطاب قال ورى ماتمشي اسرع شوي قلت يايبه الموتر نازل والا ماغير كف حلاقه ثاني قال من الدشاره وانا ابوك والا لييييييييه تنزله هو جاي من شد بلاده وش زينه تبي تصير ازين من اليابان هاااااااه ، قلت لا ابد سلامتك قال اسمع ارفع الموتر والا والله اني لسحب هالموتر منك واخليك تقلب كشرتك بدون موتر وتروح على الطاير الابيض ( اللموزين بس ابوي مثقف متربي برى يحق له ) قلت لالالا ابشر يبه المهم وصلنا ونسيت البشت مادرت الا تالني تله بغيت بيني وبينك اسويها على نفسي قال وين طالعين حنا رايحين الملاهي قم رح البس بشتك فضحتنا حسبي الله عليك قلت ابشر ( تلاحظون ماعندي شخصيه صح ولبست البشت وزبطه هو لي ماقصر ودق الجسر قلت يبه سم دوك الجوال دق عليهم يمكن نايمين اللحين الساعه 7.30 قال انطم انت واسمه دامني احتسي عند الرجال لااشوفك تحسي تفهم انت والا لا قلت ابشر يايبه ، المهم فتحو الباب والا ذاك الشيفه الله لايوريكم والله اني ارتعت قلت ذا اللي بيصير نسيبي الا واقرد حظي وسلمت عليه وهو يتبسم بوجهي ( وحسيت انه عارف الموضوع بس يتغيشم ويناظر بددسني وتقل راسم عليها خخخخخخخ ايه هين كاشفك لو تفحط ماتلسها ) وقلطنا الرجال ماقصر وهو يرحب ويهلي وقلت ببالي ( ياولد اتبع القاعده اللي تقول اذا شفت القرد برى شف الغزال جوى خخخخخخخخخ على بالي اشجع نفسي ) المهم تقهوينا وخلصنا وقمز الشويب يمدحني شوي وكبر راسي قدامهم الين بغيت اخبط على وجهي من كثر ماكبر راسي وهو طبعا جالس يلمح المهم قال بالاخير والله حنا جايينك ونتشرف بنسبكم ونبي بنتكم لولدنا ( وجلس يتفلفس الوالد بحتسي عجزت افهم نصه وانا ماغير اومي براسي ولا ادري وين الله حاطني يعني ثور الله ببرسيمه ) المهم قال والله لازم ناخذ راي البنت وابوي يقول حق وواجب ( ايييييييييه هين حق وواجب وانك تقول مالها راي البنت ولاتشوف العريس ولايشوفها يعني خراط بصل خل عنك بس ) وذاك بعد ابوها مسوي نفسه اول مره يدري عن الموضوع وهو عارف تعرف من الحريم كلش يصير سهل يعني واصلهم الخبر من بدري وتلفون البنت ماصدقت خبر تبي تلزق بلحقي من قدي بشمهندز ئد الدنيا قصدي موظف ولي قدري ، المهم تقدر تقول غاب خمس دقايق وجا ( والله لو انه ايش مايمديه ) قال بالمبارك يابو محمد ( عاد ابوي ماكود على الله وماصدق خبررررر وماغير يبوسني كأنه اول مره يشوفني ويقمز ذاك ابوها اللي بيصير ابو نسب ويحضني ويحببني وريحته تصرع الطير هو وصنته وعرقه تقل ماتروش من سنه وذا كله مهوب لله بس يبي يربطني ولاطاح الفاس بالراس يبي يصكني بشروط تحوسني حووووووس ) المهم قال ابوي وطلبتاكم عاد انا اللحين صابتني ام الركب شكل ذا مهوب جايبها البر يبي يحط شروط تعجيزيه كني باخذ ملكه جمال العالم اللحين ، قال ابي ميه الف مهر لها ونبيكم تسون العرس بأكبر صاله افراح وخمس طعشر الف لمها وعشرين الف لي وخمسه الالاف لخوها دحيم وتجيبون نديبه الطقاقه ، الا ومير اقمز تقل ذيب قلت وييييييييييييييييين يابو الشباب ( على بالي جالس مع الشله ) وش ذا اللحين انا باخذ بنت والا بشتريها يابوي حلمك علي شوي شوي وش ذي الشروط التعجيزيه يبوي ابي اعرس انا عاد والله لو اني ماخذ باسكال مشعلاني ( فاك معها ذي ) قال وشوووووووووو انت ياولد ( افااااااااا طلعت ولد ) والله الاحترام لبوك والا عرفت وش اردك عليك فيييييييييه ، قلت يايبه وش ذا يرضيك بالله مهيب شروط ذي الا تعقيد قال اجل ماقلت لك انطم قبل لاندخل ( طاح وجهي خخخخ ) وانطميت فعلا ( اثري الشايب مهوب بسييييييييييط خخخخخخخخ ذهين ) عاد ابوي قال خلاص اطلع ورح احترني بالموتر وفعلا طلعت وجلست احتريهم وهو يسولف معهم المهم رزعني تقريبا ساعه ونص وانا برى انا وبشتي من زينه ولا شبوب برى تقل فرن ولا مافيها مكيف سيارتي يعني دش عرق على كيف كيفك وراح البشت والثوب ، جاني ابوي وهو يجر الابتسامات اللي تشقشق وجهه ، وركب وقل سق ودنا للبيت قلت هاه بشر ( بيني وبينكم ودي تخرب هالخطبه خخخخخخخخخ وانا اقول يارب تخرب يارب تخرب ) قال لاوصلنا البيت اعلمك ( فرحت انا قلت بس خربت خخخخخخخخخ ) وصلنا البيت فعلا ودخل الوالد اولا احترام يعني وهمن دخلت عقبه وجينا وماغير تستقبلنا الوالده وتقول هاه بشرو قال ابشرتس يم محمد وافقو ( طبعا انا ماينوصف شكلي يعني متحطم مليوووووووون ) المهم مادريت الوالده الا تحببني وريحتها كلها بصل من الفرحه عاد كملت عرق وقرف وبصل حلها ، قلت الله يبارك فيتس يايمه وأستأذنت منهم وطلعت لغرفتي ابي اخذ دش باااااااارد ...!!! والله اخذت دش وطلعت لهم نبي نتغدى وحطت الغدى الوالده لنا كلنا المهم قال الوالد اسمع العرس دام حنا في العطله اللحين عقب اسبوعييييييييين ، قلت وييييييييييين يبه مازينت شيء ولا شيء ( على بالي بفصل ثيابي بفرنسا ) قال انطم وجاك العلم المهم والله ويالله افصل هدومي في هالاسبوعين واشتري لي كنادر ( ماعندي كلهن صغار وابو ديك بعد ) واشتري لي ملابس داخليه وكبكات ومن هالخرابيط المهم والله جا العرس وهو من بكره وعينك ماتشوف الا النوووووووووور والله مانمت هاك الليله ( ليه يعني احد عنده جواب ....؟.؟) والله وجاك العرس ياتارك الزواج المهم انا جالس بالقصر عقب ماجابوني من خمس ساعات وهم مدري وش يسون بوجهي هالشباب عند حلاق هوليووود يعنني رهيب وسعره ارهب راتب موظف موب سعر المهم انرزينا في هالقصر وانا ماغير اتنافض وام الركب جايتني ويالله اقول لاجاني احد اسلم وانهرت يديني من السلام وانواع الروايح لزقت فيني من السلام وابووووي ماغير يسجل بهالاسامي وياخذ هالضروف ( طبعا انا ماني عارف وش يسوي لكن بعدين عرفت انه ياخذ عواني من المعازيم عاده يعني علشان اللي يعطيك عنيه اي كان المبلغ تردها له بعرسه والا بعرس ولده حركتات يعني ) وتعشينا وجلست على ذيك الصينيه والله اني بموت من الجووووع بس عجزت اكل تقل خايف من شيء بس وشو مدري المهم تعشينا شوي ومادريت الا ابوي واخواني لاقطيني يقلوووون نبي نزفك والا اقول بدري خلونا نريح شوي ( بينبي وبينكم ابي اصك الزقاااااااره ابي امخمخ ) قالو ابد معصي يالله بس وانا ابد ادربي راسي معهم وراحو معي تقل رايحين حرب وراي هالشله والشبيبه وراي يبون يدخلون عند الحريم خخخخخخخخ مهوب لله يبون يقزون عندهم حق والله ، والله ودخلنا وجلست شوي على الكوشه اللي مزينينها هذا اللي عرفتها طبعا بعدين المهم ودي اشوفها ماعطتني وجه لابسه هالشرعه حشى مهيب شرعه خشيه ذي بس لونها ابيض المهم جلسن هالطقاقات يدقن ومدري وش يقلون اصلا لاني منيب معهن المهم مادريت الا الوالده جايتني وتقول لي ماودكم تروحون للبيت قلت الا والله نبي نروح ( خبيث خخخخخخخخ ايه ابي اروح زوجتي وحلالي ) والله وطلعنا مادرينا الا ذيك السياره وشي مدري المهم كشخه وركبنا فيها وطلعنا للبيت طبعا مهناش احد بالبيت الا انا وهي خخخخخخخخخخ ودخلنا وانا ماغير ارحب واهلي وياهلا ويامسهلى وهي منطمه احسبها خرسها اول مادريت الا تقول ياهلابك ومير اخققققققققق قلت وش ذا صوت حنان اول مره اسمع زيه ( اخر مره سمعت صوت حلو يوم تفلت بوجهي وحده جالس اغازلها على التلفون ولاعطتني وجه بعد ) وجلست معها وانا بلشان مدري شقول لها المهم قلت ماودتس تغيرين ثيابتس يمكن مضايقتس الفستان ماتكلمت مغير تهز رويسها يعني ايييييييه قلت طيب( يعنني محترم انيهاهاهااااااااااااااااااااااااااااااي هين هين نشوف بعد شوي بس اللحين غيري)والله يمكن صكت ساعه وهي تغير حشى موب تغير ذي الظاهر تفصل ثوب ، رحت انا ونزلت ثوبي وبشتي وغترتي ولبست ثوب النوم لاني اخذته معي يوم طلعت ودقيت الباب وفتحت لي وبرضو وهي منزله راسها ، اللحين ابي اشوفها وورطان مدري وشلووووون المهم جلست افكر وافكر وافكر والا مادرت الا اقول لها صرصوووووووووور صرصووووووووووور واله البنيه ياهي ارتاعت من قلب من الذله قمزت بحضني خخخخخخخخخخخخخخخخخخ : جيتي وجابتس الله ، والله لايوريكم وش شفت ابد قرده على صوره انسانه والا ماغير احلتها(يعني ارميها اطشها) من حضني وهي تقول حسبي الله عليك روعتني انا طبعا عاد هاللحين منسده نفسي من جد ولا ودي اناظر بوجهها وهي تقول ليه روعتني وهي تميلح وتسوي دلعها عاد انا اللحين اللي ماراح اعطيها وجه خخخخخخخخخ شيفه الشكوى لله ، ( رحت وطلعت بالصاله واطلع البكت واولع هاك الزقاره على بالي افكر قلت ياولد اللحين انت اعرست والا لا وتورطت والا لا الا بلى المهم جاني بليس ولعب بعقلي خخخخخخخخخخخ الشرع حلل هالشيء والا ليه معرسيييييييين ) جيتها وكان الشر يتطاير من عنوني خخخخخخخخخخ رامبو يبي ينتقم بس انتقام بشكل خاص ، جيتها وهي تقل عارفه وش ناوي اسوي مير تصرف ماتدري وش تسوي ( بيني وبينكم الله يعينها معها حق وش تبي تسوي ذاله )جلست اتمحلس عندها ومدري وشو واتميلح وانكت ( نكت قديمه بس وش اسوي اللي عندي ) وهي تضحك طبعا مجامله تبي فرقاي خخخخخخخخخخخخخخخخخخ وطاح الفاس بالرااااااااس ) وصحينا الصبح وانا والله قرفان من عمري بس وش اسوي حكمه الله وجاني ابوي وامي جايبين فطور وابوي مقابلني وش سويت غديت بيضت وجيهنا ومن هالخراط ( وانا من القهر ودي اقوم واسوي شيء ماينتسوى بس ابوي وش اسوي حسبي الله ورطني هالورطه ) ابد اقنعته ان كل شيء تمام وجو اهلها بعد واخذتها امها وزي هالحتسي ومن هالخراط ومضت كم يوم وابد كني منيب معرس منصدم يعني .....................؟.؟
اقول التتمه في الحلقه الجايه تعبت .......... خخخخخخخخخخخخخخخخخخ
*a
العرض العادي
