قصيــده حزينــه ومبكيــــه اعجبتنــــي

[! المستشار !]

قصيــده حزينــه ومبكيــــه اعجبتنــــي واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من أخوه هذا انه يخليها تنساه اقرأ القصيده والله تستاهل .... وراح تعرف معنى الحب الصادق وصاتي لك من بعدي ........ تموت فيها علشاني ابيها تعيش و تحيا بك ........ واظل بالذاكره مفقود وصاتي لك تنسيها .......... ملامح وجهي و تنساني وتعزفها قصيدة حب .......... على عكس اللي عزفته بعود وصاتي لك تبعدها ........ عن اشعاري وقيفاني تراها مغرمة بالحيل ........ ويشهد لي عدد الردود وصاتي لك تسايرها ........ ترى فيها من احزاني طلبتك لايضيق بالك ........ طلبتك والطلب مردود وصاتي لك تناديها ........ حياتي..عمري..ازماني أنا عودتها دااايم .........أدلعها وانا موجود وصاتي لك تعاملها ........ بطيبه قلب و احساني تراها تذرف الدمعه ........ ودمعتها بليّا حدود وصاتي لك تحفّظها ........ سور وآيات قرآني وتخبرها عن الميت ........ رحل لايمكنه بيعود وصاتي لك ترسمها ........ على قبري وأكفاني أبيها لوحةٍ تبقى ........ على طول الزمن محدود وصاتي لك تمازحها ........ وتشوف الضحكة بأسناني سعيتك ياضحك هالكون ........ طلبتك لاتصير جلمود وصاتي لك تقهويها ........ من دلالي و فنجالي تراها تعشق السمرا ........ ويكفيها دخون العود وصاتي لك تركّبها ........ على خيلي و على حصاني وربي فارسة من قلب ........ شهادة ماهي لشهود وصاتي لك تسفّرها ........ بلاد الشام و لبناني ترى يحلالها تقطف ورده ........ وردة من بلد الورود وصاتي لك تراقصها ........ علىألحان رحباني ترى فيها عرق خالة ........ وفيها من جنون السود وصاتي لك تحببها ........ فأبونورة بعد هاني وتنسيها ندم غلطة ........ أنا فيها ترى المقصود وصاتي لك تكرهها ........ في تاريخي و عنواني أبيها تلعن اللحظة ........ وتلعن كل فرح موعود وصاتي لك تكلمها ........ عن المجني وعن الجاني وتخلّيني أنا الظالم ........ وأنا من حرق الاخدود وصاتي لك تشبّهني ........ بدمٍ أحمــــــــرٍ قاني وانا هالقاتل السفاح ........ مجرم من عصر نمرود وصاتي لك تحلّفها ........ تتوب تحبني ثاني ترى يكفيها ماعانت ........ ويكفي حيلها مهدود وصاتي لك تنسيها ........ وصية قالها لساني أنا اخبرك رجل موقف ........ وانت قدها وقدود صديقي مالقيت غيرك ........ يعرف وشلون تنساني أمانه ضمها بقلبك ........ ترى خالد....رحل مايعود

[ملاااااك]

بالفعل هي اكثرمن راااااائعه يعطيك العافيه وصح لسانك ولسان قايلها

اختكم ملاااااك

[عبدالله الرقاص]

المستشار

شكرا لك

على هذا الاختيار

قصيده رائعه من احساس ولا اروع

تقبل تحياتي

[عذوب]

يالله...........

جدا حزينه
وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليّا حدود

وصاتي لك تحفّظها ........ سور وآيات قرآني

وتخبرها عن الميت ........ رحل لايمكنه بيعود

[! المستشار !]

هلا اختي ملاك
صح بدنك
ولاهنتي يالغاليه
على الرد الجميل
واتمنى انها حازت على قلبك
تحياتي لـــك ..

[! المستشار !]

هلا والله وغلا
اخووي عبدالله
الله لا يهينك
والله هذا الي تعودته منك
الرد الأجمل من الرائع
كفييت ووفيت
تحياتي ..

[! المستشار !]

هلا اختي عذوب
الله لا يهينك
مشكوره على الرد الجميله
تحياتي لــك ..

[كادي الكويت]

اقتباس وصاتي لك تناديها ........ حياتي..عمري..ازماني أنا عودتها دااايم .........أدلعها وانا موجود

اقتباس وصاتي لك تحلّفها ........ تتوب تحبني ثاني ترى يكفيها ماعانت ........ ويكفي حيلها مهدود وصاتي لك تنسيها ........ وصية قالها لساني أنا اخبرك رجل موقف ........ وانت قدها وقدود صديقي مالقيت غيرك ........ يعرف وشلون تنساني أمانه ضمها بقلبك ........ ترى خالد....رحل مايعود

هالقصيدة سبق و قريته و احتفظ بنسخة منها لأنها عاجبتني حييييييييييل

و بكل مرة اقراها تبجيني

فعلاً رائعة بجميع المقاييس بس وين موجود مثل ( خالد ) بهالزمن ؟؟

كل الشكر لك أخي على القصيدة المؤثرة

[*نوارة*]

احسااس صادق وصديق وفي بصراحة تبكي الواحد غصب

سلمت يداك اخوي المستشار

تحياتي لك وللجميع

[عذب الوصــايف]

اخووووي الغالي


المستشاار


تسلم على الاختياار الراائع


تقبل خالص التحيه
اخووك
عذب الوصاايف