تدري وش اللي يجرح القلب جرحين ..................ويمد حبـل الحـزن فيـك ويشـده انك تناظر طفل مـن غيـر ابويـن .................يمشي ودمعـة سايـل فـوق خـده منظر صعيب ويقسم القلـب قسميـن ................لا قـام يمسـح دمعـة بكـف يـده يمشي ولا يدري طريقة علـى ويـن ...............لين التعب من كثـر مـا تـاه هـده اثقل حـروف يشيلهـا فيـة حرفيـن ...............لا أب يـدريـبـه ولا أم تـــرده في خطوته رحلـة ودمعـة وسكيـن ................وحـظ توسـد بالمراسـي مـخـده جيت اسألـة بالله قللـي ولـد ميـن ...............وبغي يجاوب واختنـق صـوت رده أنـا يتيـم ومـا لدربـي عنـاويـن ...............وجزر الحزن فينـي يسـاوي لمـده وطعم الطفولة ما عرفته لهـا لحيـن .............وثوب السعادة صـرت مانيـب قـده ابكي إلى من شفت غيـري سعيديـن ................ليـن البكـا فينـي يوصـل لحـده واقفي ورحت امسح دموعي من العين ...............وعيني تناظـر دمعتـه فـوق خـده وهذا اللي يجـرح القلـب جرحيـن ..............ويمد حبل الحـزن غصـب ويشـده قصيدة قديمة ومحتفظ بها لكن حبيت اليوم انزلها بهالمنتدى الرائع والاعضاء الاروع
صح السانك ولاهنت وسلمت ودمت ,,,,,,,,,, اخي / وحيد الحفر قصيده جزله , من جزالة شاعرها تقبل مروري المتواضع ودمت بحفظ الله
طع شوري ......... مرورك عطر صحفتي اللة لايهينك وافية من راسن وافئ اللة يعطيك العافية تحياتي لك
ابكيــت قلبي ..وادمعت عينــي..ليتني ماقريت قصيدتك... صــــح لســـانك دمــــت بحفظ الله
مدى سلامتك يالغلا هئ فعلا مؤثرة بسبب موقف رايتةامامي
أنـا يتيـم ومـا لدربـي عنـاويـن ...............وجزر الحزن فينـي يسـاوي لمـده وطعم الطفولة ما عرفته لهـا لحيـن .............وثوب السعادة صـرت مانيـب قـده ابكي إلى من شفت غيـري سعيديـن ................ليـن البكـا فينـي يوصـل لحـده الله يعوض آلآيتام ويصبرهـم واجمعهم بوالديهم في جنـآت النعيم اشكرك اخي وحيد على انقل الرائع
كيان تحياتي لك وشكرا على مرورك ولاكن هذي من صميم شعري وليست منقولة من احد تمنياتي لك بالتوفيق
صح لساانك وفاالك البيرق>>>بالله>>>
كبتشينوا صح بدنك وشكرا لمرورك اما البيرق ابي اتنازل عنة لك؟
كل الشكر والتقدير لك ..وحيد الحفر ..قصيده رائعه ومتميزه لاتحرمنا من جديدك..تقبل مروري المتواضع
العرض العادي
