غـــريبه غيبتك هــذي غـريبه =عــلى غــــير الطبيعه يالحبيبه
تركـت القلب من فــرقاك هـايم =بعيده وانت بالخــافق قـــريبه
تركـــتيني من اســـبابك اعـاني = وصارت حالتي حـــاله صعيبه
وليلي صــار مـن غيرك نهاري =وساعات الزمن بعدك عصيبه
اعــد الوقت ساعه بعد ســـاعه = ودمــع العين زوّد مـن سـكيبه
وأســـال الطير في روحه وجيّه =عســى فـي طـرقته علم يجيبه
واساله لو على الأغصان غنى =وأقاسي لوعة الفرقى الرهيبه
وأراعي النجم لين الصبح يسفر =ونوم العين حاشا ماأهتني به
وحــالي صــار مثل العود مبري =عـجيبه دنية العاشـتق عـجيبه
عســــى شملي مع الغالين يلتم =ويرجـع كــل غـايب مـن مغيبه
وقـــولـي مـثلمـا قـلـته بـالأول =غــريبه غـيبتك هــذي غــريبه
العرض الشجري
