((شــــــعراء الود في مسـاجله شـعريه جديده))؟

[مشعل]

مرحبا يامكرم الضيف يانسل الفهود\\ تكرمون الضيف ياذيب فى بيض الليالى
خلها بينى وبينك مثل قدح الزنود\\ ونصرفت جنيهك انا ترى بصرف ريالى
شد حيلك ولله يكفينا شرك

[مشعل]

اخوانى الشعراء عن اذنكم ابغير
سلام منى عد همال المطر \
رديتن تمشى على حسب السلوم
والطايره حلق بها طيارها وللى عقد روس الحبال يحلها
عن غيبت الشعار ماجانى خبر
ا للى اليا حضرو يسدون اللزوم
اصحبنا للى طيبه بذكارها وللى عقد روس الحبال يحلها
بدون قاصر فى اخوانى الشعراء انفاس رجل والشاعر بنى كبير

[أنفاس رجل]

يا مرحبا حيت يا وجه الظفر
من خافق للطيبه دايم يشوم
الطايره طارت واعرف اخبارها واللي عقد روس الحبال يحليها
انا معك واقف عن اللي ما حضر
من غايب يا الطيب يجي منه علوم
والناس يا مشعل تحفظ اسرارها واللي عقد روس الحبال يحلها


رد على اخي مشعل


انفاس رجل

[دنيتي]

ياهلا ويا مرحبا ياراعي الخبر
********************اشوفك تركض بعلم شئوم
عطنا عليمك قبل ماناقع في مطار الخبر
********************ولاابتعد عني مابي اخبار شئوم

عطونا خبركم

[شرقاوية]

جميلة هذه المساجلة الشعرية

الله يعطيكم العافية

من فينا من الهوى ما يعاني

.........كلن من سهم الحب مجروح


وهذي قسمتي وربي عطاني

.........حبيب في الهوى يعذب الروحوسلامتكم

وتحياتي للجميع

من العضوة الجديدة

شرقاوية

[مشعل]

لله يعين العاشق للى ينتظر
رجعت حبيبه كل لليل وكل يوم
اخر عهد قريت بعض اشعارها وللى عقد روس الحبال يحلها
مشعل من الفرقى تر ى حاله خطر
الناس ترقد والمعنا ماينوم
يكفيك عن طول العلوم اقصارها وللى عقد روس الحبال يحلها
هلابك اختى الشرقاويه والمحبه موت حمر
ولله يردك ياغايب لله يردك اخوى الشاعر انفاس رجل اعذرنى يوم مارديت عليك وبشر برد ولك تحياتى اخوك مشعل

[أنفاس رجل]

.
مشعل شكى فرقا حبيبه يا بشر......... واللي يلومه جعل تقتله السموم
من فاق المحبوب ذاق امراها.......... واللي عقد روس الحبال يحلها



.
والدمع من عينه على خده حدر........ والوقت قاسي واليالي ما تروم
اصبر عسى ربك يحل اعسارها........ واللي عقد روس الحبال يحلها

عادي اخوي بعد انا اتاخر بالرد لاني ما افتح المنتدى الا بعد ما ارجع من الدوام


بالمناسبه احب ارحب بالاخت شرقاويه واقول لها نورتي المنتدى بوجود

[مشعل]

من جرب الفرقا ولوعات القهر === يعذرنى ويعذرك يا نسل القروم
كم عاشق عينه تهل اعبراها وللى عقد روس الحبال يحلها
ياصحابى جهز وحضر للسفر === نبا نزور الصين مانبغى الجموم
تر ى الهنود الحمر شبت نارها وللى عقد روس الحبال يحلها
يعطيك العافيه اخوى انفاس رجل

[أنفاس رجل]

برلين فيها مصدر الموت الحمر........ وسويسرا فيها مواطن للنجوم
واعلى قمم بالكون هزاشجارها........ واللي عقد روس الحبال يحلها

والاهرام معروفه بها دولة مصر....... واسبانيا فيها قديمات الوسوم
ما نشكي الرحله وطول اسفارها........ واللي عقد روس الحبال يحليها





اخواني الزوار اتمنى تسجيل الملاحظات مهما كانت بسيطه واخص بالذكر الاخوه والاخوات المشرفين
مع تمنياتي لكم بالتوفيق



انفاس رجل

[alhanoof]

تحياتي لشعراء الود

تحياتي اخوي انفاس رجل ولي عوده يعطيك العافيه ليس هناك ملاحظات لك الشكر..

وتحياتي اخوي مشعل

لابد يامشعل في ها الدنيا صبر *********** ولابد من يوم تجي فيه العلوم

وفي ظلام الليل تلوح اقمارها *********** واللي عقد رؤس الحبال يحلها

والصين لاتسافر لها ابعد خطر ********** في جوها اليوم ياكثر الغيوم

لاتنخدع الشوك غطى ازهارها ********* واللي عقد رؤس الحبال يحلها