هنيكم ياللي بـ ذا العيد فرحين= وهنيكم يـا لابسين الجديدي
وهنيكم ياللي من الحب سالين= مـا مركم؟ حكم الغرام الشديدي
كلن فرح بالعيد حتى المساكين= وانا تكسر عبرتي في وريدي
من عيدو ماشفت انا (كامل الزين)= انشهد ان (العيد ماهو سعيدي)
يالله ياقابل سؤال المصلين= تفطن لحال النقص مما يزيدي
تدري متى اذكرك واهيم بإحساسك=رغم ازدحام الأماكن في ضجيج الملا
لا فاح عطري اشم وربي أنفاسك=واقول لبيه لحضورك فديتك هلا
ضميت لسلسبيل العذب من كاسك=وأشتقت للهمس يامسك الشعر والغلا
لــ // سمووو
رد على سمو
يانبع كل العطور فديت انا راسك= في جيتك ياحياتي كل همي انجلا
هنيت من عايدك اهلك ومع ناسك= ياحظ عين ٍ تشوفه فيك كل الحلا
سمو كن الشعر عطرك مع ألباسك= وفيك اتباهى فساتينك ياريم الفلا
العرض العادي
