مسموح .. كل إنسان (( يقرا المعاني )).’’
لكن ..!’ شعور القلب يا ناس " محفوظ "../!
ما قلت : من (( حظَّه )) .. لأنه لقاني ..’’
أقول .." أنا " .. من يوم ألاقيه " محظوظ "../!
اي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
ما يملي عيون الحسود غير التراب
ومن لا يتوب من الخطا تحرم عليه المعذره
اللي من أولها خراب أكيد تاليها خراب
والبندق اللي ما تثور في هدفها تذعره
ودك اليامن جاتك الغلطه من الناس القراب
الصاحب اللي ما كسبت محبته ما تخسره
مشكلتي اني ما عرفت احسب لصدتهم حساب
قلطتهم صدري على ذكري قصيد وحنجره
صوت يصول بمنبره وخطاب ما بعده خطاب
والطيبه اللي زعزعت صوت الخطيب ومنبره
ما فيه دمع صوبوه احبابي بوجهي وخاب
ولا زرق حزني على غالي ولا فج نحره
كل الزهاب اللي معي ذكرى من اصحاب الزهاب
واللي بقالي من عذاب اشرس طريقي واخطره
لأني تجنبت الغرق عديت من فوق السحاب
لأن اكثر اصحابي ورق ما شفت للطيب ثمره
والله ما حطيت بين الحقد والخوه حجاب
حتى غدو ربعي يحدوني على الضيق اشكره
البارحه ثارت علي رقاب واوتني رقاب
البارحه يا ثقل دم البارحه ويا ما احقره
اهب يا وجه الحسد وشلون جمعهم وغاب
كيف السنين اللي بعثرتنيي بعثرتهم بعثره
اثر المصايب ما تجيك الا من الناس القراب
وبهالزمن حتى الخوي اللي تثق فيه احذره
لا بارك الله في صاحب تزعله كلمة عتاب
ولا جمع الله رجال اللي تفرقهم مره
عودت نفسي كل ما شددت لليمه ركاب
ما اصد وجهي عن طريق الا ليا جبت خبره
الصاحب اللي ما يجي من صحبه غير العذاب
نذر علي ان ما هجرني ولا انا اللي بهجره
من يفتح لفرقاي باب افك له عشرين باب
واذا خويي ما يقدر خوتي ما اقدره
ان روحوا فانا بري منهم الى يوم الحساب
وان جرحوا قولولهم ما حركوا في شعره
شفهم لهم حول السنه ولا خذوا مني جواب
احسن دوا للي يحاول يستفزك تحقره
انا جمعت اوراقهم بكتاب واغلقت الكتاب
يا وقت لم اللي تلمه وانثر اللي تنثره
ما كنت احاتيهم صغير عاد احاتيهم شباب
ان ما ذخرني صاحبي لليوم الأسود ما اذخره
عقب اكتئاب البارحه ما عاد انا حمل اكتئاب
الطيب جرجرني وانا ماني بناقص جرجره
اللي يخاف من الظما يترك لنا طرد السراب
واللي ما هو بقد الظلام ووحشته لا يسهره
انا تجرعت الظما لين احترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالم ما تستحث المغفره
انا اكثر انسان تعلم من كثر ما اخطا واصاب
انا اخر انسان يتكلم في زمان الثرثره
انا القصيد اللي نزع من دفتره مليون ناب
وانا الوحيد الي جمع مليون ناب بدفتره
جفني وجرحه السهر حيلي وهدته الصعاب
دمعي هدر ضحكي ندر عمري وضيعت اكثره
شيبت بعقول العرب هيبت رؤوس ما تهاب
جمهرت ناس عمرهم ما يعرفون الجمهره
ما صرت ذيب الا لان اللي حواليني ذياب
ما كنت اغيب الا لان العفو عند المقدره
ترى حلاتك لا حملت لصاحبك كلمة عتاب
ان ما نطقت بها بوجهه ما تذمه بظهره
في هالزمن ما يملي عيون الحسود الا التراب
ولا الحظيظ الطلقه اللي ما تصيبه تذعره
ودك ليامن جاتك الغلطه من الناس القراب
الصاحب اللي ما كسبت محبته ما تخسره
علاج الذنوب وأحلى علاج
يزكي النفس ويطهرها هذي وصفه
أهدتني أياها انسانه غاليه علي
وقالت اذا خلصتي منها أهديها
للي تغلينهم ووصيهم يهدونها اهم بعد
وتخيلو مدى الأجر الي بنكسبه من ورا هالوصفه
لمن فتحت الكرتون كان بوسطه ورقه
وهي عباره عن روشيتة العلاج
كأي دوا يصرفه لنا الدكتور
ولكن هالدوا من عند الله
شوفو شكل الوصفه
بكتب لكم جزئيه بسيطه من الي ذكر فيها
فهي ماتاخذ من وقتنا دقيقه ان كنت من ذوي القرآءه السريعه
ويمكن دقيقتين اذا كنت تطول
جاء جزء فيها يقول
لكل من يعاني من داء الذنوب
لكل من أغرقته المعاصي والأثام
لكل من أجهدته المصائب والنكبات
لكل من أثقلته الهموم والغموم
لكل من ضاقت عليه الأرض بما رحبت
ولكل من ضاقت عليه نفسه بما حملت
لكل باحث عن السعاده الحقيقه فلم يجدها
لكل من ضيق في رزقه لكل من تمنى الولد ولم يرزق به
لكل من اتعبه المرض سنيناً وأعواما أليك الحل
أليك دواء كل ذلك
انه علاج الذنوب
الأستغفااااااااار
((فقلت أستغفرو ربكم انه كان غفارا..يرسل السماء عليكم مدرارا.. ويمددكم بأموال وبنين
ويجعل لكم جنات ويجعل لكم انهارا)) سورة نوح أيه 10و11و12
وقال صلى الله عليه وسلم ( من أكثر الأستغفار جعل الله له من كل هم فرجاً ومن كل ضيق مخرجا
ورزقه الله من حيث لايحتسب) رواه الأمام احمد وأسناده صحيح
هذه الوصفه الأولى بقي تسع وصفات
البقيه في مملكتي ستكون
أسأل الله ان يكون ثوابها وأجرها لوالدي العزيزان
وان ينعم على والدتي بالصحه والشفاء العاجل فقد أشتقنا لروحها
بصحه وسلام
صباح الخير والبال الطويل الهادي الرايق
صباح الشارع اللي تزهر وروده على شانك
من لسانك صباح النور تشرح خاطر الضايق
وش أحلى من صباح النور لاصارت من لسانك.!
العرض العادي
