..₪.. سجـّــل دخولك للمنتــدى ببيــت من الشعر..₪.. 4‏

[عيون الحلى]

غيّرت دنياي صرت أوله وصرت أسهر
... ... ... ... ... ... صرت أنتظر شوفتك وأكلمك وأشكي

علّمتني كل حاجة بـس ابـي أكثـر
... ... ... ... ... ... علّمني شلون لافارقتنـي ماابكـي ..!

[رمآدالشوق]

.
هوا واشواق تطلع بي سماها ثم تنزل بي
.............ولاشالت ذلول الله مثل ماشالت من وقتي
,,

[عيون الحلى]

,,,
اسوق رجلي لك غلا وانت غالـي
..... ..... ..... ..... والناس كـلٍ مـع حبيبـه وخلـه

واجيك ياروح المساء وراس مالي
..... ..... ..... ..... وانثر وسط آذنيك شعري واهلـه
,,,

[عذوب]

تعبت أسأل من المخطي .. تعبت اردّد المـوّال
ما دامك ما سـقيت الزرع .. ما لك حق في قطفـه

[عشق نجد]

محتاج اقول وحاجتي تكبر والايام تـعَدِي
،،،،، ابي اعرف اللي الي وابي اعرف اللي علي
:
كم لي وانا افني في رضا الغالين حيلي وجهدي
،،،،، ولاشفت حول احساسهم رغم الضما والقيض في
:
وصديت عنهم والندم لازال ينهش في جسدي
،،،،، والدمع يلقي راحته لاطاح في راحة يدي

[خَ~ــاآلِــدْ]

مـاكـان لازم يــوم ماحبونـي احـب
مفروض ماطاوعت قلبي و الحنين

وشفيها يعني لو اعيش وما احـب
ياكثـر نـاس(ن) ماتحـب وعايشين

[عشق نجد]

يالعقاب اللي على المشراف وسع لي ... ترانـي
ضايق (ن) من عام الاول وادهله قبلك ...وادله
يوم ربي قد كساك بريش وش لك في ... مكانـي
ماتخاف مـن العقوبـه يـوم تاتيـه ... وتحلـه
دام لك جنحـان وش تبغـي بمشـراف البيانـي
خل مشراف الفقير اللي بـلا جنحـان ... خلـه

[خَ~ــاآلِــدْ]

ما سمعت الغراب اللي نعق
وين مثلي .. على مثله يفيق

منزلي في الطويل الي شهق
ومنزله قاعة الوادي السحيق

قالو الحاقد بدمك شرق
قلت ما أظنه لمدحي يطيق

كنه الشوك في ثوبي علق
يوذي الشوك ولا يقطع طريق

كثر ما الريح تعبث بالورق
وتوقد أغصانه الصفراء حريق

وكثر ما شوه العج الشفق
وقص من جيده عقود العقيق

[عذوب]

أبي شخص يجي يمي و يقفل للعنا بيبان
أبيه يكون لي خل وعلى حزني يواسيني

أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني

أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني

أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني

أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني

[عشق نجد]

رغم امتداد التعب عيَّا يموت الطموح
وبابٍ وراه اعتزازي طارقه / طارقه