فرقاك عيد

[نايف الشريف]

دار الزمان ودار الوقت
وإنعادت الحال منرده

اكيد انا لليالي إشتقت
ماشفت انا الخل من مده

[نايف الشريف]

كتبت انا الشِعر قاف وقاف
نظم ونثر واكتب الكسره

كله لجل كامل الاوصاف
ابكي عليه وابدي الحسره

[نايف الشريف]

ياوردنا - يازهور - الشوق
ياريح - ريحان - مع كادي

ياطعم شهد ولذيذ الذوق
ارجوك لايطوّل إبعادي

[نايف الشريف]

احنا كما الماء والسكر
إنذوب في نظرة الحلوين

اي صاحب العين ذي يُشكر
هو جايب الزين ذا من وين

[نايف الشريف]

223377


احيان للحق المعلا براهين
واحيان نسكت لجل نبقى رفاقه

محنا من اللي سدد الدين بالدين
ولا احنا من اللي قطعوا فالعلاقة

ياصاحبي لا تقابل الناس بالشين
خل الحكي لاقيل ذوق ولباقه

مادام عن تالي الوقت مقفين
لا تلاحق اللي (ظاهرٍ في نفاقه)

خلك من اللي عادلٍ فالموازين
راعي الوفا لاجاك طوّل عناقه

ووفي مع اللي لادنوا منك وافين
وابعد عن اللي فيه لؤم وحماقه

كم واحدٍ لحّن لك القول تلحين
وليا نصيته اثنا عن الدرب ساقه

ايام تصفالك مع اخوان صافين
وايام تقطعك عن قوم ورفاقه

هذي حياة الناس عسرٍ مع لين
وهذا الزمان احوال يصعب سباقه

[نايف الشريف]

راحت حياة الناس في جمع اموال
وطبوع بعض البشر فيها طماعه

واشوف ذا الوقت عاسر بالاحوال
حتى مشاعرنا يجي فيها مجاعه

يافهد يابوك ياثقل الاحمال
مال الرَجل يابوك كود ارتفاعه

يرقى على عالي مراقيب وجبال
ومن العقل له شور دون اندفاعه

كم فالحياه تشوف يابوك جهّال
تقصر مواقفها عن اطوال باعه

ما للفتى غير الشرف والعز مثقال
سبعٍ يغير مع الفلا من سباعه

ما يُورَث العز من ورث الاخوال
كود العمام وربعنا والجماعه

[نايف الشريف]

قبل العصر بكتب الحاني
وأشيدلي قاف من بيتين

خلّي من العام ماجاني
وانا مدري وينه إلين الحين

[نايف الشريف]

اقتباس المشاركة الأصلية كتبت بواسطة نايف الشريف قبل العصر بكتب الحاني وأشيدلي قاف من بيتين خلّي من العام ماجاني وانا مدري وينه إلين الحين

بعد العصر جوني الخطّار
خلّي وناسٍ بها نمّه

كل يوم ذا حالي والافكار
تدنيلي الورد واشمّه

ياليت جاني بلا زوّار
يلعن ابو جده وعمّه

وياليتني في محل الجار
من شان لاشفته أخمّه

حاولت انا اكتم الاسرار
مير العنا قلبي وهمّه

هذي حياتي مع الازهار
تنثرني له حَب وتلمّه

[نايف الشريف]

الساعه خمس ومعاها خمس
توقيتي الان في مكه

جيت انا عانيٍ من امس
جيت اذ الباب منصكه

قلت برجع وعيّا الجمس
حلف قال ما ابرح الدكه

طفى وامتنع عن مسير ولمس
قال والله ما امسك السكه

[نايف الشريف]

ياصاحبي بكتب العنوان
وارسل مع( الود ) لك صوره

وإن كان تعرف جبل نَعمان
اي - فالهدى الارض ممطوره

وبين الشجر فايح الريحان
والزَهَر رص في سوره

حلٍ سكناه في بستان
يوم اقطف الورد بجذوره