أنا يابحر ماجيتك فاضي ولــ مشاهدك شفقان
أنا جيتك أبي أنسى اليأس وهمـــــوم تباريني
على شانك أنا جالس أسامر موجك الغضبـان
وأسولفله عن أوجاعى وعناي وغربة سنيني
علامك يابحر غاضب علامك تصرخ بـــكتمان
أنا جيتك أبي أشكيلك وأبي منــــــــك تواسيني
أنا جيتك أبي أوصفــ لك عذاب أتعب الوجدان
عذاب رافــــــق سنيني وعيــــــــا لا يخليني
أنا مثلك بحر لكن وسط نفســـــــــي أنا غرقان
تعبت أبحر مع نفسي وأنشدهـــــا أنا ويني ..؟؟
أنا مليت من حزني وتعبت أبحث عن السلوان
ولا ظنيت به شيٍ عن أحزاني يسلينـــــــــــــي
أنا محتـــــار في فكري مع نفسي أنا حـــيران
أنا الأقدار أفهمهــــا وهي تجهـــــل مضاميني ..!!
أحس إن الحزن عالم بحور وصخرى ووديان
وتخيل يابحـــر حجمــــه إذا كلـه سكــن فيني ..!!
تصدق أن حزن هـــ الكون تجمع بــ كيان إنسان
وتصدق مابقى بــ الكون حــزن ماسكن فينــي
تدري إن الحزن لو غاب وراح لأخر الأوطان
يغيــب ويرتحل لحظــات ويــرجع يستقر فينـي
ممـآ تصفحت ..
العرض العادي
