الحب دوله والوفاء فيه دستوور !!!

[ابودرقام]

وداعـه اللـه لـ الأبد .. و إنت معذور
أتعبت نفسي لـ الأسف في هجيرك

كنت أحسبك وافي .. ولا تشهد الزور
و كذبت يوم تقول : قلبي أسيرك

لا ترتجيني .. روح .. ماني بـ مجبور
أربط مصيري بالهوى مع مصيرك

خلك حزين وخاطرك دوم مكسور
و الهم و الهوجاس حايس مريرك

مع السما بـ أطير .. ما عدت مأسور
من قال لك تامن مخاليب طيرك ؟

أول .. تصدّرني عن العـد مقهور
ضامي .. ولا وردَتــني حول بيرك

واليوم .. شف كيف الليالي بك تدور
تضمى وصـالي و أتركك مع ضميرك

" الحب " دولــ9 و " الوفا " فيه دستور
و خطاك حطيت " الخيـــانه " سفيرك

طاح القناع و بان ماكان مستور
و على العموم أسمع كلام ٍ ينيرك

[ مابك قصور ] .. و [ وجهك أبيض ] .. و [ مشكور ]
أدميت قلبي .. كـثــّر الله خيرك

الجرح ينزف .. ( بس ).. مقـدور مقــدور
مصيري ألقى من يـداويـه غيـرك...