غريبة...غريبة...
كيف تقدر"تخون" وأنت إللي قلت:
لو خانوا العالم كلهم ..
ما أخونك..!!
.......
وين الوعد "الأمس" وأنت إللي قلت:
لو جاء في يوم ما "احبك"
اذبحيني ...!!
تصور اليوم قلتها بتجريح وأنت ما تبالي..
.......
نسيت أمس يوم قلت:
ربي خلق روحي وهي تحب روحك
واليوم صرنا أعداء تتمنى تذبح "روحي"
.......
تذكر يوم تمسح دمعي وأنت تقول:
حرام الدمع من "عيونك"
واليوم صار الدمع ما يفارق خدي وأنت ما تبالي..
.......
تعرف إني صرت امشي "مجنون" والناس تقول:
مسكين حاله صار ردئ
وأنت تسايرهم..!!
.......
أبسالك عن حلفك بالله يوم حلفت ..
انك مستحيل تصدق الناس ...
وتشك "بحبي"
أبسالك ..وين راح..!!
.......
أبي أقول لك قبل ما ترحل:
خلاص لا عاد "تذكرني"
وارحم حالي
.......
قبل :
"جعل يومي قبل يومك"
واليوم:
"جعل يومك قبل يومي"
حتى في الموت تبي تبيعني
.......
غريبة ..غريبة..
كيف تقدر تنسى
وأنا كنت في حياتك "عنوان"
العرض العادي
