ياشباب انتشرت في السنين الأخيرة خصوصا في منطقتنا منطقة الحجاز شويت مصطلحات ماكانت موجودة ايام ابائنا واجدادنا
تطلع مدري من فين لكن تنتشر بشكل رهيب
صح انه فيها تشويه للغتنا ولهجتنا ماننكر
و بنفس الوقت نشوف فيها ساعات كمان حاجات وحشه لانه بتطلع منها ساعات معاني وسخه ماتنقال مثلا وساعات اللفظ القديم يكون أحلى بكتير
لكن مع ذلك فيها بعض من روح الشباب وفيها كمان شي من التجديد وسمه مميزه لكل عصر
ماهو ابائنا طلعوا اكيد كلام ماكان موجود ايام اجدادنا
واجدادنا بالتأكيد جابو كلام ماهو موجود ايام ابائهم
واهي كده المركب تمشي ======== > ابو الفلسفة ياشيخ
واشوف انا بصراحة انه الموضوع ده شائك جدا ومحتاج لحل وانه نرسى على بر وانه لمن يطلع لفظ يايكون لفظ جميل وينفع نستخدمه يا مانطلع من اساسه
وزي ماكلنا شفنا الفنان المصري ابراهيم نصر خرف كلام وصار كتيرين يستخدموه زي كشكشها وماتعرضهاش
ومن هذا المنطلق ======= > حلوه هذا المنطلق
انا اكتب ده الموضوع واطرح فكرة بأخرته لازم تشوفها وتدوني رأيكم فيها
وموضوعي عن بعض الالفاظ المنتشره بين الشباب واللي حكتب بعض منها هنا
واشوف انتم كمان ايش عندكم
وترى مو كل المصطلحات الموجودة هنا هيا ممكن نقول حلوه لكن انا بكتب بشكل عام اللي عندي عشان نشوف كلام اليومين دول بشكل عام
هذه بعض المصطلحات اللي في راسي حاليا وحضيف عليها انشالله كم كلمة كلما يمر ببالي
ومرتبها حسب الترتيب الأبجدي ======= > ياهو يالسان العرب انته
1 – أبو كلب : وهذه الكلمة تنقال لمن يكون في شي ما يعجبك ههههههههه يعني زي لمن يكون جوالك قديم ومعدوم العافيه تقول عليه جوال أبو كلب ولمن يكون قلمك ما بيكتب زي الأوادم ويقطع تقول قلم أبو كلب وهلما جرا === > لا ويعرف يشرح
2- أشكل : كلمة بصراحة ما ادري اذا هيا قديمة مره ولا طلعت مع جيلنا لكن بشكل عام معناها الظناش فلمن تيجي تبغي تطنش شي تقول أديه اشكل
3ـ انبراشة : نعرف انه لمن بتلعب كوره واحد يدخل عليك معانتها انبرش عليك لكن عند الشباب صار له معنى تاني انبراشة صار معناها انه دخله غلط وسط الكلام يعني انه تكون انته والشلة بتهرجوا في موضوع ويجي واحد يقول كلام ماله أي علاقة بالموضوع هنا نقول فلان انبرش وهادي تصير انبراشه ولا لمن يكون الكل ساكت ويجي واحد يقول كلام ماله داعي زي نكته بايخه مثلا هنا نقول على الحركة دي انبراشه
4- بلف : هههههههههه من اضحك المصطلحات بصراحة طبعا الشباب يعرفو البلوف معنى انه شخص ينبلف يعني انه يسوي الشي بسرعه بدون تفكير مثلا لو شاف صاحبه اشترى سياره جديده وعجبته قوام جاب وحده من نفس النوع هنا نقول انه بلف ينبلف بسرعة ههههههههه احس بعض الناس ماحتفهمها بس هوا معناها كده وخلاص
5 _ تشبيك : ودي الكلمة معروفه وانتشرت بمختلف ارجاء المعمورة ومعناها انه لمن واحد يقول انا شبكت فلانه يعني انا خليتها تعجب فيا وتحبني بس بيني وبينكم انا اكرهه الكلمة دي لانه الحب مو بالتشبيك والكلام الفاضي الحب هوا احساس يطلع من القلب للقلب واذا اتنين حسوا ببعض فهادا هوا الحب مو انه تشبيك فين احنا يابويا في حلقة السمك ولافين
6_ تغريز : كلما يعرف انه لمن السيارة تغرز يعني تغرز في الرمل لكن بين الشباب المصطلح ده غير يعني لمن انته تيجي وتقول غرزت عند فلانه يعني وعت في دباديبها ههههههههههه او تقول فلانه غرزت عندي يعني وقعت في دباديبي والله كلام فاضي بس مشوا حالك الكل بيهرج كده صار
7 ـ جنط : الكل يعرف جنوط السيارات طبعا لكن اليومين دول برضو صار للجنط معنى تاني فلمن انته تيجي تقول انا اديت فلان جنط يعني أنا طنشته وهيا بنفس كلمة اخرى بنفس المعنى وهيا أشكل كلام اهبل ادري بس مشوا حالكم
8 - درج : من احلى المصطلحات بصراحه ههههههه وهيا سبه لكن سبة لطيفة يعني لمن واحد يعمل حركه غبيط بدل ما تعطيه من الالفاظ اللي تسم البدن زي ياحمار وياتور قوله يادرج يعني شي لاهو سبه ولا حاجه منها انه انته فضيت غضبك ومنها انه ماسبيته ==== > لا ياشيخ
9 - شباب في رحلة : وهيا مرادف لكلمة مشى حالك اللي أستخدمتها كتير في كلام فلمن تعمل شي وما يطلع مره مزبوط فتقول للي جنبك يااخي عادي شباب في رحلة هههههههههه من فين جات هادي الله اعلم
10 - شوربة : طبعا كلنا نعرف الشوربة وخصوصا اننا صايمين احلى شي عندنا هنا شوربة الحب على الفطور ياسلام سلم لكن هنا معناها غير فلمن انته تقول شوربه يعني شي سهل فلمن مثلا يكون عندك اختبار ويكون سهل جدا تقول الاختبار كان شوربة وهكذا
11 - طاسة : طاسة هادي بمعنى دماغ وطبعا تختلف عن طاسات السيارات بس كانه ادمغتنا صارت كفر الله المستعان ههههههههههههه اجل ايه قلوبنا دحين محرك السياره ولا ايه ياناس كلام مدري من فين جبناه فلمن انته تكون تعبان مثلا تقول بروح انا واعدل الطاسة طيب لا تنسي يابن الحلال تربط حزام الأمان معاك هههههههههه
12 - في الألف وفي المليون : دي حلوه مره وهيا لمن تشوف شي يعجبك ويكون مميز مافي زي يعني او تعمل حركه مميزه او شي زي كده لنفرض مثلا جوال عجبك تقول والله جوال في الألف أو تقول جوال في المليون
13 - هبقة : هبقة زمان اعتقد كان معناها سرقة لكن دحين اتغير المعنى فلمن تقول مثلا والله هبقت انا والشباب ورحنا ثول مثلا فهبقة تكون بعمنى هروب أو طلعة--------------------------------------------
ملطوووووووووش...
الصراحه راحه*r
اوووووووووووووووووووختكم:-تواصيف
العرض العادي
