لو خسرتك ما خسرت العمر والدنيا متاع
وأدري إني لو خسرتك ما خسرت إلا قليل,,
بس فكر زين تعرف من خسر فينا وضاع,,
وتعرف إنك لو تلف الأرض وتدور بديل,,
والله إن تبطي ولو لفيت في كل البقاع,,
ولوتسوي وش تسوي منت لا قي لي مثيل,,
وين تلقى مثل شخصي شخص وطباعي طباع,,
ووين تلقى مثل قلبي قلب أو مثلي خليل,,
البشر واجد نعم لكن فرق الإنطباع,,
يجعلك يمي تميل ويم غيري ماتميل,,
يارفيقي انتبه. واحسن إلي الاستماع,,
للمواقف دور في كشف المزيف والأصيل,,
وأنت ماقصرت فيني موقفك جدآ شجاع,,
طعنتك في الظهر فعلآ كانت إثبات ودليل,,
بيض الله وجهك اللي ساتره تحت القناع,,
ورايتك بيضا معاي وياعسى عمرك طويل,,
يعني أعطيك الثقه وتردها بلوي الذراع,,
ياخي ماشاالله عليك ابدعت في رد الجميل,,
مدري كيف أشكرك مدري كيف ارد الصاع صاع,,
كنت أحسب إنك عزيز النفس تطلع لي ذليل,,
كم و أنا عييت أصدق فيك قدر المستطاع,,
من غبائي كنت اسكت واعذرك وأثر الحصيل,,
جرح قلب ميزته في كل يوم لاتساع,,
ودمع عين ينهمر من ضيقتي في كل ليل,,
والله إني كنت أحبك حب وأتبعك اتباع,,
كنت لجل أرضي غرورك بس اسوي المستحيل,,
كنت أعمى فيك لا. لا كنت ميت للنخاع,,
كنت مدري كيف لكن كنت صادق معك حيل,,
كنت أمارس في غرامي لك سياسة الإنصياع,,
وكنت لاغي معك فكرة أعتزل أو أستقيل,,
اندفعت بكل ما فيني وسوء الإندفاع,,
يجبر الانسان أحيانآ يفكر بالرحيل,,
صدمتني فيك انت خليتنتي افكر باقتناع,,
إن قتل النفس راحه لو أنا كنت القتيل,,
انفجر راسي من التفكير وازداد الصداع,,
كيف أنا بفتك من جرحك ودوشة قال وقيل,,
صرت سيرة في حلوق الناس وتالي هالضياع,,
أنتحر! معقول يالله وش هذا الغليل,,
رحمتك يارب لامن ضاقت امنحني وساع,,
أنت حسبي في الزمان الجاير ونعم الوكيل,,
لا غدى مستقبلي والماضي أطراف النزاع,,
وصفحة الماضي سواد وشي من هذا القبيل,,
وطالما إن الهجوم افضل وسيلة للدفاع,,
مستحيل ارضخ لو إن الحمل ياربعي ثقيل,,
والبخيل اللي نساني واشترى فيني وباع,,
يروح الله معه والله بجرحي كفيل,,
وإن سأل عني وجاكم بعد فترة انقطاع,,
علموه إني نسيته بس أنا ماني بخيل,,
طالما كان السبب في قوتي قبل الوداع,,
بلغوه أقل شي بخالص الشكر الجزيل,,
ممـآرآق الــــــى قلبــــي,,
لو خسرتك ما خسرت العمر والدنيا متاع ,,,
العرض العادي
