بسم الله الرحمن الرحيم
أتمنى المعذرهـ على هذا العنوان قبل كل شيء
مـن ثـلاث حـروف هـي سـبـب الـفـضـائـح كـلـهـا
غ ... ي ... ر
( غــــــيــــــر )
.
.
.
هل هي هنا ...!!!
,,,,,,
.
.
.
.
طيب .. وانت إيش إسمك ..!؟
أنا خالد
هلا والله يا خالد .. تصدق هذي اول مرة أكلم أحد ..
بس ما أدري ليه إنت بالذات لفت نظري
حتى أنا صراحه كنت خايف مرة وأنا أعطيك الرقم ..
حسيت كل الناس تطالع فيني
بس خلنا يا خالد نتفق على شي ..
إنتي تامرين أمر يا ريم
إياك .. إياك في يوم تقول أبغى أشوفك
ولا إطلعي معي ولا هالحركات
لأنه مستحيل يصير كذا بيننا مهما حصل
أفا عليك يا ريم .. وش شايفتني ..
يا بنت الناس أنا ما أرضى عليك إلا إللي أرضاه على إختي
.
.
.
.
,,,,,,
ام هي هنا
,,,,,,
أقول يا خلود .. بس ودي أشوفك ..
حرام عليك .. لو من بعيد
مستحيل يا مشاري .. أنا عمري ما سويت كذا ..
أهلي لو شافوني ولاّ شكّوا فيني راح يذبحوني
طلبت صورة وأعطيتك إياها .. يعني خلاص شفتني
يا بنت الحلال .. لو ألف صورة ما تغني عيوني عنك ..
بعدين أنا متاكد إنك أحلى مية مرة من كل الصور
وش دراني يمكن هذي صورة صديقتك ..!
معقول .. إنت تظن فيني كذا .. حرام عليك ..
وانا اللي أقول عليك تحبني يا بنت الناس والله أحبك ..
ليه ما تقدرين الشوق اللي في قلبي .. وش شايفتني : (حجر )
بس من بعيد .. ولو مرة وحده .. ولو أموت بعدها .. بس من بعيد
بكره أبي أقول لعيالنا إن أمكم كانت خوافه
عيالنا .. ليه ما شاء الله كم تبي تجيب ..؟
عشرة .. أقل شي
لا .. أنا مابي إلا إثنين بس
إيه هيـّـن .. المهم أشوفك ولا لأ ..!؟
طيب خلاص .. مر جنب الباب ..
وأنا رايحه أفتح الباب وشوفني
ما ينفع .. إفرضي أحد معدي من اخوانك ولا جيرانكم ..
وش يقول عليك ..!؟
صدقيني انا خايف عليك مو على نفسي .. خليها في البقاله الي جنبكم ولا في المركز ..
اشوفك واروح
نفسي مرة امتع عيوني بجمالك .. ليه تستكثرين علي الفرح ..!!
خلاص أبشر يا مشاري .. بس عشان تعرف إني احبك ..
.
.
,,,,,,
ام هي هنا
,,,,,,
يا منال .. صدقيني .. بس ناخذ لفه .. يعني وين بـ نروح
أبد يا سعود .. لو إيش يصير .. مستحيل أطلع معاك
وليه بس يا بنت الناس .. يعني وش رح يصير ..
رايح آآآكلك .. إنتي عارفتني .. أنا متربي
ولا عندك شك في كذا ..!!؟
إيه حبيبي أعرفك زين .. بس صعب علي صدقني
قولي إنك مانتي واثقة فيني
انا .. ما أثق فيك ..!!! حرام عليك
إيه .. طبعاً .. ولا آخذتني تسلية ..!!
كيف تقول هذا الكلام .. وانت عارف ..
انا ليل نهار حابسه نفسي جنب التلفون عشانك
وش دراني .. بس أنا دايما حظي كذا ..
مهما سويت ما أعجب أحديا ابن الحلال .. والله احبك ..
بس صدقني صعب
انتي الي مصعبتها .. ما جت على نص ساعه ..
وارجعك معززه مكرمه
ارحميني .. انا والله ما انام الليل إلا وصورتك قدامي ..
كيف تكون السعاده قدامنا وما نقطف منها
انتي ليه ما تحسين بشوقي ولهفتي عليك
افرض صار شي .. ما أقدر .. مااااااا أقدر ..
أخلاقي تمنعني
يعني يا منال .. انتي عندك اخلاق .. وانا لأ ..
هذي آخرتها تهزئيني
انا ما هزأتك .. انت ليش صاير عصبي
انا ماني عصبي بس كلامك اللي يقهر
روحي شوفي الشباب الي يسافر .. والي يصيع
وش طلبت انا غـيـر شوفة عيونك من قريب .. كثيره علي ..
كثيره على حبيب القلب
طيب .. وش اقول لإهلي
قولي لهم أي شي .. قولي إنك عند صديقتك بسمه ..
وانا آخذك من هناك نص ساعه وارجعك .. وعد ..
انا عمري أخلفت لك وعد ..؟ انتي عارفه إني افديك بعيوني
طيب خلاص .. نص ساعه بس .. إحلف ..!!
والله
لا .. قول واللي يخلي لي منال
واللي يخلي لي منال ..
.
.
,,,,,,
ام هي هنا
,,,,,,
يا عبير خلينا ننزل .. ربع ساعه بس
أبد والله ... و لو دقيقه
يا عبير يا حبيبتي .. يا عيوني .. يا عمري ..
ربع ساعه .. والله ربع ساعه بس
نفسي مرة في حياتي .. اشوفك من غير خوف .. أملّي عيوني فيك
الى متى (أنا .. وحبك .. والخوف) عايشين سوى .. حرام عليك
والله لو تحبيني نصف حبي .. كنتي نزلتي
صعب يا سعد .. لو ايش صار ..
انا طاوعتك في كل شي .. إلا هذي .. لأ
طيب انتي شفتيني طلعت رجال في كل شي ..
يعني هذي الي بطلع فيها خسيس ..!!؟
هذا قصدك
انا ما قلت كذا
معليش .. هذا معنى كل كلامك ..
إذا هذا رأيك فيني .. ليه تخليني احبك من اول .. ليه تخليني أفكر فيك ..
كيف تضحكين علي وتقولين ما أتزوج غيرك ..!!؟
انا ما أضحك عليك ..
وما راح اتزوج غيرك ولو اموت
طيب الي يسمع كلامك يقول إني رايح اغتصبك ..
انا عمري شكّيت فيك ..!؟ ليه انتي تشكين فيني ..!!؟
ومين قال إني شاكه فيك ..!؟
هذا معنى كلامك .. ولاّ كان نزلتي ..
يا بنت الناس انزلي .. كان يمدينا الحين راجعين .. نفسي بس احضنك واملي عيوني فيك ..
ليه انتي تحبين تعذبيني .. ليه انتي قاسيه كذا .. وين حبك لي .. وين حنانك ..
كل هذا وهم
انا قاسيه ..!!؟
المشكلة إني عمري ما سويت كذا .. عمري
عارف والله حبيبتي .. ومتأكد بعد ..
وهذا الي مخليني متعلق فيك ومستحيل اتزوج غيرك ..
ويخليني اطلب منك أي شي .. ولو كان مستحيل
لأني عارف إنك تحبيني وتثقين في حبي لك
خلاص رح أنزل .. بس ابيك توعدني ..
خمس دقايق بالضبط .. وترجعني
اوعدك .. والي يفقدني عيونك ..
اللي هي أغلى شي في الدنيا خمس دقايق بس .. ونكون راجعين
.
.
.
.
,,,,,,
ام هي هنا
,,,,,,
لا وليد .. حرام عليك .. انت وعدتني
يا سميره يا عمري .. مو حنا رح نتزوج رح نتزوج .. ولا انتي حاطتني تسليه ..!!؟
كيف تقول هذا الكلام .. خلها ليلة الدخله .. ارجوووك .. تكفى ..!!
يا بنت الناس ما فرقت .. كلها ايام وأكون في بيتكم
لا يا وليد .. لا .. خلها لا تزوجنا .. انت وعدتني خمس دقايق
مستحيل إلا اليوم .. تبغين الصراحه ... ضربت في راسي ..
وعلشان أضمن إنك تكونين لي طول حياتك
والله انا لك .. بس ارجوك خلني ارجع
سميرة .. روقينا .. كان يمدينا خلصنا ..
هذا اللي تقولين الحب .. وافديك بعمري وبنفسي ..!!
ارجوك يا وليد ..
افديك بعمري وانت عارف ..لكن بلاش الحين .. خلها لاتزوجنا ..
الله يخليك .. الله يستر عليك
اسمعي .. والله دقت في راسي .. ومافيها كلام ..
وانتي جالسه تضيعين وقت .. ورايحه تتأخرين على اهلك ..
يعني الفضيحه عليك ماهي علي ..
مشيها بالطيب وخلينا نحب بعض .. بدل ما أمشيها بشي ثاني
تكفى يا وليد .. تبغاني أحب على يدك ..
أحب على رجولك .. اللي إنت تبغاه أسويه .....
طيب خلها بكره
لا تحبين على يدي ولا على رجولي ..
إحمدي ربك .. غيري لو طلعت معاه وحده .. عزم عليها اخوياه ..
وطول عمري رجال معك .. ما ناديت احد .. خلصينا ولا تضيعين وقتك ..
تراك تأخرتي على اهلك
واللي يرحم والديك يا وليد ..
واللي يرحم والديك .. خلني ارجع .. وعد اسوي اللي تبغاه .. أكون خدامه عند رجولك ..
واللي يرحم والديك
اقول فكينا من والدينا ..
مشيها بالطيب من غير ما أمد إيدي عليك ..
و تروحين البيت وملابسك مقطعه وحالتك حاله
يا وليد تكفى .. صورني .. خذ أي ضمان ..
والله .. والله .. والله .. أجيك بكره
اقول .. الظاهر إنك ما راح تجين بالأدب
.
.
.
.
,,,,,,
ام هي هنا
,,,,,,
خالد ليه ما تتصل
مشغول
ليه كل ما اتصل عليك تقفل
اقول مشغووووول ياريم .. انتي ما تفهمين
لا خلاص افهم .. افهم .. يا خالد لا تزعل نفسك .. لا تعصب نفسك ..
بس .. بس .. انت وعدتني تجي بنفس المكان
وين اجي .. اقول لك مشغووووول ..
انتي ما تقدّرين .. ما عندك احساس .. ما عندك تقدير .. خلاص لا فضيت اتصل
حرام عليك يا خالد .. وين ريم حبيبة قلبك أللي ما تنام إلا على صوتها
عوّدنا لنفس الإسطوانه ..!!!!!
خالد .. أنا جاني عريس
بالبركه طيب .. الله يهنيك
بالبركه ! .. هذي آخرتها .. ترضى كذا لأختك
اقول احترمي نفسك .. ما بقى غــيــر انتي تتكلم عن خواتي .
.
.
.
.
.
.
.
.
المشكلة ليست هنا ..ولا في أي مكان
الذئب كلما كان شرس زادت حلاوة لسانه ..
كلما ازداد سم الأفعى ازدادت نعومتها
وغدا ستكون هي مثله من قطيع الذئاب .. من جنس الأفاعي
المشكلة في كلمة واحده ...
غــــيــــر
غــــيــــر
غــــيــــر
أنـــــا غـــــيــــــــــــــــــ ـــــــــــــــــــــــــــر ...!!!
خالد غير .. سعود غير .. مشاري غير .. وليد غير
كلهم غير ..!!!
مشاكل الفتاة في هيئة الأمر
غير مشاكلها في الشرطة
غير فضائحها على الإنترنت
غير وضع أنف أبيها في التراب .. غير .. غير .. غير
كلا منهن تبدأ بهذه الكلمة .. مستحيل أن تتصور أنها ستكون بطلة فضيحة أبدا
الإنترنت ملئ بصور فتيات كانوا أحرص مما تتخيلوا ..
قضايا وعار لفتيات كانوا أشرف مما تتخيلوا
وكلها من كلمة واحده ..... غـــــــــــــــــيــــــــــــــــــــــر
أخواتي .. إخواني
يعلم الله إني أحبكم جميعاً في الله
لذا .. أحببت أن أترككم مع هذه المشاهد السخيفه .. لتكون رادعاً للنفس الأمارة بالسوء
ولا يأتي أحداً .. ويقول بأنه معصوم
يوسف عليه السلام .. لولا أن رأى برهان ربه مكتوباً على الجدار أمامه
لــ هــمّ بــهــا
وما نحن من يوسف عليه السلام ..!!
صدقاً .. ياااإخوان .. عندما علمت بأن إحدى زميلاتنا الطاهرات
(نعم ستبقى طاهره .. لطهر معدنها .. لو لا كلمة
( غــــيــــر ) من أحد الأعضاء هنا)
قام بسلب عقلها و قلبها و ............... شرفها
ونشر صورتها في الأنترنت .. وبنفس إسمها الحقيقي ..
وبعض المشرفين هنا يعلمون ذلك
حرصت على التواصل معكم بخيط النصيحة والتذكير
وأكتب لكم عن مسرح الجريمه
فاعذروني على هذا الكلام ..و الموضوع
فالوضع خطييييييييييييييييييييييييييير ..
ويحتاج تركييييييييييييييييييييييييييز
ودمتم
منقول
قـــمـــآـآـآـآـآـرـرـرـري
العرض الشجري
