<<أنتظر ضمة غلاك & نآآيف الشريف >>عاآآآصمة الحب

[*+* مـهــآآآآجــرة *+*]

حظي رماني بس مدري على وين = ماعاد لي في موطن الحب فيه
وش حيلة اللي حب ناس(ن)بعيدين = وأرسل لهم روحه وقلبه هديه
حنا معه في سكة الحب ماشين =عشنا مع الأحلام لحظة هنيه
كنا على عرش المحبة سعيدين=مع الأمل نرسم حيآة(ن) سويه
نبدع حروف الشعر نعطي براهين=همسآتنا بالحب دايم أبيه
صادق وفي حرفه شموخ وقوانين= والله ماعمره نوى بالرديه
أغليه لو إنه بعيد وناسين = وأطلب وصاله والمعاني عصيه
حاول يصد القلب عنه بجرحين= جرح الفراق وصدقه بكل نيه
يخشى علي من هرج ناس(ن) حسودين= ويصون حبه عن دروب الأذيه
مهما حصل وافين والله وافين = يا أهل الشهامة والوفاء والحمية
العمر مابه فرق بين المحبين= ياما جمع شمل القلوب النديه
كم واحد(ن) وصل من العمر خمسين= وقلبه خضر وأغصان حبه طريه
وختامها يا حظ مدري على وين = بالله جب علم القلوب الوفيه

))

((





مهآآآآجرة

[الاكيد]

[ مــــدري انااااا الصح ومخطي زماااني
والاالخطاااء مني وزمااااني هو الصح]

[%فزولها%]

مـهـمــا حــصــل وافــيــن والله وافــيـــن
يــا أهــل الشـهـامـة والـوفــاء والحـمـيـةلاهنتى ع القصيده الاكثر من رائعه
مودتي

[العسجديھ]

الْشَّآْعِرَهـ القَدِيْرَه..
مهَــآْجرَهـ ..
|
صَحّ لسَآْنك .. وَعذْب هَتَّآْنك
طبُول إِبْدَآْعِــــك طَرَقَت هَمْس القَوَآْفِـــي
آْتَيْتُ هُنــــا لأَرَى هطُوْل غَزِيْــر مِن حُروْف تلأْلأَت فِي سَمــــاءِ الوِدّ ..
يا مهَآْجْــرَهـ .. لِبَوْحِك صَدى يَتردّد بِـدَآْخلي

هلا بنبض الوِدّ ونور هالعين = وياحيّ القصيد لاجا من ذيك البنيّه
انا اشهد انّ اللي سواتك قليلين=منّك عرفنا وش معنى .. الأجوديّه؟!
العلم بياصلك ولو كان بعدين = فرق العمر يا بنت ماهو بخطيّه
الله عطاكِ شوف واحساس ويدين = يوم انّ غيرك هدّدته المنيّه
عيشي حياتك ترى العمر /يومين =يومٍ شديد الباس عليك وعليّه
و يومٍ يردّ الرّوح ونكون /راضين = ولا بد ما ياخذ منّنا هاك العطيّه
و لاعتنا الفرقى على بُعد غالين = ودموعنا اللّي إ/ تهادى هميّه
صرنا كما اللّي عن بلدهم مجلّين = ولا عندنا دستور نمشي /حذيّه
صحيح ما مرّ يوم/وما انطعنا بسكّين= لكن دواة الجرح ياكود كيّه
تسدّ إ/به الجرح والناس مقفين = ولاحدٍ سأل .. وش اللي صار بيّه
لكن بحيل الله .. بنوقف برجلين = ونبني عاصمه للحبّ بمهل ورويّه
والحُبّ معنى للوفاء بين قلبين = وكلّن رسم له درب ..وأعلن سميّه
وياليت ربّي يجمع الشّمل شملين= وتسقين ريقك من زلال مَيّه

|

فَتَقَبَّلِي مِنّي جُلّ إِعْ ـجــآبي وتَقْدِيري
لكِ ولِقَلبك قَنآْدِيل فرحٍ مُتَوَهِّج ..!!

[جرح دامي]

مهاجره تشكي من الحب والبين= والحب هدّ أهل العزوم القويه
بنتٍ وتشكي وقتها ليل ياعين= الله يعين أهل القلوب النديه
وأنا شكيته قبلها شهور وسنين = شكيت لوعات الزمان الرديه
حبيت لي بنتٍ أهلها ميامين = شريفةٍ ماهي من أهل الخطيه
حبي لها فاق كل المحبين = (لو تطلب عيوني تجيها هديه)
قدمت روحي دليل وبراهين=عاشق ومخلص ونفسي زكيه
مير الزمن دايم عدو المودين = دايم وهو معهم علومه رديه
ماله قوانينٍٍ ولاله مضامين= يحد من مثلي يبيح خفيه
يامهاجره ماقول انا غير يامعين = تجبر عزا نفسٍ تمنى المنيه

مجاراه متواضعه لشاعرتنا القديره مهاجره

[جرح دامي]

صح لسانك يامبدعه

شاعره رائعه وأعذريني على مجاراتي المتواضعه

[نايف الشريف]

اقتباس المشاركة الأصلية كتبت بواسطة *+* مـهــآآآآجــرة *+* حظي رماني بس مدري على وين = ماعاد لي في موطن الحب فيه وش حيلة اللي حب ناس(ن)بعيدين = وأرسل لهم روحه وقلبه هديه حنا معه في سكة الحب ماشين =عشنا مع الأحلام لحظة هنيه كنا على عرش المحبة سعيدين=مع الأمل نرسم حيآة(ن) سويه نبدع حروف الشعر نعطي براهين=همسآتنا بالحب دايم أبيه صادق وفي حرفه شموخ وقوانين= والله ماعمره نوى بالرديه أغليه لو إنه بعيد وناسين = وأطلب وصاله والمعاني عصيه حاول يصد القلب عنه بجرحين= جرح الفراق وصدقه بكل نيه يخشى علي من هرج ناس(ن) حسودين= ويصون حبه عن دروب الأذيه مهما حصل وافين والله وافين = يا أهل الشهامة والوفاء والحمية العمر مابه فرق بين المحبين= ياما جمع شمل القلوب النديه كم واحد(ن) وصل من العمر خمسين= وقلبه خضر وأغصان حبه طريه وختامها يا حظ مدري على وين = بالله جب علم القلوب الوفيه )) (( مهآآآآجرة

يالله ياعالم قلوب المحبين=ياواحد(ن) نرجيه صبح وعشيّه
ياعالم الاسرار واللي مخـَـفـِـين=يامِحصي (ن) افعال كل البريّه
وش حيلتي يارب فاللي مقفين=ياكيف احل اليوم هذي القضيّه
لاقلت اقرّب قالت البنت بعدين=حذرى يحسون الهوى فيك وفيّه
الوقت يمضي والليالي مولين=لوطال وقتك فالليالي مضيّه
اربع شهور وزاد فالوقت شهرين=سته شهور(ن)للجروح القويّه
اذكر كتبت الحب للبنت بيتين=اكتب هواي إلذيك والقصد ذيـّـه
مدري متى ولداعي الحب تصحين=ودك اموت وتنكتب فالوصيّه
بكتب وصاتي تسمعين المنادين=ناس(ن)يجونك والمراسيل ليّه
ارسلت لك ومن المراسيل ظرفين=قلبي فظرف وظرف فيه الشكيّه
بشكي جفاك وليه يابنت تجفين=مادام في درب الهوى لك شهيّه
خايف يمر الوقت من ثم تنسين=قلبي يحب ومـِـحـْـسـِـنْ القلب نيّه
هيا تعالي يامنى القلب والعين=يكفي رحيل وبعد يا مهاجريّه
هيا تعالي نقضي الوقت الاثنين=نشرب دلال الكيف فالشاذليّه
تمر ورطب مع اقط مجموع فصحين=اكل رطب والشّوف فالسكريّه
العمر مايفرق وفالحب تلقين=شايب يحب إبشوق له مقدريّه
والله لو آصَلْ وفالعمر تسعين=انتي غزالة عشقي الاوليه
قلبي خضر فالحب مادام تقوين=نمشي طريق الحب يالآدميّه

[,,,ـــاoـــــر]

*¨ღ¨*
*¨ღ¨*
*¨ღ¨*

نبض الود

انتظر

جرح دامي

نايف الشريف

*¨ღ¨*
*¨ღ¨*
*¨ღ¨*

السلام عليكم ورحمه الله وبركاته

صحت السنتكم و بيض الله وجيهكم

على هذه اللوحات الشعريه

)( استهلتها قائده الكوسترا نبض الود

بــ

حنا معه فـي سكـة الحـب ماشيـن
عشنـا مـع الأحـلام لحظـة هنيـه

كنا علـى عـرش المحبـة سعيديـن
مع الأمـل نرسـم حيـآة(ن) سويـه

نبدع حروف الشعـر نعطـي براهيـن
همسآتنـا بالـحـب دايــم أبـيـه

صادق وفي حرفـه شمـوخ وقوانيـن
والله ماعـمـره نــوى بـالـرديـه

)( ثم اتت الرائعه و المبدعه انتظر

بــ

هــلا بنـبـض الــوِدّ ونــور هالعـيـن
وياحيّ القصيد لاجا مـن ذيـك البنيّـه

انـا اشهـد انّ اللـي سـواتـك قليلـيـن
منّك عرفنا وش معنى .. الأجوديّه؟!

والحُـبّ معنـى للـوفـاء بـيـن قلبـيـن
وكلّن رسم له درب ..وأعلـن سميّـه

وياليـت ربّـي يجمـع الشّمـل شمليـن
وتسقـيـن ريـقــك مـــن زلال مَـيّــه

)( ثم جاء الرائع جرح دامي

بــ

حبي لها فـاق كـل المحبيـن
(لو تطلب عيوني تجيها هديـه)

قدمت روحي دليـل وبراهيـن
عاشق ومخلص ونفسي زكيـه

مير الزمن دايم عدو الموديـن
دايم وهو معهم علومـه رديـه

ماله قوانينٍٍ ولالـه مضاميـن
يحد مـن مثلـي يبيـح خفيـه

)( ثم اضاف المايسترو نايف الشريف

بـــ

هيـا تعالـي نقضـي الوقـت الاثنـيـن
نـشــرب دلال الـكـيـف فالـشـاذلـيّـه

تمر ورطب مع اقط مجموع فصحين
اكــل رطــب والـشّـوف فالسـكـريّـه

العـمـر مايـفـرق وفـالـحـب تلـقـيـن
شايـب يحـب إبـشـوق لــه مقـدريّـه

والله لــو آصَــلْ وفالعـمـر تسـعـيـن
انـتــي غـزالــة عـشـقـي الاولــيــه

هنا فعلا باريس الود في هذا المتصفح

اول مره يدور في فكري شيء ولا اقدر

ان اعبر عنه لو بكلمة فقط

لان ما جدتم به فاق كل الوصف و الجمال

فانا هنا اكسر قلمي اجلالا ً لاقلامكم

دمتم محبين

بشوق لكل ما يفيض به وجدانكم

*¨ღ¨*
*¨ღ¨*
*¨ღ¨*
عـiiilـق JJlـيـJ

[نايف الشريف]

اخي الحبيب
عاااااشق اليل
السلام عليكم ورحمة الله وبركاته
بحق وصفت قصائد المبدعين ولست انا منهم بوصف يليق بك وبهم
إن كنت قد كسرت قلماً فحتماً ستنساق لك الاقلام طوعا ومنقادة
انت من اصحاب الاقلام المييزة دون اي قصور في الاخرين
اعجابي بك متزايد ويتزايد يوما بعد يوم

بارك الله فيك واشكرك على الثناء
فكما قيل
الهدية على قدر مهديها
وانت كتبت كلمات طيبة على قدر طيبة راعيها

تحياتي وتقديري

[نايف الشريف]

اقتباس المشاركة الأصلية كتبت بواسطة جرح دامي صح لسانك يامبدعه شاعره رائعه وأعذريني على مجاراتي المتواضعه

وانت والشهادة لله رائع اخي الحبيب
وردود رائعة بحق