أسعد الله اوقاتكم جميعا بكل خير,,,,
اخترت هذه القصيد التي اتمنى ان تنال اعجابكم وهي للشاعر خالد الساده
من دولة قطر الشقيقة,,
توّك تقـول اليوم أنـك تبينـي....... الحيـن يالظالم يهمـك وصالــي
وينك من أول ماشعرت بحنيني.... وين انت عني في جحيم الليالي
توني دريت اني بقلبك ثميني.... توني احس اني معك صرت غالي
وش غيرك فجأة تجي ترتجيني..... مالك من العادات فينـي تبالــي
اما الزمن خلاك غصب تليني..... والا الجفى نساك طيش الجهالي
تبغي يرد الوصل بينك وبيني..... هذاك يالمجمـول سابـع محالـــي
نسيت يومك تخذل دموع عيني..... والحب ذاك الوقت ماله مثالـي
لو شفت نفسك وش سويت فيني....طعم الهنا مالـه بقلبـي مجالـي
تلعب وانا لجلك اجاهد ونيني..... تغدر وانا اللـي قد فديـتك بحالـي
فات الأوان ولا تفكر تجيني...... مع السلامه حـان وقـت ارتحالـي
اتركني أرحل مع ظلام السنيني.... وأقاسي همــومِ تهــد الجبالـــي
الأول غرامك كان ساسه متيني....واليوم حبك طاح من برج عالي
هذا مصير اللي يبيع الظنيني...... دمع الندم لاشـك مايفيـد تالـــي
وسلامتكم,,,,
تحياتي..أختكم ود848
العرض الشجري
