أخيــرا حققت حلمي

[متيمة بهواها]

اقتباس المشاركة الأصلية كتبت بواسطة أم فارس نفس الرد اللي كنت راح أكتبه... انتبهي منهــــــــم...فالكثير ممن يدرس في الخارج سواء (شباب أو بنات) يرغب في تجربة الكثير من الأمور حتى لو كانت خارجه عن حدود الشرع إلى أن تصل إلى الكبائر..وهذا ما رأيته بعيني! نسأل الله الهداية للجميع وما أزيد على كلام الأخوة والأخوات....فأعتقد لا توجد مشكلة إن مارستي الرياضة في محيط نسائي فقط مع مراعاة حدود الشرع في اللباس...أما ممارستها أمام مجموعة من الرجال فأعتقد أن هذا يتعارض مع تعاليم ديننا ...

مدري ليه فكرة المؤامرة للحين مسيطرة عليك

محد دعاني للعب الكورة او التحرر او غيره

كلها خيارات خاصة فيني

انا اخترتها بنفسي

[متيمة بهواها]

اقتباس المشاركة الأصلية كتبت بواسطة احتريه العمر مهم واجواء البيت اللي انت معهم احيانا يكون سبب في حب بعض الرياضات واعتقد ماراح تستمر الحكايه معك فتره وتنتهي اما مايخص متابعة المباريات ماشوف فيه اي خشونه مجرد متا بعه وفهم بس لا اكثر والسوني واي لعبه فيه حره بس احيانا قد يفقدنا شي من الوعي في اشياء اهم ان نتعلمها ولا خذي راحتك :) وعاداتنا وقيمنا الاسلاميه مهم ان نعطيها حقها في كل شي وهذا من سماحة شريعتنا الحمد لله .....

مشكور ع اضافتك

فعلا جو البيت له دور واي اخ او اخت يتاثر بشكل كبير فيه

وكل هواية له مرحلة عمرية وتعدي ما تستمر

مشكور

[متيمة بهواها]

اقتباس المشاركة الأصلية كتبت بواسطة الاصدقاء .. عشان نتصارع قبل النوم، واللي يخسر .. عليه يقوم يطفي نور (وإن كنت، مع قلبي الطيب، اتوقع اخليها تغلبني كل مرة) طيب، اول شئ .. ايشبكم كدا نطتيتوا بحلق البنت .. كانها سوت السبع الموبقات على رسلكم، .. ادعو الى سبيل ربك بالحكمة .. والموعظة الحسنة اختي الكريمة، .. اسمحي لي اول شئ ارحب فيك عضوة جديدة .. ، شرفتي ونورتي ثاني شئ، .. بالاصالة عن نفسي .. ونيابة عن غيري .. اعتذر منك فـ ما الحماس اللي تلمسيه في بعض المشاركات الا غيرة .. وحرصا عليك بخصوص الرياضة، .. خليني اقول اول شئ .. انها شئ جميل، .. وان يمارسها الجميع فحديثه عليه الصلاة والسلام .. اللي فيما معناه : (علموا اولادكم الرماية والسباحة وركوب الخيل) يحثنا على ممارسة انواع من الرياضة .. ولِأن نكون مهرة فيها كرياضات خاصة، وانه في الحديث .. عمم .. وما خصص لجنس دون الاخر لكن برضو يا "متيمة"، نجد ان الدين .. وضع لنا ضوابط لاشياء اساسية .. ولها اكثر اولوية قبل الرياضة زي مثلا .. مفهوم "عورة الجسد" سواء بالنسبة للرجل او المراة وزي مثلا .. ، واذا جاز التعبير، ادب وحدود الاختلاط في الاماكن العامة وبالتالي تجدي انه علينا تحري ومراعاة، اشياء، وهذه التعاليم .. لما نفكر في ممارسة اشياء هي متاحة ومباحة لنا .. زي الرياضة مثلا بمعنى، ان نمارسها في حدود .. وضوابط وهنا يا "متيمة" تجي نقطة الجدل والخلاف في موضوع زي ممارستك كرة القدم وقبل الحديث عن كرة القدم للنساء .. وممارستك لها ابغى اتطرق لجانب، انتي ذكرتيه .. وتفضلتي بالحديث عنه وهو المقارنة بين هنا وامريكا .. وموضوع الرياضة والحريات .. ، وامكانية واتاحة لعبك لكرة القدم هناك طبعا انتي الان شفتي بامريكا رياضة "كرة القدم الامريكية" ، واللي هي مختلفة تماما عن كرة قدمنا .. والمعروفة عالميا .. ، كرة قدمهم شبه محصورة عليهم وسؤالي هنا، ما لحظتي ان كرة قدمهم .. ما فيها فرق نسائية ؟ ما لحظتي؟ .. ان كرة قدمهم ما تمارسها حتى نساءهم ما تعتقدي - وانه تماما زيك - في من نساءهم .. من قد تهوى ممارسة كرة قدمهم ؟ وعلى الرغم انه عندهم، ما في شئ يمعنهم .. لا دين، .. ولا اسلام، .. ولا عادات، .. ولا تقاليد، .. ولا كلام ناس، .. ولا شغلة زي "تفقد انوثتها" ؟ لكن رغم ذلك، ما في مراة امريكية .. تمارس كرة قدمهم او حتى "تندب حظها" .. انه من الغير متاح لها ممارسة هاللعبة وانا اتكلم عن علم، .. لان في يوم من الايام .. كنت طالب زيك هناك طيب، .. خلينا نلم الموضوع .. الواضح لي شخصيا .. انك انسانة حسنة النية يا "متيمة" وعشان كدا، ما انتي قادرة تشوفي .. وتفهمي .. ليش الناس معترضة على لعبك للكورة كونك في مقتبل العمر، وارجح انك من وسط .. كنتي فيه محاطة بمن يرعاك ويشيل همك ويزود عنك خطر الحياة .. والمجرمين فيها فعشان كدا ما شفتي الجانب المظلم والشرس للناس والحياة خارج البيت وجزء من الدليل على كدا .. استغرابك - لبرأتك وعدم معرفتك - في كلامك لما قلتي : احسن، ونصحيتي لك .. اصحك تحتكي فيهم هدول طال عمرك - والا من رحم ربي - لهم غاية ومراد فيك وزي ما وجدوا فيك جوراة على كسر المفاهيم والعادات .. ولعبتي كورة يتوقعوا مثلا، انه ممكن يصل فيك "التحرر" لان يكونوا محظوظين معاك وتكوني لهم "قيرل فرند" .. وينالوا منك ما يناله الـ"بوي" من "قيرل"ـه سالتينا نحن الرجال .. عن لعب زوجتنا لكرة القدم ؟ اللي حاقولك اياه عن نفسي كرجل .. اني ابحث عن، ويجذبني في المراة، .. المراة الحيية، المحافظة على حشمتها وعفتها (الحيية : يعني اللي تستحي) المراة اللي تصون نفسها لكن معايا، وفي علاقتنا مع بعض .. وفي خصوصية ببيتنا، .. زي ما قلتلك في البداية .. مو بس ابغاها تلعب كورة .. وانما تصارعني كمان .

يسلمو ع كلامك اللي يجنن

ويدل على عقليه واعية واسلوب راقي جدا

قليل امثالك

اعارضبك في بعض الاشياء اللي ذكرتها

الاختلاف ما يفسد للود قضية

مشكور اخي

[متيمة بهواها]

اقتباس المشاركة الأصلية كتبت بواسطة فوق الغيوم تجي نلعب في ملعب الحي جنب بيتنا حلو ومرتب نجمع بنات الحي ونسوي فريقين هاا شرأيك ؟ بس مادري كيف بيكون شكلي ساعتها بشرتي ملطخه وأيدي وسخين والترينق الي لابسته أكيد مسود من الركب من اللعب أشك أنه والدي راح يفرق بيني وبين أخوي بس تصدقي حلو أن الواحد تكون عنده هواية وأعتقد ان البنت لما بتفكر في هوايات تخص الاولاد وتتعلق فيه زي ماحصل معك وتفكيرك المستمر انك تلعبي من ورى اهلك كان ممكن تكون عرضيه لكنك سمحتي للافكار المشوشة أنها تغذيها وتجعل منها حلم لايتحقق الا في بلد الحرية بلد أمريكا كما ذكرتي أذكر وانا بسن الـ 14 تمنيت أركب دراجة أخوي وكانت في نفسي وحبيتها وكل شوي راكبه هالدراجة بحوش بيتنا كبير شوي وبلف فيه ووووووون ووووووون وووووون الحاصل كنت فاشلة كل شوي أطيح واتجرحت رجولي بس مع كدا مواصلة لزقت على جروحي ورجعت الف مره تانيه ههه لين شبعتها بداخلي وبعديها نسيتها تماما بحدود وفي مكان مغلق اقدر امارس هوايتي نعم غير كدا وعلى حساب ديني وكينونتي كأنثى لا والف لا وعساني مالعبت ولاهويت لي تعليق بسيط على كلمة أمريكا بلد الحرية حرية ولكن ( في الظلال والفجور والظلم والسفوروكل مالايمت للاخلاق بصلة ) تحياتي

اختي بقولك شئ

صديقيني الرياضة تزيد من الانوثة ما تنقصها

مستعدة اثبت لك

كلام فاضي الرياضة تخدش الانوثة .. لو بتسمعين لهم كل شئ يخدشها ترى

في رياضيات .. لاعبات قدم وطائرة .. وحتى مصارعة وملاكمة

وقت العرض اجمل من الف وحده من هنا جالسات ما غير شيبز وغازيات ومنفخة من كل جهه

تعالي والعبي معنا بالفريق

والله تنبسطي سعادة غير عادية بعد اي مجهود رياضي

[متيمة بهواها]

اقتباس المشاركة الأصلية كتبت بواسطة فتى الاحـلام أنا أشوف الفتاه إن الي تلعب كوره فتاه تفقد وتضييع ( انوثتها ) الانوثه رقه وعطف ومشاعر فيّــاضه ود وحنــان وخجل وحياء الكوره لعبه فيها من الخشونه من الاعتماد على بنية الجسم ومنازعة الخصم مايجعلني اصرف النظر عن فتاه تقحم انوثتها وبنيتها في لعبه كهذه مثلها مثل رجل يدخل عالم الرقص دوماُ وابداُ ستبقى المرأه في عيوننا ( جوهره ) وما نبحث عنه ( فتاه طاغية الانوثه ) وليس فتاه تجري وتركض وتسحب وتنزلق وسط من يراها من الشباب

اصرف النظر اللي يرحم امك احسن

اصلا اللي رؤيته ما تتجاوز خطوته

الفكه منه ازين

..

اللي يقرا كلامي يظن اني غلطت عليه

لكن لو يرجع ويقرا كلامه يعرف من بدا

[متيمة بهواها]

اقتباس المشاركة الأصلية كتبت بواسطة كلي مشآعر السلام عليكم ورحمة الله وبركاته..... الله يسعدك اختي وبالتوفيق.... لاكن بس ودي اقول كم كلمه.... انا سعوديه واعتز بديني والله اللي فرض علي حدود بالحياه وليس الرجل..... وكافي كل ما ارادت المراءه شي قالت الرجل والرجل..... والحمدالله عايشين برفاهيه وسعاده صحيح ضغوطات الحياه تكدر الخاطر شوي.... وأذأ على الكوره....انا مشجعه لفريق معين ولاجت مباراه اووههه جو البيت حماس ... حتىالوالد اللي اغلب وقته معصب وشأفنا نشجع بالعكس ينبسط معنا... يعني مو لازم اطلع والعب اشجع وبس . وكل واحد وحريته الشخصيه.... لاكن موضوع انو المرءه السعوديه تصير تلعب كوره ماأحبذها ابد. تقبلي وجهة نضري يالغلا ياعسوله....

هلا فيك اختي

شرفني مرورك

انا اشياء كثيرة ما تعجبني بالبنت السعودية

لكن اؤمن انها حرره ولها اختيارها الخاص

[متيمة بهواها]

اقتباس المشاركة الأصلية كتبت بواسطة !! مايهزك ريح !! بسم الله الرحمن الرحيم السلام عليكم ورحمة الله تعالى وبركاته... اولا وبعد غيابي الطويل عن المنتدى يسعدني ان موضوعك يكون اول محطة لي. بصراحة يااخت انا لا اعتقد انك طرحتي هذا الموضوع من باب انك وقعتي في مشكل مماثل ولكني اللي اعتقده...؟ انك طرحتي الموضوع من باب اخر,الموضوع اللي امامنا يدل على انك تنتظري وجهة نظرنا حول قضية المرأة وحريتها في الرياضة وغيرها من الامور كالسياقة مثلا.... ثاني نقطة في الموضوع مهمة واللي ذكرتي فيها انك سافرتي على بلد الحريات امريكا وهناك وجدتي كل راحة في ممارسة الرياضة اللي تحبيها (كرة القدم) النقطة الثالثة ولعلها الاخيرة هل ترضى بان تكون زوجتك او أختك ينطبق عليها نفس ماجاء في الموضوع اعلاه وهذا اللي خلاني اتأكد من ان الموضوع مطروح من اجل مناقشة وليس له علاقة بحياتك الشخصية. لا علينا نذهب الان لمناقشة الموضوع من النقاط الثلاثة اللي ذكرتها المرأة السعودية و المرأة العربية المسلمة عامة يراها الغرب من زاوية الحقد على الدين انها مطوقة ويجب ان تتحرر من القيود التي يفرضها عليها الواقع العربي الاسلامي لكن لنعد الى الخلف قليلا الى القرن السابع عشر كانت اوروبا تعيش في العالم الاسود انحطاط في كافة مجالات الحياة حتى مجال المعاملات حيث كان يرون ان المرأة نجسة والبعض كان يعتقد انها عفريتة من الجان والاخر يعتقد انها ماولدة الا لخدمة الرجل ولسد مآربه وشهواته. اما عن الدول العربية فكانت المرآة مقيدة حتى جاء الاسلام وحررها واعطاها حقوقها ولم ينقصها شيء وفضل المراءة على الرجل في مواطن وكذلك الرجل على المراءة في مواطن اخرى وقد قال الله تعالى في كتابه الكريم ((الرِّجَالُ قَوَّامُونَ عَلَى النِّسَاءِ بِمَا فَضَّلَ اللَّهُ بَعْضَهُمْ عَلَى بَعْضٍ وَبِمَا أَنفَقُوا مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِلْغَيْبِ بِمَا حَفِظَ الله)) الآية 34 من سورة النساء. الاسلام هو دين الحق الذي اعطى للمراءة حقها واكرمها,لكن هناك تغيرات كثيرة طرءت على العالم فمنذ ان اصبح الغرب هم القوة الكبرى اصبحو ينادون بتحرير المراءة ,هذا لا لشيء الا انهم يردون ان يطمسوا كل معالم الاسلام فيها فبالله عليك أين البطن التي انجبت عمر بن عبد العزيز وخالد بن الواليد وطارق ابن زياد والمقداد بن عمر وغيرهم من عظماء الاسلام فالواقع الان اصبح مرير جدا فالناظر الى حالنا اليوم يرى عجب العجاب فسق ومجون وهواء وسفور في كل مكان, واين العربي المسلم الذي كان يمثل دينه احسن تثميل فتجده ينزع ثوب الاسلام عند ركوبه الطائرة باتجاه الغرب هل هذا هو الاسلام ,اين البنت المحجبة المسلمة التي نفاخر بها العالم اين بنت خديجة واسماء وسمية وفاطمة الزهراء التي مثلت الاسلام في احسن صوره,فاليوم اصبحت البنت تعشق الافلام والمسلاسلات اضافة الى الكليبات والادهى والامر انها صارت تتابع مباريات كرة القدم التي دمرت كيانها كله. اما عن ممارستها للرياضة فذالك شيء آخر يستحي المرء ذكره...لا عيب في ان تمارس المراءة الرياضة اذا كانت لها ضوابط شرعية ولكن ان خرجت من تلك الضوابط فهذا شيء اخر. كيف للبنت المسلمة ان تلبس لباس رياضي يجعل كل مفاتنها تبرز ثم اذا تكلم احد بحرمت ما تقوم به فيكون ردها انا لا ارى عيب انا امارس الرياضة وهذا حقي مثلما هو حق الرجال وهذه حرية شخصية. الموضوع يطول يااختاه في هذا الخصوص اترك المجال للاخرين ولعلهم يقدمون اراء وافكار افضل مني لكني اريد ان انهي كلامي بقول عمر بن الخطاب رضي الله عنه "نحن قوم أعزنا الله بالإسلام، فإن ابتغينا العزة بغير الله أذلنا الله" انا لا ارضى ان تكون امي ولا اختي ولا زوجتي او بنتي او اي امراءة مسلمة تؤمن بالله ان تخرج من ثوب عفافها دمت بحفظ الرحمن

كل كلامك ما فيه اي دليل قاطع ع التحريم

مجرد سرد لادله وراي شخص

مشكور عموما

[متيمة بهواها]

اقتباس المشاركة الأصلية كتبت بواسطة سُكـونْ يـ هلا وغلا فيك ... قدومك نورنآ وشرفنا - وحيااك ربي بينا..... "فضول صغننن "أسمح لي فيه واتمنى تتقبله : أيش بدرسي في أمريكا ؟؟ ثم:) "وازيدك من الشعر بيت " ويلقي عليها الاوامر وتعليمات وعلى النقيض يسمح لِ نفسه يفعل كُل شيء لا شيء يعيبه قط .. للاسف البعض من الرجال فاهم قوامته خطا - فـ أخفقو أخفاق زريع لمن هنَّ منه,, لنكن أكثر عدلاً وانصاف .. ثم نرجع لِ صلب الموضوع .. أذا خوفهم عليك متوقف فقط على الكورة ,,!! قد يكون لِ كثرة الطيحات والاصاابات التي بِ الفعل تفقدك الكثير ,يمكن لان الاراضي وقتها ماتسااعد وغير صالحه للعب ... أذا كانو الرجال نفسهم بيتآثرو سلبياً منها فكيف بـ البنات الاجسام النعومه ؟؟ و.. أحترم وجهة نظر اللي يمانع - لكن حقيقة - وأذا كنتي بسعودية ,,معاك / انه يوجد فيها من يكون (مُغلق ومُتشدد) ,, لكن ليس كُلهم كذلك بل يوجد ولله الحمد من يشجع ذلك للمراه في مجتمعنا السعودي ... و........ " أبششرك " . . بدات النوادي والجامعات في السعودية تنشاء,,, تُآهل ذلك للمراه بشكل جيد في انواع الرياضة ,, وتوفر "سُبل الحماية الكافية الازمه للفتاة وخاصه كورة القدم " زي الارضية - مُدربات "أي كل مايخص اللعب السليم " .. وعلى هذا الاثر أكون مُدعمه الجميع لها ... فـ ..... الكوره / مُتابعتها -لِ الرياضه نفسها - ولعبها في أماكن مخصصه ومُعده أعداد صحي ,سليم ,للبنات جميله وأنا أشجعها لِمن تهواها ,,ليس عيب ولا حرام . . . أخت / "مُتيمة بهوى الكورة " حلوة الكورةة القدم حماس لكن تعرفي شخصياً ما اميل لها أطلاقاً مآادري ليش ؟؟ ششكراً والف مرحبا فييك ..

سكون

فديتك

ع كلامك الجميل وعقليتك الواعية الفذة

ربي يخليك

اسعدتيني

[الممدوح]

هلا فيك أختي الكريمة وحياك ربي بالمنتدي

الرياضة وجودها بالمدارس و الجامعات لدينا مهم ويجب تنفيذها سريعا

والا ان عمليات ( أزالة الشحوم ستكثر لدينا ) ( أكل ومرعى وقلت صناعه )

ولكن يجب وضع ضوابط شرعية في ذلك . .

وأذا كنتي تلعبين أمام الرجال سواء كانوا سعوديين او غيرهم ( فهذا حرام لا جدال فيه )

المرأه كلها عورة الا وجهها بالصلاة

والغريب بردودك وكأنك جالسة تدعين الاخوات هنا بالذهاب للخارج والانفتاح
و من يشاهد كلامك يعتقد ان البنت لدينا محبوسه بين اربع جدران

كثير من الرجال يقدر دور المرأه و يمنحها حريتها بحدود الدين .
والحمد لله الان الوضع تغير كثير فالمقاهي النسائية كثر وكذلك أسواق نسائية
تاخذ المرأه حريتها بالتسوق وكانها بالبيت .

ملحوظة : لو جربتي الرباط الصليبي صدقيني لان تفكري أطلاقا بلعب الكره .

الله يهدى الجميع على ما يحب ويرضى

لك ودي

الممدوح

[كلي مشآعر]

حبيت أضيف تعليق...

حاسه انك انزعجتي من الردود المعارضه لرأيك ..
بحيت انك رديتي عليها بجفاء....
واللي وافقك الرأي وصفتيه بالعقليه الفذه الواعيه اللي منفتحه على التطور .....


اللي عارض رأيك بعد عقليته فذه وواعيه اكثر مما تتوقعين لاكن كل انسان له حدود....لازم يعرفها ويعرف وش اللي يفرضه دينه عليه.