مـ ح ـد بالدنيـا يستـآهل !!!

الأمل المشرق · 19-06-2010, 10:15 PM

.

من أروع مـا قرأت

.

محد بالدنيا يستاهل !!

ولا شي بالدنيا يستاهل

الدنيا ما تسـآوي جناح بعوضه ..

إنت ومشاكلك وأحزانك وأفراحك وكل بلاويييييك كله ما يساوي جناح بعوضه ..

محد يستاهل تبكي عشانه ..

ولحد يستاهل تحزن عشانه وتوقف حياتك لعيونه ..

الدنيا يا جماعه فاانيه ..

فانيه

حقييرة ..

يعني في يوم من الأيام حـ تموت وحـ يحطوك في القبر ..

وحـ تنسأل !!

إيش بتقول ..؟

إنت يا رب بليتني وأنا كانت عندي بلاوي عشان كدا ما طعتك ..||~

يارب كانت عندي مشاكل وأتعطلت حياتي وقعدت زي الغبي أبكي عليهـا ..

يا جماعه الدنيا تمشي ..

وإذا في توقف ..

فهو إحنا اللي واقفين !!

أرمي كل همومك ورا ظهرك وخلي شعارك ..||~

محد بالدنيا يستاهل !!!!

لا أهل جفوك ..

ولا زوج بهدلك ..

ولا صديق جفى عليك ..

ولا حقير حرق قلبك ..

الدنيا عندالله جناح بعوضه بس !!

يعني حتى مو بعوضه ..

حقيييره ياجماعه !!

أحتسب كل بلاء عند رب العالمين ..

وأحمد ربك على كل نعمه إنت عايشها ..

إحنا في نعمه والله مو حاسين بيهـآ ..!

~||.. الناس ..||~

الناس عاملهم بذوق وأسلوب ..

زيما علمتك أمك من يومك ..

سوي خيييير ولا تنتظر رد من أحد ..

أو أي أعتبار من أحد ..

إذا بتسويه سويه لنفسك وربك وبسس ..

وترا الدنيا دواره كما تدين تدان .. ربي ما ينسى ظلم !!

طنش طنش طنش ......... إلى مـالا نهـاية !!

فلان حش فيك وفلان يكرهك ..!!

أحسن برضو خفف عليك ذنوبك .. وأعطاك من حسناتو ..

أتعلم التطنيش والبرود وأتوقع إنك تنصدم ..

وكل ما انصدمت بأحد كل ما صرت أقوى ..

كل ما صارت تجاربك وخبرتك الإجتماعيه أحسن وأحسن ..

~||.. دموعك ..||~

دموعك ومشاعرك تراها أهم وأغلى شي "عندنا إحنا البنات" وهيّـا الي تتحكم بنفسيتنا وأفعالنا ..

حبّي نفسك .. حبّي نفسك .. حبي نفسك .. ودلعيها ..!!

عشان تعيشي مرتاحه ..

خلي قلبك لكِ ..

لا صديقة ولا قريبة ولا أي أحد يستاهله ..

حبّي الناس بعقلك مو بقلبك عشان ترتاحي بحياتك ..

نحبهم !!

ليش نحبهم ..؟

في الأخير همّـا اللي يبكونا وهمّـا مصدر تعاستنا وأحزاننـا !!

لا تبكي على أحد ..!!

أبداً أبداً أبداً مين ما كان ..!!

صدقيني لو كانوا يستاهلو كان ما خلوكِ تبكي ولا تحزني ولا تتضايقي ..

ولا خلوا مجال دمعة وحدة تنزل من عينك ..

~||.. العافيــة ..||~

يكفي إنك تمشي وتتحرك يدينك ورجلينك ..

ما فكرت يوم تقول الحمدلله !!

يا رب لك الحمد إنك تمشي مش تتسحب من كرسي لسرير ..

وتشوف نظرات الشفقه تحرقك !!

احمد ربك على كل نعمه إنت فيها .. الحمدلله !!

~||.. المال ..||~

تاكل تشرب تشتري تتسوق تلعب بالفلوس بيدينك ورجلينك

عايش في أمن وأمان ..

وتقول يارب إيش هادي الدنيا القررف !!

فلان ضيّق صدري وعلان سوآ فيّـا ..

ووأختي سببت لي مشكلة ولا أمي ولا أبويـا ..

أنا ما أبغي الدنيا .. كرهت العالم أبغي أموت !!

مره وأنا في السوق واحد وأمّو أشكالهم جدن مبهدله وواقفين عند محل سينبون ..

ويطالعو بالحلى الي عارضينه وبس يتفرجو وطولوا وهمّـا بس يطالعو فيه ..

طلع الولد كل الي معاه والأم طلعت إللي معاها ..

كلّو على بعضو ما جا 4 ريال !!

تخيلوا سأل الولد اللي يبيع إذا فيه شي من السينبون الي عارضينه بأربع ريال ..!

قالو لاء يا دوب تشتري فيهم مويه ><"

شفت في عينه نظرة انكسار وبوؤس مو طبيعيه هوّا وأمو ..

شي يبكي ويعور القلب!!

احمد ربك عشان ما يسلب نعمته عنّك ..

وصلي لك ركعتين عشان ربي يرحمك ..

ويرفع عنك ضره ..

احمد ربك على العافيه والله إني كنت يوم من الأيام ضااايق صدري ..

من موقف صار لي مع استاذ في الجامعه ..

وأنا أمشي كاره الدنيا ..

وكان في قدامي اتنين أشوفهم يتكلمو بس اللي لاحظتو إنّو حركة إيدينهم كتير .. ومو طبيعية !!

يوم قربت اكتشفت إنهم الاتنين ..

صم وبكم !!

ما يتكلمو ..

صغار عمرهم أقل من الـ عشرين والدنيا قدامهم وما يتكلمو ..

محد يفهملهم ..!

والله إني أستحقرت همي ونفسي !!

قلت يا رب إنت أنعمت عليّـا .. كل يوم أتكلم مع أهلي ..

أنا إذا أبغى أبكي بكيييت ..

أنا أتكلم مع أصحابي وكل الناس ..

أضحك أبكي أنكت أتعرف على كل الناس أتكلم مع أمي أبويـا ،،

همّـا مـا يقدروآ =(

كل يوم لساني أحركو مليون مره وما عمري قلت الحمدلله يارب إني أتكلم ..

إيش كنت أقول غير أنا مضـايق ولحد يكلمني !!

مالي خلق لكم ومحد حاسس بيـا ..

والله ولا شي ولا أحد بالدنيا يستـــاهل همي !!

إذا عندك هم صلي ركعتين وأطلب ربك يفرجها ..

لاتذل نفسك لخلقه ..

ترى كلهم ضعاف ..

محا يسوولك شي ..

احتسب الأجر .. واحمد ربك حتى على البلاء ..

إنّو ربي بيكفرلك بيلو ذنوبك ..

اللي يشوف أهل البلاء يوم القيامه يتمنى يكون جسده قرض بالمقاريض ..

إحنا المرض الخفيف ما نتحملو ..

احمد ربك على كل بلاء ..

لأنه خير والله لك ..

وانت اللي في النهايه بتلاقي حسنات ..

ولأنّو الدنيا ماااشيه .. وبتنتهي في يوم من الأيام ..

ومحـا تبقى كل النعم ..

محـا يبقى إلا عملك ..

إحنا يا جماعه همومنا موقفتنا عن كل شي ><"

ما عندنا غير نندب حظنا

وعملنا

ودنيا

ما سوينا شي ..

يا جماعه أنصح نفسي قبلكم لأن الله يعلم بتقصيري !!

وقلة صبري ..!!

وضعفي ..!!

نبغي كل شي لنا وإذا نقصنا شي ..

تركنا كل اللي عندنا وقعدنا ننوح طول حياتنا على الناقص ..

إذا ارتفعت حرارتنا ما أتحملنا وقعدنا نبكي طول الليل ..

وبلال كان يضرب بالصخرة العظيمه الحاره بصحراء مكة وهوّا يقول ..

أحـــــــــدٌ أحــــــــــدٌ

إيشش لو من الأجر عند الله ؟؟

ياجماعه فكروا بس إيش سويتوا ؟

وإيش البلاء العظيم اللي مريت فيه واللي بيكفر لك ذنوبك ؟

هـادا طبعاً إذا احتسبت الأجر وما كسبت زيادة سيئات ..

بالقنوط وسوء معاملتك لاهلك والناس !

إنت عندك مشكله مع زوجتك؟

بلاء في واحد من عيالك؟

مشكله مع صديق؟

جفا شخص تحبو؟

ابتلاء في أمك وأخواتك؟

عندك أب أو زوج أو أخ ظالم؟

عندك ابن أو أخ هايت ضايع حارقلك قلبك ؟

مشكله مع زميل دراسه - عمل؟

حالتك المادية سيئه؟

فيك مرض مزمن خطير؟

أقول في كل الأحوال احمد ربك إنك مش في فلسطين ولا العراق ..

عرضك مستباح

دمك مستباح

تصبح خايف وتنام تعد عيالك قبل لا يفجعك الصبح التاني بواحد منهم

احمد ربك إذا أصابك واحد من هادي الإبتلاءات إنّو ربي رفع عنّك بقيتهم

إذا أصبت بالتهاب في الحلق فأحمد الله أنك لم تصاب بسرطان في البلعوم

وإذا أصبت بمرض في القلب فأحمد الله أنك لم تصاب بمرض القلوب الأعظم (الكفر)

وإذا أصبت بمرض في عينيك فأحمد الله أنك لم تصاب بالعمى ..

إحنا في نعمه ..

ليه نجحدها؟

ليه ننكرها؟

ونخلي ربنا يسخط علينا !!

ربي رحيم كريم ..

يعطي ويداه مبسوطتان ..

وإحنا !!

نشكي لفلان وعلان !!

محد بينفعك !!

وإن نفعوك فإن ربي هو اللي يسّر لهم !

في الثلث الأخير من الليل كل يوم ربي ينزل للسما الدنيا ويقول ..

هل من داع فأستجيب له ..

كل يوم

كل يوم

وإحنا كل يوم ..

إيش نسوي !!

فكر بجد ..

قاعد على النت ..

ولا تتكلم مع أصحابك عالمسن !

ولا تلفزون ولا فيلم ..

ولا نااااايم ..

وربك العظيم جل جلاله نازل يسمع مطالب عبده ..

ربي مايرد إيدينك إن رفعتيها ..

ربك كريم ..

عندك مشكله..

هو ملاذك ..

أشكي لــــه كل شي !!

مشاكلك الكبيره والصغيره ..

الصحابه كانو يسألو الله حتى في شراك النعل !!

وربي إن ما أجاب دعوتك دحين ..

بيثيبك على دعائك ..

وبتاخد أجر من إيش؟

وبيبرد على قلبك ..

ربي ما بلاك إلا لأنه يحبك ..

ربك قدير يقدر يبلي فلان من الناس وفلان ..

لكن !!

اختارك انت !!

ليه؟

يبغي ينكد حياتك؟

لاوالله لأنّو يحبك ..

ربك يحبك

في أحلى شعور من هادا =') !!

بلاءك ما يزيد من ملكه شي سبحانه ولا ينفعه بشئ ..

ينفعك انت !!

ربك يحبك ..!

يبغي يجمع لك رصيد تلقاه بعدين ..

ربك هو اللي ابتلاك ما تستحي تشكي لغيرو ؟

وتعصيه وهو أكرمك بإبتلائه؟

أسأل الله أن يرفع عن كل قارئ كربه ويفرج له كل ضيقه ..

ويفتح على قلبه ويهديه وييسر أمره ويكشف ضره ..

إنه سميع سبحانه مجيب الدعاء ..||~

إن رباً كفاك ماكان بالأمس

سيكفيك في غدٍ ما يكون

. . .

مـافي أروع من دآ الكلام ..

إن شاء الله يعجبكم زيمـا عجبني .. ^^"

. . .

بداية نهاية · 19-06-2010, 11:41 PM

يسلموووووووووووووووووووووووووووووووووووووووووووو

في صمتها حكاية · 20-06-2010, 02:12 AM

كلام في قمة الروعه والجمال

نعم الدنيا فانيه ولا تستاهل انا نتعب لها

ونحن هنا عاملون لدنيا ثانيه

لجنة عرضوها السموات والارض

وهي من اسمها شي دنيئ

وما اضفتيه من نصائح زاد الموضوع بريقه

شاكرين لك غاليتي من القلب

ونتمنى ان تزيدينا من مواضيعك الرائعه

ولا تحرمينا من جديدك

فامثال قلمك نحن نتشوق لهاا بشغف ..........