العودة   منتديات الـــود > +:::::[الأقسام الشبابية الترفيهية]:::::+ > عالم الشباب والرياضة
موضوع مغلق
   
 
أدوات الموضوع تقييم الموضوع انواع عرض الموضوع
قديم 23-10-2010, 01:48 AM   رقم المشاركة : 21
سحبة قلم
( ود نشِـط )
 





سحبة قلم غير متصل


ملحوظة / سأجعل كتابك باللون الاسود لاجعل ردي بالازرق




اقتباس
المشاركة الأصلية كتبت بواسطة فـهد الغسيان
عليكم الـــسلام ورحمة الله وبركاته


الحبيب الأزرق ..!
زعيم الأرض .. وزعيم الكل .. وزعيم الوطنيه .. غصبا ً عن كل مواطن !

وش المشكلة طيب .. وين الجمله المفيده



كانت القناه الرياضيه تسخّر برامجها له ..
وتوسّع حدود تغطيتها ..
من مكه .. للمدينه .. للقصيم .. للشرقيه .. لجدّه .. لتبوك ..
ومقابلات .. ودعوات .. وأماني

والله ماللفريق دخل أعتقد .. ومو ذنبة لو له شعبيه ؟



دعم إداري من رؤساء الأنديه .. تسيير حافلات .. حضور للمنصه ..


طيب وش المشكلة ... هل شحدناهم المؤازره ؟
يافاضلي انت مانت عارف وش تبي تقول حتى مرة تقول هذا جزا المعروف ومرة تقول انتم تطالبون ان ماحد يجي؟




لدرجة أني شكيّت وقتها إن الهلال مستضيف بطولة كأس العالم للأنديه ..
وإنه بيلعب على النهائي في العاصمه ..!


والله الهلال ينافس بجداره والغيت سوء حظ واللي يفوز فيها مرة ويتاهل ماتسميه حظ ؟





وفوق كذا .. الجرايد .. ماقصرت ( هي قصرت من أول عشان تقصر تالي )
اضغط على الصورة لفتحها بصفحة مستقلة

مدح .. وتمجيد .. وإستعداد ..
تصاريح تمجّد .. وتصاريح تحتقر !
حتى محمد بن فيصل رئيسهم الأول .. جاي يقول :
( مانبي تشجيع من الجماهير الباقيه .. على الطريقه الإتحاديه ) !


حلو يافاضل يعني معاريف مافيه اللي جا جا وطنيه ولايحتري تمجيد الا من وطنه




يعني شوفوا .. حتى وهلالهم يلعب وظالم الأنديه بالتأجيل ..
ماسكتوا .. لااااا .. إلا بعد يستحقرون .. ويطلعّون صوره غلط عن أنديه منافسه !

ظالم الانديه بالتاجيل ..؟ هههههه واضح انك تبحث بحث عن نقاط الدفاع
وش دخل التاجيل بالنصر ؟ هههههه
وتاجلت مباراة الاحاد فقط والاتحاد قلنا ورددنا حتى الاتحاد أجل له فلاتستغل التشويشات التي تدل على ضعف قلم في صفك


وكل هذا ليه ..؟

عشان الإتحاد إعترض على تأجيل مباراته مع الهلال ..
وهي قبل مباراة ( الذهاب ) مع الفريق الإيراني بتسع أيام ..!
يعني عيني عينك ..
أظلمك .. عادي ..
بس اللي مهوب عادي .. أنك تشتكي من ظلمنا !
ساديّه غريبه .. مع هالهلال .. أي والله غريبه !



ههههههههه وش رايك تبي الهلال يعطي الاتحاد الدوري؟
يعني عشان الهلال مصرح انه همه الاسيوية تبونه يسلم الدوري؟
وين الساديه ليش ماتاجلت مباراتين ليش لعب الاتفاق يابشر لاتكبرون الصغائر



ماعلينا ..


جات المباراه ..
ونزل الزعيم للملعب ..
الإيرانيين .. واجهوه .. وهزموه .. وحتى لاعبهم الكوري .. قدامهم طلعوه !
والجمهور اللي احتشد في الملعب على قولتهم .. ( أكتموه .. ثم نحشّوه ) !!


هذا مقال ولا تغني مثلاً!!


الحمد لله .. أن الحكّام الإثنين .. لمباراة حلال البلطان .. ولزعيم الوطنيه ..
كانوا أفضل عناصر في المباراتين .. إلا كانوا الأفضل وبدون جدال ..

عاد اذا كان حكم مباراه الهلال ذهاباً واياباً أفضل حكام هل هذا يعني انا نصدقك أو أنا نصدق انك ماتفقه باللعبه الا
الكلام والغناءْ



ولاّ كان دوروا لهم .. كم كلمه ع الماشي للحكم .. ويالله السالفه تصريف في تصريف !

هههههه لك ذمة وسيعه ماشالله
الله لايحللك بكل حرف تتفوه به كذب
ترى حتى كرت نفيز صحيح عندك صح؟ الهلال ياحبيبي ظلم بالذهاب ولاحاسمينها هناك




وقتها مالقى عبدالرحمن بن مساعد عذر يقوله ..
قال ياولد مبدهاش جاتك الفرصه وطلع يقول : ( أنا أعلن تحملي للمسؤلية .. وأعلن إستقالتي ) !
طبعا ً أخذ دور قريندايزر لـ ( لحظات ) من خالد البلطان ..
مهو كلهم طلعوا مسوين فيها أبطال .. ويرددون جملة ( أنا أتحمل المسؤليه )
لدرجة إن جريدة الرياضية خربتها وحطت العنوان بشماته واضحه لهم تقول فيه :
[ بين الرياض وسيئول .. كل ٍ يقول أنا المسئول ] !

وليه ياعبدالرحمن بن مساعد .. تستقيل ؟

قال : أنا والله مااتحمل منظر هالجماهير اللي طلعت زعلانه !

السبب الحقيقي .. هو أن عبدالرحمن بن مساعد ماجا للهلال إلا عشان الأسيويه ..
والرئيس اللي بيجي ( هذا لو أستقال قريندايزر طبعا ً ) ماراح يجي إلا عشان الأسيويه ..
وهذا هو الشرط الحين لرئاسة الهلال ..
ولعلمكم كل هذا عشان شي واحد بس .. عشان الهم اللي فاقع قلوبهم .. ( هم ّ العالميه ) !


لانه مابقا ولابطولة الا هالبطوله اللي هو ملكها بس فرقت بمسماها لكم وتاهيلها للعالميه
وحنا اخذناها والغيت العالميه حنا نفحط فيها ومايفحط بها الا ابطال الدوري
بس ياحبيبي انت فحطت حول الهبوط وماتهزينا فيك بس فرق اخلاقي بحت لايعلمة الا السماءْ




ولما خسروا وطلعوا ..
وش رجع إعلامهم وجماهيرهم يقولون ؟

قاموا يفرغّون قهرهم .. وحسرتهم .. ويكتبون :

( بقاءك أكبر من بطوله ) !
( مانبي عالميه تجي بالترشيح ) !
( حتى وإن فقدنا بطوله .. إستمرارك معنا أهم من كل البطولات ) !ّ!
( نطلع من بطوله أسيويه مهزومين .. ولانطلع من بطوله خليجيه مضروبين ) !!


شفتوا .. أكثر من كذا ( إنهيار ) ؟!
اضغط على الصورة لفتحها بصفحة مستقلة


صدقوني الله عطاهم على قد نيّتهم ..
وجماهير النصر .. اللي حضروا المباراه ودعموا ..
اقول لهم بيض الله وجيهكم .. أنتوا دايما ً تشرفون ناديكم ..
لأنكم رجال ..

والعبارات هذي اللي قريتوها فوق .. ماراح أرد عليها ..
إلا بمانشيت جريدة شمس نهار الخميس .. وبعد ليلتهم الظلما ..
مع انها كانت بنص الشهر ..
وفعلا ً غاب فيها هلالهم ّ!

جريدة شمس المانشيت حقها يقول :

[ قالوها النصراويّه : العالميه .. صعبّه .. قوووووّوووويه ] !!





السؤال هل هو انه اخلاق بالنصراويين او ماعندهم اعلام
لو اخلاق بالنصراويين شوف وش تكتب انت الصرامي ابو اربع من الابل
ياحبيبي أكتب مقالاً فني لارد عليك
صدقني ماتكتبه لي سوالف فاضحة بس عالعموم



عوافي






قديم 23-10-2010, 03:32 AM   رقم المشاركة : 22
ســــطام‘
( وِد ماسي )
 
الصورة الرمزية ســــطام‘

اقتباس
المشاركة الأصلية كتبت بواسطة سحبة قلم
ملحوظة / سأجعل كتابك باللون الاسود لاجعل ردي بالازرق










السؤال هل هو انه اخلاق بالنصراويين او ماعندهم اعلام
لو اخلاق بالنصراويين شوف وش تكتب انت الصرامي ابو اربع من الابل
ياحبيبي أكتب مقالاً فني لارد عليك
صدقني ماتكتبه لي سوالف فاضحة بس عالعموم



عوافي

الله يعافيك رديت على موضوع هنا وللاسف ما احد قدر يرد علي مدري وش فيهم .. المهم ابي اقتبس الرد و انت ترد او تفرج زيهم لك المايك


اقتباس
المشاركة الأصلية كتبت بواسطة فـهد الغسيان

الاعلام الرسمي اللي انقلب للتطبيل والنفخ في الهلال وزفوه لليابان ونادي القرن ومن هالسوالف .. هو اللي تسبب على الهلال .. وهو اللي نفخ الهلال .. وهو اللي عيش الهلال انه الان بيروح يقابل انتر ميلان في بطوله العالم للانديه .. وان ياسر بيحمل كاس اسيا وبياخذ الهداف .. وان الحلم بيتحقق .. الخ


اغلبكم كان مقهور يمكن من هالتحيز الفاضح .. لكن لو كنتو تدرون ان هذي نتايجه كان كلكم شجعتوهم ..

الهلال ماكان محتاج تطبيل .. كان محتاج ( كف )

كان محتاج شخص صادق يقول تراك سجلت ٦ اهداف في اخر ثلاث مباريات ولا واحد منهم فيه جمله تكتيكيه !

تراك مهزوم اخر مباراتين !

تراك الان تلعب وانت خسران واحد صفر واي هدف بينهي امالك !

ترا مستواك اما الاتفاق سئ !

تراك تلعب ياسر وهو مصاب ونيفيز وهو ماهو جاهز لياقيا !


ترا ماعندك طبيب ..

ترا مدربك ماهو متفرغ لك ..

ترا مدرب اللياقه راح .. ماعندك مدرب لياقه ..!



كل هذي يعرفونها الهلاليين العقلاء داخل انفسهم وداخل عقلهم الباطن .. ورئيسهم قبلهم .. لكن كلهم كانو يخفونها .. ويقولون .. كلها مباراتين وتزين الامور !


رئيسهم في اكثر من مره يطلع ويصرح ويكذب وهو داري انه يكذب وجمهور يدري انه يكذب ..لكن كانو يقولون كلها مباراتين وتزين الامور .. مهب وقت فتح الملفات !


كنت اقول لاحد الاصدقاء .. ان المشجعين الهلاليين ماهم اغبياء كلهم .. كثير منهم يستغبي .. هو عارف وفاهم بس لمصلحه فريقه يستغبي ..

وقلت المشجع الهلالي العاقل عنده ملف اسود .. مخبيه تحته .. مخبيه على امل الفريق يحقق الانجاز فيروح يحرقه ...
او انه تحدث المصيبه .. ووقتها راح يطلع هالملف الاسود في وجه ادارته الي كذبت عليه وشحنت الفريق والجمهور وتسببت ع الفريق بكل اللي صار ..!

ملف المدرب والطبيب ومدرب اللياقه واللاعبين المحليين والمهاجمين والكذب ...

وايضا فيه كذبه الصرف المالي المبالغ فيه ... اجل دفع ٢٠٠ مليون ؟ خخخخخ


اجل موبايلي ماسكه المقصف في النادي





المهم .. فعلا خرج الهلال وظهر الملف الاسود وتشوفون الان جمهور الهلال في مواجهة ادارته .. والاداره اختارت الهروب في نص الموسم !


الاداره الهلاليه نالها نصيبها من التضخيم الاعلامي .. لدرجه ان الجمهور النصراوي صدق النفخه هذي .. ونسى اصل القصه كلها ..

عبدالرحمن بن مساعد اتى لفريق جاااهز .. وحقق ٧ بطولات في اخر ثلاث مواسم ..

اتى عبدالرحمن بن مساعد ووجد مدرب جاهز ( كوزمين ) .. اجنبي جاهز ( التايب ) .. استقرار فني وشرفي واعلام مهيئ لك كل الاجواء .. وفوق هذا .. اخوه هدد موبايلي وخلاهم يرفعون العقد لسبعين مليون .. وتوصل لـ ٩٠ مليون في حال تحقيق البطولات ..


كل اللي سواه عبدالرحمن بن مساعد .. جاب ويلهامسون .. ورادوي .. وحط فلوس موبايلي وفلوسه وركزها عليهم وجابهم باسعار غاليه لان ماوراه غيرهم !

في المقابل مااجرى ولا صفقه محليه .. ( اسامه هوساوي تم حسم صفقته في عهد محمد بن فيصل ولكن النظام لم يسمح له باللعب الا بدايه موسم بن مساعد لانه كان علي قائمه الانتقال )

في النصف الثاني من الموسم اقترح بن مساعد اضافه اللاعب الاسيوي وتم قبول الاقتراح ( كالعاده ) .. وجلب سول الكوري وفشل فشل ذريع ..



بمعنى .. كل اللي سواه بن مساعد ثلاث صفقات .. نجح منها اثنين .. وفشل واحد ..

النتيجه كاس ولي العهد ..

في الاسيويه .. صار طرد كوزمين .. والاداره فشلت في التعامل لا نفسيا ولافنيا وخرجو من فريق ضعيف جدا مثل ام صلال ..

الموسم الثاني .. تم استبدال التايب بنيفيز .. واستبدال سول بالكوري لي ..

نيفيز كان جيد لكن لم يقدم تلك الاضافه والتغيير مثل التايب في اول مواسمه .. اما لي فكان ناجح لانه اتى اصلا في مركز مافيه احد .. وهو الظهير الامين ..

الهلال لم يجلب اي صفقه محليه .. باستثناء المحياني واللي كان بتدخل ورغبه من اعضاء الشرف وخرج عبدالله بن مساعد وقال ان اعضاء الشرف لم يدفعو سوى خمسميه الف .. وانهم سيظطرون لانتظار موبايلي .. ثم خرج بعدها بتصريح ( اتمنى ان يطور عبدالرحمن بن مساعد مهاراته في الشحاذه للايفاء بقيمه المحياني ) وكان المحياني صفقه للدكه ..وتم شراءه بقيمه اقل من عرض النصر !

وتم جلب المدرب جيريتس وكان مدرب ناجح وبديل ناجح لكوزمين خصوصا انه اتى في وقت تخبط للانديه السعوديه بشكل عام فغير اسلوب الهلال من الدفاعي المعتاد الى الهجوم الضارب ..


في الموسم الاخير عبدالرحمن بن مساعد يعلن عن ازمات ماديه .. وعدم قدره لتجديد عقد ياسر ورحيل المدرب .. ورحيل طبيب النادي ومدرب اللياقه لعدم القدره على الايفاء بمتطلبات تجديد عقودهم ..

صفقتين محليه للاحتياط .. وليد الجيزاني راس براس .. والجمعان بتراب الفلوس وبدون تسديد حقوق وكيل اعماله !

ثم يخرج بن مساعد ويعلن انه ليس لديه قدره ماليه وتقوم موبايلي حسب خبر جريده الرياض بتقديم دفعه من الموسم القادم له لانهاء بعض الالتزامات ثم بعد مرور اقل من ربع الموسم وبد هزيمه مذله من اصفهان .. يعلن الرئيس استقالته ورحيله !

سؤال للمخدوعين

متى انصرفت ٢٥٠ مليون من جيب بن مساعد ؟ .. وعلى ماذا صرفها ؟

اذا كان عقد موبايلي خلال السنتين الماضيه ضخ حوالي ١٥٠ مليون ريال ! ..

والصفقات باستثناء الاجانب والمدرب هي بتراب الفلوس .. فعلى ماذا انصرفت ؟ ..

اذا كان بن مساعد جلب في اول الموسم اجنبيين .. ثم اجنبي اسيوي لست اشهر فقط ..

والموسم الثاني اعلن اخوه ان الرئيس سيشحذ من اجل صفقه المحياني !!

وفي بدايه الموسم الثالث الرئيس يعلن الافلاس والرحيل !!

وموبايلي تضخ ١٥٠ مليون وفوقها سلفه مقدمه !

فمتى صرف الاخ ٢٥٠ مليون من جيبه الخاص ؟ وعلى ماذا ؟

خصوصا انه رفض تسديد ديون اداره محمد بن فيصل الـ ١٨ مليون !!

هذا هو النفخ الاعلامي اللي جعل الجماهير تصدق هالحكايات الاسطوريه اللي مافيها اي اثبات واللي ساعدها فقط .. نتائج الفريق الهلالي وابداع اجانبه .. فصارت اي حكايه تتصدق لمجرد ان النتائج تدعم !

-------

النفخ الاعلامي استمر في مواجهة ذوب اهن الفريق خرج مهزوم بالاربعه من الغرافه .. راحو وصفوه انه الزعيم قاهر الظروف ... وانهزم في الذهاب امام ذوب اهن .. قالو التحكيم .. مع ان التحكيم هو الي انقذهم امام الغرافه !

جاءت مواجهه الاياب .. اي هدف لاصفهان معناها باي باي هلال ... شحن جماهيري على اعلى مستوى .. شحن اعلامي ..

قبل المباراه فتح باب التبرعات للتذاكر والباصات الى الساعه ثلاث الفجر !

مباراه الشباب بعد نهايتها بنص ساعه بدو يتكلمون عن الهلال وفجأه عضو الشرف فيصل الشهيل مرتز ... يعني سواءا فزت او انهزمت يالشباب كنا ناوين نسحب عليك ..

والشبابيين مساكين .. رئيسهم تفرغ للتهريج واضحاك مشجعين الهلال .. وصار يتكلم عن النصر والفحوله ونسى انه فاز بشق الانفس في الذهاب ..وصار يقلد تصاريح رئيس الهلال ويتلزق في اعلامهم .. وهو عارف لو خسر .. راس مالها تصريح والاعلام مهب يمه وكلن لاهي بالهلال .. والجمهور مسكين لايقدر يأثر ولا يسوي شي .. لذلك ماراح تفرق معه ..!


اما بالنسبه للهلال ..

تغطيه ميدانيه من ست مناطق في المملكه .. المراسل يقول كنا ناوين نسوي استديو ثاني ع المضمار بس الانظمه الاسيويه منعتنا !!

مراسلين كل كلامهم صح بتدعي للهلال ؟ ..صح بتتمنى الهلال يفوز ؟ .. صح الهلال زعيم ؟

دعوات وابتهالات واشعار وتحميس .. لدرجه حسيت اننا داخلين غزوه مهب مباراه !!

الاعلام وبن مساعد صورو لهم ان هالمباراه لو مافزتو فيها .. فكأنكم ماسويتو شي طوال تاريخكم !!

بن مساعد ربط نجاحه وفشله بالاسيويه والتأهل للعالميه وكان واضح طموحه للمجد الشخصي من خلال البحث عن الاولويات ..ولا بعد فضيحه شراء لقب نادي القرن فضيحه واعتراف بندر بن محمد !!

قيريتس بيروح المغرب وبن مساعد والاعلام والجمهور يقولون بنخليه يدربنا لين تنتهي كاس العالم للانديه !!!!

اللاعب الهلالي كل شي حوله صار يحتفل ..ناس تزفه وناس تتهاوش علشانه باسم الوطنيه.. وناس يطلعون مغصوبين من انديه ثانيه علشان يقولون بالتوفيق للهلال لان الهلال هو الوطن ..الخ

وضع اللاعب الهلالي صارب مثل الطالب اللي داخل اختبار نهائي ويلقى اهله وقبيلته واخوياه كلهم ينتظرونه وواقفين فوق راسه يبونه يجيب العلامه الكامله !


ماعاد فيه اعصاب .. بدت المباراه وكل دقيقه تمر قدام هالجمهور معناها انت بتخسر البطوله العقده ..انتهى الشوط الاول والنفسيات تحطمت .. محتاج فرق هدفين .. وفجأه جاء فيك هدف .. وفي كل احوال المباراه كنت جامد ماتقدر تسوي شي .. انتهت ببساطه الحكايه ..وطلعو .. وطلعت الملفات السوداء !

وانتبهو في الاخير ان الاعلام ضحك عليهم .. وانه نفخهم .. لحد ماانفجرو .. !

------------
يتبع







قديم 23-10-2010, 03:36 AM   رقم المشاركة : 23
ســــطام‘
( وِد ماسي )
 
الصورة الرمزية ســــطام‘

اقتباس
المشاركة الأصلية كتبت بواسطة فـهد الغسيان
انا عن نفسي وكمشجع ( طبيعي ) كنت اتمنى الهلال يخسر ويطلع ويخسر كل البطولات وهذا شي طبيعي وقاله عبدالله بن مساعد .. انه يستغرب وش دخل الوطنيه بمباريات كره قدم ؟؟ .. وان هذي منافسه على كوره مالها دخل الوطنيه فيها !

وبعدين كيف انا كنصراوي تطلب مني ادعم نادي مؤسسهم يقول اتمنى يخسر النصر حتي لو في بطوله دراجات ولو كان ولدي نصراوي ذبحته ... والهلاليين دافعو عنه !!

وفيصل ابو اثنين يطلع يفزع مع الوصل .. ونواف بن محمد يفزع مع الوصل .. بس لان المقابل النصر !!

انا كإتحادي كيف ابشجع فريق الهلال من اجل الوطنيه وهم اللي كانو يهتفون باسم نيجيريا في مباراتنا معهم ؟ .. ويرسلون للفيفا معلومات ان محمد نور اصله نيجيري !!

انا كنجراني كيف تبغاني اشجعك وجمهورك كان ينادي علي بالشيعي وبن مساعد يطلع ويدافع عنهم !!


وبعدين ايام مشاركات المنتخب كان الشعب منقسم قسمين .. قسم مع وقسم ضد وماشفناه الانكار والاستنكار وقفله الاخلاق والتهويل وكأن الواحد ارتكب كبيره !!

اي اهم ويمثل الوطن .. المنتخب ولا الهلال ؟!

ليه انك تكون ضد المنتخب شي متقبل في المجتمع بس ضد الهلال خارجيا لا !!
المشكله نص الهلاليين الزعلانين ع الوطنيه كانو يتمنون خساره المنتخب !

والنص الثاني صارو يشجعون اصفهان امس بعد ماتأكدو من الهزيمه ... وين الوطنيه ؟ .. ولا هي بس مرتبطه بالنتيجه ؟

الصراخ والتعصيب والحماقه اللي سواها المعلق الهلالي المتعصب عبدالله الحربي وتهجمه واتهامه للاتحاد الاسيوي ورئيسه والسب اللي قاله للحكم علشان ضربه ركنيه ..

قد شفتوه صار في مباراه المنتخب ؟

ابعطيكم ثلاث مقاطع وشوفو .. وعلموني كانكم قد شفتو زيها في مباراه للمنتخب .. يمكني غلطان !




اذا فيه علموني .. يمكني ظالمهم ... لاني مدري والله وش هالوطنيه اللي ماتبدا الا مع مشاركه الهلال وتنتهي بنهايه مشاركته !!

ع العموم اجمل مافي مشاركه الهلال الاخيره .. ان الكل توقع ان الهلال فائز لامحاله وسيتأهل للعالميه ...لذلك كشفو عن اقنعتهم واظهرو وجوههم القبيحه وماعاد تنفع معها الترقيع !


ولو قالولي تبي الهلال السنه الجايه يتأهل لنصف النهائي مع الخريطيات القطري .. وينصقع بخمسه ذهاب واياب ويطلع .. ولا يطلع من المجموعات بفارق الاهداف ..

راح اختار انه يطلع من المجموعات .. لان بصراحه ماعاد عندنا استعداد يتكرر الازعاج اللي صاير والحملات والقلق ولخبطه الدوري والصياح والتصاريح والطقاق الاعلامي وبرامج الطراره وشحذ الجماهير وروابط الانديه .. والتشكيك بالوطنيه .. وشجعنا ولا بنصيح .. الخ ...

كلها ماتسوى علينا والله !

ترا اسيا تقام كل سنه ... واذا شاركنا فيها وقسم بالله مانبي احد يساندنا ... اللي بيشجع من نفسه حياه الله واللي مايبي بسلامته .. والله محد جايب خبره ولا نبي نفخ ولا دعم وبسلامتكم ... بس فكونا

------------------------


فريق ذوب اهن قدم درس للنصر طالما عانى منه النصر .. وهو مسأله الثقه .. والاستسلام لضغوط وهميه !

ذوب اهن فاز في الذهاب واحد صفر .. فجاء هنا واكد الفوز بواحد صفر

انا متأكد لو ان النصر فاز اثنين صفر بالذهاب ..راح ينهزم بالاياب ٣ ... ومباراه الوصل والاهلي ماهي عنا ببعيده !

الدور النفسي له اهميه كبرى في مواجهات خروج المغلوب ..

مدافع ذوب اهن سألوه عن جماهير الهلال قال راح نخلي وجودهم كعدمه ..

ذوب اهن لعب بثقه .. ليه ؟

لانه حسبها صح ... احنا الفايزين .. هم محتاجين فرق هدفين .. هم جماهيرهم شابه عليهم .. احنا اي هدف في اي دقيقه ينهي امالهم تماما ... يعني الضغط من عليه ؟؟ .. على الهلال !


وكل دقيقه تمر هي ضغط ع الهلال .. بينما ذوب اهن يرتاح مع كل دقيقه تمر ... مسأله منطقيه .. انت الفايز .. ليه تنضغط ؟

هذا اللي ينخاف عليه في النصر ولا بعد شفت بوادر للحل ..


الاخ ماجد يقول مشكله النصر عدم الثقه في الديربي ... وانا اقول يالييييييت .. يالييييييته في الديربي بس ... الا في كل مباراه !!!

اي فريق صغير قدام النصر تحس ان اللاعبين ماعندهم ثقه بالفوز ويلعبون اخر الوقت بارتباك شديد .. ولاتحس انهم يقضون عالفريق المقابل نفسيا ويخلونهم ييأسون من التعادل .. بالعكس .. دايما اذا النصر تقدم هو اللي ينضغط نفسيا !!

وهذي هي شخصيه الفريق المفقوده واللي البعض قام يضحك عليها من كثر تكرارها .. لكن هذا مايمنع انها لاتزال مفقوده .. ولاتزال مشكله !


-----------

البعض ماادري ليه مصور لنا ان مباراه الاحد الهلال بيحضر بدون رئيس وبدون مدرب ولامدير كره وبدون اجانب وماراح نلقى الا العابد لحاله وحماده ع الدكه !!

ترا الهلال لازال كما هو ماتغير شي .. اللهم هزيمه اثرت عليهم .. لكن هم نفسهم بيقابلونك اللي قابلوك الموسم الماضي .. فوش هالتباشير اللي صايره وكأنهم بيلعبون قدامنا بثلاث لاعبين !!

كل الكلام عن الاستقالات والغاء العقود هي امور مستقبليه مالها علاقه بمباراه الاحد ..بالعكس .. الان الاعلام والجمهور بيحاول يضخم من مواجه الاحد وبخليها بطوله علشان يخففون شوي من الهزيمه .. وتشوفون امس سامي وصف مباراه النصر باهم واعظم مباراه !!

لان لو انهزمو من النصر .. فهنا اقولكم سلمو لي عليهم .. لان محد راح يتحمل هالهزيمه لا اداره ولا لاعبين ولا جمهور ولا منتديات واحتمال يتركون الكوره مؤقتا ويسحبون ع المدرجاات !

لذلك هم راح يضخمون من الديربي من باب المحاوله الاخيره .. اما يرجعون للساحه وللهياط ويرفعون معنوياتهم بعد مايفوزون ع النصر .. او خلاص تنتهي الامور ويغسلون يدهم !


ع العموم انا عارف ومتيقن ان الديربي الجاي .. الضغط بيكون علينا خخخخ مع ان المفروض هم اللي محتاجين الفوز ومضغوطين .. بس كالعاده نخسر المباراه نفسيا قبل مانخسرها نتيجه .. والسبب .. عدم وجود شخصيه !


والله يوفق الـ ( عالمي ) ..







موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 07:03 PM.




 


    مجمموعة ترايدنت العربية