وصلنا البيت دخلت وعلى طول رحت لغرفتي قعدت ارتبه واحوسه مادري وش اسوي مادري هو توتر مادري وش بي
ضايق صدري احس فيه خبر راح يجيني يضيق صدري ياكرهي لاحساسي ..
طفشت ونزلت تحت لجدتي وقعدت عنده والله ماتدري اذا انا متزوجه او لا
كل شوي تقول يالولوه انتي تزوجتي والا لا؟؟ ومنهو حليلتس؟؟؟ <<يعني زوجتس..
ياربي لحظات اقول خرفت ولحظات اقول لا ...
قعدت العب بجوالي امسح رسايل واحفظ رسايل والعب ماريبل شوي ومرات اشوف البلوتوث لين مليت وطقت تسبدي ... ترى العيال ناموا وامي مادري وينه اكيد ببيتنا بس مادري وينه يمكن عند ابوي بغرفتهم يعني دبلت كبد قمت ادور عامر ابلعب كراش يمكن اتونس ... لقيته يلعب كورة ..
عامر: تعالي لولوة تباريني ؟؟
لولوة: بشرط ابي كراش؟؟
عامر:يعني لازم ؟؟
لولوة: ايه ماحب الكورة ولا اعرف له ..
عامر: اوكي شوي ابخزن الدوري ونلعب ...
قعدت عنده ...
ولعبت كراش لين تعبت وميته ضحك انا وعامر ونتهاوش على اليده وحده خربانه وكل واحد مننا مايبيه ههههههههههههه
عامر: تدرين ليت رجلتس يسكن عندنا ...
لولوة: ههههههه ليش؟
عامر: علشان تونسينا طفش لارحتي البيت مابوه احد..
لولوة: لامنه جاء يراضيني قله تكفى طلال اسكن عندنا هههههههههههههههههههههه
عامر:والله يكفخن بعكازه ههههههههههه...
لولوة: تذكرت اني ماسألت عنه ؟؟ليش هو يمشيء بعكاز؟؟؟
عامر: ايه يعرج على خفيف واحيان يساعده العكاز..
لولوة: اها..
عامر: ياعمري لولوة قولي لامي تعزم خالاتي ؟؟؟تكفين ..
لولوة: تبسمت لعامر ....اول قلي ليش تبيه تعزمهن وانا اقوله وعد بنت رجال..؟؟
عامر: يعني لازم فيه سبب مشتاق للعيال ...
لولوة: مشتاق للعيال اعزمهم ...وليش نعزم كل خالاتي ..
عامر: لولوة تكفين كلهم ياقلبي ...
لولوة: قلي ليش والله لاقول لامي...
عامر: مشتاق لناس؟؟
لولوة: هههههههههههههه مادريت تغطى عنك...
عامر : تكذبين ؟؟؟
لولوة: عيب عليك اختك اكبر منك وش تكذبين ؟؟
عامر: لولوة امانه عاد؟؟
لولوة: حرام تقول امانه ...
عامر: خلاص زين لاتعزمهم ولا نبيهم ولا شيء .طفى البلاستشن وطلع زعلان
وانا ميته ضحك ههههههههههههههههههه مراهقه
شغلت التلفزيون وحطيته على بدايه اقرا الشات اللي تحت يكتبون كل شيء ؟؟؟؟
اتابع واقرا واللي تقول ادعولي ادعيله واللي تدعي على زوجه اموت ضحك عليه واللي تبي شغاله
دق جوالي ..
ورديت..
:هلا والله
: هلابتس غريبه رديتي مانتي نيمه ..
لولوة: هههههههههههه انتي تخلين احد ينام ...
نجول: ياملا الخير اللي ينط بشوشتتس قومي جهزيلي البلوزه الخضراء ابيه ..
لولوة: ياحظتس معزومه ,,,,,,؟؟
نجول: العبي علي قولي بعد ماتدرين؟؟؟
لولوة: عن وشو؟؟؟
نجول: والله صاتسه ماتدرين..؟؟
لولوة: نجول قولي بسرعه والله مادري عن شيء ..
نجول:اليوم عندنا عشاء بالاستراحه عزم ابوي و فيصل ماتدرون ؟؟
لولوة: لاوالله مادري منهوله ؟
نجول: لضيفكم ..بعد منهوله ...
لولوة: يالقافتكم صتس لقافه اللحين ماهو جاي يمنا حنا راح نذبح له ...
نجول: تقولين لخالتس ملقوف اقسم بالله انتس ماتستحين ..
لولوة: محشوم خالي ..اقولتس انتي يالملقوفه ..
نجول: يالخوافه سحبتي كلامتس بتس خير خليتس على كلامتس والوعد الليله
لولوة: يمه تقولين ولد يتكلم ماهو بنت ياربي ماينمزح معتس انتي الله يعين عبوودي ..
نجول: والله لو انتس عندي لامعط شوشتس الله ياخذ هالوجهه هذا عبوديي انا
لولوة: ههههههههههههههه يابنت خلاص سوري والله امزح معك ..
نجول: امزحي بكل شيء معي الا عبودي لاتكلمتي قولي الشيخ عبدالله ...
لولوة: ياساتر اذلفي بس وبلوزه مافيه لو تحبين السماء ..
نجول: اف الله يقطعتس ويقطع منتس مانه ببلوزه
لولوة: لاوالله ابشري به بس اكسسوراته بشقتي ماجبتهن ..
نجول: عادي عندي اكسسوار فضي يمشي معه ولاتنسين جيبي حلا وفطاير وقهوه وشاهي
لولوة: ابشري الا الفطاير مالي خلق اسوي حلا ميخالف
نجول: انقلعي ياربي يرجعتس طلال ويحسر بتس
لولوة: كش وجهه ياكرهي لتس اذلفي بس وسكرته ...
.....
كملت افرفر بالقنوات وانا مادري وش بهن بس كذا ...
قلت ابروح اطوي شعري لعشاء الليله رقيت لغرفتي ...
تسبحت وصليت الظهر تبخرت واستشورت شعري وطويته ....
ولمت لبسي وحطيته على سريري ابعطيه الشغاله تكويه ...
لبست برمودا حمراء ومن الطفش قلت ابظبط حواجبي صبغتهن وخلصت شغلي وخذيت روايه اقراه ...عذراء الجليد ... وانا داخله عالم طق الباب ..
وقمت وفتحت لقيت عامر ..
عامر: امي تقول تعالي تغدي بسررررررررررعه ...
وركض ركضت وراه
: عاااااااامر قله ماااتبي ماني مشتهيه ...
رجععت وسكرت الباب ...
شوي والا دخلت امي علي ...
ام سعود: قومي لاتزعليني ...تغدي معي...
لولوة: والله يمة ماني مشتهيه ...
ام سعود: قووومي لاتزعليني ترضين ازعل عليتس...
لولوة: والله يمه ماني زعلانه قسم بالله بس ماني مشتهيه وبعد ابنزل اللحين اسوي حلا لنجول طالبتن ...
ام سعود: كيفتس ..
قمت ....ونزلت مع امي ...
رحت للمطبخ ادور مقادير ....
قلت ابسوي له حلا الكيك والكراميل حلو ...
قعدت احوس بالمطبخ وخلصته حطيته بالثلاجه ورحت فوق اكمل القصه ....
ويوم شفت الساعه 2ونص نزلت اسوي قهوه سويت قهوه ترمزين والشاهي قلت للشغاله مالي خلق للشاهي ..
جهزت الترامز وامي قايله تجهز ترمز ماء كبيره وتحط به ثلج وانا خلصت ورقيت .....ولمت لي لبس وناديت للشغاله تكويه ..
ربع ساعه وجابت لي اللبس ...وبصراحه راح البس بنطلون واول مره البسه عند حريم ترى انا استحي بس هالمره غامرت ....
ولمت جنز كحلي ووبلوزه بنفسجيه كت وفوقه بدي ربع كم اخضر عشبي ادري تضارب الوان بس مع المكياج يطلع شيء وترى انا بطبعي ماهتم بالاكسسورات الا حلق وخواتم وساعات ماهو حيل قليل يعجبن شيء اهم شيء اللبس نجول مدمنه اكسسوار ومحازم ...
دقيت على نجول:
: نجول وينكم رحتوا؟
: حنا بالاستراحه من الظهر نحوس وانتم مانتم جايين ...
لولوة: العيال تو ماقعدوا وانا مولمه لبسي ودي اجي والله ...
نجول: اوكي خلاص تجهزن انتي وعمتي يجيكن فيصل ويقعدهم بالمره ...
لولوة: لا ماهو لازم يجي ابروح اقول لامي تقعدهم اذا علي والله مايقومون وكلهم مجتمعين بالمقلط كلن خلى غرفته فاضيه ..
نجول: معتس نص ساعه تقعدينهم والا فيصل يجيكن نبي نسبح ونبي نلعب ونصور ونرقص اف ياربي بسرعه ...
لولوة: زين زين مع السلامه ...
لبست لبسي وحطيت مكياج ولبست عدسات رمادي وخذيت الاستشوار والاغراض اللي تبيهن نجول وخذيت تبديل بكيس معي حطيت مكياجي بشنطتي وعطوري وجوالي ...
ونزلت ادور نعولي تحت الدرج ....<<<لاتضحكون مكان نعولنا دايم تحت الدرج....
دخلت على الشباب .. وقعدتهم ماقعدوا كانهم اكياس نوم ... شفت جدي داخل البيت ..
ورحت يمه سلمت عليه وحبيت خده وراسه ..
لولوة: وشلونك جدي...؟؟
الجد: الحمدالله وشبه وجهتس؟؟؟
لولوة: مكياج جدي لاتضحك تكفى طلبتك...
الجد: وضحك هههههههه لا لا ماني ضاحك وهو يضحك هههههههههه
لولوة: <انواع القهر ...
جدي تكفى لاتضحك......
الجد: والله لو تغسلينه وجهتس احلى من هاللي حاطته ...
لولوة: جدي تكفى انتم يوم انكم بدو تحطون كحل وانواع الخرعه ماتضحكون عليهن مار تعشقونهن بس حنا تضحكون علينا...
الجد: زينهن طبيعي عاد بكيفتس لاتغسلينه..
وين تبين تروحين؟؟
لولوة: مالقيت احد يوديني استراحة خوالي واالعيال عيوا يقعدون ...
الجد: امشي امشيء اانا اوديتس ..كم الساعه اللحين؟؟
وش صاير بالدنيا جدي يبي يوديني هههههه مايتنزل واحد منا يركب سيارته ددسن انواع الالوان ههههههه لولوة: الساعه 3 وربع ..
الجد: يالله انا انطرتس عند الباب ابوصلتس وارجع اصلي عجلي ...
رحت ركض خذيت الكيس وشلت الاغراض انا والشغاله و ركبت ...
اقسم بالله اني مستانسه وفرحانه انواع الاصوات والالوان ويبي يغير جو علي شغل لي ابو شريدح ياعمري ياجدي ...
الجد: الا يالولوة وينهي الاستراحه ؟؟
لولوة: شفت اللي عمي منصور اجره يوم يسوي تمايم ولده ..هم به ..
الجد: ايه ايه ادله ...
لولوة: احس فيه شيء غلط بنا لان كل من مرنا قعد يناظر بنا انا وجدي ...
انا اقول يمكن علشان نمشي مادري اذا هي اربعين او 60 المهم اننا بطيئين ...
ومابهم مكيف فاتحين الداريش وابو شريدح عاملن لنا جو هههههههههههههههه
الجد: تدرين ان المره ماله الا ربع بالرجل؟..
لولوة: يعني شلون؟؟؟
الجد: يعني الله خلق الرجل اربع ارباع كل ربع لزوجه ..
لولوة: صتس جدي؟؟؟
الجد: ايه وانا ابوتس هذا حكمه من الله سبحانه وتعالى ..
لولوة: تدري عاد ياكل الارباع والا مابيه ...
ماكنت ادري اني قلته من قلبي ..........
الجد: الله خلقه يالولوة مالتس اعتراض على حكم ربي ...
لولوة: والله ماهو اعتراض بس ياكله ياني مابيه ياجدي وش الفايده من ربع ..
الجد: ماعلق علي بس ضحك وسكت .....
....وصلنا ونزلت ...
نزلت ونزلت الاغراض عند باب الاستراحه ماقدر اشيلهن كلهن ... وجدي رجع للبيت ...
طقيت باب الاستراحه مافتحولي اسمع لجتهم داخل بس ليش مايردون ....
خليت الاغراض عند الباب ورحت لغرفه الحارس لقيته هندي منسدح يتابع التلفزيون
قلت: مافيه مفتاح ؟؟
شكله انهبل او يبي ينهبل:
قال : ايس يبي انتي هذا استراهه رزال ؟؟؟
هو قال رجال طار عقلي ...
دقيت على نجول:
نجلاء بسرعه وين استراحتكم وش اسمه ؟؟
نجول: وش بلاتس:: اسمه ....
لولوة: قلتي لي ال.... ؟؟؟
نجول: وانا وش دراني يتشابهن بالاسامي كلهن ...
لولوة: وش دراتس انا واقفه اللحين عند استراحة شباب جدي جابن وراح حتى جوال مامعه تكفين تعالي انتي واي احد خوذوني اخواني نوما بسرعه قسم احس قلبي يبي ياقف ....
نجول: زين زين باي...
انا شلت الاغراض ووقفت بعيد شوي عن الاستراحه ....
وانا اقرا..
وجعلنا من بين ايديهم سدا ومن خلفهم سدا فأغشيناهم فهم لايبصرون ... واكمل اية الكرسي والمعوذات واردد ياربي تحميني ياربي تفكن ياربي يالله ...
ماحولي مسجد قريب ولا بيوت واجد والاغراض وش اسوي بهن ياربي قمت ارجف .....
ياربي بس مايطلعون الشباب يارب يالله ...
ياربي يلهون يارررررررب ...
مرت ربع ساعه وشفت سيارة من بعيد نفس سيارة فيصل...
ودق جوالي ..
نجول: انتي اللي واقفه بالشمس ...؟؟
لولوة: هاذي يبيله سؤال؟؟؟ اخلصوا...
وقفوا عندي خليت الاغراض وركبت قعدت اصيح احس براحه وخوف ...
اشوفهم يناظرون لي...
فيصل: احد قالتس شيء...؟؟؟
لولوة: مارديت كملت شهاق وبصوت صامت نزلت نجول وفيصل شالوا الاغراض وانا مكمله ركبت نجول معي وراء؟؟؟
..
نجول: وش بتس احد قالتس شيء؟؟؟
لولوة: لا ماحد مر من هنا بس خفت احس وقف قلبي عطتن كلينكس ...
نادت على فيصل..
فيصل صب لي ماء من الترمز...
صب ماء وعطى نجول الكوب..
شربت شوي شوي..
نجول: يالخبله والله لو انا منتس العب كراتيه عليهم سمي بالله واشربي مره ثانيه ...
لولوة: بسم الله والله يانجول انا ماحفظتي اسماء الاستراحات اني لاوريتس نجوم الظهر ياملا الماحي...ياربي لك الحمد اللي الهندي ماعلم الشباب عني والله بقيت اموت من الخرعه ...
نجول: خسارة مكياجتس خرب من الصياح ...
لولوة: تبسمت له وتغطيت ..
نجول: فيصل يالله نبي نمشيء..
جا فيصل وركب ومشى وصلنا ونزلت ووخليت الاغراض كيفهم ينزلونهن ....
دخلت وعدلت مكياجي .... ومانفع عيوني حمر للحين ...
نزلت العدسات وعدلت اللي يتعدل بشكلي ولبسي وطلعت للبنات بالمسبح ...
شكلهن يغري اني ادخل معهن بس نفسيتي لا ..
عطتني مها كامرة الفييديو اصور وقعدت اصورهن وهن ضحك واستهبال ...
جا المغرب وبدو يتجعون الناس امي جت مع ابوي لان العيال ماقعدوا وسمعت من نجول ان فيصل راح لبيتنا يصحيهم هههههههههههههه متنا ضحك حرام تعذب ماتسوى عليه العزيمه ....
اجتمعنا وانا كل شوي اشوف بعض الحريم يناظرون بنظرات غريبه بس ماهتميت توقعت على سالفه طلال ورجعتي له ......
قهوينا الحريم لين تعبت يدينا حتى وجدان خليناه معنا تقهوي ولا لحقنا تبون الحقيقه تمنين لو العشاء بس لنا مابي احد غريب ...
كل ماشوف نظره من نظرات الحريم تزيد ضيقتي حيييل واتعوذ من الشيطان
هذا جزء نزل
العرض العادي
