العودة   منتديات الـــود > +:::::[ الأقسام الثقافية والأدبية ]:::::+ > منتدى القصص والروايات
موضوع مغلق
   
 
أدوات الموضوع تقييم الموضوع انواع عرض الموضوع
قديم 25-04-2009, 09:56 AM   رقم المشاركة : 51
طفله حلووووووه
( ود متميز )
 
الصورة الرمزية طفله حلووووووه
 






طفله حلووووووه غير متصل

بصراحه وايد حلوة




يسلموووووووواااااا







التوقيع :
اضغط على الصورة لفتحها بصفحة مستقلة





.


اضغط على الصورة لفتحها بصفحة مستقلة




طفله حلووووووه

قديم 27-04-2009, 12:59 AM   رقم المشاركة : 52
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور







التوقيع :
اضغط على الصورة لفتحها بصفحة مستقلة

قديم 27-04-2009, 01:09 AM   رقم المشاركة : 53
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور




الجزء الخامس




عـــالــمــي أنــتـــــ
بين شفتيك اجد عالمي ....
وبهاأغرق ببحور العالم ...
مد يدى عونك لي ....
وانتشلني وضمني الى صدرك ......
قربني اليك.....
وضمني بقدر ماتستحق روحك الاخرى....
سيدي
يامن ملذات الدنيا بين يديك ....
لذذني بملذاتك وخذني الى عالمك........
واجعلني دوما تحت عينيك .......
حن الي سيدي...وحن علي سيدي....
واجعلني كما تريد...
سيرني بقبلتك الى أقطار العالم...
واجعل محطة تلاقي شفاهنا.....بإرادتك...
وقتها سيدي ساكون لك....
ولك وحدك .......

بقلم الكاتبه : صدى شمر

ركبو الطياره بعد ماعلمها طلال انهم راح يسافرون ماليزيا مو الرياض ووقت الرحله راح يطول الرحله كانت الساعه 12 بالليل لماليزيا طارت بهم الطياره من مطار الرياض ولولوه شوي وتختم القران تخاف من الاماكن المرتفعه ووخوفها من ارتفاعه غمضت عيونه وطلال يضحك عليه هي خايفه ...لو تطيح الطياره.....لو اموت وانا ماشفت اهلي ....لو ........ياربي ليتن ماسافرت ليتن بحايل اللحين يمه ...
عطاهم الكابتن تعليمات عن اسمه الكابتن... ابراهيم..... ووقت الوصول انشالله واربطو الاحزمه ..واقرو دعاء اسفر ....
لولوه: طلال مايصير ننزل ونروح الطايف او اي مكان اخاف اموت والا يصيرلنا شيء؟؟؟؟مايكفي طياره حايل بعد؟؟
طلال:ههههههههه احسن علشان نموت مع بعض ههههه بعدين لا وصلنا الا تغيرين رايتس....
لولوه: طلال هي حلوه حيل ؟؟؟
طلال: منهي زوجتي الثانيه ؟؟؟
لولوه عصبت من رده عليه بكل برود زوجتي الثانيه:احلم دام الاحلام ببلاش بس نفذ انت شف وش يصيرلك ......
طلال تغيرت نظرته من المزح لنظرة ثانيه ياربي معقوله نظرة حب ايه اكيد :تغارين ؟؟
لولوه: لا ماغار من يقوله؟؟؟
طلال: ماتغارين الا والله تموتين لو اتزوج عليتس هههههههههه
لولوه: بذمتك طلال موديني لماليزيا علشان تزوج اخاف من نرجع تعلمن بخبر زواجك والله ان سويته لاتعرف منهي لولوه؟؟؟؟
طلال:وش تسوين؟؟؟؟؟
لولوه : اول شيء اروح بيت ابوي وبعدين اهاجر.....
طلال:ههههههه وين تهاجرين؟؟؟
لولوه: ابني خيمه بالنفود والا اروح مزرعه جدي اكيد ماراح اطلع حايل هههههه.. تكلمو مع بعض لين تعبوا من مخططاتهم ....
بعدها تعبت لولوه ونامت ماحست الا بيد تهز كتفه ...
فتحت عيونه والا طلال.....
طلال: قومي قلبي وصلنا تايلاند ودي تكملين نومتس على كتفي بس الطيار استعجل .....
لولوه: كم الساعه ؟؟
طلال :عشر الصبح يالله تحركي ....
تبسمت لطلال وقامت تغسل ونزلت من الطياره مع طلال .....

كانت تحس بتشنج مو متعوده انه ماتحرك كل هالوقت .....بعدها كملو رحلتهم الى ماليزيا كوالالامبورالعاصمه... ووصلو الساعه 1 نزلو وهي تعبانه وتدعي ان ربه يصبره لين تاصل الفندق نزلو من الطياره ولقو قطار يوصلهم صالة الوصول شافت مطارهم وترتيبه الله حلو شكله تنظيم الرحلات كل رحله باب مخصص شكله غريب ....
حجز طلال مرسيدس كحلي توصلهم الفندق واول ماركبت حست ببداية الراحه لفت على طلال:الحمدالله على السلامه ....
طلال: الله يسلمتس ...تعبانه .......؟؟؟
ياربي يانظرته نستن التعب كله......
لولوه:يعني... الحمدالله وصلنا....
دخلوا العاصمه كوالا ...
طلال: شوفي لولوه البرجين هذولي اسمهن التوينز... شكلهن غريب وبينهن جسر وشكلهن الهندسي موحد نفس الشيء...
لولوه: طلال لاصرت غنيه يصير ابني مثلهن بحايل ؟؟
طلال :ههههههههههه ايه يصير نسميهن لولوه توينز ....
لولوهه: لا تدري وش نسوي واحد طويل وواحد قصير مثلي ومثلك طلال ولولوه توينز هههههههه
وصلوا فندق ريجينت ...نزلوا بالدور 18 ....شكل الجناح غريب نص غرفة النوم زجاج ويطل على مجمعات ومقاهي .....
تسبحت وغسلت لبست بجامه حرير لونها وردي رفعت شعرها رشت من عطر الجسم المفضل عندها زهره الكاميليا وصلت صلاة الظهروالعصر دخل عليها طلال.....
طلال: لولوه طلعي ملابسي ابتسبح واغسل وانام تعباااااااااان ...
لولوه: ابشر من عيوني سلامتك من التعب .....
طلال:تسلم عيونتس ..
جهزت ملابسه تسبح وطلع....رفعت عيونها له تبي تقوله نعيما ووقفت الكلمه ...
طلع لاف المنشفه على خصره نزلت عيونها لا اله الا الله فيه رجال حلو ومملوح ومزيون بكل حالاته وقالت: نعيما ...
طلال:الله ينعم عليتس ...قرب منها حيييل ولف يده على خصرهاوقربها منه وقال لها:شوفيني لولوه قلبي ارفعي عيونتس.... رفعت عيونه بهدوء وباس خده على خفيف .....ثاني مره انتي بوسيني تعبت وانا ابوستس ماتبوسيني ...ههههه وضحك على الوان وجهه هههههه
تركها وصلى الصلاة الي فاتته ......
انسدحت لولوه على السرير تحس بتعب الدنيا كله بجسمه...... ......
كان يتامل بشكله وهي منسدحه طفوليه عوبا مغروره طيوبه كل مواصفات التناقض به ومع كذا اموووووت بها.....
كانت تفكر بالرحله بطلال وبكل شيء الله بحياتي ماكنت اتوقع بيوم اعيش كذا يوووووووه مادقيت على امي نسيت.......



جا طلال وانسدح يبي يريح.....
لولوه:طلال مادقيت على امي اعلمه اننا وصلنا..
طلال: دقيت عليهم كلهم علمتهم اننا وصلنا واذا قعدنا تدقين عليهم...
ومد يده لها .....
طلال: تعبان ماراح اسويلتس شيء ارحميني وتعالي ......
لولوه انحرجت منه ومن نظراته: قربت منه ونامت بحظنه .......
....:امممممم ماني ابنام .....
طلال: قومي لولوه الساعه 8 بالليل .....
قامت وغسلت وصلت وحطت روج خفيف وكحل ومسكره رشت استيلا وطلعت لطلال بالصاله طالب عشى.. يم يم....
اشياء غريبه بس يشهي اكل حار وهي جيعانه وتعبانه ..
كان فيه شوربة ذره بدجاج بتوابل يم يم وارز ياربي نكهته غريبه بس حلو كلها غريبه بس حلوووو اكلهم اعجبها....كلت كانها بحياتها ماكلت ههههههههه
يمكن من الوناسه او الجو ماتدري بس شهيتها كانت تمام......
لولوه: طلول ابدق على امي ....
طلال: ابشري بس وقتهم غير وقتنا اللحين تخاف صار بنا شيء..
لولوه: لا طلول والله اعرفه امي ماتنام ولاترتاح يما تسمع صوتي...
طلال: من يلومه بصوتس وبغلاتس .....
ردت عليه وهي تضحك وتسبل عيونه :مااااحد لايمه الا الجاهل.....
ضحك عليه وعلى حركاته الطفوليه .....ودقت على امها تطمنهم انهم وصلوا
بعدها كملوا نوم للحين تاثير التعب عليهم ......
قعدوا الصبح تسبحوا وصلوا وطلعوا يتمشون اليوم يعتبر اول يوم بماليزيا لازم يعوضون شهر العسل لانه هذا شهر عسلهم .......
هاذي بداية حياتهم .....نزلوا البوفيه افطروا فطور ااغرب من عشاهم .....كرواسون جبن شرائح خبز صغير بس طعمه ومع انواع الجبن ..كان فيه انواع عصيرات حتى انواع القهوه ....
لولوه: طلال ليش اكلهم حلو حيل والله طلول شكلي ارجع زايده مية كيلو ...
طلال: هههههه انتي اللي محليه اكلهم وديرتهم
لولوه: ههههههه انا اصل الحلا انت ماسمعت عن اللي جو بحايل يدورون مركز الحلا طلعت انا ههههههه
طلال: اقول لاتصيرين واثقه حيل الثانيه متزوجه متزوجه ههههههه
لولوه: تزوج اصلن ماتهمن عادي وانا بعد اتطلق واتزوج .....ههههه
طلال عصب : لولوه قسم بالله تجيبن طاري للاشياء هاذي على لسانتس مو احسن لتس<<<ليش دايم من حق الرجل يحرق اعصاب المره بالزواج واذا هي حاولت تحرق اعصابه يعصب
بعدها طلعوا لحديقه الفراشات وااااااااو انواع الفراشات اشكال والوان بس صراحه عمرها ماشافت مثلهن اول مره تشوف فراشه سوداء ههههه يعني بحايل نشوفهن لارحنا الاجبال ههههه بعد وحده اثنين هنا خيال ملايين .....
لولوه: طلال يهبلن يمه طلال اشكالهن غريبه الله ....
طلال:هههههه لولوه قلبي هي اسمه مدينة الفراشات اكيد راح تشوفين اشكال غريبه وانواع والوان .....
لولوه: طلال ابصورهن يالله صورن هنا بينهن بس شكلي غلط فراشه كبيره ومدبدبه ههههههه



نتااااااااااااااابع






التوقيع :
اضغط على الصورة لفتحها بصفحة مستقلة

قديم 27-04-2009, 01:11 AM   رقم المشاركة : 54
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]



طلال:ههههه الا احلى فراشه بعد يالله صوره وحده وبعده نصور مع بعض ...
لولوه: يالله شسوي اسوي حركه والا ابقى واقفه شكلي غلط بس ايييييه شرايك ارفع ايديني فوق كاني اطير زيهن ههههههههه
طلال: يالله دبدوبتي ارفعي يدينتس يافراشة طلول هههههههههه
ترى كل هذا وللحين لابسه لثام طلال قالها عادي لكن هي عييت تقوله مثل مالي رب بالسعوديه لي رب هنا ...الا احياناً اذا تبي تاكل شالتها واذا جت تصور ..ولازم تاكد اذا مافيه احد ...بعدها قال طلال لعامل الحديقه يجي يصورهم وهم ميتين ضحك يحسونه ناقد عليهم هي متغطيه ولابسه عباة كتف وشوله تصور
بعدها راحوا لحديقة الطيور فيها انواع الطيور طيور تعرفينها نشوفها بعالم الحيوان والا درسناه اول بالمتوسط وشيء عمرنا ماشفناه ولادرسناه اشياء غريبه.....
قربت للطاؤوس تبي تلمسه وتصوره وتصور انثاه شكله روعه كان لونها ابيض صافي .....
طلال: بعدي عنه لولوه لاياكلتس ههههههه كان يشوفه وهي متردده ..
لولوه: طلول هذا ياكل صار اسد مو طاؤوس هههههههه بس قرب منها الطاؤوس ...
وااااااااااااااااااااااااو طلال يمه .........
حظنها طلال وهو ميت ضحك على شكله .....( فرح حيل انها احتمت به حس انهم قربو لبعض اكثر من اول يعني اكيد تشوفه ملاذ له )
طلال: وش بتس؟؟ هههههههه كلاتس صح ؟؟؟هههههههههه
بعدت عنه شوي شوي .....
لولوه: لا كله منك حسدتن ههههههه اول انا وياه صداقه بس شكله عصب علي تصدق طلال يمكن انه عربي هالطاؤوس يغار على انثاه ههههههه...
طلال: لا بعد يمكن سعودي هههههههههههه .......كملو اتمشيهم داخل الحديقة
وبعدهاا مرو كوفي طلول خذى له قهوه سكر وسط مع كرواسون وانا اكيد كابتشنو سكر وسط مع دونات شوكولا .......
بعدها بيومين راحوا جينتينغ كان فندق فوق جبل طبيعتهم مو طبيعيه لونها مو اخضر ولا تقدر تحدد لونها من جمال طبيعتهم
طلعوا يتمشون كان الجو روعه مطر على خفيف صراحه الجو كان ولا اروع حتى طلول قلبي كان بعالم ثاني ههههههههه ...... كان فيه كباين يبيعن حريم ماليزيات اشياء تراثيه اغلب الاشكال فيله مادري ليش يمكن بعضهم يعبدونهم واشكال غريبه حتى برج التوينز كان له تحفه صغيره ...... نزل المطر بدون سابق انذار ولعبوفيه طلال ولولوه ومايدرون ليش اهل ماليزيا هجو لبيوتهم بس سوو فيهم خير خذو راحتهم بالركض واللعب ......
رجعوا الفندق ودخلوا بدلو ملابسهم الرطبه وريحوا انسدح طلال على الصوفى الموجوده بالصاله وقعد يتامل شكله وهي تغني بصوت قصير كانت تمشى بالجناح ومو حاسه بالعيون اللي تراقبها .........
........
~ ~
الا ياوقت وين اللي على بالي يجي ويروح
هذا اللي ملك قلبي و تفكيري و وجداني
اموت بطيفه اللي لالمحته تنتشي لي روح
أحس أني اذا شفته كأني بعالم ثاني
أحبه و الامل باني على قلبي من غلاه صروح
حبيبي لو يمر طيفه يبدد ماضي احزاني
احبه حب لو يدي عن اللي بخافقي منبوح
نسى كل الزعل و ارخص حياته دون حرماني
تحملت الخطى منه و اذا اخطى بعد مسموح
حبيبي م.....................
ماحست اللي هي بالهوى وباقي الاغنيه طارت من مخه من الخوف هههههههههههه
كان فيه بلكونه وهم بالدور 14 شال طلال لولوه وطلعها برى للبلكونه وهي تصارخ . ....طلال تكفى نزلن يييييمه طلال ماااااابي ماااااابي اخاف.....
طلال:لا شوفي الغيم جا يمتس اكيد انتي دلوعة الغيم .......
لولوه: طلال والله اخاف .....فرضن وقعت من يدينك ومت منين لك زوجه بعدين وعضة على شفايفه من الخوف ......
طلال انسحر بشكله كل شيء حوله يوحي له انها موووووووووت خاصه لما تكون خايفه ومتعلقه برقبته ....يحس انه هو ملاذه ........هههههههههههه
طلال: زين زين يالله يادبدوبتي ابنزلتس بس بشرط فتحي عيونتس وشوفي المنظر والله خيااااال ....
لولوه: زين بس نزلن وامسك يدي زين ....
طلال: زين ههههههه يالخوافه
فتحت عيونه شوي شوي ومسكت يد طلال .....وانصدمت باالمنظر...
لولوه: طلال.......؟
طلال : عيونه ......
لولوه: يصير نهاجر ونعيش هنا .....
طلال: ايه هههههههههههههه بس مع زوجتي الثانيه مومعتس ههههههه
لولوه: لاخلاص غيرت رايي نرجع لحايل احسن ههههههه والله مالك امان هههههه.....
طلال: لو يخيروني بحريم الكون ماختار الا انتي يادباء افهمي ......
وباسها بسرعه البرق ..........
طلعو اليوم الثاني لمدينة الثلج درجة الحراره 5 تحت الصفر لبسوهم ملابس خاصه وقعدو يلعبون بالثلج فيه اكواخ ثلج مناظرها غريبه
لولوه: طلول ابسوي مدينة ثلج بحايل بس للحريم هههههه
طلال: لاصرتي غنيه انشالله هههههههههههه
لعبو بالثلج لين تعبو وقرروا يطلعون يدفون انفسهم شوي ....
طلعو ومرو كوفي وطلبو اكواب شاي بالنعناع......
وتمشوا واكوابهم معهم مرو محلات للتسوق وشافت ميداليه ثلاثية الابعاد قررت تصور هي وطلال ويسون لهم ميداليه وسوهم لهم.....
كملو تمشي وبدت تشتري الهدايا قرروا انهم كل ماينزلون يشترون هدايا علشان يخفف عليهم التسوق ......
بعدها قررو يروحون منتجع افا موسى ......
لولوه: طلاااااااااااااااااااااااااااال انا ماني راجعه حايل ......
طلال :ههههههههه لا والله مابقى الا اخليتس واروح .......
لولوه: لالاتروح تقعد عندي وونعيش انا وياك ونجيب عيالنا هنا .......
طلال:هههههههههه لولوه اسكتي لارجع يم حايل هاللحين.......
لولوه: امزح يابعد الدنيا امزح والله ....
طلال: ليتن مبطي مخانقتس علشان بس يابعد الدنيا لعنبو عدوتس ماحد قالتس عن الكلام الحلو اشحذه منتس ....<<كثير ماتعرف تكلم مع زوجه كلام حلو ...
لولوه: لا ماعرف علمن علشان اقولك...
طلال: ماتعرفين ياقلبي ياروحي ياحياتي يادنيتي ....؟؟؟؟
لولوه: الا بس كنت اقولهن لك اول وانت ماتبي كلامي ؟؟؟
طلال: لولوه قلبي اول غير واللحين غير اللحين لو تقولينه تلقيني فوق الجبل هذاك تشوفينه من الفرحه هههههههههه
لولوه:ههههههههههههههه ههههههههه زين زين ......ههههه قلبي
طلال: فيه كرنفال بعد شوي من ناصل ونبدل نروح له وشرايتس .....
لولوه: رايي من رايك قلبي ....
طلال: خفي علي خلي هالكلام بس لاوصلنا الجناح واذا طلعنا قولي يابعد الدنيا ...
لولوه: والله ماعرفت لك مره تقول عطيني ومره تقول لا وش اسوي...؟؟؟
طلال: تشوفين هالماليزي لو ماني راحمه كان مسكته وكفختس به .....
لولوه: هههههه ههههه هههههه اااااه ياقلبي حرام عليك طلال ...امزح معك والا ادري كل شيء بوقته ........
صعدو لجناحهم .....وغسلو وبدلو وطلعوا .......
حضرو الكرنفال كان من ضمنه فقرات فيها حريم لابسات لبس فلكلوري بس خالع
ومن شافتهم لولوه ماتت غيره .....
لولوه: طلال...
طلال: هاه.......
لولوه: طلال قوم خلاص مانبي نشوف قوم مو حلو كرنفالهم ....
طلال عرف انها ماتت غيره :ليش شوفي هالمزايين ياويل قلبك ياطلال....
لولوه : وععععععع عليك وعليهن وقامت وهي تبسي من الغيره ولحقها وهو يلعن نفسه انه نزل دموعها ......
طلال: قلبي لولوه خلاص والله اسف.....
لولوه: روح يمهن مابيك ......
طلال: مايسون اثرتس مع القاع بس عاد يالله ارضي علي ....كانو يمشون بالشارع والناس مايدرون شفيهم ....
لولوه: ماني مابيك رح كمل كرنفالك ......
طلال حط يده على خصره وكمل مشي معاها: لولوه مايصير تزعلين علي انا طلول ...
شالت يده وكملت تمشي لحالها ....رجع وحط يده وشده لصدره حيل ....
طلال: حياتي يعني تغارين من هذولي اتريتس تغليني يالعوبا وماتبينين ......
لولوه: ايه اغليك بس انت غبي ماتحبن وماتبيني وكل شوي تقول ابتزوج ابتزوج رح تزوج انا ....انا ....مابيك ولا احبك ولا ااغار عليك ......ونزلت دموعها اكثر من اول..........
ضمها لصدره حييييل .......
طلال: اي والله غبي لاني ماعرف قيمتس ونزلت دموعتس واحبتس حيل يادباااااااااااء ........
سكتت وهدت شوي هو قال احبتس والا يتهيا لي لا ياغبيه قال احبتس ......
رفعت عيونه له :طلال انت تحبن وماتبي تزوج علي ؟؟؟
طلال: ايه وان فكرت بس تفكير عسى ربي يقصر بعمري ....
لولوه: لا انشالله الله يطول بعمرك تزوج علي ولاتموت وتخليني ......
طلال: والله عادي اتزوج؟؟؟
لولوه ضربته على خفيف : يبيها من الله لا امزح ياويلك ان فكرت بس تزوج والله اذبحك انا ......ههههههههه
طلال:هههههه ايه هذا الصحيح اعترفي يالدباء ...ومسح دمعه اخيره نزلت من عينها ...............شكلتس يضحك كانتس مهرج من الكرنفال خشمتس احمر وخشتس الوان هههههههههه
لولوه: ههههههههههههههه هين هين طلول تعلق علي انا حبيبتك ...
كانت اجمل ايام عمرهم راحو لجزيرة القرده ولجزيرة بيينينغ
كانو قاعدين على البحر ويسولفون كانت تكلم عن مغامراتها هي ونجول
والا يوم يحشرن ولد جيرانهم ويكفخنه ....كانن حيل مدلعات وكانهن عيال ....
طلال: بذمتس لولوه كفختيه ؟؟؟
لولوه: اي والله هههههههههه مانت مصدق تبيني اكفخك.....ههههه
طلال: مادري ماحس يليق عليتس تكفخين احد اشوفتس انوثه ....
لولوه: ماصرت انثى الا يوم حشروني بالبيت انا ونجول يالله عقلنا وتبي الصحيح للحين ماعقلنا ههههههههههه بس من وفاة سلمى تغيرت تقدر تقول اني تركت كل شيء ومليت لاني فقدته حيل وتجمدت الدموع بعينه .....الله يرحمه
طلال : الله يرحمه كل الناس كذا لولوه انا من وفاه فواز خويي اول ربينا مع بعض ولثالث ثانوي حنا مع بعض بس ضيعوه عيال الحرام لين مات من جرعه زايده احس انه كان محتاجن بذاك الوقت بس عجزت كل ماقرب منه يبعدن اكثر للحين اذا فكرت اتعب من التفكير واتمنى واقول لو....ولو...لاشفتيني جامد معتس احيان تحمليني انا بشر مهما كان ...
لولوه: طلال تعوذ من الشيطان لو تفتح عمل الشيطان وهذا شيء بيد الله مو بيدنا واذا ماتحملتك من اتحمل ...
طلال: اي والله استغر الله العظيم ..
لولوه: طلاااااااااااال يمه شف...
طلال: وش بتس؟؟؟؟
لولوه: سمك قرش قلهم طلول لاياكل احد ...
طلال: يمكن مو سمك قرش اصبري خلنا نتاكد؟؟؟
لولوه:الا شف يدور يمه طلول لايسوي شيء للناس مايدرون عنه ....
طلال: زين لحظه خلينا نراقبه شويء وبعدين نقولهم اذا تاكدنا.....
وقعدو يراقبون سمك القرش شيسوي؟؟؟؟
مر قارب من عند سمك القرش وطلع .....؟؟؟؟
كرتون مو سمك قرش ......
هههههههههههههههههههههههههههههههههههه
ضحكو لين تعبوا
طلال: تخيلي لو انا رايح يمهم وقايلهم والله الا يطلعون نكته علينا سعودين والكرتون هههههههههه
لولوه: حرام عليك وانا شدراني انه كرتون شكله زي سمك القرش ...
طلال: هههههههههههههههه اخرته كرتون يالولوه كرتون ....ههههههههه
لولوه: ههههههههههه يادب لاتعلق علي لاتنكر انك كنت مثلي تحسبه سمك قرش هههههههه
خلص شهر عسل لولوه وطلال وجا وقت رحلتهم لحايل......




[blink]نتااااااااااااابع [/blink]






التوقيع :
اضغط على الصورة لفتحها بصفحة مستقلة

قديم 27-04-2009, 01:14 AM   رقم المشاركة : 55
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]



وصلوا حايل بخير وسلامه واستقبلوهم الثنائي فهد ونواف ........
نواف: الحمدالله على السلامه ياللي ماتستحون مايحترمون مشاعر العزابيه . طلال وفهد ولولوه:هههههههههههه هههههههههههههههه...هههههه
وجا نواف سلم على طلال وحظن لولوه ......
نواف: الحمدالله على السلامه
لولوه: الله يسلمك شلونكم وشلون ابوي وامي ؟؟؟
نواف طيبين الحمدالله كلهم ... حلوه ماليزيا علميني اروح له لاتزوجت؟؟
لولوه: اي والله يانواف تجنن انشالله لاتزوجت رح يمه تعيش احلى ايام حياتك هههه
نواف وفهد:الحمدالله على سلامتكم ....
طلال: الله يسلمكم الفال لكم بشهر عسل يرد ارواحكم ........
نواف وفهد: ااااااااااااااااااامين يارب
ضحكو عليهم طلال ولولوه هههههههه
طلال: تزوجوا من ماسكم ماعندكم الا حنا وتبي تحسدونا .......ههههه روحو خلصوا اوراقنا وجيبو الشناط تعبت خلصونا عساكم تعرسون ونفتك منكم ...
نواف : السالفه به عرس اجل انا ابروح اخلص كل شغلكم ههههههههه
فهد: ياشيخ تروح وتخليني ارحم حالي وخذن معاك ههههههههههه
طلال:ههههه وين السياره نبي نروح له وننطركم .......
وصف له مكان الجيب وطلع له هو ولولوه .........
ركبوا الجيب حق طلال لان فهد ماعنده الاكامري وماتكفي شناطهم ولف عليها :الحمدالله على السلامه يالدباء
لولوه: الله يسلمك بس وصلنا حايل قل الرشيقه لايسمعونك هههههههه خاصه نواف لايسمعك.....
طلال: عناد بتس الا اقول لنواف علشان ياخذ حقي منتس هههههههه
لولوه: طلول يرضيك يعيبون علي انا قلبك لولوه والا اقولك قل لنواف لانه ماسك عليك شيء هههههههههههه
طلال: انا ماسك علي اخوتس نواف وشو قولي وش انتي قايله له ؟؟؟
لولوه: مو انا قلت اخوك قال ههههههههههه اقولك والا اقول لنواف ..؟؟؟
طلال: قولي لنواف متاكد من نفسي ماقلت شيء ....
لولوه: واللي يطامر ببيتهم علشان حبيبته تبي ترجع له منهو وجاي ركض من فوق اعترف ..؟؟؟؟
طلال:هههههههههههه يلعن عدوك يافهد هو قايل لكم؟؟؟
لولوه: ايه قال هههههههههه تصدق ودي اشوفك وانت تطامر علشان اضحك...
ههههههه
طلال: لا والله مستانسه انتي ووجهتس بدال ماتدافعين عني نجي شقتنا واوريتس شغلتس ....
لولوه: وش تسوي تطامر لي ههههههههههههه تحقق امنيتي بالحياة هههههه
طلال : هههههههه انثبري اللحين يالدباء وعدتس بعدين .....هههههه
بعدها شافو نواف وفهد جايين سكتوا ركب فهد الشناط وخلصوا وحركوا ونواف راح لسيارته وحرك سيارته ومشوا .......
وصلو بيتهم ولقو ام طلال ومنال باستقبالهم والباقيات اكيد مالهن خلق يستقبلنهم ......
ام طلال: هلا يامي مابقيت تجي انت ومريتك جازتلكم هالماليزيا..؟؟
طلال: ايوالله يمه تهبل المره الجايه ناخذتس معنا (وحب راس امه )
لولوه حبت راس خالته : وشلونتس ياخاله انشالله بخير؟؟
ام طلال: بخير بشوفتكم يامي عساكم دوم بخير ...
منال: لعنبو عدوكم ماترحمون حالي وتزوجوني ابي اروح شهر عسل تكفين يمه..وجت مسرعه لطلال وحظنته.......اشتقنا لكم ياعايله الدببه وبعدها حظنت لولوه ........
قرب طلال من منال ومسك اذنه : انتي ماتستحين ولاتعرفين الحياء ..؟ماتصيرين مثل هالمزيونه الدبيبه ههههههه؟؟؟
منال: اي اي اي طلول اخوي الغالي لاحياء في الدين وانا قلت زوجوني ماقلت شيء ابعيش شبابي حرام ياربي عاشوا شبابهم واحرمونا لي الله ههههههههه
ام طلال: ماعليك منه هاذي فاصخة الحياء اعقلي وتعالي قهوي طلال ولولوه...
منال: ابشري يمه ماطلبتي شيء وانا بنت ابوي بس طلال خل دبدوبتك تجي جنبي ابيه تسولف لي عن هالماليزيا على قولة امي ههههه
طلال: ياويلتس لولوه لاتقولين له اي شيء تريه حسود تصكنا عين نموت ثنينتنا هههههههه وسحب لولوه تقعد بجمبه ...
وقعدت تقهويهم منال وطلال حاشر لولوه لاتكلم ....
طلال: تبين تموتين موتي قهويني وانتي ساكته مصدع راسي ....
لولوه بصوت قصير :طلال والله مايصير كذا نبي نسولف وشبك؟؟
قربت منال منهم تبي تسمع وش يقولون وانكبت الترمز على يدها من الشفايه ...
منال:اي اي اي اي يممممممممه يدي عسااااني اعرس وافتك منك ياطلال وين الفقس بسرعه افزعولي لايبقى اثر للكوي اااااااااااايييي ايييييييييي يدي يمه يدي
ماتو ضحك عليه وعلى افكاره اللحين وهي توجع فاضيه تفكر بأثرالكوي والعرس هههههههههههههههههههه
طلال: اذلفي دوري الفقس بسرعه ان درى احد ان بتس اثر كوي ماخطبتوس
منال : بذمتك طلال ماحد يخطبن اويلي راح عمرتس يامنال ااااااااااي يدي يمه يدي هههههههههه
ههههههه (ولف على امه)يمه وين ابوي ماشوفه ؟؟ومد الفنجال للولوه يبيها تقهويهم خذت الفنجال وقهوتهم .......
ام طلال :طلع للمزرعه يقول ضايقن صدري خله يتفضى عند الحلال ويجي انشالله ...
طلال: انشالله انا ابروح اريح يالله لولوه قدامي ماني مخليتس عند هالذيبه ...
منال:حسبي االله على عدوك ياطلال عساي اشوف عيالك وعيال عيالك وانا ببيت زوجي انا ذيبه الشرهه مار علي قومو لشقتكم مجهزته ومنظفته لكم وانتم ماهمكم يجي يوم واسافر مع مرزوق
ام طلال:منال يامي استحي عيب وش هالكلام؟؟؟
منال: يمه مرزوق ولد عمي عادي يمه عادي مابه الا هو والا اعنس ...
ام طلال: يامي ماعليكم منه هاللي ماتستحي روحو ريحو ....
صعدوا للشقه وادخلو كان الجو هادي والمكيفات مولعات واللمبات طافيات مافيه الاشموع اكيد حركات منول منو غيره .....
طلال: نفس جو ماليزيا صح
لولوه: ايه صح بس ماليزيا احلى ههههه
طلال: انشالله نرجع مره ثانيه له بس افضي بعد وقت واخلص من المزرعه وشغل ابوي وتجيبين ولد والا بنوته نروح ....
لولوه: الله كل هذا وتقول نرجع نشيب وحنا مارجعنا له هههههههههه
طلال: ههههههههه لا ماعليتس انشالله كله سنه بالكثير ونرجع لماليزيا هههههههه
لولوه: ابروح اتسبح واناام تعباانه ...
طلال: جهزي ملابسي ابقعد شوي على التلفزيون .....
لولوه: ابشر...... دخلت الغرفه وجهزت ملابس طلال وتسبحت وطلعت حطت لوشن بريحه الكاميليا وعطر الجسم ولبست بجامه لونها اخضر فاتح كانت تبي تحط مكياج خفيف بس دخل عليها طلال ومسك خدها وقال: كلتس حلا لاتحطين شيء نامي ريحي يالدباء ...
تبسمت لطلال:هههههه المصيبه اني ادري بس ابزيد حلاي هههههه.....
انسدحت تفكر بكلامه سبحان مغير الاحوال ياربي تدوم المحبه ....
خلص طلال وطلع لبس وجا انسدح ....
لولوه:تصدق اشتقت لامي وابوي حيييييل حتى اخواني ......ودي لاشفتهم احظنهم حيييييييل ......
طلال: انا هنا منظر احظنيني وبعدين كيفتس بامتس وابوتس واخوانتس...هههههه
لولوه: ههههه لا محشوم بس انت معي وهم 12 يوم ماشفتهم .....
طلال: شوفي ان مادلعتيني وصرتي رومنسيه ترى اتزوج عليتس
لولوه: شوف بما اني وفيه ابسالك قبل زواجك اتزوج تركي بعدك والا لبناني ؟؟
طلال : لا والله شايفتن رخمه قدامتس ...مسك المخده وحطه على وجهه لولوه وهي ميته ضحك .......
لولوه: التوبه طلال التوبه والله والله ماعيده بس شيل المخده عني اللحين اموت ههههههه
طلال: انا ابيتس تموتين والا تبين تزوجين لاعرست عليتس تموتين ولا تزوجين غيري ههههههههه.......
وقعدو يلعبون وهم تعبانين زاد تعبهم....
لولوه: بذمتك طلول تغار ؟؟؟
طلال: شوفي لو مانتي صغيره كان قمت وكفختس بس راحمتس تفكيرتس على قدتس ....
لولوه : ايه صح نسيت انك شايب ههههههههه...........؟؟
طلال: انا شايب يالدباء انا نظره مني لاي بنت تجي هي وتخطبن ترى الشايب مانتي حاسه بقيمته ....ههههههه
لولوه: اقول قلبي خلنا ننام احسن وش رايك؟؟
طلال:قلتي قلبي وطاحت كل وسيله دفاع عندي شيء طبيعي اقول نروح ننام ورايي من رايتس هههههههههههه
لولوه: هههههههه .......
نامو ريحوا بعد تعب الطياره والسفر......
قعدت لولوه على صوت الباب يطق ..غسلت وجهها ..ولبست روبها...
وقامت راحت للباب ...فتحت الباب ...
طلعت منال بوجهها...
منال: صباحيه او مسائيه مباركه ياعرسان ااااه ياربي متى يقولون لي هالكلمه
لولوه: هههههههههه الله يبارك بتس انشالله قريب ...
منال: يالله ياحلوه انزلي تحت خواتي وبنات عمي المصونات هنا هههههه تولمي للصواريخ ..
لولوه: صحيح وشبهن؟؟؟




[blink]نتاااااااااااابع [/blink]






التوقيع :
اضغط على الصورة لفتحها بصفحة مستقلة

قديم 27-04-2009, 01:18 AM   رقم المشاركة : 56
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]




منال: ميتات قهر من شهر عسلكم ههههههه خاصه مها عسى تنفقع مرارتها يارب ..
لولوه : ههههه امين بجاه ربي ...
منال: وقعدي طلال وانزلو مع بعض لزوم البرستيج ههههههه وبعد علشان يصير مضاد لصواريخهن هههههه
لولوه: انشالله هههههه يالله اصلي والبس وانزل اوكيك ...
منال: اوكيك ياكيك ...ههههه والله ان تغزلت بتس لايذبحن طلال ..ههه
لولوه: اجل اذا ابيه يغار اجي يمتس وانتي تغزلي بي علشان يغار هههههه
منال: لا والله تبيني اقف ضد اخوي معتس لا والف لا ...اقول روحي اكشخي ان سولفنا ماخلصنا ...
لولوه:يالله شوي وانزل .....ورجعت لطلال تقعده .....
لولوه:طلال قلبي يالله قوم لازم ننزل ...
طلال: نص ساعه وقعديني شوي بس ..
لولوه: اجل حياتي اللبس واكشخ وبعدين اقعدك ........
طلال: ليش تكشخين؟؟
لولوه: خواتك وبنات عمك عندنا وابنزل تبي تنام والا تقوم ؟؟
طلال : اذا لبستي وخلصتي قوميني ...
لولوه: انشالله ......
تسبحت وطلعت صلت كانت تبي تلبس وماتدري وش تلبس احتارت التنوره الحمراء والا الورديه لا الحمراء مع خدودي تطلع شيء ههههه لبست التنوره الحمراء وبلوزه سوداء به تطريز احمر وحطت مكياج دخاني وروج احمر كملت لبسه بالساعه والاكسسوارات تعطرت من روميرخذت الجلال وقعدت طلال......
لولوه: قلبي طلال يالله قوم ابنزل ....
قام طلال وهو يشوف شكلها: لولوه لازم ننزل مو لازم شكلتس يجنن ...
لولوه: قلبي قوم كلهم تحت وبعدين بالليل اسويلك مكياج نفسه واحسن واللبس لك احلى لبس ............
طلال: اجل روحي سلمي وارجعي انا ماني طالع اليوم ....
لولوه: طلال والله عيب انزل لحالي يالله حياتي قوم ....علشان خاطر لولوه والا مالي خاطر .....
طلال: اذا انتي مالتس خاطر منو اللي له خاطر
يالله دقايق اسبح واطلع وانتي لاتنزلين الا معي ...
لولوه:يالله انطرك ماروح بس قوم خلص طلول والله فشله ....
طلال: وهاذي قومه......
قام طلال وتسبح وطلع ولولوه اكيد تعودت عليه جهزت لبس طلال وولعت فحمه تبخرت بعود ونطرت طلال طلع ولبس وبخرت طلال بعود....
لولوه: طلال .....
طلال: عيونه .....كان واقف قدام المرآه يظبط الشماغ
لولوه:لاتظبط حيل وتكشخ والله العظيم اغاااار.....
طلال لف عليها شوي شوي : تغارين علي من منو ؟؟؟
لولوه:من كل احد تكفى لاتكشخ حيل حيل اكشخ بس مو حيل ...
طلال: ابشري من عيون طلال ياعيونه وغمز له *_~ وباس خده .....
لولوه: يالله ننزل .....مفتاحك معك بوكك القلم الجوال .....
طلال : كل شيء معي يالله قلبي .......
نزلوا مع بعض وسمعت اصوات الحزب الثاني .......
طلال: من فيه عندنا ؟؟؟
لولوه: خواتك وبنات عمك...
طلال: سويلي درب ابسلم عليهن ......
لولوه: مو لازم تدخل خواتك يجن هنا يسلمن عليك .....
طلال: يالله عاد خلي الغيره وابسلم واطلع ......
لولوه:ابشر...
طلال : تبشرين بالجنه يارب ...
دخلت وسلمت عليهن وهن كانهن شابات نار
منال: ياهلااااااااا بالطش والرش والزين اللي لابس احمر ههههههه
لولوه: هلابتس ياقلبي تسلمين ....بنات ترى طلال يبي يدخل يسلم عليكن ...
تكلمت العقرب هههههه على قولة منال ...
مها:حيااااااه اشتقنا له ...
وسميه: وينه طلال خليه يدخل مافيه احد غريب ....
طلعت لطلال: طلال يقلن حياااااااك( وقلدت صوت مها )
طلال: هههههه (قرب منها) انا مو قايل بلا غيره يالله ادخلي معي .....
دخل طلال وسلم ومها شوي والا تقعد بحظنه ولولوه ماتت غيره بس سوت نفسها مو منتبهه ......قعد يسولف طلال معهن ومها تضحك وتسولف معه ...
منال: قومي اقعدي جمبب رجلتس بسرعه .....
لولوه : ماني هو ليش مايقول لولوه تعالي ....
منال: يالخبله قومي ترى حتى هويستانس لامنتس قربتي منه .....
لولوه: ماني قايمه خله تشبع به مها ...
منال : انا لو رجلي كان حطيت اصابعي بعيونها وقمت وقعدت جمبه لانه حلالي مو حلاله هي ......
لولوه: ماني قايمه كيفه .....
طلال كان يراقب انفعال وجهها وعرف انها عصبت بس تحاول ماتبين ...
قام طلال وطلع عنهم وقبل لايطلع لف ...
طلال: لولوه تعالي ابيتس........
قامت وراحت لطلال خذاها وطلعوا للصاله الثانيه ....
طلال: قلبي وشبتس تعبانه ...
لولوه: لا ...
طلال: اذا تعبانه ارقي فوق ريحي ....
لولوه: ماني راقيه فوق ......
طلال : زين وشبتس ؟؟؟
لولوه: مابي شيء .....
طلال: مابي شيء وانتي شوي وتطقين شوفي وجهتس بس ...
لولوه: قلت لك مابي شيء ارتحت .....
طلال: غيرانه؟؟؟
لولوه: اغار على منو عليك ليش رح لمها تغار عليك وتضحك معك ...
طلال: اعترفي يعني غيرانه ..؟؟انا ماقلت لتس لاتغارين وبلا حركات الجهال هاذي زين.......بنات عمي وابي اسلم وخواتي تبين تغارين كيفتس هذا شيء راجع لتس ....
لولوه: لاجواااااااب بس صعدت لغرفته وخلتهم كلهم حتى العشاء ماتبيه ...
دخلت شقتها وهي شوي وتطق من حركاته ياربي ليش يسوي كذا يعني يعجبه تعذيبي ياربي ليش حظي كذا وبتست لين تعبت راحت وغسلت وجهها ...
طق الباب ...
راحت فتحت الباب والا منول ...
منال: وشبتس ليش عيونتس كافخات ليش وجهتس كذا ؟؟؟
دخلت وسكرت الباب ...
لولوه: مابي شيء بس راسي مصدع..
منال: لا والله نحتنس انا ادري من عيونهن عساهن الماحي اصبري ابروح اخذ من غسول الكاسات ....
لولوه: لا لا يرحم والديتس بديتي مثل حركات امي مابي ...
منال: غصبن عليتس ماهو بكيفتس ....شوي واجي ماطول واجيب شيء ناكله فيه فطاير سويتهن يحبهن قليبتس وسويت حلا جديد توي منزلته من منتدى اللحين اجيب قهوه وشاهي ونتقهوى ونتونس...
نزلت تحت منال ولقتهن يسولفن عن لبس لولوه وشكله وانه حليانه بس مايبن يبين لها علشان ماتزيد ثقتس بنفسه...
وسميه : ماحي يمحاه خذت قلب طلال صاير على كيفها..
العنود: ايه اخوتس وده لو ماوده كان مثل اول شطفها وماعطاها وجهه ...
مها: بذمتكن اللحين هو يحبها يعني ؟؟؟
دلال: اكيد شوفي بس نظرته لها يوم يبي يطلع وهو قاعد كان مافيه احد غيرها هنا...
نوره اخت مها: وانتي وشتبن بهم خلاص تزوجو وارتاحو بس عليه خدود وبشره لو تعطيني اياهن ...حتى جسمه يهبل تبن الصدق بعذر طلال زين ماياكله ههههه
مها: اللحين انتي اختي والا عدوتي ؟؟بدال ماترفعين بي كسرتي كل مجاديفي ...
وسميه : هي صاتسه نوره بكلامه بس لازم يطلقه شوفي بس نفسه علينا تقل مو عاجبينها ...
دلال: المشكله لو ماهي بنت فقر وماشافت القناة الا على يد طلال فديت اخوي الغالي حبيب وطيب...كلمه توديه وكلمه تجيبه....
العنود: ترى لو يتزوج مها على لولوه هنا بس تموت لولوه.....
دلال: والله انتس صاتسه ايه بس هو اللحين يحبه بس لازم نشوف طريقه نفرقهم عن بعض ....اصلن سعاده اخوي مع مها مو مع لولوه..
كل هالكلام سمعته منال وماعلقت ولابينت انه سمعت كلامهن كملت طريقه للمطبخ وخذت بعض الاغراض وبعضهن قالت للشغاله توديهم فوق بدون ماحد يشوف ...
صعدت فوق ودخلت على لولوه ومعها الاغراض ...
منال : تعال لولوه شيلي معي اي يدي للحين توجعن ...
جت لولوه له وخذت الاغراض وقالت للشغاله تنزل الباقي وقعدن سوالف ويتابعن نور ومهند الساعه عشروربع وضحك ووناسه ..
منال: تصدقين ابتزوج مرزوق ونروح شهر عسل لتركيا واخليه بتركيا واجيب معي مهند والله فكره ههههه
لولوه: لا والله اخاف يخليتس مرزوق ويجي مع لميس والا نور ههههههههه
منال: ياويلي والله يسويه عاد لميس يمه تهبل خلاص اجل اروح السودان نروح و نرجع مع بعض هههههههههه
لولوه: هههههههههه ترى والله قصتهم ماله معنى بس جايبين هامزايين يبون نفتح خششنا وماندري وين ربي قاطنا ...
منال: والله يالولوه اني اتابع المسلسل من اول حلقه ويبداء المسلسل وينتهي وانا بس اشوف مهند وحركاته مادري وش يقولون هههههههه......
لولوه: بذمتس ؟
منال: اي والله مادري فيه شيء بعيونه نظره حب بحياتي كله ماشفته بعيون احد ياربي اشوفه بعيون مرزوق هههههههههه
لولوه: لاتعلقين على مرزوق ترى من ضحك بشيء ابتلابه ...
منال: ترى والله ماضحك بس يوم فكرت مافيه الاهو وانتي تعرفين ابوي البنت لولد عمه مادري ليش استثنى طلال من القاعده يمكن من غلا ابوتس عند ابوي قلت يابنت اقنعي نفتس بمرزوق عاد من قال الكلمه بالمزرعه وانا افكر به تصدقين ..
لولوه: تحبينه؟؟؟
منال: والله مادري بس افكر به داااااايم ......
دق جوال منال وردت ...
منال: هلا فهد ...
فهد:هلابتس وينتس تعالي انتي والشغاله نظفي الديوانيه الداخليه بسرعه ...
منال: يالله جيت......
وسكرت الجوال....
منال: قولي امين .....
لولوه: امين .....
منال: اني اشوف خشة مرزوق يااااارب يلمحن دام اني كاشخه بس اكيد يقول عصقوله ههههههه
لولوه:لا اذا يحبتس ماراح يقول ...
منال: يااااااااااااااارب يطيح مرزوق بغلاي ولااحد يسمي عليه ....ههههه وبعدين اكشخي تسمعين قومي بدلي واللبسي اللبس اللي اياه وبدعي بخشتس مثل المكياج اللي مشوين بصراحه شيء وحطيلتس شموع خليه يدوخ اخوي من يدخل هههه..
لولوه: امين بس روحي اللحين لايجيتس فهد وتشوفين مرزوق عدل ههههههههه
اي اوامر ثانيه ست منال....
منال: لا للحين مافيه غير اللي قلته اذا فيه دقيت عليتس وقلت لتس فديت ام الافكار والقلب النظيف انا سفيره النوايا الحسنه الزوجيه السعوديه فديتن يارب ههههه
نزلت منال تحت وخذت الشغاله ونظفن الدوانيه دخل عليه طلال:
طلال: وين لولوه؟؟؟
منال: رقت فوق ياقلبي حتى العشاء ماتعشت شكله تعبانه حيييل..
طلال: ليش وشبه؟؟؟
منال: مادري رقيت له والا تقول راسي مصدع يمكن حامل وجهه يقول انه حامل بس مادري...
طلال: فيه احد قدامي والا ارقى فوق...
منال: مافيه احد واللحين بعد امشيء قدامك اتاكد... ومشت مع طلال لين الدرج ورقى فوق دخل الشقه والا هدوء وريحه شموع معطره وضو شموع والجو هادي حيل ...
دخل غرفة النوم ووكانت قدامه شكله رووووووعه كانه خيال
طلال: لولوه بتس شيء تعبانه؟؟
لولوه: لا مابي شيء من قال اني تعبانه؟؟
طلال: منال تقول يمكن حامل لان شكلتس تعبانه...
لولوه: طلال ماصارلي شهر من رجعت وين حامل لا لا مافي شيء بس قلت ارقى فوق اللبس وابدل...
طلال: اللحين هذا كله لي ؟؟؟
لولوه: ايه لك انت ...وتبسمت له بس مارد الابتسامه طلع وخلاها....ياربي وش اسوي ان دقيت على امي راح تاقف معي لاني بنته وان قلت لاهله صارت مشاكل ياربي شسوي حتى اخت مالي اشكيله همي
دقت على جوال طلال مارد عليها ..... جت الساعه 3 وهو ماجا للحين شوي والا سمعت صوت باب ينفتح ....
سوت نفسها نيمه وهي تبتسي بس ماحبت تبين حاولت تكتم شهقاتها ...
دخل بهدوء نزل الشماغ وبدل الثوب ببجامه نوم ودخل يغسل وطلع انسدح ...شال الغطى شوي شوي وكان شكله يكسر القلب ...
ليش انا كذا ليش هي تقرب وانا ابعد ماسوت شيء غير انه تبي تلبس لك وتكشخ هذا جزاته ليش تعامله كذا ليش تكسر بقلبه دايم مو انت حلفت ماتنزل دوعها مو انت وعدت نفسك تصير دنيته كلها كلمه من وسميه خلتك كذا عليه ...
طلال: قلبي قومي ...ومسح دموعها ..لولوه حياتي اسف والله مو انتي وعدتي تتحمليني لولوه يالله عاد والله ادري اني غلطان بس قومي ...
ماردت عليه كانت تشاهق وزاد بكاه ....
حظنها حيل ...خلاص قلبي يالله عاد سامحيني ....
لولوه: قلي وش غلطي علشان لبست وتزينت لك ؟؟؟
طلال: لا انا كنت متزاعل مع فهد على شيء وتعرفيني اذا عصبت اعصب على الكل ...
لولوه: زين انا وش ذنبي اذا ماتبيني ودني بيت ابوي انا ماني رخيصه ياطلال..
طلال: عيون طلال بس عاد يرضيتس تضايقيني ؟؟؟
لولوه: وانت ليش مايهمك تضايقن وتمشيء ولا كانك سويت شيء ...
طلال: ننسى ؟؟؟
بس نظره منه وكلمه ننسى تقدر تنسيها دنيتها كلها ...
لولوه: تبسمت من بين دموعها ....ننسى ...
طلال:ياعيون طلال انتي ..ترى انا ماتعشيت كله من ضيقتي عليتس قومي سويلي عشاء ...
لولوه: انشالله ...
طلال: تبيني اقوم معتس اساعدتس ؟؟
لولوه:كيفك...
قام طلال وقرر هو يسوي الشاهي وهي تسوي سندويشات خفايف.. ظبطتهن لطلال قلبه شلون ماتظبط له وقعدو بصالتهم يسولفون وكل واحد يعتذر للثاني ويبدون صفحه جديده .....






[blink]نتاااااااااااابع غدآآآآآآآآآ ان شاء الله [/blink]







التوقيع :
اضغط على الصورة لفتحها بصفحة مستقلة

قديم 27-04-2009, 11:59 AM   رقم المشاركة : 57
نسيت الزعل
( ود جديد )
 
الصورة الرمزية نسيت الزعل
 






نسيت الزعل غير متصل

والله عيوني زغللت من طول ها القصه

بعدين رايح اكملها ومشكوره مقدما على ها لقصه


ثانكيوووووووووووووووووووووو


الحين ابي اكتب قصتي هي قصه حقيقيه ورايح تعرفو


ليش نسيت الزعل

تقبلو مروري







قديم 29-04-2009, 12:40 AM   رقم المشاركة : 58
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

اقتباس
المشاركة الأصلية كتبت بواسطة نسيت الزعل
والله عيوني زغللت من طول ها القصه

بعدين رايح اكملها ومشكوره مقدما على ها لقصه


ثانكيوووووووووووووووووووووو


الحين ابي اكتب قصتي هي قصه حقيقيه ورايح تعرفو


ليش نسيت الزعل

تقبلو مروري









التوقيع :
اضغط على الصورة لفتحها بصفحة مستقلة

قديم 29-04-2009, 01:01 AM   رقم المشاركة : 59
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]


الجزء السادس...


،؛،.. أنا جـــيت كـــلي ..،؛،
ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضـْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)

الشاعر ابن فطيس ....

لولوه: طلال قلبي قوم يالله عمي يبيك بسرعه ...
طلال قام طلال: وش يبي ابوي به شيء؟
لولوه: لا بس يقول ابيه بشغل ...
طلال: يالله قمت كم الساعه اللحين ؟؟
لولوه: الساعه 10 ...
طلال: سويتي قهوه وفطور والا انزل ؟
لولوه: لا جاهز فطورك وقهوتك ...
طلال: الله يعافيتس ..
لولوه : ومن قال قم بسرعه لاترجع تنام اعرفك ترى جهزت ملابسك ...
طلال:هههههه لا لا ماعليتس هذا انا قمت .....
قام طلال وتسبح ولبس وطلع للصاله ولولوه كانت بالمطبخ تسوي عصير طبيعي وتحطه بالثلاجه علشان طلال قلبه كل مايبي عصير يجي ويلقاه جاهز ...
طلال: لولوه قلبي وش تسوين؟؟
لولوه: اسويلك عصير طبيعي ...
طلال: ياقلبي ابفطر اللحين ..
لولوه: ادري عساه عافيه بس يعني كل مابقيت تلقاه جاهز هنا ...
طلال: قلبي خلصي بسرعه وتعالي ابتصبح بوجهتس ...افطرتي؟؟؟
لولوه: ايه افطرت .. ابشر ياقلبي هههههه طلول لاتنسى اليوم العصر ابروح لاهلي ..
طلال:ثاني مره ياويلتس تفطرين لحالتس ولو تبين سطح القمر مو اهلتس ..هههههه
خلصت لولوه العصير وحطته بالثلاجه
لولوه: هههههههه يالله جيتك وهاذي قعده علشان افتح نفسك ......
طلال: تصدقين يوم البارح منال تقول يمكن حامل صدقته هههههههه
لولوه: ههههههههه منال هاذي حركاته بذمتك مافكرت مامداني ماصارلي شهر طلال ...
طلال: وش دراني انتن حريم ادرى قلت يمكن منال تدري بشيء لا وهي ووجهه تقول وجهه يقول انه حامل ههههههه
مادري الحامل يعني يكتب على وجهه حامل ههههههههه
لولوه: ههههههه مادري عن منال وحركاته ...
قام طلال :الحمدالله يالله اللبسي جلالتس نبي ننزل اغسل بس وانزل معتس....
لولوه: يالله جاهز جلالي.....غسل طلال ونزلو مع بعض ...
شافت عمه ابو طلال: وجت تحب راسه : شلونك عمي عساك بخير ...
ابو طلال: هلا هلا ببنيتي الحمدالله على السلامه شلونتس يابوتس ؟؟....
لولوه: الله يسلمك بخير الحمدالله شلون صحتك ؟
ابوطلال: الحمدالله يابوتس صرت بخير من شفتكم انتي وطلال..عسى مازعلتس بس؟
طلال: لا لا لااااااا يبه انا مانا قايل لاتصير ضدي معها افا بتس يبه تخليني وانا ولدك ....
ابو طلال: ايه اخليك لولوه اغلى منك ....
طلال: انا تصير هالدبه اغلى مني ....بس يبه تدري معذور من يلومك بغلاه .....
وضحكو كلهم على طلال.....ولولوه انحرجت ,,
قعدو سوالف ابو طلال وطلال يتكلمون عن سوالف الشغل والمزرعه ...ولولوه وخالتها سوالف عن زوج العنود
ام طلال: يامتس مادري وشبلاه تقول مابيه وحنا ملكنا والله يذبحه ابوها .....
لولوه: ليش خاله الولد ماينعاب حتى طلال يقول ...
ام طلال: مادري يامتس تقول ماهو عاجبن وشهادته ثانوي .....
لولوه: ياخاله الرجل ماهو على شهاداته الرجل بافعاله ودينه وطيبه واخلاقه.....
ام طلال: ادري يامتس بس وش اسوي به والله تعبت معها والله لو يدري ابوها الليله يوديها بيت زوجها ....
لولوه: حاولي ياخاله معها ...مايصير كذا والله حتى طلال لو يدري يذبحها .....
ام طلال: احاول وامري لله والا لو يدري ابوها وطلال والله الا يذبحونها اول وافقت عليه وماعندها مانع اللحين بس بدت تطلع عيوبه كله من مها انا ادري السوسه يامتس مهبوله واهله مخلينها لاتربيه ولا حياء...
لولوه:ابعدي مها عنها ياخاله هاذي حياة وستر ماهو لعبه ..يوم ابيه ويوم لا ...
ام طلال:تكلمي معها يامتس يمكن تسمع منتس؟؟
لولوه: ياخاله انتي شايفه خواطر البنات من بنات عمكم ابو ناصر كل شيء يقولنه يسمعن منهن ماراح يسمعن مني ....
ام طلال: ادري واشوف يامتس والله ماغاثن الا وسميه ودلال الكبار مادري وشبلاهن مايسمعن حتى كلامي ..
جتها رساله على جواله ...
تصدقين بس اتخيل شكلتس البارح مادري شيقول ابوي هههههه
رفعت راسها لطلال وتبسمت له ....وارسلت
اعقل وشف عمي شيقول بدى يعصب عليك ههههه
ابو طلال: يابوك انت معي ؟؟؟
طلال: ايه ايه يبه معك وادري وشقلت تبيني اروح لابو علي واقوله اللي قلت لي وهو يتصرف واروح للمزرعه اشوف العمال والحلال...
ابو طلال: طلال يابوك ماجبت طاري لابو علي قلت لك ابو نايف ابو نايف ياولدي اسمع الحتسي والا رح نم كمل نومتك اذا انت تعبان اقول لفهد يخلص الشغل عنك .......
لولوه ماتت ضحك عليه .....
طلال: لا خلاص فهمت يبه بس امزح معك انا اروح اخلص الشغل ...
وارسل رساله لها...
اضحكي اضحكي هين انا افكر بتس ومشغول وانتي تضحكين علي ..



[blink]نتاااااااااااااابع[/blink]






التوقيع :
اضغط على الصورة لفتحها بصفحة مستقلة

قديم 29-04-2009, 01:07 AM   رقم المشاركة : 60
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]


......تبسمت له ولفت على خالته تكمل سوالف ...
ام طلال: يامتس ابلشن فهد يبي يعرس ماتخبرين بنات من قرابتكم عمتس مايبي من بنات اخوانه وفهد يقول اي بنت لج راسي ابي مزيونه وطويله وخشمه كذا وعيونه مادري شلون هههههه يامتس امس اتعبن ..
لولوه: ههههههه كلهم كذا ياخاله نواف اخوي يتشرط علينا مثل فهد ...مادري ياخاله تبون من بنات عمي منصور والا تبون بعيده...؟
ام طلال: ماعلي من فهد ابيه بنت صالحه وعاقله تخبرين يامتس هاذي حياة ماهي لعبه لاتفاهمو انشالله ينسى الزين الزين مايهم وانا امتس ...
لولوه: والله ياخاله غلا بنت عمي حلوه وعاقله كنت اتمنى لو يتزوجه نواف بس نواف يبي بنت خالتي ريم ...
وعمي والله مايردكم فهد عاقل الحمدالله واذا على حركات العيال ترى من يتزوجون ينسون انشالله ...
ام طلال: اجل وانا امتس بس اخلص من المهبوله عنودعسى الله يهديه والله ارتفع ظغطي منه نروح انشالله ونخطب ...
لولوه: انشالله ياخاله ..
بعدها رقت فوق لولوه تريح شوي دقت على امها .......
لولوه: الو هلاااااااا يمه...
ام سعود: هلابتس هلا يمه وينتس مانتي جايتنا ؟؟؟؟؟
لولوه: الا يمه انشالله العصر وانا عندتس اشتقت لكم حيييييل وشلونكم وشلون ابوي؟؟؟
ام سعود: كلنا الحمدالله طيبين ناقصنا بس شوفتس عساتس استانستي انشالله.....؟؟
لولوه: اي والله يمه تهبل ماليزيا روحي له انتي وابوي جددو شبابكم .......
ام سعود: يكفي وناستس وراحتس وانا امتس تجدد شبابي انا وابوتس .....
لولوه: يابعد الدنيا يامي ابرتاح والعصر اجيكم ولاتنسين دقي على خالاتي خليهم يجون يمكم مشتاقه لهن حيل.....
ام سعود: انشالله نامي ريحي ...اقول يمه انتي تغديتي؟؟
لولوه: لا للحين يمه ماني مشتهيه اكل لاجيت يمكم اكل من عشاكم مشتاقه لطبختس .....
ام سعود: ابشري يمه تبين مكرونه بالدجاج .....
لولوه: ايووووووووووه يمه مكرونتس يمه شيء سوو بعد عشاء ثاني لاتنسون ودي اكل عندكم.......
ام سعود: هههههههه انشالله يمه .....
لولوه: مع السلامه وسلمي على ابوي .......
ام سعود: مع السلامه.......
انفتح الباب والا طلال داخل عليها .....
طلال: لولوه ليش ماتبين غداء؟؟؟
لولوه: لا مابي ابريح شوي للحين احس بتعب ....
طلال: بتس شيء؟؟؟تبين المستشفى؟؟
لولوه: لا لا مابي شيء بس تعب اريح شوي وارتاح.....
طلال: قومي اللبسي عباتس ...
لولوه: طلال قسم بالله مابي شيء ماني مريضه بس جسمي للحين من السفر احس انه متشنج..
طلال: قومي اقوول تسمعين الحتسي .....
لولوه: طلال ياقلبي مالي خلق دكاتره خلقه انا اكرههم واكره المستشفيات ماااااااااحبهن وماني مريضه ولا ابي اروح.....
طلال: قلبي والله ماقصدي اضايقتس بس خايف عليتس شفتس مره وانتي طايحه بين يدين سعود كنت بالدوانيه انطر سعود يجيني كنا ناوين نطلع مع بعض فجاه دخل علي عامر اخوتس الصغير قال لولوه طاحت بالصاله ماحد عندها طلع وانتي معاه شايلتس لمحتس وانتي بيدين سعود شكلتس حتى وانتي مريضه حلووو هههههه وانا تنحت شوي وبعدين حركت مخي وشغلت السياره لسعود لانه كان حيل خايف عليتس... دخلتي قلبي بس كنت اكابر قطعت الاشاره ماكنت مهتم لشيء الا اني اشوفتس حيه احسبتس تموتين خفت من ملامح سعود.......
لولوه: متى ماذكر؟؟ليش سعود ماقالي؟؟يعني حبيتن؟؟؟؟؟؟
طلال:انا قلت لسعود لاتقول لاحد خفت من كلام الناس .......ومن ناحيه حبيتس اي والله حبيتس تذكرت حركاتس وانتي صغيره يوم كنا بالمزرعه ماكنت اتخيل بيوم اني اتزوجتس او احبتس .......كنت اذكر انتس حلوه بس ماتوقعتس كذا
لولوه:احم احم يعني تحبن وتكابر وانا متعذبه بغلاك ياطلول .. ياحياتي كلهم يخافون مره دكتور قالهم اذا هبط الظغط احيان يصير سكته قلبيه وهم عاد يخافون يع كرهت حياتي لو انام اربع ساعات على بعض القاهم كلهم على راسي لولوه بتس شيء لولوه انتي قعدتي لولوه مريضه وابوي كل شوي يطق الباب لولوه نمتي لولوه قاعده لولوه كليتي والله تعقدت ادري انه من غلاي عندهم بس تراهم من وفاه سلمى حيل يخافون علي احيان اتضايق ..
طلال: قومي قومي بعد السالفه به هبوط وقلب قومي بسرعه اللبسي.....
لولوه: طلال ترى اذا سويت كذا اتعب وازعل ويهبط ظغطي لاتضايقن مابي شيء وابنام اريح ...وانسدحت على السرير ..اقولك شيء طلال ...طلال: قبل لاتقولين ابفهم ليش انتي عوبا ومعانديه ...
لولوه:كيفي ابقول فيه روايه قريته كنت باولى ثانوي كنت اتخيل البطل انت مادري ليش قاسي وجاف ويحسر بهم هههههه احسه نفسك لاشعوريا سميته طلال وخوياتي يضحكن علي....... طلال طلول قلبي خلن اريح شوي حرام عليك والله تعبت ...
طلال : سؤال بس انا قاسي ليش وجاف ليش ؟؟؟؟
لولوه: بذمتك ماتذكر يوم انك تحسر بنا وياويلك ياللي تقرب للخيل والا الدجاج وبس تخانقنا انا وفهد ومنال يوم كنا اصدقاء هههههههههههههه ......
طلال:ههههههههه تصدقين ناسي ماذكر ... خلاص خلاص اقول لولوه..
لولوه:هلا ...
طلال: هلابتس ..وتبسم له لاتقولين هلا وتناظريني بنظرتس هاذي ترى انسى امي وابوي هههههه
لولوه: ههههههه انشالله هلا ...وش كنت تبي تقول...
طلال: سمعتس مره وانتي تكلمين نجلاء تقولين ماسامحه ابد ابد طول عمري منهو انا؟؟
لولوه حست الدنيا لفت من حوله تمنت الارض تنشق وتبلعه: طلال انا ماعرف اكذب يبين من نظره عيوني زين..
طلال: زين بس قولي منهو انا اللي ماتسامحيني؟؟
لولوه: لا والله مو انت ..فيصل ولد خالتي ...
طلال: ليش ماتسامحينه وش دخلتس به؟؟؟
لولوه: سالفه طويله عريضه مالي خلق اتكلم به...
طلال: لاتخليني اعصب تكلمي بسرعه وقولي وش بينتس وبينه ؟؟
لولوه: مابينه وبينه شيء كل السالفه انهم طول عمري يقولون لولوه لفيصل وفيصل للولوه ويوم كبر خطب بنت خاله وخلاني ورجع بعد فتره وفسخ الخطبه وقال ابي لولوه طلعت امه ماتبيني تبي بدريه بنت خاله هو وبس لانه ماتحب امي وتبي تجرحنا وجرحتن ارتحت وشمت الناس بي وحلفت ماتزوجه لووش مايصير ...
طلال: كنتي تحبينه؟؟؟
لولوه: ماكنت احبه بس كلهم يدرون اني له عشت وحييت اني له فجاه اكون لغيره بس ...
طلال: يعني كنتي متخيله نفستس له هو بس؟؟؟
لولوه: طلال كلام راح وانتهى انا لك اللحين...وحلالك
طلال:انتي تبين تخليني كل ماشوفه اكرهه زياده وودي اذبحه...
لولوه: ليش ؟؟
طلال مسك يدها حيل وشد عليها: ليش بكل بساطه انتي لي تفهمين والا لا ..؟؟انتي حلالي وملكي ...
لولوه: زين طلال زين بس اترك يدي والله اني حلالك....
طلال: انسي فيصل تسمعين وان سمعت اسمه على لسانتس بس شوفي وش يصيرلتس ........
لولوه: انت سالتن وانا جاوبتك بكل صراحه ماعرف اكذب ...
طلال: نامي ريحي شكله مختس ضرب .....
وقفت لولوه بسرعه وهي معصبه ......
لولوه: اللحين وش قلت انا شيء غلط ؟؟ليش شايفن مهبوله قدامك ؟؟؟؟؟؟؟
طلال: تقولين عشت اني له وفجاه اكون لغيره .......
لولوه: لو مانت غالي عندي وماحبك كان مارجعت لك ولافكرت حتى برجعتي لك قلي وش يجبرن ارجع لك ..؟؟مافيه قوه بالدنيا ولا اتذكر معك شيء يجبرن اني ارجع لك كان طلبت الطلاق وتزوجت فيصل بس احبك ورجعت لك مايعني لك شيء هالكلام ؟؟؟
طلال: اوكي اوكي روحي نامي....
لولوه: ماني نيمه لين نتفاهم ؟؟
طلال: وش عليه مافي شيء انسي خلاص .......
لولوه: يوووووووووووه طلال لاتزهقن بعمري خلاص شيء وانتهى وانا لك اللحين واحبك واموت بك .....كان يناظر له بنظرات اعجاب بقمه قضبها تكون هاديه معقوله فيه احد كذا غريبه بحياتي ماشفت مثلها لا وتقول كلام حلو فيه لمعه بعيونها تبين كانها لبوه ههههه
ضحك طلال بصوت عالي ...
لولوه : وش يضحكك؟؟
طلال: لو تشوفين شكلتس كانتس لبوه تدافع عن عياله هههههههههههههه شوي وتنطين علي وتحظنيني تبينه من الله اعترفي هههههههههههه........
لولوه: اللحين كل هذا ومعصب بي علشان جاي ببالك تشوف شكلي وانا معصبه ؟؟
طلال: اي والله عاد قلتي احبك واموت بك كل يوم ابشتغل عليتس اعصب بتس لين تقولين كلام حلو ههههههههههههه
لولوه: والله انك فاضي زين وانا تعبانه ومالي خلقك يااااااااااااادب
طلال: لا لا لا لا انا الا سد مو انتي لبوتي هههههههههههه
لولوه: طلال قعدن العصر ابروح لاهلي ....
طلال: وانا وين اروح ؟؟
لولوه: اقعد تحت اللعب بلوت مع اخوانك والا شف زيت الجيب مو لاجينا نبي نمشي انطق ساعه انطرك هههههههه
طلال: تعالي تعالي .....مسك اذنها اللحين خدام عندتس انا؟؟
لولوه: لا محشوم انت قلت وش اسوي وانا اقترحت عليك بس ...
طلال: تلعبين علي انتي ؟؟
لولوه: ماعاش من يلعب عليك وانا بنت ابوي.....منهو بس علمن وانا اشوف شغلي معه ..
طلال: احيان اشك انتس ولد واللي يثبت انتس للحين ماحملتي اثبات الانوثه عندتس اذا حملتي هههههههههه
لولوه: اللحين بالله هذا كلام تقوله فرضن جاني احباط نفسي ومتت انا منين لك زوجه؟؟؟
طلال: واجد الحريم عادي ...اتزوج بعد وفاتس بثلاث ايام..
لولوه:اقول طلال يابعد الدنيا اترك اذني ترى ماحد يصبر صبري عليك على بالك كل الحريم زيي والله مالك امل تلقى مثل ظفري بس .......
طلال:نامي اخمدي يالله والعصر اقعدتس .......
لولوه : وين الرومنسيه قلي يلومننا يالحريم وكل شيء على روسنا شف كلامك بس المفروض تقول نومه العافيه حياتي ريحي ياقلبي مو اخمدي ......
طلال: خلاص ياقلبي روحي نامي ......وضحك على شكله ......وهي تسوي نفسه تدعي
طلال : قلبي والله امزح معتس يالله امشي معي لين السرير ابوصلتس تريحين ........
لولوه: شبيك لبيك لولوه بين ايديك ......
طلال مسك يد لولوه وبعدين شالها .......
وصلها السرير ونزلها وغطاها: يالله نامي ريحي وان سمعت انتس قاعده مو احسن لتس ........باس خدها وطلع ......




[blink]نتاااااااااابع [/blink]






التوقيع :
اضغط على الصورة لفتحها بصفحة مستقلة

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 03:17 PM.




 


    مجمموعة ترايدنت العربية