العودة   منتديات الـــود > +:::::[ الأقسام الثقافية والأدبية ]:::::+ > منتدى القصص والروايات
موضوع مغلق
   
 
أدوات الموضوع تقييم الموضوع انواع عرض الموضوع
قديم 29-04-2009, 01:11 AM   رقم المشاركة : 61
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]


رجع طلال على الساعه خمس لقى لولوة جاهزة ومعه واكياس الهدايا
طلال:اللحين جيوش الهدايا اللي معتس من ينزله ؟؟؟؟
لولوة: انا وانت ساعدن طلول تكفى تخيل اني حامل واكسب بي اجر
طلال : اغريتيني ههههههه يالله يالله .....
نزلوا طلال ولولوه وحركوا بالجيب ....
طلال: لولوه اسمعي الاغنيه هاذي اهداء لعيونتس وغطي عيونتس بسرعه ...
كانت الاغنيه الهوى الغايب ,,,,
طلال: تصدقين لولوه تذكرن بتس هالاغنيه احسه حيل قريبه من نفسي
لولوه:اترى غيابي مأثر بك ؟؟مادريت كان مزوده المده ههههههه
طلال:آآآآآه بس خليه على ربتس ....ياويلتس مر ه ثانيه تروحين وتخليني ....
لولوه: انت اعقل بس وانا امسك ارضي هههههههههه
طلال:بذمتس مع كلامي هذا ماني رومانسي
لولوه: الا الرومنسيه تنقط من عيونك ههههههه
طلال:لا خلاص تمهزين علي ابحرمتس من رومنسيتي ماتستاهلين رومانسيه اقعدي عند اهلتس يومين
لولوه: كنت ابقولك بس الحمدالله جت منك .........
طلال: وشو ؟؟بعد انتي ووجهتس مصدقه اخليه اقول 11 وانا عندتس خوالتس عمامتس جد ابوتس خال عمتس مالي شغل ...
لولوه:ههههههه انشالله
طلال:شوفي ابوتس واقف عند سيارته ؟؟
لولوه: طلال ابوي تراه عمك من باب الاحترام مو ابوتس ....
طلال: والله ماكان قصدي ...
وقف الجيب ونزلت لولوه
:يبه يبه
ابو سعود:هلا هلا ببنيتي حياكم الله اقلطوا حي الله ولدي طلال ......
لولوه: هلااااااابك يبه (وحضنت ابوه) شلونك شلون صحتك؟؟؟
ابو سعود: الحمدالله بخير ...
جا طلال وحب راس ابو سعود ......
ابو سعود: وشلونك ياولدي عساك بخير .....
طلال: الحمدالله ياعمي بخير انت شلون صحتك ..
ابو سعود: الحمدالله بصحه وعافيه حياك ادخل ...
دخل ابو سعود ودخل طلال الدوانيه ولولوه دخلت داخل لغرفه امه لقته تصلي العصر.....
قعدت وراه لين خلصت وحضنته وباست راسه
: اشتقت لتس حيل يالغاليه .....
ام سعود:هلا بالعوبا وحضنته ...
لولوه : شلونتس يمه شلون اخواني وينهم....
ام سعود: والله يامتس اللي نيم واللي طالع واللي قاعد بغرفته ......
لولوه:ابروح انطط عليهم......
ام سعود:روحي بسرعه وارجعي مجهزه القهوه لتس ..
نطيت وحضنت امي مره ثانيه حسيت اني محتاجه له حييييييل الا اكيد محتاجه له حيييييييل ...
ابروح اشوف العيال مشتااااااقه لهم حيل ...
رحت اركض لغرفه نواف لانه هو اقربهم لي حييييل فتحت الباب والا هو نيم
:نووااااااف قم يادب اشتقت لك حيل ابسلم عليك ..
:زين زين اروح واجي اركبي السياره
:هههههههه نواف قم قم بسرعه ريم تبي تجي .....
نواف: قولي والله .؟؟
لولوه: ورب المصحف الشريف امي عازمتهم ...
قام نواف يغسل ورجع حب لولوه :وشلونتس يالدبا صايره دبه وشبلاتس؟؟؟
لولوه: مخليه النحف لك يابو النحف قم اللبس واطلع امي ماتبي احد بالبيت؟؟
نواف:ليش ومن قال اني ابطلع طاح احد والا امرض يبي المستشفى من عندكم لازم اقعد انا وكلهم يطلعون .......
لولوه:هههههههه اسعاف مو نواف متى نزلت هالخدمه ؟؟
نواف : من اليوم يما اعرس وبس عقبه مافيه خدمات يصير عندي مسؤليه واصير ابو..
اقسم بالله اني ضحكت على نواف دايم تفكيره غريب وعنده حل لكل شيء ...اقول نواف وشرايك تقوم تجيب لنا حلا......
:انشاااااالله انشالله بس لو تسوين انتي هنا احسن ..من يديتس غير..
من كلام النوفي عرفت انه مامعه فلوس بس مايبي يبين ....
: نواف ترى مابيننا شيء الدم اللي يمشي بعروقك تراه دمي .....
نواف: اقول وشلونتس بس عساتس بخير.....
نواف ياربي منك رح للبقاله جبلي الاغراض وانا اسويه هنا وهذولي فلوس .......
رجعيهن واطلعي ابي ابدل وانا اجيب لتس .؟؟
منين تجيب مامعك شيء؟
ربي رزاق اخرجي يابنت ابي ابدل .........
طلعت وسكرت الباب راسه يابس من يوم يومه .........



[blink]نتااااااااااابع غدآآآآآآآآ ان شاء الله [/blink]








التوقيع :
اضغط على الصورة لفتحها بصفحة مستقلة

قديم 01-05-2009, 10:55 PM   رقم المشاركة : 62
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور




مريت على غرف العيال مالقيتهم شكلهم طلعوا وقفت شوي عند غرفه سعود بس ماحبيت ادخل سعود به جفا حيييل لذلك ماحبيت ادخل غرفته مو مثل نواف دايم قاعد بالدوانيه ودايم داخل عالم الشعر وحنا اكس حتى امي قليل يحسسه انه موجود تقدرون تقولون تعودنا عليه كذا من زمان مع اني ادري ان قلب امي عليه نار بس هو ثلج مادري طبع من الله مادري حزن للحين عجزت اعرف له .....نزلت تحت عند امي لقيت اغراضي بالصاله تصدقون من الفرحه اني عند اهلي مادري وين قشي هههه
دق جوالي ورديت لقيته طلال.....
طلال: الاغراض تبينهن والا ارجع بهن معي للبيت ؟
لولوه: لا لا لااااااابيهن ...
طلال: بسرعه انطرتس عند الباب .......
خذيت شغالتنا وركض للباب وشلنا الاغراض خفت يعصب ويرجع لطبعه اول بس سبحان الله لقيته مروق...
طلال:على الساعه 11 كوني جاهزه ......
لولوه:ابشر من عيوني ......
طلال: ادخلي داخل بسرعه لايشوفتس احد....
سكرت الباب يسرعه ودخلت عطيت عامر هديته ونواف حطيته بغرفته و..سعود آآه ياسعود خفت ادخل غرفته اكون مثل اللي داخل بعرين الاسد بس سميت باسم الله ودخلت حطيت الهديه على سريره وجيت ابطلع بس لفت انتباهي ورق على مكتبه ...؟؟



نتاااااااااابع






التوقيع :
اضغط على الصورة لفتحها بصفحة مستقلة

قديم 01-05-2009, 11:15 PM   رقم المشاركة : 63
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]




سميت باسم الله ودخلت حطيت الهديه على سريره وجيت ابطلع بس لفت انتباهي ورق على مكتبه ...؟؟


الناس طارت مع لميس وقصة سنين الضياع
وأنا سنين بهاالضياع بلا لميس ولا قصص


أستقبل الأحزان رغم أني بحاجه للوداع
والهم في صدري بناء عشه وطوقه القفص


كذا وبس أيقنت...بأن العمر مايشرى..يباع
وأن الفرح في دنيتي لحظات والدنيا فرص


أنا تعلمت الوفاء بس البشر تبي الخداع
من مدرسة دنياي متعلم..والأصحاب الحصص


كليت من جور الليالي ضيم قدر المستطاع
أنزع هموم ويرجع الهاجوس في صدري يرص


وأصارع الدنيا وأنا في داخل أعماقي صراع
العمر يركض....والكثير اللي من أيامي نقص


أدري بأن العمر للخايب .. متاع ٍ في متاع
وأدري بأن لكل شارب طال عن حده ... مقص


يالله تهديني على الرضوان وفجوج ٍ وساع
أليا أنفجر صدري من الضيقه ... وشيطاني رقص

للشاعر : الشمري

اول مره ادري ان سعود شاعر كانت مثل الصدمه لي ماتوقعت ان فيه مشاعر اصلن قلت لكم من اول ان سعود بارد وجامد لدرجه مليون تحت الصفر ...المهم قلت بس غرفتك ياسعود يبيله وحده زيي تحب تفتش ويجيله يوم اللحين ابنزل لامي مشتاقه لامي وقهوه امي

.....

نزلت من الدرج والاسعود صاعد الدرج لاتلوموني ترى والله اخاف منه خوف مو طبيعي مره وحده رديت عليه بحياتي وابوي خلاني اغسل المغاسل اكرمكم الله ترى لو مابوي عاقبن كان سعود موريني الشغل بس الحمدالله جت سليمه

هلاااا سعود شلونك؟؟
سلم علي سعود :هلابتس الحمدالله بخير شلونتس انتي ؟؟؟
لولوه:بخير الحمدالله اشتقت لكم انا نازله تحت تجي تقهوى عند امي....
سعود:انشالله انزلي وانا شوي وانزل ......
لولوه: انشالله ...والله اني ارد وانا مرتبكه شوي احس من نظراته يدري اني مفتشه باغراضه والا يمكن وسواس من كثر ماخاف منه ؟؟؟؟؟
نزلت لامي تحت وهي قاعده بالصاله .......
يممممممممممممه.........
يممممممممممممه
ام سعود:وشبلاتس يامي لجيتي راسي تعالي اقعدي تقهوي .....
لولوه: مادري ودي اصوت لتس كل شوي ....يمه دقيتي على خوالي يجون اليوم مشتاقه للعوبا نجلاء ومها والبنات كلهن ........
ام سعود:بدون مأدق يبن يجون دقت علي نجلاء تقول عمه بنتس العوبا وشبلاه مسكره جواله والا يعني راحت شهر عسل تكبرت علينا ..قلت لاجت حيلتس به وريه الشغل وعلمته انتس تبين تجين وقالت انا ادق على العايله لايهمتس ياعمه ولاتصوتين لنواف يدق لتس علينا انا اعزم عنتس ههههههه
ام سعود اميه ماتعرف تقرا واذا تبي تتصل على احد تصوت لواحد من العيال يدق لها لذلك نجول تدري ان نواف هو اللي ماسك المهمه ودايم يتصل له
لولوه:ههههههههههههه ياويلي منه ماتخلي حركاته مهبوله الله يعين رجله ......
ام سعود: ماتقل انتي مثله واللعن منه ....
لولوه:منهو انا يمه مايجوز لا لا والله انا عاقل
ام سعود: اقول خلي عنتس الحتسي وتقهوي
لولوه : ابشري ......وبديت اسولف لامي عن ماليزيا واللي شفته هناك وماخليت شيء ماقلته له ..
ام سعود: ماشالله ربيع عندهم؟؟؟؟؟؟؟؟؟
لولوه:ههههههههه ههههههههههه هههههه لا لا يمه اه ياتسبدي يمه خلقه ديرتهم كذا وش ربيعه تحسبينهم مثلنا ينطرون الوسم متى دخل والمطر ......
دق جوالي والا نجول العوبا رديت عليها ......
هلا والله بالغاليه ........
نجول: انقلعي الله ابو هالخشه صارلي يومين ادق عليتس جوالتس مقفل ماتقولين فيه ناس يبون يتشفون والا نسيتينا ....؟؟؟
لولوه:هههههههههههه ههههههه حسبي الله عليتس انتي وشبلاتس لايكون بعد مع رجلتس اعقلي لايجيبتس يمنا وورقة طلاقتس معتس .........

نجلاء:كش وجهه فال الله ولافالتس افتحي الباب لفتين وانا عندتس......

.....
طق الباب الداخلي للبيت ورحت ركض ابفتح الباب اكيد نجول من

هلااااااااااااااااااااااااااااااااااااااااااااا
فتحت الباب وليتن مافتحته
اكبر صدمه لما شفت وجهه رجال ماشفت نجلاء
شفت الانسان اللي بحياتي ماتمنيت اشوفه كان ..فيصل...؟؟؟؟
كان رده وبهدوء ....
هلابتس الحمدالله على السلامه ......
مارديت تركت الباب ودخلت شوي والا نجول داخله علي : انتي ماتعرفين الحياء ياعمه شوفيله صرفه هالبنت مار ماتعرف حتى توجب الناس قليلة حياء سلمي سلمي لا اكفختس يما تعافين عمرتس ......
حضنت نجول حييييييييييييييييييييل :هلابتس يالعوبا اشتقت لتس.........
نجلاء: بدت الصواريخ لو مشتاقه كان رديتي علي وانا ادق بس مقفله الجوال بس انا لتس وانا بنت ابوي ....ضربت نجول راس لولوه
:أي أي يالعوبا لاتضربيني ياويلتس من طلولي هههههه
نجول:ههههههه انقلعي ابسلم على عمتي ...
سلمت نجول على امي وانا شفت اغراض عند الباب ....نجول يالعوبا وش جايبه ؟؟؟
جبت حلى وفطايرماهو علشانتس لاتفرحين لخاطر عمتي انقلعي انا ابتقهوى مع عمتي بس وانتي نو نو ...
لولوه:هههههههههه لا والله يعني انا مالي خاطر بلياتس انتي وحلاوتس عفناه ......
قعدن سوالف وقهوه انا وامي ونجلاء وشوي والا داخل علينا خالتي فايزه وبعدها خالتي عواطف وكل شوي يجون ناس من العايله .....لين اجتمعنا كلنا ......



[blink]نتااااااااابع [/blink]






التوقيع :
اضغط على الصورة لفتحها بصفحة مستقلة

قديم 01-05-2009, 11:19 PM   رقم المشاركة : 64
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]



سوالف انا والبنات وتعرفون الناس كل شوي وشلونتس انتي ورجلتس وش سويتو حريم خوالي وخالاتي وكنت انحرج من اسالتهم بس ارد عليهم لين قالت نجول:
انتم ماتستحون ماعمركم شفتوا بنت متزوجه ذبحتوه بالاسئله خلاص تقهوو وابلعوا هذا مهمتي انا وبس ...
صتس ناس مايعرفون الحياء.....
كل العايله ضحكوا على نجول ترى هذا اسلوبه دايم ......بس ام فيصل اللي هي امه ...
عطته نظره بمعنى اعقلي بس نجول مايهمه احد ردت على امه ...
يمه مو انتي تقولين لاتزوجتي سوي اللي تبين انتي تقولين كذا خلاص كيفي
طبعا ام فيصل سكتت هذا نجول مو حي الله هههههه ماحد يقدر له .......
طبعا بعدها قعدنا سوالف عن الكليه واللبس وماليزيا كانت محور الحديث والحلا والمنتدى الفلاني تعرفون حريم بعد ؟........
وبعدها رحنا انا ونجول للمطبخ وبدينا السوالف الخاصه ........يعني حركات واعذار علشان الناس مايدرون وش بيننا من سوالف ؟؟؟؟
نجول: هاه بشريني وشلون الاوضاع؟؟؟
لولوه: لا بخير الحمدالله يمه نجول ماكانه هو متغير مليون درجة هههههههه
نجول: قولي والله حيل متغير سولفي كلي اذان صاغيه ....
لولوه: مادري نجول اسلوبه طريقة كلامه كل شيء احسه ندمان حيل نجول حييييل متغير قسم انجنيت كل شوي اقول يمكن يغير اسلوبه ونرجع للاسلوب الاول بس الحمدالله كل شيء تمام بس صار موقف لما جت النسره مها وقالت له الموقف اللي صار بينه وبين طلال لما زعل منه ورجع اخر الليل ...
نجول: تدرين لو عبدالله يسوي كذا وش اسوي قسم امسك اقرب شيء واكفخه ترى اسويه عادي ..
لولوه: ههههههه ادري والله راحمته انا شلون صابر عليتس هههه
نجول: لا ترى هو يدري اني على الغلط تقل شيطان واذا انا غلطانه عاد لو تشوفيني ماتعرفيني تقولين هاذي مسالمه هههه
لولوه: ماتخيلتس مسالمه مادري ماهو لايق ...
كفخت نجول لولوه بصحن معه على راسه وقالت: هذا علشان تعرفين اني مسالمه ومارضى بالغلط
لولوه:كش وجهه اكرهتس ههههههههه
وضحكنا انا ونجول .......
لولوه: امشي يالله قدامي ابوزع الهدايا عليهم ..
نجول:انا وشي هديتي بسرعه واذا اعجبن شيء ترى اباخذه ..
لولوه: لا والله ماهو على كيفتس انثبري ويالله قدامي ..
جتني رغد بنت خالتي وتركض بالجوال
رغد: دوالت يدد (جوالتس يدق )
خذيت الجوال منه ورديت كان نواف:
نواف: وشبلاتس ماتردين ساعه وانا ادق ..
لولوه: ياقلبي النوفي والله ماكان عندي الجوال..
نواف : اييييييه خلاص ريم جت؟؟؟
لولوه: كل هذا علشانهم لي الله هههههه
نواف: ردي جت والا لا...؟
لولوه:ايه ايه انت وينك؟
نواف:انا بكريم انحاس راسي وش اختار وش تحبون ماهو انتم يعني هي ؟؟
لولوه : يعني حنا مالنا رب افا يالنوفي خيتك توه جايه اليوم واخرته كذا ...
نواف:افا وانا اخو لولوه لا لا خلاص اللي تحب هي واللي تبون انتم ماهو تحبونه بس تبونه ؟؟



[blink]نتااااااااابع [/blink]






التوقيع :
اضغط على الصورة لفتحها بصفحة مستقلة

قديم 01-05-2009, 11:25 PM   رقم المشاركة : 65
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]



لولوه: هههههههههه ههههه أي شيء نوع انت فيه حلى بلجيكي عندهم حلو جيبه لنا النوفي والباقي على ذوقك يابو الذوق ...النوفي
نواف: هلا!!
لولوه: منين لك فلوس.؟؟؟
نواف : لقيتهن ببير عند النخل باجبال حايل .....ههههههههه
ترى هذا اسلوبه دايم مايرد عليك الا اذا طق براسه
لولوه:دورلي ببير جنبه يمكن تلقالي ههههههه
نواف: انشالله تامرين يالله باي خلصتي رصيدي
رجعت ووزعت الهدايا واللي مو موجود عطيته لامه والا اخته خلصت و قعدت عندهم والبنات اللي راحو للمجلس يتابعون التلفزيون واللي يلعبون بلستيشن .....
فجأه سمعنا صوت عالي وكان البنات والعيال بالمجلس رحنا ركض طبعا اول شيء انا ونجول ويوم وصلنا لقينا وجدان بنت خالتي فايزه متخانقه مع عامر وتعودنا عليهم احسهم يذكروني بي وبفيصل لما كنا نتعاند على شيء حتى لو كان سخيف بس كان المقصد الكبرياء ضحكنا انا ونجول ..
قالت نجول : وش صاير وشبلاكم احسن تذابحوا بعد؟؟
عامر: هالزفت هاذي ماخذه البلستيشن وتلعب به ماكانه لي فرضن خربوه علي العيال ...
وجدان: الزفت اللي يتكلم والبخيل ماكان عنده ضيوف
عامر: انتي مو ضيف انتي قليلة حياء ماتربيتي
لولوه: عامر بس عيب ورح لابوي بالدوانيه بسرعه ...
لفيت لقيت وجدان عيونه مليانه دموع عرفت انه راح تبتسي
لولوه: وجدان ياقلبي ماعليتس منه امشي معي
وجدان طلعت من المجلس وكنا واقفين كلنا
لولوه: وشبلاك عامر كل ماجتنا وجدان سويت كذا عيب
نجول: ماصارت قسم كرهتونا بالجمعات اعقلوا بكرى تزوجون بعض وتريحونا
عامر: زين هي ليش تبتسي ؟؟
لفيت على نجول وانا خانقتن الضحكه خفت اضحك يعصب عامر اعرفه ..
قالت نجول: لانك ماحترمته صارت كبيره وانت للحين تخانق معه وانت رجال مو معقوله تزعل علشان بلستيشن ...
طلع عامر والظاهر راح لابوي بالديوانيه ورحنا انا ونجول ندور وجدان
لولوه: امشي حرام ابعتذر منه
نجول: ماهو نافع انجرحت في الصميم هههه
تدرين لولوه: لما شفتهم كذا ذكروني بتس وبفيصل اذا تعاندتوا كنت اخاف منه واخاف عليتس
بصراحه تضايقت من المواضوع
لولوه: وش قلنا مواضيع زي كذا مافيه صح؟؟
كانت نظرات نجول غريبه اول مره اشوفه..
نجول: ياليت تفهمين اللي بقلبي بس والله ماقدر اقوله يمكن يجي يوم واقوله لتس ؟؟
يمكن ؟؟؟
لولوه : امشي قامت تسوي نفسه حالمه هههههه
ضحكت نجول لكن الضحكه من ورى قلبه اعرفه زي نفسي .....
رجعما لجمعتهن ولقينا الحلويات والفطاير وماعبرونا
نجول: اييييييييه ايييييييييييييييه ياذا الزمان اللي تغير مواريه من شوي كلهم ينافقوني على فطايري وحلاي ويوم جا الحلا والفطاير ماصوتولي سبحان مقلب القلوب
ضحكو على نجول وقالت له امي:
افا نجول بنيتي قلبي ماتقهوت حطو الحلا عند نجلاء وانا اقهويه ..
نجول: طلبتس ياعمه لاتقولين نجلاء لاقلتيه تذكرت هموم زماني قولي نجول...
ام سعود: ابشري طال عمرتس ضحكنا وكملنا سوالف
قربت لولوه من نجول وقالت له بصوت واطي
لولوه: نجول نسيت اقولتس شيء
نجول: وشو الله احد يبي يقولي شيء اللحين اموت
لولوه: هههه لا انشالله ماتموتين اسمعي اليوم رحت ابودي سعود هديته بس مالقيته دخلت الغرفه ولقيت .....وكملت له السالفه
نجول: اصبري للحين مو مصدقه ستيفن عنده احساس ياربي وش صاير بالدنيا ماهو معقول ...
انا ونجول مسمين سعود ستيفن والسبب يوم كنا صغار وللحين هو جافي وبارد وتحسينه جامد ..وكان وقته اعمارنا 14 سنه وتونا قرينا روايه من قصص عبير وكان البطل اسمه ستيفن بارد وجامد وسميناه ستيفن ..
وطبعا بس انا ونجول ماحد يدري بالمسمى وطبعا اغلب العايله لهم مسميات بس بيننا انا وهي :)
فجاه قالت امي ان خالتي لطيفه اللي ساكنه بالكويت بعيد رمضان راح تجي تدرون كم سنه ماشفت خالتي لطيفه كلنا يمكن اربع سنوات ماشفناه ......
لولوه: صحيح يمه
ام سعود: ايه يمه صحيح
رقصنا انا ونجول من الفرحه ومها جت معنا وريم كملت ووجدان وشهد وموضي ..بدينا نضحك ونرقص وقررنا نجيب المسجل ونرقص بس امي قالت لا رحنا للمجلس وحطيناه على قناة نجوم وبدينا رقص وهبال ...
وكل وحده تفكر وش تسوي وش الخطط ووين نودي بنات خالتي لطيفه وهم ثلاثه وعندها اربع عيال اللي هم عيسى عمره 28 متزوج بنت عمته وعنده بنت وولد
وجابر عمره 26 وسعد عمره24 وطبعا للحين ماتزوجوا وبعده ايمان ولمى توم كبر نجول 22 وايمان مخطوبه لولد عمه وللحين ماملكوا بس خطبه لانه يدرس برى وعايشه 20 كبر لولوه بعدهم مشعل اخر العنقود عمره 18 .........
ماكنا ندري وش تخبيلنا الدنيا ....




نتاااااابع غدآآآآآآآ ان شاء الله








التوقيع :
اضغط على الصورة لفتحها بصفحة مستقلة

قديم 05-05-2009, 03:11 AM   رقم المشاركة : 66
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]



الجزء السابع



ياليتني بينك وبين المضره
من غزت الشوكة الى سكرة الموت
أو ليت شاورني القدر بس مـره
ولبى مطالب رغبتي قبل ما أفوت
او ليتني لجـرة مواطيـك جـره
أحمي قدم رجلك مثل جزمة البوت
أوليت بيدينـي السعـد والمسـره
وأحكم عليها عنك ما لحظة تفوت
يفداك عمر منك يشعـر بعمـره
أنت الحياة لنفسي وردة الصـوت


للأمير: سعود بن بندر

مر يومين من رحت لاهلي وجمعتنا... والبارح قالي طلال انه راح يسافر للشرقيه عنده شغل وانا مو مرتاحه لسفرته ابدا ............

غسلت وصليت ولبست وقلت خليني انزل استانس مع العوبا منال مادري وش صار على خططه مع مرزوق ضحكت بصوت واطي ونزلت وللحين قلبي مقبوض من سفرة طلال
.....لقيت خالتي قاعده بالصاله وماعندها غير فهد وطلال ..وكان يسولفون بالسفره ورجعت لي ضيقتي من هالسفره ........
سلمت وردوا السلام والحمدالله ان فهد موجود والا سوالي شيء والا حركه من حركاته بس نازل عليه الحياء بس غمزلي بعينه وعض شفايفه وعرفت انه حتى فهد ماهو مستحي منه بس ماشافه فهد حمدت ربي مليون مره والا كان هجيت برى بيتهم كله

.........

كملوا سوالفهم وانا مستمعه لين سمعت طلال يقول راح اسافر بالسياره ....
عجزت لا اقعد تحت رقيت فوق نزلت الجلال وقعدت متضايقه ونزلن دموعي بدون سبب .....
حسيت بعيون تراقبن ...
طلال: اللحين ليش هالدموع ؟؟؟
لولوه: علشانك مو مرتاحه لسفرتك ولاتسالن ليش ...
طلال: علشان قلت ابسافر بالسياره؟
لولوه: ايه .....
طلال: زين وش السبب؟؟؟؟ يعني خايفه لا اموت ؟؟؟
زادت دموعي اكثر من اول ورديت بصوت متقطع
لولوه:ايه خا ...خايفه عل..يك ...
طلال: يالله عاد دبدوبتي لاتخافين وشوله الخوف ان شاءالله اروح وارجع بالسلامه وبعدين الموت جاين جاين بطياره والا بسياره بكل مكان يالدباء ..
يحسب نفسه ريحن من الهم والضيقه ..
طلال:اقول دبدوبتي اعترفي انه راح تموتين من شوقتس علي اعترفي بسرعه لا اعرف وشلون اخليتس تعترفين ؟؟
تبسمت من بين دموعي علشان مازيد ضيقت طلال وقفت وحضنته حيييل ابحس بقربه ابحس انه عندي وين ماراح ...
حظنن وباس دموعي وقال : ان شاء الله ارجع وشبتس ماهي اول سفره بحياتي ...ويالله عاد جهزي اغراضتس ابوصلتس لبيت اهلتس بسرعه ياعوبا ...
رحت لغرفتي وخذيت عباتي وخذيت شنطتي اللي جهزت اغراضي به حطيت مكياج خفيف خفت على امي لاتشوف وجهي وتحسب فيه شيء وتضايق رشيت عطر على خفيف بس علشان طلال يحبه وطلعت ......
رفع عيونه وغمزلي وانا قربت منه وبست خده...
طلال: ياويل قلبك ياطلال اطلعي بسرعه لا انسى السفره كله ........
ضحكت عليه
لولوه: يالله مشينا.؟؟
طلال: يالله....
ركبت مع طلال ومشينا وصلنا بيت اهلي قالي اعتذر من ابوي وجدي واخواني لانه مستعجل يبي يسافر..
نزلت اغراضي جيت ابسكر باب السياره بس حسيت انه ودي اتكلم معه ..
لولوه:طلال..
طلال: هلا ...
لولوه: لاتطول راح اشتاق لك..حييييييل..
طلال: هههههه ابشري ياعيون طلال ......وش تبين هديتس من الشرقيه؟؟؟
لولوه:يكفي ترجع لي بالسلامه ...
طلال: احم احم يازين الرومانسيه ...
ضحكت وقلت : مع السلامه....
دخلت ماشوف احد موجود هنا رحت لغرفتي نزلت اغراضي رتبت غرفتي ونزلت ...لقيت شغالتنا تحت ترتب دوانية الرجال ....
سالته عن امي قالت راحت لجيراننا ......والعيال طالعين رحت للحوش لقيت جدي قاعد وحاط الدله عنده ويتقهوى مايرضى احد يقهويه..
لولوه:سلام لاحلى جد بالدنيا ...
جدي: وعليتس السلام ياحي الله بنيتي وشلونتس ؟
حبيت راسه ورديت: حمدالله بالف خير شلون صحتك؟؟
جدي: الحمدالله تعالي تقهوي ..
لولوه: ابشر ..قعدت اسولف معه واتقهوى ...
سالته : جدي غريبه ماطلعت اليوم لشبة الرجال ليش جدي تعبان؟؟؟
جدي: لا والله مابي الا العافيه بس انتظر عمتس منصور يجيب جدتس سيرت عليهم له اسبوع ...
تبسمت وفكرت ان جدي رومانسي والله ان البدو رومانسيين ووفين بس ماحد حاس بهم ..وراح فكري لبعيد لاجا يوم وكبرت وعجزت طلال كذا ينتظرن والا لا؟؟؟ شلت التفكير من راسي وتنهدت ...




[blink]نتاااااااااابع [/blink]






التوقيع :
اضغط على الصورة لفتحها بصفحة مستقلة

قديم 05-05-2009, 03:13 AM   رقم المشاركة : 67
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]


لولوه: جدي وشتبي عشاك الليله؟؟؟
جدي : سوو مرقوق جدتس تشتهيهه ....يابنيتي يالولوه الراديو خربان صلحيه لي عجزت عنه..(من خلقت على الدنيا وانا اشوف جدي معه راديو علشان اربع وعشرين ساعه على اذاعه القران والاحاديث يعني مالكم امل اشوفه بدونه )
لولوه: وينه بالدوانيه ؟؟
جدي :ايه تلقينه عند كبت الدلال صلحيه وجيبيه ...
لولوه: ابشر من عيوني ......قمت ورحت للدوانيه حاولت به لين صلح طلعت لي اغنيه ....
..سلملي عليه .....وائله اني بسلم عليه
وبوسلي عينيه ........وائله اني ببوس عنيه
انت ياللي بتفهم عليه سلملي عليه سلم
..سلملي عليه .....وائله اني بسلم عليه
وبوسلي عينيه ........وائله اني ببوس عنيه
انت ياللي بتفهم عليه سلملي عليه سلم


ائله عيونه مش فجأه بينتسو..............
وضحكات عيونه ثابتين مابينئصو......
مادري شبوه مابعرف شبوه
مطبوعه بزاكرته ماتبــــ......
:لولوه...
طارت الاغنيه ونسيته مع اني دخلت عالم معاه ....
لولوه:هلا جدي ......وقفت بسرعه غيرت المحطه على اذاعه القرآن ورحت له بالحوش....
جدي: وينتس طولتي علي .....
لولوه: لا احاول به لين ظبط اللحين بس شغله تلقاه على المحطه اللي تبيه .....
جدي: ياملا العافيه .......
لولوه: الله يعافيك اذا بقيت شيء صوت لي ...
ودخلت داخل خذيت جوالي من الشنطه وارسلت لطلال رساله ....
ابيك تدري صوتك العذب لاغاب ....احس نفسي تنكسر من غيابه
كذا غيابك للحزن يفتح ابواب.... غصب علي البس شقاه وثيابه
ادمنت صوتك وأن تثيقلت كذاب .... من يعشقك لاغبت يفقد صوابه
مأرد علي انقبض قلبي زياده للحين ليش ياربي مايصير به شيء استودعه الله اللذي لاتضيع ودائعه رددته بصدري اكثر من مره ودقيت عليه
:هلااااااااااااا والله......
تبسمت غصب عني.......
لولوه:هلابك
طلال: وش عندتس لاتقولين علشان مارديت على رسالتس ترى للحين مصدوم من الرومانسيه ...
ضحكت .....
لولوه:ايه خفت بك شيء ؟
طلال: لا مابي الا العافيه دورت رساله مالقيت كل اللي عندي ياطيروياذيب وانت الخوي ماهن من مقامتس وتعرفيني انا ماغازل والا كان ارسلتلتس...
لولوه:طلال هذا جزاي خايفه عليك وانت تفكر بالمغازل زين زين مع السلامه يااااااااادب
وسكرت الجوال ......
دق جوالي وكانت نغمتي
اتحدى العالم كله وانا وياك ....
رديت على جوالي....
:نعم وش تبي
طلال: ليش تسكرين جوالتس بوجهي (معصب حفرت قبري بيدي )
لولوه:والله ماكان قصدي امزح معك انا خايفه عليك وانت تسولف بالمغازل .....
طلال: اقسم بالله تسكرينه بوجهي مره ثانيه ماهو احسن لتس ...
لولوه: ان ش..اء الله ...تجعت الدموع بعيوني وحسيت بغصه .......
ت ت تبي شيء ....ونزلت دمعتي حاره على خدي ........
طلال: قلبي تبتسين ترى والله لارجع لحايل .....
مارديت عليه شهقاتي زادت وعجزت لا اتكلم..
طلال: لولو قلبي خلاص عاد يرضيتس تضايقيني
........
رديت عليه من بين شهقاتي ...
لا...
طلال: زين سكري الجوال اللحين وريحي نامي وانا ادق عليتس لاقعدتي .....
لولوه:ان شاء الله ........





[blink]نتاااااااااااااابع [/blink]






التوقيع :
اضغط على الصورة لفتحها بصفحة مستقلة

قديم 05-05-2009, 03:16 AM   رقم المشاركة : 68
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]



خذيت اغراضي فوق ودخلت غرفتي انسدحت على السرير وقريت المعوذات واية الكرسي ورددته بقلبي اكثر من مره حسيت اني بردانه مع انه وقتنا صيف سميت وماحسيت بنفسي ......الا بصوت عند راسي يقولي : لولوه قومي يأمي وش بتس تعبانه؟؟
قمت واستوعبت اني ببيت اهلي ......
لولوه:هلا يمه لا لا...ماني تعبانه بس مالقيت احد وقلت انام احسن......
امي: قومي يأمي صلي المغرب والعشاء واذا تبين تجيب عشاتس عندتس تصلين وتكملين نومتس ..؟؟
لولوه: أي والله يمه ياليت احس حيلي مهدود ابقوم اصلي على ماتجيب العشى وابنام ...
امي: زين يامي .........وطلعت من غرفتي ........
قمت وغسلت وصليت ورجعت ابنام وقته دخلت علي الشغاله بالعشاء كليت وماحسيت حتى بطعم العشاء توقعت اني راح اصخن وانمرض قلت له تجيب لي حبتين بنادول من امي .......
مادري كم مر من الوقت والا امي داخله علي ..
امي:لولوه يأمي وش بتس ؟؟
لولوه: شكله صخونه يمه ابي حبوب ولاتتعبين نفسك كل شوي انا اباكل الحبتين وانام ......
امي : زين يأمي اقري على نفستس ...
لولوه: ابشري يمه ...
كليت الحبتين وشربت الماء وحسيت اني بس ابي انسدح واريح .......
نمت ولاصحيت الا الصبح الساعه 11 ونص ..
قمت غسلت وصليت لقيت رساله من طلال :
ياغايبه وان كان فيها جماله
تجملي يام الحلا والظفاير
بالله شوفي صاحبك كيف حاله
شوفيه في غيبتك وشلون صاير
صارت حياته ضيق خلق وبطاله
هم وسهر واوراق شعر وزقاير
لاتتركينه في غيابك لحاله
بالله شوفي كيف هالطفل صاير
ووحده بوحده كان عندك عداله
تبطلي غيبه وابطل زقاير
رديت عليه

برساله
تعال شف غيبتك كيف اثرت فيني
تعال شفني وانا اغرق عقب مجدافي
تعال خذني ورحبي من عناويني
تعبت اعدي على جمرك وانا حافي
تعال واقطف بصوتك زهره سنيني
كل المواعيد عقبك شمعها طافي
تعال وشفيك خايف انت ناسيني
قطعت صوتي عليك وطال ميقافي

وبعدها نزلت الجوال على الكميدينو ونزلت لاهلي تحت
لقيت جدتي بالصاله سلمت عليه وحبيت راسه لاني ماشفته من جيت من السفر ......
لولوه:هلا بالغاليه وين رايحه ومخليه ابو الشباب ؟؟
عطتني نظره معتبره ؟؟
جدتي: متى تعلمين تحتسين حتسي الاسلام ؟؟
لولوه: تبسمت لجدتي وقلت : افا جدو من زمان انا اتكلم حتسي الاسلام انا مسلمه ياجدو ......
جدتي: قومي قومي نيمتن للضحويه لاشغل ولاعمل مات دمتس باتسر تموتين وانتي صغيره ......
جدتي ماسكه معه اليوم حرب ضدي ...
لولوه: ياجدو والله تعبانه والا تعرفيني وش حليلي وحبوبه واقوم بدري قبل الناس من الله خلقن ...
جدتي : انزلعي عن وجهي قومي قومي نفضي فراشي وافرشيه ورتبي غرفتي بسااااااااااع قومي
قمت وانا مالي خلق بس مابي اضايقه رتبت غرفة جدتي بسرعه على السريع بس علشان تتركن بحالي
ورحت للمطبخ ادور شيء اكله ......افطرت ورحت ادور أي شيء اضيع وقتي به .بس قلبي فيه شيء زي النار مادري ليش ......
خذيت الريموت وحطيته على قناة تو افلام وقعدت اتابع .........ومادري وش فيه والله ماكاني قدامه كان قلبي وعقلي بمكان ثاني مادري حتى وين

لولوه ووجعه حطيه على الاسلام حاطته على هالكيفران .........
ياااااااااااااااربي جدتي وش به علي اليوم ؟؟؟
لولوه: ابشري جده وحطيته له على قناة الصحراء طولته حيييييل وقمت هجيت ....
رقيت فوق ادور النوفي وتذكرت عنده دوام اليوم
ياربي اشتقت له من امس عندهم ماشفته قلت اروح للدوانيه احسن يمكن القى جدي مروق مو مثل جدتي يمكن هو بعد مخرب مزا جه وحطت حرته بي ....
كنت امشي بهدوء علشان اذا فيه رجال اهج بدون مايحسون ...
سمعت حتسي وذبحن الفضول اني اكمله ...
كنت اسمع صوت سعود يقول حادث وابوي يقول لاتعلمونه وجدي يردد انا لله وان اليه راجعون ......
حسيت بمليون خنجر دخلت بدون لا اسلم وكأني جسد بلا روح شفت نواف واقف يعني جا يعني فيه شيء حسيت بعيون نواف حززززززززن عرفت ان طلال ماااااات بس تمنيت انهم يكذبون احساسي
حطيت عيوني بعيون نواف: قلي بس هو حي؟؟؟
مارد نواف سألت سعود : وحاول يقرب مني ماقدر لاني صحت بوجهه : قلي حي والا لا ؟؟حرام عليكم ابيه ردوا علي والله ابيه والله احبه حسيت بيدين ماسكتن كانو نواف وسعود
سمعت صوت ابوي كانه يجيني من بعييييييد وهو يقول: عيني خير يابنتي قل مايصيبكم الا ماكتب الله لكم ....



نتاااااااااابع






التوقيع :
اضغط على الصورة لفتحها بصفحة مستقلة

قديم 05-05-2009, 03:19 AM   رقم المشاركة : 69
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

[blink]

[/blink]


لولوه: يعني ماااااااااااااات يعني ماشوفه ابد لاتكذب علي تكفى يبه قلي نواف هو حي امانه نواف رد امانه لاتكذبون علي
يبه تكفى لايموت يبه لا لا يبه
سمعت اصواتهم من بعييييييد تقول المستشفى بسرعه لاتنهار
حسيت بنفسي اصيح وبعده مادري وش صار ظلمت الدنيا بعيوني .......
كنت اشوف طلال واصوت له :طلاااااااااااااااااااااال
ويجي يمي ويروووووووووووح يبعد حيل
وكل مره اصوت يبعد حييييييييل عني وانا كل مره ازيد بصوتي واصوت له : طلاااااااااااااااااااااااااااااال لاتموت طلاااااااااااااااااال
وراح وخلاني طلال ...
فتحت عيوني واشوف امي عند راسي ونجلاء وريم وموضي وكلهن يقرن علي ويبتسن :
هو ماات؟؟؟؟
نجلاء بتست اكثر من اول واشوفه طلعت من الغرفه
وامي صدت ماردت علي
رددت عليهن سؤالي ابي انسان يكذبن :
هو مات؟؟؟
ردت علي موضي : لا مامات بالعنايه وحالته خطره تبين تقومين توضين وتصلين تدعين له؟؟
ماصدقت وش تقول حسيته تسذب علي تبي تسكتن؟؟
حسيت بدموعي حارات على خدودي ...
لولوه: احلفتس بالله العظيم انه حي؟؟؟؟
موضي: والله العظيم انه حي بس بالعنايه...بالشرقيه ماهو هنا...
لولوه: عنده احد؟
موضي: كل الرجال راحو له اخوانتس واخوانه وابوتس وابوه وامه...
لولوه: يعني كلهم عنده امانه موضي لاتكذبين علي قولي الصحيح..؟؟
موضي : والله ماكذبت عليتس ادعيله حالته خطره ...
رفعت عيوني لموضي :موضي ابيه لايموت ياموضي تكفين ان مات اموت لو انا حيه ...
تجمعت الدموع بعيون موضي: تعوذي من ابليس
الشيطان يوسوس لتس ادعيله هو محتاج لدعاتس تبيني اساعدتس تقومين تصلين ....
لولوه:ايه ...قمت توضيت وموضي تساعدن وصليت وانا على السرير كنت حيل تعبانه
: يمه ابروح يمه قولي لهم يحجزون لي بالطياره..؟
امي: يايمه وين تبين انتي تعبانه خليتس لاريحتي تروحين له ان شاء الله...
: احجزولي يمه ابروح يمه ماني قاعده هنا ...
حسيته ماوده اني اروح :
يمه سلمى توفت وانتم اللي عييتوا علي اشوفه قبل لاتموت يمه هالمره تكفين الدنيا ماتعلم بغيبه ابشوفه يمه تكفين ونزلت دموعي حاره اكثر من اول.....حظنتن امي وبتسينا موضي حاولت تسكتنا وكملت معنا وريم طلعت يمكن راحت لنجلاء مادري ...
دقت على نواف وقالت له يحجزلي اليوم ابسافر للشرقيه .......قلت لموضي ونجلاء يجهزن اغراضي وطلعت على مسؤليتي وانا معي انهيار بس من يوم الحادث اللي هو امس مر اربع وعشرين ساعه ابر واحس نفسيتي زفت لاني بالمستشفى ...واللي طلعنا فيصل اكيد متشمت بس ملامحه مابينت شيء ...وصلنا البيت وساعدتن نجلاء ونزلتن وشفت فيصل ينزل الاغراض ...لفيت عليه ..: مشكور فيصل ماقصرت ..حسيت انه واجب علي بهالوقت اني اشكره
رفع راسه يرد علي: ماسوينا الا الواجب يابنت العمه والحمدالله على السلامه
: الله يسلمك ...ودخلت البيت ونجول تساعدن لين وصلتن غرفتي ...

سافرت انا وامي للشرقيه وماكنت ادري وين قلبي وعيوني ولا ادري الوقت اللي بالطياره وين راح لاني نمت ولاني ريحت ومادري وش صار الا انا بالشرقيه ....

نزلت ولقيت نواف يستقبلنا وصلنا شقق مفروشه مأجرين به قلت لهم اني ماني نيمه قلت ابي المستشفى ولما شافن نواف تعبانه ومعنده على رايي وداني للمستشفى الله يعينك يالنوفي بس احس النوفي يعرف وش بقلبي وفاهم ... دخلت وجيت عند العنايه ياكرهي له ياكثر مايموت به من غالي ...
شفت ابوي قربت منه وحظنته بس مابتسيت..
: يبه للحين حي؟؟؟؟
رد علي بصوت هادي: ادعيله يابوتس بين رحمته ربه ادعيله ...
نزلت دموعي بهدوء وشفت دكتور يكلم فهد وعمي دعيت ربي انه يطمنهم والا يبشرهم بشيء بس مأسمعهم لانهم بعيدين عني رحت لاستراحت النساء ولقيت خالتي على سجاده وتدعي ...
جيته وحبيت راسه ماعرفت منو انا ..
قلت له : خاله انا لولوه
حظنتن وقعدن نبتسي انا وياه ورددت على مسامعي
:ادعيله يمه ادعيله بين يدين ربي... بعد ماهدينا شوي انا وخالتي قالت لي ابروح للدكتور اللي يتابع حاله طلال..
واصريت اني اروح معه ماتروح لحاله جينا وشفته هو نفس الدكتور اللي مع عمي وفهد من شوي واللحين دخلنا عليه بمكتبه كان محترم وبداية الحديث كان كله طبي ان الضربه جت على الراس وفيه خطوره لكن استغربت لما قال الباقي من عمره 3 ايام وبس وان عاش ياخاله ولدك بيعيش مشلول كانت اكبر صدمه لي فما بالكم لام وبوقت عصيب مثل هذا انسان مثل ديانتي معقوله يقول بوجهي الباقي من عمره ثلاث ايام انهارت خالتي عليه : العمر بايدين ربي ماهو بايدينك يعني لاخذيت شهادتك من برى حددت اعمار بني آدم انت ماتدري لو هالساعه تموت ربي اقوى منك ........
كان بكل برود والله العظيم يقول: انا قلت لك عاد...
بس انتم متخلفين ...
كانت اكبر صدمه بحياتي وماقدرت ارد بكلمه حاولت امشي خاالتي للمكان اللي به الرجال لاني احس اني ابطيح وماني قادره امشي وكان يتردد بسامعي صوته وهو يردد 3 ايام 3 ايام كل شيء حولي اظلم ولاعاد شفت شيء
..........
صحيت على صوت خالتي فوق راسي هي وامي والممرضه تكلمن ومافهمت وش تقول راسي مصدع واحس حيل تعبانه ....
شفت خالتي هاديه عرفت ان طلال للحين حي ...
: يمه قولي لهم ابشوفه ...
امي: مأنتي احر من قلب امه يأمي ممنوع احد يدخل له ......
: استحيت من خالتي : خاله والله مو قصدي شيء بس ودي اشوفه ......
:تبسمت خالتي :ادري والله عسى الله يطول بعمره واشوفكم مع بعض
رديت بصوت واطي :آمين ......
اليوم مر اسبوع من حادث طلال سمحولنا بالزياره ولا تحرك ولاشيء لكن يقولون يمكن باي لحظه يصحى من الغيبوبه ويعيش مشلول ويمكن يموت وكنا بين نارين عمي قال ماروح لحايل الا معي طلال اذا جثه امر ربي سبحانه وتعالى واذا حي حمدنا ربي وشكرناه وفهد خذا اجازه وقعد بالشرقيه عندنا ونواف وسعود وابوي رجعوا لحايل .........
مر اسبوعين وانا بس مشغله قرآن عند راسه لعل وعسى واحيان اذا كنا لحالنا اسولف عليه واذكره بسوالفنا وبعده ابتسي لين انام على الكرسي ...كنت اكرهه آله صوت نبض القلب وعيوني عليه دايم اكرهه الاطباء والمستشفيات اتذكر ايام وفات سلمى ريحه الادويه والمستشفى تخليني ارجع ........
امي رجعت لحايل ...وانا وخالتي نتبادل المكان عند طلال مره ارتاح انا ومره ترتاح خالتي وفهد يداوم اسبوع واسبوع يجي عندنا وعمي ماراح ولا خلانا لحالنا ....
اليوم مر ست شهور على غيبوبه طلال والله كانهن ست سنين ....ولافيه جديد طلعت اجيب كابتشينو راسي مصدع مانمت عدل البارح بس احلام وناس تبتسي ...
رجعت لقيت خالتي برى غرفة طلال تبتسي طاح الكوب من يديني وجيت يمه ...
:خاله ماااااات ياخاله ردي ياااخاله تكفين ردي ...
كانت بس تردد: ياربي ياربي ياربي ...
يعني مات ياربي ابصيح عجزت وابي ابتسي ماقدرت حسيت ان هالكون وقف ولا به غير انا لحالي ...........
طلع فهد يبتسي وتأكدت انه خلاص راح ارتاح من التعب والهم والمرض بس ابيه والله ابيه ارتاح من الدنيا وهمومه بس انا مارتحت ارتاح من كل شيء وانا دنيتي مانصفت معي الا بالحزن والهم .......



فهد: صحى يمه صحي طلال يمه ......وحظن خالتي وبتسى معه

بعدها بس دموعي نزلت تمنيت لو معي أي احد يشاركن فرحتي برجعه الغالي بس مافيه احد جلست على الارض رجليني ماعاد يتحملن كنت اضحك وابتسي مرات اوقف ومرات اقعد :ياري لك الحمد والشكر ياربي لك الحمد والشكر .....
تجمعوا الدكاتره يبون يفحصونه وانا وخالتي رحنا للاستراحه نصلي ونحمد ربي ..
جلست بعده افكر لين خالتي خلصت من صلاته ..
قربت يمه وحبيت راسه : مبروك رجعه الغالي ..
خالتي: الله يبارك بتس يمه ..سمعت كلمه يمه حظنت خالتي وبتسيت على صدره وهي تحتسي علي :
تعوذي من الشيطان يأمي الحمدالله رجع بأمر ربي
احمدي ربك وصلي واشكريه ....
قمت اغسل واتعوذ من الشيطان ونطرنا الدكاتره يطلعون ابشوف الغالي يالله وش كثر مشتاقه له كنت افكر وش اقوله احبك واشتقت لك والا مادري بس افكر ياربي يعني لازم هالدكاتره يشفونوه قبلنا ...ياربي ....صبرتي ست شهور وعجزتي عن ساعه تحملي يالولوه ربي يفرج ان شاء الله ...




[blink]نتااااااااابع غدآآآآآآآآ ان شاء الله [/blink]



مع تحيااااااااتي قلب الزهور

دمتم سااااااااااااالمين

بااااااااااااااااااااااااااي






التوقيع :
اضغط على الصورة لفتحها بصفحة مستقلة

قديم 05-05-2009, 03:22 AM   رقم المشاركة : 70
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور




معليش لو مافيه احد بيشارك في الروايه بوقفها

تعبت انزل لعيونك ابغي مشاركة بس تتابعوا وتطلعوا ا

تحياااااااااااتي قلب الزهور

باااااااااااااااي







التوقيع :
اضغط على الصورة لفتحها بصفحة مستقلة

موضوع مغلق

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:37 PM.




 


    مجمموعة ترايدنت العربية