تدري وش صحى غيابك جرح نايم من سنين
ماربحت ومافرحت جرحي فيني يستهين
غيبتك كانت خساره إفهم التعبير زين
من ترك قلبك دياره وجهه جدرانك حزين
دمعتي تملي عيوني عين تسال فيني عين
تبكي فيني او بدوني وضعت بين الدمعتين
وين ايامك ياغايب قلبي يسال يقول وين
يابعد كل الحبايب شوف وش سوى الحنين
نمت في حلمي لقيتك وقمت اردد كلمتين
لاتغيب اكثر فديتك نامت افراح السنين
في عز ماكنت اهوجس فيك وافتح لك
ابواب قلبي خذتني رجلي لبابك
وجيتك وانا مذكر اني كنت رايح لك
بس اذكر اني كذا لاطول غيابك
ياما ترددت مدري كيف بشرح لك
اجيك وارجع ابيك تقول وش جابك
يابن الاوادم ترى مليت المح لك
انا اعزك واحبك واعشق ترابك
لاضقت اضيق ومتى ماتفرح افرح لك
ولاغبت اموت ومتى ماشفتك احيابك
ان كان ودك ترسيني على كحلك
لميت عمري وخاويتك على اهدابك
لكن قبل تنجرف حبيت اوضح لك
مستقبلي في يدينك واعمل حسابك
لو ضاع مستقبلي مانيب سامحلك
يكفيني الماضي اللي ضاع باسبابك
العرض العادي
