في غيابه ماتت الأفراح والبسمه نستني =مابقالي في ثنايا الوقت حلمٍ اهتني به
يوم مات الحلم فيني والأماني ودعتني =قلت ياجور الليالي والفراق اكبر مصيبه
انكوى بالنار قلبي وصدمة الفرقا اذهلتني =والمشاعر تحتضر في داخل اضلوعي صويبه
انتخى جرحي بجرحي والمواجع قيدتني =ذا يشرق بي وهذا يوديني مغيبه
احتميت ابلون ليلي والشجون اللي غزتني =آه ياارض المواجع في ثرى الخافق خصيبه
سرمدي الليل يجمع طيف واهاتٍ لفتني =والفضا ضاق ابعيوني رغم ساحته الرهيبه
قلت ياليل المواجع ليه اهاتك هوتني =والصغير اللي سكني تو ماغرد اقليبه
جيت ابمسح دمع عيني مير نفسي عارضتني =قلت يمكن دمع عيني لخفاقي يجيبه
قلت يمكن يستمع صرخة فؤادٍ عذبتني =ويعرف ان الشوق في قلبي تزايد في لهيبه
قلت يمكن ايتذكر لحظةٍ فيه اجمعتني =يوم لحن الحب في قلبه يوديني واجيبه