العودة   منتديات الـــود > +:::::[ الأقسام الثقافية والأدبية ]:::::+ > المكتبة الأدبية
إضافة رد
   
 
أدوات الموضوع تقييم الموضوع انواع عرض الموضوع
قديم 24-08-2013, 06:55 AM   رقم المشاركة : 1
مهــ(M)ــا
( وِد ماسي )
 
الصورة الرمزية مهــ(M)ــا
Icon14 ][.×. السعادة لا يمكن أن تكون في المال .×.][



سبحان من يرزق بتوع الملاييـن
....................الرازق اللي ما يخيب الرجـا بـه

لي عم عنده معـرضٍ للصواليـن
....................أموت واعرف بس من وين جابـه

وإذا سألته قـال بعـت الدكاكيـن
....................ما يدري إني ما هضمت الإجابـه

الشاهد إني رحت له قبـل يوميـن
.....................في قصره العامـر ودقيـت بابـه

قال أرحب أرحب عدّ ورد البساتين
....................يا مرحبا باللـي لفـا يـا هلابـه

قلت البقا عـدّ النفـل والرياحيـن
....................يا شيخ شمل أهل الكرم والذرابـه

قال أسلم الله يحفظك لي من العين
....................وآمر أوامر حضرتـك مستجابـه

قلت الصراحة طالبٍ قرب غاليـن
....................ودي تزوجنـي كريمتـك يـأبـه

ثنّى وقال أهليـن والله وسهليـن
....................والكون ترخص لجل عينك رقابـه

لكن ترا عندي شـروط وقوانيـن
....................قلت أشرط أشرط يا حبيب الغلابـه

قال أولاً مهر العروسـة ثمانيـن
....................غير الرسوم وغير حق العصابـه

والثانية عمك يبي منـك سبعيـن
....................رسم الأبـوّة والنسـب والقرابـه

وام العروسة حقها منـك ستيـن
....................عشانها ست الحسـن والمهابـه

وأخوانها كلن يبي منـك خمسيـن
....................عداً ونقـداً تنـدرج فـي حسابـه

وخواتها الخمس أعطهن من ثلاثين
....................عشان تتوثـق عـروق النسابـه

وتجيب طقم عيار واحد وعشريـن
.....................وخاتم من ألماس المصفى ترابـه

وأكياس متروسة كعوب وفساتيـن
....................ألوانهـا واشكالهـا مـا تشابـه

وموتر بسواقـه وفيـلا بدوريـن
....................أثاثهـا مـن بطرتـه ينحكـابـه

وأحجز لنا قاعة بقصر السلاطيـن
.....................وأحجز بهـا رقاصتيـن وربابـه

وامنع دخول اهل اللحى والبزارين
.....................وأعزم أميـر المنطقـة بالنيابـه

هذي الشروط اللي على بالي الحين
.....................وذكرني اللي ما حسبنـا حسابـه

قلت اذكر الله يا عـدو المساكيـن
.......................وأستغفـره لا يبتلـيـك بعـذابـه

الظاهر إنك منت عارف أنا ميـن
........................أنا لو ارقا فـوق متـن السحابـه

ما جبت حتى نص درزن مواعيـن
.........................واضحك بكيفك واعتبرهـا دعابـه

شروطكم هذي شـروط المجانيـن
........................شروطكم شغـل إبتـزاز ونهابـه

شروطكم تقصم ظهـور البعاريـن
.........................شروطكـم همّـن وغـم وكآبـه

شروطكم والله سيوف وسكاكيـن
.........................تذبح بنات المجتمع مـع شبابـه

وين الرضا والعطف واليسر واللين
.........................اللي ذكرهـا الله بمحكـم كتابـه

وين الصفات اللي أمرنا بها الديـن
........................وين إختفى نهج النبي والصحابـه

يا عم جعل اللي خلقنا من الطيـن
.......................يرد عقلك مـن خطـاه لصوابـه

ويجعل نصيبي عند غيرك قل آمين
.......................ويحسن عزا الصابر ويجزل ثوابه

قال إنت لو فكرت تفكير صاحيـن
.......................ما شفت في مجمل شروطي غرابه

حنا بعصـر العولمـة والمزاييـن
.......................ماهوب عصر الفلسفة والخطابـه

الناس تسعى للرتـب والنياشيـن
.......................وإنت اهتمامك بالشعـر والكتابـه

والشعر ما ينفعك لو هو دواويـن
.......................ما دام جيبك مثـل بيـت الخرابـه

يا بوك لا تسمع كلام المصاخيـن
.......................واسأل مجرب عاش في وسط غابه

قلت الله اكبر يا محـرر فلسطيـن
.......................من يسمعك يحسبك ذيـب الذيابـه

تراك شايب رأس مالـك رياليـن
.......................والبنت ما تسوى جنـاح الذبابـه

قال أنقلع مالت على وجهك الشين
.......................لا عاد أشوفـك عندنـا يالزلابـه

قلت أبشر أبشر لكن الباب من وين
.......................وأقفيت من عنده على صوت بابـه






التوقيع :
اضغط على الصورة لفتحها بصفحة مستقلة

رد مع اقتباس
قديم 25-08-2013, 01:19 AM   رقم المشاركة : 2
قلب الزهـــور
( مشرفة الاستراحه والقصص والروايات)
 
الصورة الرمزية قلب الزهـــور

●●●
انتقـآء رآئــع, وطرح جميــل كجمال روحك
دآئمـآ مآنرى الإبدآع والتميز يلآمس انتقائك
ربي يعـــآفيك وآلف شكـر لك.
دمت بكول خير وسعادهـ
مع تحيآتي : قلب الزهور .ببآي

اضغط على الصورة لفتحها بصفحة مستقلة






التوقيع :
اضغط على الصورة لفتحها بصفحة مستقلة

رد مع اقتباس
قديم 25-08-2013, 11:59 PM   رقم المشاركة : 3
مهــ(M)ــا
( وِد ماسي )
 
الصورة الرمزية مهــ(M)ــا

قلب الزهووور

يسلموو حبيبتي على مرورك الجمييييل

منورتني ♥







التوقيع :
اضغط على الصورة لفتحها بصفحة مستقلة

رد مع اقتباس
قديم 27-08-2013, 01:12 AM   رقم المشاركة : 4
شمس القوايل
المشرفة العامة
 
الصورة الرمزية شمس القوايل

يعطيج العافيه مها ع الطرح والاختيار الرائع

مجهود مميز عساج ع القوه

ننتظر جديدج القادم







التوقيع :


اضغط على الصورة لفتحها بصفحة مستقلة

رد مع اقتباس
قديم 01-09-2013, 02:18 AM   رقم المشاركة : 5
مهــ(M)ــا
( وِد ماسي )
 
الصورة الرمزية مهــ(M)ــا

شمس القوايل

يسلموو حبيبتي على مرورك الجمييييل

منورتني ♥







التوقيع :
اضغط على الصورة لفتحها بصفحة مستقلة

رد مع اقتباس
قديم 04-09-2013, 08:50 AM   رقم المشاركة : 6
ملكة الرومنس
( مشرفة العام والمكتبه الادبيه )
 
الصورة الرمزية ملكة الرومنس

يعطيك ربي ألف عافيه
طرح رآئع وتواجد مميز ننتظر مزيد من العطاء
ودي وتقديري







رد مع اقتباس
قديم 18-09-2013, 07:57 AM   رقم المشاركة : 7
مهــ(M)ــا
( وِد ماسي )
 
الصورة الرمزية مهــ(M)ــا

ملكة الرومنس

شااكرة لك مرورك المميز حبيبتي

منورتني ♥♥







التوقيع :
اضغط على الصورة لفتحها بصفحة مستقلة

رد مع اقتباس
إضافة رد

مواقع النشر (المفضلة)
   


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:49 PM.




 


    مجمموعة ترايدنت العربية