ياأبن ادم دام عمرك باقي وعندك مجال =حكٌم العقل وتذكر كم بقالك ثانيه
الحياة اللي نهايتها ممات وثوب شال =ثوب شال وحفرةٍ من الاوادم خاليه
لا (تسوُف) يابن آدم وانت في وهم وظلال =لاتغرك بالحياة المغريات الفانيه
كيف تنسى يابن آ دم وتالي هالعمر الزوال =وانت المجني عليه ! ونفسك هي الجانيه
يكفي ذنوب ومعاصي يكفي غفله وانحلال=اصحى تكفى يابن آدم قبل نارآ صاليه
كم وجيه العام صامت وينها؟ قلي تعال =رحلة ذهاب بلا اياب بالمقابر باليه
من تذكر موت غالي هل دمعه وسال =ومن تذكر ياه (يمه) بالسنين الماضيه
ومن ذكر عليه شايب كانت ايامه دلال =جض قلبه ثم تنهد زفرتينٍ حاميه
كم نشيع كل يوم من نساء ومن رجال =ذا غريب وذا حبيب و(اب) و(امٍ) حانيه
ويمكن انتَ او أنا والا هذا لامحال =لامجالٍ بالخلود وهي حياةٍ فانيه
ضيف ربي باقي له عدة ايام وليال =طيع شوري يابن ادم وانت بثوب العافيه
بادر بتوبه نصوح وصفحةٍ مع ذالجلال =صفحةٍ بيضاء نقيه من المعاصي خاليه
بلغنا الله وياكم رمضان وجميع المسلمين
وبدل سيئاتنا حسنات ورحمنا وغفر لنا
وجعلنا من عتقائه من النار ..
العرض العادي
