قال من / فكره حوى / حروف الهِجا=يوم صدره / قامت اضلوعه / تلاج
راكب من فوق / ...... / ل أوهجا=ما ألحقه / من كان له / فيه احتياج
ما بيومٍ / وسط ورشه / كرّجا=ولا قلصه راعيه / طافي للكراج
أقطمٍ / لا دق سلف / ودرّجا=راقب العدّاد به / شف ويين هاج؟!
يعدّي الميّه / وللأخرى / يسهجا=بظرف لحظه / لآخر الطبلون ساج!
لامسك دربه / وقفّى / يف حجا=ما اشتكى / راعيه / هزّه وارتجاج
وصوت ماطوره / مهو لك مزعِجا=ولا أزعج / أذنك فيه / تصفير الزجاج
بس شكمانه / اتشوفه / يل عجا=يشبه لبرّاق / مزن(ن) / له لعاج
شان جوّك / أو صفى / ما موّجا=راسي(ن) / عن سكّته / ما قيل ماج
هيه / يا اللي ناوي(ن) / به تنهجا=جعل دربك / صافي(ن) / ما به عجاج
أنص من هو / لكل قافٍ / ينتجا=....... / اللي مالكٍ / بالشعر تاج
يا بن خالي فيك / ما خاب الرجا=افزع لمن / ما عرف / صفو المزاج
اشتكي لك / همٍ / بصدري لجا=في صميم الجوف / مدري / كيف لاج!
جوف / جوفه / من سهامه / ما نجا=ولا هقيت / انه بيومٍ / منه ناج
إلا كان / جبال / سلمى / مع اجا=تنتقل / من حايل(ن) / لأرض النباج
ما ذكر لي / له طبيب / معالجا=ولا حدِن / ليّه ذكر / وصفة علاج
من هنوفٍ / كنّها / بدر الدجا=خدّها / ينور بظلمة / ليل داج
البطن / ملهوف / والعين / ادعجا=من تقذّه / ما لقى عنها / ملاج
من نظرها / في مكانه / ثلجا=وان تحرك / خطوتينٍ / ثم راج
لو سمعها / مطوع وهي / تهرجا=اتبعها / ونيّته / للبيت حاج
وهبها الخلاّق / حسنٍ يبهجا=شوفها / يطبع على / القلب ابتهاج
ربٍ من / الميت / حي(ن) / يخرجا=له كمال الخلق / من دون / احتجاج
وكل شده / يجي يوم / وتفرجا=ما تضيق / وهي لها / سبلٍ فِجاج
والصلاة / إعداد ما / طيرٍ سجا=وعد / قطراتٍ من / ألمي الثجاج
على من يشفع / بيومٍ محرجا=محمد الهادي / لنا هديه نِِهاج
|
ياذا القمر يا اللي على الأرض طلّيت=وش نزّلك؟ ... من منزِلك وأنت عالي !
كنت أحسب إنّك عن حياتي تخفّيت=وكنت أحسب إني عن حراويك جالي
لا شك ما داامك ...عليّه تطافيت=أسمع كلامي يوم جاء له مجالي
اغليك أنا لو كان ليّه تناسيت=وأفديك عمري ... وكل ما كان غالي
ما نكرهك يالقرم لو كان صدّيت=حيثك عزيز ... ومسْكنك في خيالي
يا ناعس الطرفين ... وش بك تخلّيت!=عن شخصٍ امحبّك ... ولا هو امبالي
يقول أنا ما أنساك مهما تواريت=عني وانا برجيك ... ترفق بحالي
والله من آجلك / قمت / رحت / وتمشّيت=أذكِّرك إن كنت عنّي بسالي
يا شيب عيني كان / صدّيت / واقفيت=وإن كان هو قلبك من الحب خالي
وأنا الذي شيّدت لك بالحشا بيت=بيتٍ عن بيوت ... البشر با العلالي
يا اللي بوسط القلب عال وتعلّيت=خلّك مكانك ... لا تِدوّر بدالي
البيت / قلبي / رحت / وإلا بعد / جيت=ملكك لحالك ... دام للعمر تالي
|
حروفٌ من ذهب ][ ......
يا هوى قلبٍ تولّـع فـي هـواك=ارحم اللي فيك ما يسمـع عـذول
ما دريت ان الجفاء يعنـي هـلاك!=بحق من يهواك يا الرّيـم الجفـول
وأنت عينك لو رأت منظـر غـلاك=صابها مما رأت .. حالـة ذهـول!
لا تحسب انّه حشـا بيـومٍ سـلاك=وأنت تدري ما لغيرك بـه دخـول
كل من شافه يردّد .. وش بـلاك!=وكم إجابة داخله ‘ عذراء خجـول!
ما درى انه يشتكي ‘ عندك علاك!=ولا درى بإنّك حياته .. وش يقول؟!
لا تلومه ‘ كان جيته .. يا مـلاك=ثم سألت وقيل لك .. شِفه امهبول
دام كل الخلق لو ‘ فاقـت حـلاك=ما لقى أحلاها بدمّه .. من قبـول!
روحي ترى مالك مكان .. من دنيتي لا تقربـي=جيتك وأنا جلد وعظام .. في لهفتي ما اسعفتني
ما ينفعك المخفي بان .. لا تجادلـي لا تتعبـي=قلبي ترك كل الغرام .. دامك غدرت وخنتنـي
لوا حسايف يا زمان .. لوا خساره يـا تعبـي=اخلصت لك والله حرام .. واليوم بدري عفتني
إن كان جوّك لحظه زان .. راح يتعكر بسببـي=لا والذي ينشي الغمام .. تبطي عظم ما هنتني !
اللي غدر عندي يهان .. يلقى التعاسه بطلبـي=ما كان طبعي الأنتقام .. لا شك غصب أجبرتني
|
حروف لها من قلبه مرتع ][ . . .
بعض البشر رغم المتاعـب سعيديـن=وبعض البشر هو للتعب جاب حاله!
والناس أجناس ... وكنّها اصابع يدين=وكل جنس بالدنيا لقي لـه حثالـه
عن الرجوله ... والمراجـل بعيديـن=ما هي غريبـه !... للبهايـم جوالـه
من يعترض في درب ناسٍ معدّيـن ؟!=غيرالسفيه اللي على الخلـق عالـه!
ومن لا نفعك اليوم ما يفيـد بعديـن=مات الشجر ما قيـل فـاده ظلالـه
ما اتهزِّنا هرجة خطـاة الحسوديـن=ودرب الحسد يقضي على من عنالـه
واللي لنا مـن دون ذنـبٍ معاديـن=للمهمـلات اتحـط سلّـة ( .... )
لو بينا ومـا بينهـم حِـط حدّيـن=معهم لـك الله مـا نـدور العمالـه
افراقهم نشريـه كـاشٍ مهـو ديـن=ولهـم علينـا مـا نخلّـي جمـالـه
ونفرح كما من يفرح بكـل عيديـن=طفـلٍ حـلاوه باليميـن وشمالـه
لا يخدعك وجه(ن) ضحك لك بخدين=لا تحسب إن راعيه مـا بـه نذالـه!
|
بيت موشوم بين حنآيآهـ { . .
مرور الوقت يآآسرعه .. يمر العام ك / الساعه=شهوره كنّها حلمٍ .. بلحظه تقضي أحداثـه
"
"
وهُنا يقف القلم عجزا لوصف الشوامخً فّـ لو استرسل لن ولن يوفيك حقك يآ جميل الحرف , .
فّـ كل المنى ان تنآل متوآضعتي على رضآ الجميع , .
وقبل الختآم كل الشكر مقدم للمشرفة القديرهـ / ميآسه
لدعمهآ المستمر لي ولموضوعي وجهودهآ الامتناهية في هذآ الصرح الشامخ
يعطيكم العافيه , وما قصرتم
شاعر يستحق اكثر من ذلك ,,,,
يستاهل شاعر الابداع : غازي الرويلي
قد يخونني التعبير ,,, لكن اكتفي بهذه الكلمات القليله والمتواضعه ,,,,,,
جهدكم رائع واللذي لاجله اروع ,,,,,
دمتم جميعآ بحفظ الله,,,,,
العرض العادي
