.
.
شفتها جالسة وعلى الجوال تتكلم تهمس همس حنون
قلت في نفسي: يمكن تكلم قريب أو عزيزعليها يمون
بعد ماأنتهت تنهدت وطالعتلي متبسمة وقالت:أنت تحبين؟
قلت لها : أنا؟! أيه أحب ربي ثم أهلي والضنى الحنون
كشرت بوجهها وقالت: يالخبلة أنتِ وش تقولين؟؟!
ماهو هذا الحب اللي قصدت قولي قولي بس لاتستحين
وقلت لها ليه ما تقولين أنتِ وش الحب اللي تقصدين
قالت: قصدت الحب اللي مع رجل تصادقين وتحبين
تعيشين أنتِ وياه لوعة الشوق والحب اللي كله جنون
تكلمينه تلفون ولا مسنجر ومافي مانع معه تخرجين
تكونين أنتِ عبله وهوعنترولاليلى وهوقيسك المجنون
تعيشين معه جنون الحب وترى للحب قواعد وفنون
تشعرين ويشعرلك ويغنيلك وأنتِ له تغنين وتطربين
واذا ما تعرفين الشعر ترى عندي كتاب منه تحفظين
مايهمك كلام الناس ولا نظراتهم ولازم عليك تحدين
قلت: وليه مايجتمعون بكلمة الرحمن بدل ما يعانون
قالت مشمئزة: الزواج ان شاءالله تقصدين وتعنين
ياحياتي الزواج مغبرة الحب ومدفنه لوبس تدرين
قالت : ها ماجاوبتيني على سؤالي أنتِ تحبين؟؟
قلت : أيه أحب بس ماهو حبك اللي تعنين وتقصدين
أنا حبي واضح مثل الشمس وتحت رضاالرحمن بيكون
حبيبي ولد أصول كريم ونشمي حنون وعليه يمون
يغض الطرف عن غيري و بيني وبينه كل كلام العيون
يحبني وأحبه يناجيني وأناجيه لاخوف ولا حتى حزون
نجاهر بحبنا للناس مانخاف عتاب ولالوم ولاحتى ظنون
والا اللي أنتِ تقولين تراه كله وهم وخداع وقمة الجنون
ماوراه الا الفضايح والمصايب وغضب الرحمن والجنون
اسكتت وأرخت راسها واحمر وجهها وقالت : خير خير يكون
.
.
.
العرض الشجري
