يمين الله يمين الله.. لعلمك التحدي كيف
وأعلمك القصيد شلون يخضعلي وأنا بنيــه
وأعلمك السما وشلون تمطر والليالي صيف
وأعلمك المذاهب الأربعة وتبيت النيه
أنا بقولها لك جد.. ترى ما ينفعك يا حيف
وإذا إنك إنس يا عمّي.. تراني ساس جنيه
انا ما رد لك شوري.. وشوري مثل حد السيف
إليا منه بتر يبتر بوقت السلم والهيه
يقولون السما زرقا.. وأنا أقول البحر والسيف
بهم نفس الزراق إلي نشوفه بالسما زيه
يقولون الفضا واسع.. وأنا أقول المدى ما شيف
أجل وشلون لا شافوا فضاهم للمدى فيه
مداي أكبر من وجيهٍ بها كذب ونفاق وزيف
وصداي أرحب من نفوس الرجال وكل نشمية
أمد الكف واراهن وأعرّف صيغة التعريف
مدام إن الوجيه السود والكفين مقرية
وضوحي مثل عين الشمس ما يحتاج للتوصيف
وأعرف إن الجهامه عن وجيه القوم مطويه
ترى هذا قصيدي جاك بلا غشٍ ولا تحريف
وإذا منك لمست سهيل تعال وصافح يديه
الراسيه
العرض العادي
