رواية "الا ليت القدر" للكاتبه بقايا شتات..
ضاري: وصلت مـــدى...!!
ياسر وقف: ايوه..
ضاري لف على المكان اللي جالسه فيه مدى...وقرب من عندها ..
مدى لما قرب وقفت..
ضاري بهدوء ذابح: صباح الخير انسه مدى...
مدى: هلا صباح النور..
ضاري : اجلسي...."وجلس على كنبه طويله شوي"
مدى تطالع الكنبه ..وتفكر لو جلست ايش المسافه الفارقه بينهم..
ضاري شافها تطالع المكان اللي مفروض تجلس فيه وفهم قصدها..
: اجلسي ما راح اكلك..
مدى: لا مرتاحه وانا واقفه..
ضاري: وانا ماني مرتاح وانا رافع رقبتي لك..قلت لك اجلسي..
مدى ما عجبتها لهجة الاوامر هذي وكانه ولي امرها ..بس استسلمت وجلست على الطرف..
ضاري بجديه: شوفي يا انسه مدى..الحين داخل فيه وفد اوكي..هم اللي راح يشاركوني في المشروع الجديد..اللي هو اراضي حيكم اوك..
مدى معاه بجديه: ايوه..اوك..
ضاري: انا ابيك تكوني مساعدتي بكل خطوه...يعني هذا المشروع راح تنسي ان انا مديرك..وانتي موظفه ..وراح تكون علاقة شريكين..انا علي الفلوس..وانتي عليك مهمة اقناع اهالي الحي في بيع ارضهم والشغل في المصنع...والوفد عليهم التخطيط والهندسه..
مدى اللي استحت من فكرة تكون الميانه اكثر بينهم: اوك...
ضاري:أي راي...اي تنبيه..اي شي ودك تقوليه لا تتردي انتي مقامك من مقامي...
مدى: ا نشا الله...
ضاري: الحين راح ندخل واعرفك عليهم..
مدى وقفت قبله وهي ساكته...
وقف ضاري بعدها ضاري وراح عند الباب وفتحه: ياسر ما ابي أي اتصال او ازعاج..
ياسر: ابشر..
ضاري: تفضلي انسه مدى..
مدى اللي استحت تمر من جنبه بس اضطرت ودخلت..
دخل بعدها ضاري وسكر الباب..
ياسر اللي استغرب ضاري..
"اول مره يسوي هالحركه..ولا ومقامها من مقامه..وشريكته..انا واللي هو انا ..وعنده من توظف هنا ما قد طيح الميانه بيني وبينه ..ولا حتى برا الشركه ..ايش معنى هي...لا يكون منهبل عليها بس!!!!"
دخلت مدى وتوترت شوي..اول مره تقابل وفد اجنبي..راح يكون فاهم ودارس ومثقف وصعب مواجهته وحتى مناقشته..
سمت بالله وجلست معاهم..
ضاري عرّفها بالوفد..وعرف الوفد فيها..
وقدر يدخلها بالغصب بينهم وبين حوارتهم لانه حاس بتوترها وخجلها...
مدحها عندهم وكأنه مو اول مشروع بينهم وهذا اللي استغربته مدى منه..
الوفد اعجب بمدى كثير وخصوصا ان كل اقتراحاتها في محلها ولو كانت بسيطه
ضاري كان بين فتره والثانيه يطالع مدى ومركز لكلامها واسلوبها وحتى حركة ايدينها...
وبداخله راسم ابتسامه واااااااااااااااسعه وراها الف معنى ومعنى..
مدى تحاول قد ما تقدر انها تثبت وجودها وما تبي تكون اقل من المستوى المطلوب ولا تبي ضاري يحصل منها زله او تقصير ويمسكها عليها..
بعد مرور ثلاث ساعات دامات بس في مناقشات ...طلع الوفد..
ضاري بعد ما طلع الوفد وتسكر الباب..سند ظهره على الكنبه الجلد بتعب..
: اووووه هدوا حيلي..."وفتح زراره الاول بس"...
مدى طالعته اول مره تشوفه يتكلم بعفويه كذا...حست انها تعودت عليه..فكت النقاب حقها بدون ما تنزله وشدت عليه وربطته مره ثانيه..
ضاري انتبه لحركتها...وتذكر وجهها وخدودها الورديه..
: حرانه؟؟؟؟
مدى لفت عليه: لا عادي...
ضاري: اذا ودك تفسخيه عادي..
مدى وكأن احد صاب عليها مويه بارد: ايش,..؟؟؟
ضاري بعبط: اقصد البرقع مو العبايه...اذا حرانه افسخيه عادي..
مدى وكل عظم فيها ارتجف: استاذ ضاري انت مستوعب الكلام اللي تقوله..
ضاري بثقه: ايوه..
مدى وقفت: عن اذنك..
ضاري وقفها بنبره حاده: تعالي اجلسي...
مدى بدت تخاف منه وحسن ان نيته مو صافيه لها: اتوقع الاجتماع خلص..
ضاري: بس اتوقع اني ما خلصت كلامي..
مدى بنفسها" مصدق حاله هذا............"
:وبقى شي ما قلته..
ضاري : ايوه..
مدى استغربت منه ...وسكتت تبيه يكمل..
ضاري وهو يده ورا رقبته: انو عادي لو فسختيه لاني ولد عمـــــــــــــك...
مدى طاحت منها نص الاوراق اللي معاها..مو مستوعبه الكلام اللي قاعد يقــوله..
&&& &&&&&&&&&&&&&&&&&
اريام التفكير اكل عقلها..
"الحين ليش يكلمني بالطريقه هذي...ما اذكر ا ناخر لقاء كان بينا قلت شي غلط..طيب ليش يبي يكنسل العمليه ...لا يكلمني بس العمليه ما لها دخل...يكون سمع خبر مو زين...يكون طليقته جات لعنده ..آآه...سامي ايش فيك..؟؟"
دخل خالد بعد ما دق الباب وسلم بس ما انتبهت له اريام..
وعرف ان سامي اكيد اللي شاغلها...
:دكتوره اريام...ارياااااااااام..
اريام رفعت راسها: هلا هلا دكتور خالد...
خالد: فيك شي..؟؟
اريام وهي تحاول يكون الوضع طبيعي: لا عادي ما فيني شي ..
خالد: مع ان حالك يقول غير كذا بس ما عليه...اخبارك..؟
اريام: تمام الحمد لله..اخبارك انت..؟
خالد ابتسم بحنان: بخير..اذا انتي بخير" وبسرعه كمل عشان ما يعطيها مجال تعلق على كلمته"..جايك ومستغرب من شي..
اريام وهي تحس نفسها مالها حيل لاي شي: وايش بعد!!
خالد عرف ان سامي مأزم حالتها..
: عن ســــــامي,,,,
اريام بسرعه: وايش فيه..؟؟
خالد وبدا الدم يفور عنده من حركتها وحاول يكون ريلاكس..
: طالب مني اغير دكتورته..
اريام انصدمت: من نفسه...؟؟
خالد: ايوه من نفسه..وانا جايك اقولك..واشوف رايك..
اريام سكتت..
خالد يزيدها: انا استغربت على قد ما انتي تمسكتي فيه...يبي يغيرك..ايش فيكي سكتي ...موافقه ولا؟؟؟
اريام بهدوء على قد ما تقدر: لا مو موافقه ..حالته اتنكست من اول وجديد ورافض العمليه ..وما راح اخليه لما يسوي العمليه..واذا ما نفع وافقت..
خالد ما توقع توصل النتائج لهدرجه ..هاجمه تأنيب الضمير..بس مصلحة نفسه طغت على كل حاجه..وفي عينه ما سوى الشي هذا الا وعنده مبرر وهو "حبه لاريام" واللي يحب يضحي بروحه ..وباغلى شي يملكه..
خالد وقف: على العموم فرصتك اليوم بس اذل ما اقتنع انا مضطر اغيرك جبر ..عن اذنك..
اريام والدموع ملت عيونها : كذا يا سامي كذا!!!
&&&&&&&&&&&&&&&&&&&&
سلطان اليوم هلك من المشي والدوران..ومعاه ورقه وقلم..
: وهذا ابو يزيد خلصنا منه.."وشطب على اسمه"..من باقي ياربي...اتوقع فلوسي ما راح تكفي لو باقي مبلغ كبير....اذا رجعت سألت مدى..اخاف اني نسيت اسم ولا شي...بس الحمد لله على الاقل سويت شي زين...الحين غطيت تقريبا دين ابوي كله..يمكن بس اشتغل مع الوصخ مهند مرتين وخلاص...عشان اجمع فلوس المشروع انا وثامر..ونفتك منه..
وسكت وقلبه يحترق من القهر الغبنه وهو يحس انه عاصي ربه ومذنب بسواته..وعمر الفقر ما كان عذر له..
قطع عليه تفكيره رنة موبايله..
: هلا مهند...اوكي...اليوم انا عندكم...باي...
يارب تاخذ روحه وارتاح منه..."ورجع لبيتهم مشي"
ابتهال ومرام ومشاعل قاعدين وداقينها سوالف بالفصل...
مشاعل وهي تتطنز على استاذتها التاريخ: التايخ يا بنات هو التاريخ.. ههههههههههههههه يقال لك جابت شي جديد..
ابتهال وقفت جنبها: ولا تجيك استاذه مسويه نفسها شخصيه وهي من جنبها "وتقلدها"..بس يا بنات بس تراني اقول بس..يا بنات والله لا اقول للمديره
..والفصل معطيها اشكل ويقولها انزلي ههههههههههههههههههههههه
مرام انسدحت من الضحك: ههههههههههههه تكفون بس ههههههههههههه وربي ارحموا بطني ههههههههههههههههههه ابي اسكت ههههههههه
مشاعل:يا حوبي لمدرسة علم الاجتماع تحسين انها فاهمه الدنيا مو الاغبياء البقيه...
ابتهال: كل شي ولا العربي التمثال...قسم تقولين ابو الهول...
مرام فجأه سكتت : بنااااااااااااااااات..
لفوا عليها مشاعل وابتهال...
مرام: الباص راح عنا...
وكلهم راحوا يركضون ياخذون شناطهم وعبايتهم واشكالهم تحفه..ولبسوا بسرعه وطلعوا للشارع..
ابتهال: راح الله ياخذ روح العو...
مشاعل: وايش راح نسوي؟؟
مرام: لا تقولوا بنرجع مشي...!!
ابتهال: ليه عندك حل غيره..
مشاعل: بس شمس اليوم..
ابتهال: يا بنت الشيوخ اقعدي في المدرسه للمغرب وبعدين ارجعي بيتكم..
مرام بغباء: عادي؟؟
مشاعل فقعت ضحك..
ابتهال تسوي نفسها بتبكي: انا الله بلاني بصديقات غبيات يا الله لك الحمد والشكر اني صرت ذكيه..
ضربتها مرام: انقلعي...وانا ايش دراني قلت يمكن مجربين..
ابيتهال: مشاعلوه كفايه ضحك..ترى كثرة الضحك تميت القلب...
مشاعل: لا يا اللي طالعه منها..
مرام: يله مشينا انتي وياها متى راح نوصل..
وفعلا مسكوا خط الرجعه مشي..
وبنص الطريق وهم ماشين..
:يا حلو انتي وهي..عطنا وجه..
ابتهال بدون ما تلف: انقلع لا افقع وجهك..
:والله قويه..
مشاعل لفت عليه وهي معصبه وفجأه طار الكلام: سلطان!!
ابتهال: تعرفينه يا الوسخه..؟؟
مشاعل نغزتها: اخوك يا الخبله..
ابتهال لفت عليه: سلطان اخويه..حبيب قلبي هلا والله..
سلطان يستهبل: هلا هلا من بعيد ما احب البنات يلزقون فيني..
ابتهال تكمل: يا جماعه اللي تبي توقيع اخوي سلطان بالدور الله يجزاكم الف خير وبدون تدافع..
سلطان: ههههه خليها بكره احسن الحين عندي رحله مستعجله..
ابتهال: ابلع العافيه يا اخوي..
سلطان: هلا مشاعل اخبارك؟؟
مشاعل دق قلبها: هلا سلطان انا تمام..وانت كيف حالك؟؟
سلطان: تمام والله..ومين اللي معاكم...؟
ابتهال:هذي مرام اخت عزام..
سلطان ابتسم: اخت الضابط..هلا وسهلا..اخباركم.؟؟
مرام استحت اول مره تشوف وتكلم سلطان عكس مشاعل اللي متعوده عليه..
:بخير الحمد لله..
سلطان: الا وين باصكم..؟؟
ابتهال: راح وخلانا..
سلطان وهو يتقدمهم بالمشي: اهاااا..تستاهلون بس مره ثانيه اتصلوا علي ارجعكم..
ابتهال : بالكزس ولا الهمر هههاي...
سلطان: لا بالأودي ههههه..
وطلع جواله ولهى فيه..
البنات وهم وراه...
ابتهال كانت تسولف طول الطريق ومرام معاها بالخط..
اما مشاعل بعالم ودنيا ثانيه..تشوف سلطان وابتسامته وحركاته وحتى كلامه بالجوال وتبي تحفظه وترسمه بعيونها...
في بالها انه فعلا هو الانسان المثالي اللي كل بنت تتمناه وفارس احلام البنات..اللي لو كان بس يشتغل صار كامل والكامل الله في سماه..
وصلّوا مرام..
لفت ابتهال عليها:مشاعلوه وين رحتي..عمى بعين العدو عمى..
مشاعل: وش تبين؟؟؟
ابتهال: وش عندك ساكته طول الطريق..
مشاعل: وش اقول يعني..؟
ابتهال: مشاعل فيك شي؟؟؟
مشاعل بسرعه: لا....
ابتهال: اجل؟؟؟
مشاعل: والله مافيني شي..بس شكل الشمس اثرت علي..
سمعها سلطان ولف عليها يستهبل...
:مشاعل بسم الله عليك ...تبين شمسيه..
سلطان ما يدري انه يذوبها اكثر مما الشمس مذوبتها
:ابتهال خلي اخوك يسكت عني.."قلبها فعلا عورها من طريقة قولة مشاعل"
ابتهال بلعانه: مشاعل تقولك اسكت..
سلطان عقد حواجبه وطلع شكله احلى: افاااا..كذا يا بنت جيرانا كذا؟؟
مشاعل استحت وودها تبكي مو قادره تتحمل اكثر..
:سلطان والله ما قلته..
سلطان فجأه استحى حس انه قاعد يكلم بنت ورامي الميانه عليها لانه حس نبرة سلطان منها غير عن اول...
:اقول اسرعوا انتي وياها لا اسوي لكم عقاب اخليكم بالشمس ساعه زياده..
ومشوا وهم ساكتين..
ابتهال لاهيه تطالع الرياح والجاي واللي حافظتهم عن ظهر غيب..
مشاعل ما زال قلبها يدق على ذكرى اسمها على لسانه..
سلطان تحسف انه كلمها بالاسلوب هذا...لانه ما زال يظن انها مشاعل الصغيره الطفله بنت جيرانهم..
العرض العادي
