علامك جيت يا قلبي وراجع خاطرَك مكسور
.................أبد لاينكسر [ خاطرك ] دامه صاحبي جاير
أبي تنسى مبادئنا وتترك طبعنا المغرور
.............وأبي هالحين ترجع له وقلّه يطلب ويامر
وإذا جت عينك[ بعينه ] أبي تشهد شهادة زور
..................بأني مذنب ومخطي وقلبه ناسي وغافر
وقلّه لايخليني على حزني أبات شهور
...............لأن الموت[ أشوالي ] وأنا من طبعي ماكابر
أحس اللي خلق زينه خلق باقي البشر ديكور
..........وصوفه صعب نحصرها ولاتطري على شاعر
وربي هالبشر بعده [ هياكل ] والبيوت قبور
....................ولابه شي بالدنيا يجاري غيابه الكافر
أنا من كثر مااحبك أحس إني معك مسحور
................. فديتك خلني مسحور إذا تبقى لي الساحر
أنا لك مثل ماودك قصيد وشاعر وجمهور
...............فداك اللي قصدته أمس وّ اللي بَقصِده باكر
أنا ادري فيك خابرني شجاع وماعلي قصور
................ولكن [ لو ] وصل أمري بيدّك... آآه ياساتر!!
أمانه روح يا قلبي وأبي تضبط عليه الدور
............. أمانه طيييير له تكفى وأبي هالحين ياشاطر
أبيك تحب لي راسه[ وتنسى ] طبعنا المغرور
.....................ترانا اثنيننا والله بدونه نكسر الخاطر
.
،
" . .
.."
العرض العادي
