عندي دروس خطيره لا تفوتكم يا بنات .. شوفو اللي مقهوره, واللي تبي تنتقم , واللي تبي ترفع ضغط اخوها تتبع
هالخطوات والله يقويكم......
*** عند التلفزيون ***
لا صار فيه مباراه , والاخ متحمس اقطعي هالحماس وشلون؟!
انا اقولك ..
شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه مالتفت لك اعرفي انه منسجم ,
هنا بس تقومين بشغلك.. وتسوين نفسك بنت سنعه
وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه ولا تعطينه فرصه يشوف زين ,
لا قال: ابعدي. قولي ماني فاضيتلك بنظف وامسح ، وبعدين روحي جيبي المكنسه واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه.. ولا يهمك احد..
واذا قال: ابعدي لااطقج على وجهك بالكاس قولي معصي بيجون ضيوف . . العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق ناقزي لين توصلين للفيش واقطعيه برجولك ولا تلتفتين وراكِ..
*** عند النوم ***
لا صار التمساح يشخر.. نكدي عليه نومه وشلون؟! دخلي عليه يهالكم على يهال جيرانكم وصكي الباب عليهم وخليهم يلعبون بغرفته ويناقزون على راسه .. تدرين اطفالنا احباب الله خخخخخخخ
والا تعالي وهو في سابع نومه واهزيه ذيك الهزه اللي يفز مايدري عن نفسه الا وهو جالس وبكل برود قوليله نبي نطلع ..
*** اذا المزاج صفر ***
اذا شفتيه ماله خلق ومو رايق ومقفله معاه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالغشمره
بس انتبهي في هاللحظه راقبي حركات ايده لان ممكن يصك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ
المهم.. اضحكي على شكله والا على قعدته والا على لبسه .. هو بيقول ترى ماني رايق اذلفي عني , انتي لا تسكتين قوليله واذا ماذلفت وجهي شنو بيصير
عاد هو بيقوم ويوريك شنو بيصير على سنع انتي في هالوقت اقضبي اول درجتين توصلك لغرفتك وطلي عليه من فوق وقوليله ههههههههههههاااااي اهم شيء رفعت ضغطك وقومتك من قعدتك
عادي .. عادي ولا صرتي طفل شنو فيها اهم شيء تحقيق الغايه اللي هي (( تفجير الامبير )) واهم شي بعد الاخلاق لاهنتي سحليتي خخخخخخخ
*** وقت الطقاق ***
لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:
2/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات وانتبهي ولا خصله تنزل منك,
وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير
3/ مفتاح الغرفه ولميه الاحتياط واجب
اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله شنو براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه ,
لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليج .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..
العرض المتطور
