®دام أنت ناوي الفراق وجيت بايعني
العـبـره اللي بعينك لـيـه تخنـقـها..؟
لكن نصيـحـه لوجه الـلـه وأســمعني
ما كل كلمه تجي بإذنك تصــدقـها
جيتك من أقصى الشتات وقلت: جمعنــي
جيتك من الذكريات وقلت: أبحرقها
حـبـيتــك وكنت دون أحساس تخدعني
ورغباتـك بحسن نيـه كنت أحـقـقها
ضيـعـني القلب قـبـل أنك تضـيـعني
وأهديتك سـنـين عمري قبل تســرقها
طعــتك بكل الدروب وقلت لـك: طعـنـي
طـلـق هواجيس شـكـك فيني وأعتـقـها
وكم قلت لك: مت فيك وشي يدفـعـني. . .
. . . صوبك ونفسي بريـئـه لا توهـقـها
لاجـيـت أزعلك قلبي مــا يطاوعنـي
وأنت بسـهـوله تجي وبـضـحك تـنـطقها . . .
. . . (مــابيك!!) يا آدمي بالله طـالـعني
نظرات عــيني تبي نظره تعــانقـهـا
لاهـنـت منك.. عـرفـت الحب وش يعني
وعـرفـت منك عيوني كيف أغرقـهـا
من كـل صوب همـوم الـبـعد توجـعني
وأحــزان عمري تسـابقني وأسابقـهـا
وقـبـل أنك تروح خـذني منك (رجـعـني)
حـقـي عليك أن روحـي مــا تضــايقـهـا
هذي الـنـهــايه دخـيـل الله ودعـنـي
أغلــى البـشـر دايم عيـونـي تـفـارقها..®
القصيده منقوله واعجبتني وحبيت تشاركوني فيها بارائكم انالااكتب الشعر ولكن اتذوقه من خلال اطلاعي عليه
اتمنى ان تعطوني رايكم فيها تقبلو تحياتي بنت حرب
العرض العادي
