وهذي العروس 4
طِربت لْقافية شاعر .. قصيده كنها ألحان
شعور الشاعر اللي من نَسِلْ لِشْيوخ قحطاني
قوافيها زبرجد تكتسي لولو على مرجان
بلاغة حرف في تبيان ما تخفى على الداني
لفاها رد ابو راشد ببنٍ يركد القرمان
نزلت بْـ نفس ميدانه ولي حرفي وقيفاني
وجيتك من جبال ابها أدور في الهوى ميدان
تجيني القافية بالطوع تتباهى على اوزاني
مدام القافية قلبي ونبظي فيه عزة شآن
أبكتب لك وصوف بْنيةٍ ترقى على شاني
وهي هيلٍ مع بنٍ ودلة في حرى الفنجان
مع شبة غضى في القلب واكتبها لضيفاني
وانا حرفي وصف لك بنت تتعلى عن النقصان
حباها الله بالإيمان والإحسان وارضاني
تقود الحرب للدعوة وتحفظ كامل القرآن
تساعدني على نفسي وترقيني بقرآني
زهيدة نفس في الدنيا كما عثمان بن عفان
تجود بْمالها كلّه .... وتشفي كل أحزاني
تقوم الليل أو نصفه .. وتذكر ربها الرحمن
تصلي فرضها وتْزيد في الطاعات بالعاني
وبعد الدين .... تلقاها أبد ما تعرف الألوان
جمالٍ زاد يغنيها عن اللي في الدّنا فاني
لها عينين قتّالة .. تزيد بْـ رعشة الأبدان
وجفن خاملٍ مخمور فيه الموت نعساني
ودم الثّغر مسكوب على جمره كما البركان
أخذ لون الجمر منه وخلى كل الالواني
إلى من ذقت انا منّه ... تجيني نشوة السكران
خمور الأندرينا فيه مسكوبة على شاني
لها خدٍ كما الإسفنج .. في لينه إلى من لان
لها شعْرٍ سواده يشبِهِ لْـ ليل الدجى الداني
لها رمشٍ معاه سْهام .. ندِّ لْـ ندّ للفرسان
جنايزها شيوخ شْيوخ .. كلٍ يلحق الثاني
وحاجبها بدون الكحل ... كحلٍ زايدٍ مليان
كأنه ليلة سودا ... بدون البدر يخواني
وجيدٍ ضامرٍ ملموم ... يشبه له عويد البان
إلى منّه تعطف .. كنّه الا شكل ثعباني
ولها قلبٍ عطوفٍ حيل يسقيني من الوجدان
أخفف غربتي عنده ويرفق بي ويرعاني
لها (ستة عشر) حجة .. تقود الريم والغزلان
غرور وْ بهرجة فلوة .. تحب اللعب باحضاني
ألا بالله يا ناصر وابو راشد أبي العنوان
وصفت الحلم في قافي .. مع ان الوصف أشقاني
ولكن قافية ناصر .... تشد الشاعر الإنسان
وقلت الرد من شيٍ تعدّى كل وجداني
منقول من فواصل
للشاعر يوسف آل عمر
العرض الشجري
