بصراحه قبل مابدأباجابات الوالده الله يحفظها حبيت اشكراختناالغاليه ملاك على الموضوع الاكثر من رائع
والذين رأينا بقرب والدينا من حولنا ودخولهم عالم النت
الله يخليهم لنا ويحفظهم يارب والان مع والدتي حفظهاالله
الغاليه ام فهد.... لاتجيد القراءه والكتابه لكن خبرتها بالحياة عن مية شهاده
شهادة مع خبره بالحياة ودروسها :::
والان مع الوالده حفظهاالله
اقتباس
السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ؟
اناابي بس اعرف شي النت الي تقولون عنه وش فيه زود عن التلفزيون >>>>>>اناهناخلاص رحت فيه ضحك ياعمري يامي فديتك
بس انه اخذ بنتي مني لا لانها ماهي مقصره معي بشغل البيت>>>>احم احم
اقتباس
السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟
اتمنى لهابزوج الصالح الي يفكها من النت وانها ترجع للكليه بعد الطرده الي اخذتها من الكليه وتشدحيلها وتنجح
اقتباس
السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
مرتبه جد اكثر مني انا ياامها بكل صراحه وكل شغل البيت عليها من طبخ وتنظيف وغيره >>>>>هذاقل شي اسويه لك يالغاليه
السؤال الرابع :
اقتباس
هل تدليع الفتاة أو الشاب يدمر؟ وكيف تجمعين بين حبك وحنانك لهما وبين تدليعها ؟؟
بصراحه الدلع الزود ماله داعي لكن الشكوى لله حنا امهات ومانقدر نقسي واذاصرتم امهات مثلنا ماراح تلومونا
والحنان لاازم بس الوسط زين لادلع ولاقسوه ولالا >>>>>> صح يام فهد فديتك
اقتباس
السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟
والله مابيدي شي اغيره بس ادعي الله ان الله يفكنا من هالحوثيه الي يتمنون
يدمرون وطنا وان الله يخيب رجاهم قولو امين
اقتباس
السؤال السادس :
نصيحة تنصحيننا بها أثابك الله ؟
انكم تراعون الله ورضا والديكم وانكم تتركون عنكم النت الي سرق نظركم وصحتكم
وانكم ماتسهرون مثل بنيتي فوزيه الله يحفظها مانشوفها بنهار ونوم الى الليل>>>>>فضحتينا يالغاليه
اقتباس
السؤال السابع :
خاص بالعضو يختار أي سؤال ويسأله لوالدته او والده حفظهم الله ورعاهم ..[وآرجو ان تكتب السؤآل الي طرحت على الوآلده او الوالد..].
اقتباس
سألتها يالغاليه وش تمنين بهالدنيا ودك يتحقق ؟؟؟؟
قالت ان الله يصلح عيالي وبناتي وجميع عيال اللمسلمين وان الله يحميهم من هالدنيا وبلاويها
وان اخواني ينجحون باختبارتهم و عسالله يرزقك يابنيتي يافوزيه بزوج الصالح الي يسعدك بدنياك واخرتك
[color="black"]اناهنا خنقتني العبره لاني حسيت دعوتها من قلب وحبيتها على راسها ودعيتلها ان الله يخليها لنا يارب ولايحرمنا منها[ ويخليلكم والديكم يارب/color]
العرض العادي
