... انتحار الاحلام اخر الليل ...

[نــــونــــا]

السلام عليكم ورحمة الله وبركاته
رجعت لكم معي رواية من ذوقي واتمنى تعجبكم


...انتحار الاحلام اخر الليل ...

الكاتبه : فتاة بلا ألم




الى تلك القلوب الثكلى ..والمشاعر اليتمى.. الى من تتخبط في امواج الحب والاوهام تبحث عن قارب يقودها الى بر الامان
الى من بنت حلما وزرعت وردا بين اشواك ثم اتى اعصارا يقضي على مازرعته سنين لك تحصد رماد خلفها حلمها... الى من حلمت وتعبت ثم تبخرت احلامها بحرارة الشمس ولم تكن الا حبات ندى جفت ورحلت وتركتها خاوية بأخر الليل تنشد حبا وحلما..اليكم ياقرائي بعض من احلامي وتذكروا..بلا الم



مشهد خارج اسوار القصة
في اخر الليل خرجت متخفية الى الحديقه وتحت ضوء القمر قررت ان تبدا حياة جديده
اخرجت سلاح اخيها التي تحتفظ به من زمن .... ووضعته على عنقها واغمضت عينيها بقوة
ثم تذكرت من جلب لها المتاعب والالم ووضعته على قلبها نعم هو من جعلني اعيش هكذا
سابدا به هو من يموت أولا ...ضغطت على زناد السلاح بارتجاف وهي تسرد احلامها
وامانيها امامها
سمعت صوت صراخ من بعيدا .......احلام ... اجننتي ...اتركي مابيدك
ثم ركض بسرعه لينزع السلاح منها
تاملته بنظره مودعه وقلت بصوت متحشرج باكي ... لافائده ستموت احلام
وضغطت على الزناد بقوة لك لاتتراجع .... وتنطلق تلك الرصاصه الطائشه وتستقر بقلب احلام
بقي مصدوما امامها فهرولا مسرعا بلا وعي وحملها بيده والدماء قد لطخت جسدها
وانثرت في ارجاء الحديقه ...لتبقى اثارخالده لاحلام
نفضها بيدها وهو يحاول ان يستعيدها الى حياته احلام ...احلام ...احلام ارجوك اسمعيني
رفعت عينها والتقت الأعين اللقاء الأخير
ثم قالت لافائده مني وعش حياتك بدون احلام

ســـــؤال....لماذا انتحرت احلام هنا ...وهل انتحارها كان نابع من عقل واعي
وهو هل كان يعلم انه يوم سيعيش حياته بلا احلام
وأي احلام انتحرت هنا اهي احلام القتيله ....ام احلام القاتله ....ام انها احلامهم جميعا
احلام زوج بنى حياته بحبها واخلاصه لك ينج ثمارا ....
ام احلام الاب تمنى عند اول صرخها لها في الحياة ان يراها عروسه وان يزفها بيدها الى زوجها
ام احلام اخ تمنى ان يسمع كلمه خال ينطق بها هذا طفل وهو يجري خلفه
ام احلامها هي عندما قررت ان تنهي حياتها بتلك الطريقه ...وتنقل الى حياة اخرى تريدها
وقــــ...ـــفـــ...ــــة
قد تقفون عند قصتي وتسالون مع علاقه هذا بذاك ومادخل الاحداث ببعضها
ساجيبكم وقتها لاحقا



الـجـــــــــــزء الأول

"بـــــــداية الأحـــــلام "


في شمال المملكه ومع غياب الشمس وبين شموخ الجبال ورمال الصحراء تبدا احداث قصتي
قامت وهي تنفض الغبارمن تنورتها ... " هاااااه يمه وش رايك"
ام راشد.." والله يابنتي انك غاويه تعب ماله داعي هاالتعب بكره ان شاء الله حنين جااايه وجابه
لك هديه لعيد..."
رحمة .. " الله يهديك يمه لي ساااعه اخيط بها البلوزه واعدل فيها واخرتها تقولي حنين تجيب
لك هدية العيد..."
ام راشد ..." وانا صادقه ضيعتي وقتك وانتي تخيطي والنهار راح واحنا ماخلصنا شغلن"ا
رحمة ..."يمه انتي عااارفه ان حلات العيد الصباح وحنين ماراح تجي الا بعد الظهر
وكذا العيد انتهى بنسبه لي .."
ام راشد.." والله انتم البناااات ماينعرف لكم"
وقامت العجوز وتمسك بعكازه.."ا انا رايحه انام وانتي روحي تاكدي من شبك الغنم لا يكون
فاتح وجهزي ملابس ابوك الي يروح فيهن صلاة العيد ..."
رحمة ... ان شاء الله يمه وقااامت تتفقد الغنم .... وتشيك على البيت وتجهزاغراض ابوها
حتى اسدل الليل ستاره..واشرق يوما جديدا...
في الصبااااح وقبل شروق الشمس
ابو راشد وهو يبعد الحاف " اصبحنا واصبح الملك لله" ...ومسك العكازومشى
رحمه وهي داخله الخيمه وماسكة جك المويا "هلا يبه هذي المويا دافيه جهزتها لك"
ابو راشد الله "لايرحمني منك ...يابنتي "
قاااام وتوضا وصلى وجلس على سجادته و هو يدعي لرحمة
ابتسمت رحمة يوم شافته يرفع يده ويدعي لها وبقت واقف مكانها تؤمن على دعائه
وبعد ماشااافته انتهى من دعائه قامت تشب النار وتجهز القهوه والشاي
وجلست طالعت ابوها وامها ركبوالسياره وراحو يصلو صلاة العيد مع المسلمين
اغمضت عينها واسندت راسها على عمود الخيمه وهي تسرد شريط حياتها قدامها
ابتسمت بالم وتذكرت ان عليها تجهز الفطور وتستعد لضيوف
قامت تخلص شغلها ونست الوقت مع الشغل
شافت سيارة من بعيد وطااالعت الساعة.."اففففف شكلهم جوا وانا ماخلصت شغل"ي
ام راشد وتنزل من السياره "رحمة .... رحمة "....
رحمة ..."هلا يمه وش بلاك"
ام راشد وتضحك كعادتها ..."كنت ابي اعيد عليك قبل ابوك "
ابتسمت رحمة وحبت راس امها ..."من العايدين "
ام راشد .. "من الفايزين ... وكملت ...في الدنيا والاخرة"
رحمة وبعد ماسلمت على ابوها "هايمه ابوي جهز الذبيحه "
ام راشد ...."ايييييه بس ينتظر واحد من العيال يجي ويذبحها ..... وتنهدت "تعرفي ابوك الكبر مايساعده
رحمة وطالع لسيارة الجايه من بعيد وتأشر بأصابعها .... "يمه ماكنا هذيك سيارة ابو فهد "
ام راشدوتنهدت بسعادة .... "ايييييه بالله ..الحمد الله"
نزل ابو فهد وزوجته ....وقفت بعدها سيارة فهد ونزل منها هو واخوه فايز
دخل ابو فهد وعياله يسلم على ابو راشد...ام فهد بعد ماسلمت على ابوها دخلت عند الحريم
ام فهد ... "هلا يمه وشلونك"
ام راشد تحظن بنتها ..".هلا فيك يابنيتي وقامت تسلم على بنتها وتحضنها"
رحمة بابتسامه ناعمة.." وانا مالي شيء"
ام فهد وهي تسلم عليها "لا تخافي الحين تجيك حنين وتنسينا معاها"
ام راشد ... "الله يجبهم بالسلامه"
دخل فهد وفايز يسلمو على جدتهم
فهد ..ويسلم على رحمة ..." وشلونك يا رحمة .... تقبل الله منا ومنك صالح الاعمال "
رحمة ... "هلا فهد ... اجمعين ان شاء الله "
فايز ... "كل عام وانتي بخير ياخاله"
رحمة وطالع فيه بنص عين وتقول بنفسها خل خلت عظامك ان شاء الله ...وبدون نفس "وانت بخير"
ام راشد وهي تحط يدها وراى ظهر فهد .. "يللا ياوليدي النهار راح واحنا ماذبحنا الضحيه"
فهد ويتااافف .." كل سنه انا الي اذبحها ... انتظرو يوم يجي ماجد"
رحمة ... "وليش نتظر ماجد وفايز موجود وطالع في فايز ....اظن فايز قدها"
فايز ويضحك .... "تنكتي قاعده مابقى غير اذبح الضحيه"
فهد ..." يااخي اترك الخكرنه شوي وتعال ساعدنا ....وبعدين ماجد ماراح يوصله و واهله الا الظهر.."

فايز "وش دخل ماجد وبعدين ريح راسك ماني تعبااان في كشختي علشان احوسها" ومشى عنهم وتركمهم
فهد وهو يربط ثوبه على خسره "يلا رحمه هااااتي السكاااكين وتعالي"
=============***============
في العاصمه الرياض.....وبيت ما بنيها الضخمة وشوارعها المزدحمة وداخل هذا السور الي
يضم ثلاث فلل" الاولى ابو نواف وعايلته ام نواف نواف 24دلال 20وداليا 19وفارس 17
دانه 5 والثانيه سعود 30وامه ورغد 20ورهف 14والاخير والمييزه بصغرها وبطوبها الاحمر
كانت فلة خالد 26واسامه 26وساكن معهم فيصل25 اخو سعود "

(

)

)

جالسة وهي متملمه "اففففف وش هالعيد والله عيد جيرانا احسن من عيدنا"
فرحت يوووم شافت عمتها ونقزت من مكانها بسرعه "هلا عمتي ...كل عام واتني بخير"
ام ريان ... "وانتي بخير يابنتي" ....
رهف بحزن "لييييه ريم ماجت معاك"
ام ريان ... "والله رفضت تقول انها ماراح تستأنس واسامه ماهو موجود"
رهف وترمي بنفسها على الكنب بضيق...." يوووووه..."
ام سعود وهي نازلة من الدرج .... "هلا والله بمن زارنا "وتقوم تسلم على ام ريان
ام ريان "وين البنات والعيال ماني شايفه احد "
رهف وتسك على اسنانها من القهر ...وتمسك اصابعها وتعد "رغد ودلال وداليا نايمات وماراح
يصحنا الا اذا جت ساره ...وسعود وعمي ابو نواف راحو يجيبو الضحيه من المسلخ وعمي
خالد نايم وعمي اسامه مسافر وفيصل وجوده مثل عدمه ونواف راح يعيد على اصحابه والخبل
فارس قاعد يلعب بالطراطيع وانا ياحسرتي جالسه بروحي.."
ام سعود" حشا ولا نشرة اخبار ....سكتي ورحي جيبي الحلى من الثلاجه خلي عمتك تتحلى"
رهف ... "والشغاله وش فايدتها" ....ونادت بصوت عالي "زهره ....زهررروه "
زهرة تهز راسها ...".نعم ...ماما" ..
رهف ..."امك بعينك ...بسرعه جيبي الحلا الي في الثلاجه"
ام ريان ... "الله يهديك وش فيك من الصباح معصبه ترانا في عيد"
رهف ..."عارفه وهذا الي معصبني يناس ابي اعيد مثل خلق الله "
زهرة وهي تقاطعها.." ماما حلاوه "
رهف خلاص "حطيه ورينا عرض كتافك "
زهرة ..."ماما انا في ابي اروح اعيد على صديق مال انا"
رهف وهي تنقز بسرعه "من صديقك الي ودك تعيدي عليه "....
ام سعود "بسم الله عليك وش بلاك هذي شغاله ابو عبدالله جارنا "

رهف وهي طايره من الفرح ..."طيب انتظريني ماما زهرة نروح نعيد سوى"
ام سعود ...."وين رايحه سعود الحين يجي ويفضحني لو عرف انك عند جيرانا "
رهف وهي لابسه عبايتها وطالعه مع الشغاله .... "عاااادي اليوم عيد ومايقدر يضربني "
ام سعود وهي تضرب كف بكف بيدها ...." البنت هذي بتخبلني"
ام ريان ..." والله وش حلاها ...ومعدين لاتواخذيها مافي احد بسنها في هالبيت كلهم اكبر منها
=============***============
في الأحياء القديمة وداخل إحدى البيوت الشعبية.......جالسه ام محمد مع بنتها فرح وكل وحده همومها اكبر منها ام محمد وهي تشوف بنتها الي توها على الهموم "16سنةوالدنيا
ضايقه عليها وهي مابيدها شيء غير ان تدعي ان الله يفرجها عليهم
ام محمد وتسمع دق على الباب .." قومي يافرح افتحي الباب"
قامت فرح وزفرت بتعت وقبل ماتفتح الباب سألت.." ميــن"
رد بصوته الطفولي .."انا ولد جاركم "
فتحت الباب فرح وقطبت وجهها وهي تشوف الي بيده
الولد.." امي تسلم عليكم وتقول تفضلوا" ...... ويمد يده بالكيس
اخذت فرح الكيس وسكرت الباب وراها
ام محمد" مين يافرح على الباب"
فرح بحزن ....."هذا ولد جيرانا جايب لنا كيس لحم "
ام محمد بفرحه ما قدرت تخفيها " والله فيهم الخير والبركه من زمااان ماذقنا اللحم "
يدخل محمد وهو يفرك عيونه من النوم ..."يمه ليه ماصحتيني ...اليوم عيد "
ام محمد وماعرفت وش تسوي وهي ناااويه ماتصحي أولادها
ام محمد "روح نااام ياوليدي لسه الوقت بدري "
محمد" بس الشمس طلعت وانا ابي اعيد اول الناس"
ام محمد "خلاص يامحمد روح نااام .... الدنيا بدري"
فرح باستغراب" لييييه يمه خلتيه يرجع ينااام "
ام محمد" ويهون عليك تشوفي الفرحه ناقصه على اخوانك يكفي ان حتى ملابس العيد ماشترينا لهم”
فرح "عاااادي يمه ملابس عيد رمضان الي فاااتت حلوه ومالبسوها غير مرتين"
ام محمد وتمسح دمعه غصب عنها نزلت "مااابي عيالي يحسو انهم اقل من الاخرين
يكفي ان فرحتهم ناقصه من دون ابوهم "
فرح وحبت تغير الموضوع ..".طيب يمه متى نروح نزور ابوي في السجن"
ام محمد وتنهدت "روحي انتي واخوانك انا ماااني رايحه"
=============***============
الظهر شافت سيارتهم جايه من بعيد وابتسمت بسعاده وهمسة بنفسها .." واخيرا مابغت تجي"
حنين وقبل ماتنزل من السياره عدلت نقابها وطالعت بنفسها بالمرايا
طالعت فيها اختها رنيم ... "ليش هالاهتمام مافي احد غريب "
حنين عارفه تعليقات اختها .... "اظن حتى انتي ماقصرتي بحالك "
رنيم وتضحك بسخريه ...."لاتقارني نفسك فيني" ....ومشت عنها والغرور نافخها
حنين وتسلم على رحمة..."هلا والله بالغاليه والله اشتقت لك "
رحمة .."والله انا اكثر.." وضحكة بهدوء.. "ماشاء الله عليك سمنتي"
حنين ..."لاسمنت ولا شيء" ...وتمسك يدها "وانتي ماشاء الله عليك مبيضه "
رحمة وتضحك ... "الله يعز كريمك الواقي"
حنينوفتحت عينها على الاخر "الله ياخذ إبليسك ليكون خلصتيه"
رحمة وتحاول تمسك ضحكها ... "واحد قالك انك تنسيه"
حنين ...."تعرفيني دايخه ...كان خلتيه لي تراك ماتحتاجي واقي ماهو مثل حالي ....والله شكلي بصير أفرقيه"
رحمة ...."حرام عليك حتى الافارقه وقتها راح تتبرا منك "
حنين ...."الله ياخذ عدوك الحين انحرقت في الشمس وانتي تسولفي لي خلينا ادخل اعيد على جدي "
رحمة ..."روحي بس حطي بالك ترى فهد وفايز وابوهم كلهم موجدين "
حنين وتقرب منها وتكلمها بصوت واطي ...."من متى هم موجدين"
رحمة ....من الصباح وفهد الله يطول بعمره هو الي ذبح الضحيه
حنين "ومين معااااه"
رحمة ...."لاتلفي ودوري انا عارفه ودك تسالي عن العلة فايز .....تراه ماحط ايده بشيء "
حنين "حرام عليك يمكن الرجال تعباااان بكشخته وانتي وفهد ودكم تخربوها له "

رحمة ..".اقول خلينا نمشيء ولو فضى بيت الشعر من الرجال روحي عيدي"
=============***============
العصر تجمعن في الخيمه ام راشد وام فهد وام ماجد وبناتها ورحمة
ام فهد "تعالي يارنيم واجلسي عندي والله مشتاقه لسواليفك "
رنيم بدلع وغرور .... "والله حتى انا ياعمه"
حنين ورحمة يطالعن بعض واقشعرت أجسامهن من دلع رنيم
ام ماجد ... "رنيم ماكانت تبي تجي بس يوم درت انك راح تجي غيرت رايها وجت"
ام فهد ... "والله العيد مايحلا الا برنيم"
رنيم وتحب راسها "تسلمي ياعمه "
حنين وحست بالغيره من اختها وان الكل مهتم فيها على الرغم انها هي الكبيره
ومحد معطيها وجه ..وخنقتها العبره وكتمت الغصة ..
ام ماجد" ماشاء الله على رنيم شاده حيلها في الدراسة ماهي زي حنين دوبها السوالف "
ام فهد "طالعه على عمتها ...والله يوفقها ونفرح فيها"
رحمة وحست بحال حنين ....."اقول يمه انا رايحه انا وحنين عند ابوي تامري شيء "
ام راشد ... "سلامتك يالغاليه"
رحمة وتمسك بيد حنين وتقومها.." يللا حنين المجلس فاااضي"
رنيم ..."طيب خذوني معاااكم "
رحمة ...."لا انتي خليك عند عمتك الغاليه "
طلعت حنين من الخيمه وهي تمسح دمعتها
رحمة ..".ايش فيك كل ما طقوك بكلمه نزلتي دمعتك "
حنين" انتي ماتشوفي كيف امي تمدح رنيم ولاكني انا بنتها وتراعي شعوري "
رحمة ..."ماعليك امك متقصد شيء "
حنين ..."لا انا عارفه امي دائم هذا كلامها وهي تحب رنيم اكثر مني علشانها هي حلوة وتشبها
ودائما تفتخر فيها"
رحمة "طيب حتى انتي حلوة "
حنين وتمسح اخر دمعه لها ...."لا تضحكي علي انا عارفه اني ماااني حلوه وماحد مفكر في"
رحمة وحزنت على حال حنين ....".اقول وش رايك نطلب ابوي مفتاح السيارة ونروح نتمشى فيها "
حنين وهي طايره من الفرح وبسرعة تجددت النفسية ..."يااااليت خلينا نغير جو"
رحمة وهي تمسكها من يدها وتدخل بيت الشعر وقبل ماتدخل تتراجع ..... "طيب خلينا نتفق"
حنين ..."لاتخاااافي ماابي اسوق اخاف يصير فينا مثل العام "
رحمة "خلاص انا الي اسوق بس تزعجيني ياويلك "
حنين "اهم شيء لاتسرعي وانا ماازعجك "
دخل بيت الشعر واستغلن ان بيت الشعر مافي احد وحاولن في ابو راشد وفي النهايه وافق انه
يعطيهن مفتاح السيارة
=============***============
جالسات على الطاوله في الحوش وصوتهن واصل الشارع...بين تعليقات ومزح وضحك
دلال :" الله ياخذ إبليسك يا رهف ومالقيتي غير زهره تروحي معاه كان اخذتي ريتا ولا ميري"
رهف .."لا زهره احسن على الاقل مسلمه وتعرف العيد"
رغد بتوعد "اقول رهف لو تعدي حركتك هذي ماتلوم غير نفسك سامعه "
رهف ..."ياسلام كيفي لو اعيدها وبعدين زهره تبي تعيد على صديقاتها الي في المستشفى وشكلي ابي اروح معاااه"
رغد "والله لو تسويها كااان سعود يذبحك "
رهف ...."ياهالسعود الي علتوني فيه "
وشوي سمعن صوت برا وبسرعه تغطت دلال وداليا
سعود وهو داخل : "كاني سمعت احد حش فيني "
رهف وتقوم من مكااانها ..."اييييه هذي داليا ساعه وهي طايحه فيك "
سعود ويطالع في داليا "كل عام وانتي بخير داليا"
داليا والدم تجمد بعروقها والارتباك واضح عليها "وانت بخير"
رهف ... "قولها عيب تحش فيك تراها ماغير تسب فيك"
سعود ويقاطعها ..."خليها تاخذا راحتها"
داليا ... "والله اني ماقلت حاجه عنك هي الي بس تسب فيك حتى اسال البنات "
سعود وهو ماااشي" مايحتاج اسال "

رهف وتحط رجولها وتدخل الفلة
داليا وترمي نفسها على الكرسي .... "حسبي الله عليها الحين وش يقول سعود عني "
رغد ... "ماعليك سعود عارف رهف "
دلال وتسمع رنة جوالها وتاخذه ...."هلا ساره "
ساره "اهلين ... انا عند الباب... تعالي "
تدخل ساره وتسلم على البنات وتجلس
ساره وتنفض شعرها بيدها ..."الحمد الله ريم ماجات "
دلال ..." فكه منها اصلا هي ما تجي الا لـ اسامه "
سارة وطالع بداليا وتشر بأصبعها... "هذي وش بلاها من يوم ماجت مانطقت "
رغد وتتمسخر عليها ..." اخذة تهزيها من الحبيب "
سارة باستغراب "مين الي فاضي حتى في العيد يهزأ "
دلال بنقمه "ومين غيره سعود الي التهزي عنده بالمجااان"
ساره .... "وع مالت عليه مدري وش عجبك فيه ....رجال عمره ثلاثين سنة والشيب مالي راسه وفوق هذا مايفكر بالزواج "
رغد بزعل .."حرام عليكم اخوي صح انه عصبي بس والله طيب "
دلال ... "لا تلوميها توها مراهقه ومافتحت عينها على الدنيا"
داليا وتقوم "اولا انا ماني مراهقه ثانيا كلامكن هذا راح احطه باذن رهف وانتن عارفات مين رهف"

رغد بتوسل "الله يخليك سكتي بعدين سعود مايخليني اجي عندكم "
دلال ..."ترنا نمزح ومابينا هالفتنه "
ساره .."علتونا في سعود .....وخلونا ندخل جوا احسن"
=============***============
على الغروب ماشيات في السيارة وحنين كل شوي تترجاه ماتسرع وتخفف السرعة وفجـــأة وقــفة
السيارة وطفى المحرك ...
حنين "وش فيك وقفتي الشمس غابت واحنا وعدنا جدي قبل ماتغيب الشمس "
رحمة وتنزل من السيارة وتفتح الكبوت "شكل السيارة خربت"
حنين وتضرب يدها على صدرها ...."من صدقك انتي"
رحمة بعصبيه "اجل فاضيه انكت "
حنين بخوف .... "طيب والحل كيف نرجع"
رحمة بروده .... "ماراح نرجع راح نااام هنا " ....ودخلت السيارة
حنين وصوتها مخنوق من البكى "كله منك مسويه نفسك سواقه وانتي ماعندك سالفه"
رحمة وحست برودة الجو ونزلت وجمعت حطب وشبت النار.... "لاتخافي راح يفقدونا ويدورو علينا"
حنين وتنزل من السيارة ...."وقتها مين يفكني من ماجد والله غير يشرتح في "
رحمة"بلا دلع وتعالي اجلسي عندي على النار الجلسة ما تتفوت"

حنين وتمسح بكفيها ببعض "الجو بارد "
رحمة وتلم عابايتها على نفسها .." قربي من النار وتدفي"
حنين "تصدقي ابو متعب اخذ فينا اجر يوم منع سواقه الحريم "
رحمة وتضحك ...."بس شكلنا تمردنا على القانون وشوفي وش حالنا "
وجلسو على النار ينتظروا احد يساعدهم
=============***============

في الاستراحة كان الاصوات عاليه بين تصفيق وصفير وكلام طاير بين الفرقين
تركي وهو يرمي يدا البلاي ستيشن .... "يلا وليد خلينا نكمل السهرة في البيت"
وليد ..."لا التحدي مع الشباب مايتفوت وخلينا نغيرعن حكرة البيت "
تركي ..."عن اذنكم شباب انا طالع " .... ومشى تركي وبسرعة لحقه وليد
وليد "ايش فيك لاحق على البيت ولا اريام متصله عليك" ...
تركي ... "لاماتصلت بس مقدر اخليها بروحها اكثر من كذا "
وليد ... "طيب كااان وديتها عند امي تراها تفرح بجيتها"

"