تعالوا شوفو غلات الاب

جساس حائل · 03-10-2006, 08:59 AM

اهداء الي ابي

قلبـي لا سمعتـه يصـوتّ
لاوحيت صوته قلـت لبيه..لبيـه

هذاك من حبه عروقـي تـروتّ
ممزوج وسط الدم يجري مجاريه

حبه على حب الخلايـق تفـوتّ
في ذمتي حتى على الروح مغليه

صفحة غلاه بضامري ماتطـوتّ
حاظره في قلبي كما كان ماضيه

ابي واحبه ليـن حتـى نمـوتّ
أحب من حبه واعـادي معاديـه

ارضاه عندي فرصـةٍ ماتفـوّت
أبيع مايزعله ورضـاه بشريـه

قلبي وروحي له قسـم ماتغـوّت
روحي وقلبي كلها ملك في ايديه

عسى المنيـه لاتدنـت ونـوّت
تصيب غيره لانوت به وتخطيـه

تاخذ بخيلٍ من ضيوفـه يلـوّت
وتخلي اللي غالي المال يصخيـه

ياالله يا اللي من عطاك انتقـوّت
أحفظ ابي ياخالقه واحتفـظ فيـه

وأمٍ عظامي مـن لبنهـا تقـوّت
جسمي بصغري من لبنها تغذيـه

تلطف وتستلطـف ولايـوم روّت
ماهي تروي الناس لطفٍ تسويـه

من لطفها ماحدٍ درى ويش سوّت
لاسوت المعروف مأحدن درى فيه

وان جيت من غربه بجسمي تلوّت
بجسمي تلوى مثل غالي وغاليـه

والله لو روحـي تلاشـت وذوّت
اني لهـا فيمـا تريـده وتبغيـه

ولبيه لمي كل ماامـي أاتصـوّت
لبيـه اكررهـا بمليـون لبيـه

وسلامتكم ,,

كرم من كل من قرأها حتى لو مايرد يدعي أن الله يخلي لي أمي ويرحم ابوي

الحقووق محفوضة للشاعره وضحي

[] خفـوٍق الـرِوِح [] · 03-10-2006, 02:13 PM

الله يحفـظ لـك الـوآلـده .. ويـرحم إبـوك .. ومـوتىآ المسلميـن ..

جسـآس ..,.,’,. نقـل رآئـع .. تـسلم يميـنك ولآآ هنـت .. همـس لبـوح الشـآعـر نفسـه .. والمكتبـه الأدبيـه للمنقـول .. وحيـآك بمنتـدآنـآ .. وبإنتـظآر بـوحـك بهمـس .. طـرحـك سيحـضىآ بالقسـم المنـآسب .. ,.,’..