قــــــــصص وقصائد للجـــــــــن .......؟

[حمد(الكيميائي)]

	بسم الله الرحمن الرحيم السلام عليكم ورحمة الله وبركاته مساء الخير يا شباب ويا شابات اريد ان اقول موضوع واحتمال لا تكون عندك معرفه عنه بمعنى اخر قصص وقصائد عن الجــــــــــن....؟ لاشك ان الدنيا مليئه بالعجائب...ولله في خلقه شئون وان مما يثير العجب لدى الانسان هو الكلام عن الغائب والمجهول... فتكثرالاساطير والاقوال الكثيرة حول ذلك . والجن من اغرب مخلوق الله سبحانه وتعالى بل يعتبر مصدر خوف لدى بعض الناس مع العلم ان الجني يبادله نفس الشعور في الخوف. والمطلع على روايات العوام يجد العجب والعجائب من تلكالقصص وهل نصدقها ام نكذبها لاننا لم نراها على العموم الجن من مخلوقات الله وهو مكلف ويجب الايمان بوجوده لان الشريعه الاسلاميه تقر بوجوده وقد تكلم القران الكريم والسنه النبويه عنهم بل ان الاحاديث الشريفه ذكرت اصنافهم فصنف له اجنحه يطيرون بها في الهواء..... وصنف حيات وكلاب.... وصنف يحلون ويظعنون. وبما ان المجتمع ملئ بالكلام عن الجن وقصصهم واشعارهم وامثالهم فانه يحتتم علينا عدم اهمال تلك الروايات والاساطير لان فيها اثراء للادب الشعبي. /////////القصه الاولــــــــــى////////// هذه القصه جرت على احدى القبائل العربيه في الزمن السابق حوالي قبل مئه عام تقريبا... اختفى رجل من قبيلتهم ولا يعرفون وين مكانه بحثوا عنه في كل مكان فلم يجدوه ولم يجدوا له اثر وبعد مده قرابة الشهر او الشهرين كان واحد من هذه القبيله ابن عم المفقود مفلي عند ابله في البر واسمه علي وكان علي هذا قاهر المقهور وقريب من رضم كبار(صخوركبيرة باللغه العربيه ووووو ركب باللغه العاميه) ويوم شاف الابل رتعت وبعضها برك انسدح يعني (اخذ قيلوله بعد التعب) وحط راسه على الارض وما اثاره الا صوت رجل يغني ....ابك هذا شنهو.... انصت على الصوت المغني والصوت ما هو غريب عليه كن صوته صوت ابن عمه المفقود المهم ثبت الرجال منه.. وكان الصوت يجي من جهة الصخور وكان يتوحى الى الصخور قام يتوحى في قصيدته التي يغنيها لين يقصده بالكلام ويقول: ياعلي صحت بالصوت العلي يا علي لا تحملني ملام ياعلي لا بليت مـــقـــعدي بين صدعين في غدرى الضلام آآه ياونتي عند ولد النتي عند ثلام مردوع الوشام قام علي وركب الذلول وتوجه الى القبيله ويصيح فيهم وكان يقول انا اوحيت صوت فلان المفقود وكان يغني كذا وكذا فزعوا القبيله الى الحصاه اي الصخور ويوم جاءوا اليها ويوم جاو هاك الصدع الكبير بين ضمتين لقوا الرجال ميت فعلا بين غدرى الضلام لكن منهو اللي قال القصيده اللي سمعها علي الرجال لقوه ميت من زمن طبعا القوم قاموا يتفاهمون القصيده اللي حفظها علي واكتشفوا ان سبب قتله كان عند عرض اخت (ولد النتي) وكان ولد النتي هذا يعرفهم من اقصى الجماعه وقاموا واطلبوا منه الديه ودفعها لهم ولد النتي .................................................. .................................................. .................... ////////الجني العاشق///// هذه القصه غريبه جدا نسبيا.... يعني قبل حوالي ثلاثين سنه او اربعين سنه ...كان فيه فتاة مع اهلها تسرح عند الغنم وعلى هذه الحاله طول الزمن وفي يوم من الايام رجعت الغنم لاهلها وهي غير موجوده مع الغنم فذهب اهلها يبحثون عنها في كل مكان في الليل ولم يجدوها من شدة الضلام فذهبوا في الصباح ووجدوها مريضه ساقطه على الارض فحملوها الى البيت واعطوها الماء والاكل وصارت تتحدث معهم ووكان شيء لم يحدث بها واخذت ثلاث ايام ثم جاءها المرض وراحوا اهلها يعالجون بها ولم يفلحوا في العلاج فذكر قريب لهم ان شخصا في دوله الكويت يعالج الناس مثل هذه الحالات ..... ذهبوا بها الى الكويت وتركوا احدا من اخوانها يجلس عند الغنم وكان اخوها قريب من احد الجبال الصغيرة وسمع صوت واحد يغني ورى الضلع ويقــــــول: هذي مفالي خــــــــوي لي اللي قرونه شعافيلي وامضللاته عــــن الشمسي وخويتماته تفاريزي ومفرقات على الخمسي (.......................) ويوم ارجعوا من الكويت اهله علمهم باللي سمعواكتشفوا ان اللي فيها جني وراحوا يعالجونها عند مطوع واخرج الجني منها وشفاها الله .................................................. .................................................. .................... //////////القصه الثالثه///////////// في احد السنين تاخر الرجع عن نجدوالشمال جاءها المطر والخير احالوا اهل نجد الى الشمال قريب من حائل يبون الحياء انزلوا وربعت الابل والغنم كان فيه واحده من حريمهم اسمها (((هدابه)))اصابها حمى وماتت اللهيرحمها قاموا وصلوا عليها وقبروها في صاح هاك الضلع وراحوا وخلوها وجاء الصيف وكلن رجع لديرته . مرت السنين على هاك الربيع وفي يوم من الايام كان جماعة هدابه رايحين جهة حائل لغرض عند ابن مساعد راحوا وانهوا شغلهم وهم راجعين في الليل الا وهم تعبانين فقالوا خلونا هنا نريح اجلسوا وزينوا عشاءهم ويوم تعشوا اللي نام واللي قعد يحرسهم من الذئاب اللي ماناموا سمعوا صوت حرمه تغني باعلى الضلع في الليل والصوت ما هو غريب عليهم قاموا يتوحون فيها لينها تقول: شيلوا على الاملح بقايا زهابه جملكم اللي في العشاير تهدون ذيله على العرقوب غاد اخضابه وقم الربا او السديس او بعد دون قولوا هذا قول تقوله هدابه والاجنبي بديار الاجناب مشحون ويوم اصبحوا الصبح اكتشفوا انهم بجنب امراحهم هاك السنه اللي ربعوا يم حائل وان الضلع اللي تغني فيه قبرها فيه. .................................................. .................................................. .................... //////القصه الرابعه///////// ومن الامثال التي جرت على لسان الجن((يا الله اقلعها عنا ولو حذفت حصاه))) هذا المثل معروف عند العامه وقصته ان فيه رجال له ولد وبنت قدر الله وماتت البنت وقام الاب والابن يحفرون القبر من العصر الى المغرب وعجزوا يحفرون شيء لان الارض صلبه ولا يدرون وش سبب صلابة الارض....لانهم يحفرون القبر على ارض خصبه(هشه) كانهم يحفرون على الصفا اي الحصى القويه اظلم الليل عليهم وهم ما سوا شيء واصابهم الارهاق والتعب مع الحزن وجلس كل واحد لحاله حاط يدينه على خده من التعب .... ولا افزعهم الا صوت رجل غليظ يقول (يالله اقلعها عنا ولو حذفة حصاة)قام الاب واخذ حصاة وحذفها ويوم اوقعت فقال الاب لابنه تعال نحفر في محل الحصاة يوم اوقعت وفعلا احفروا القبر وتيسرت امورهم وهم قبل كانوا يحفرون فوق بيت جني بغوا يشقون السطح على الجني... .................................................. .................................................. .................... /////// القصه الاخيرة///////// ((( انت وش عليك من ذيبي ياكلني والا ما ياكلني))) كان راعي ابل عند ابله وقت العصر على فرسه وكان معه عبد يقهر المقهور ويوم جاء اخر اخر النهار قال للعبد يافلان حط عينك على الابل وانا بروح ادور لي ولك مبيت لنا زين مشى من عند العبد على فرسه يدور لابله مكان دمث تبرك فيه الابل في الليل ويوم رقى هاذيك الزبارة سمع له صوت ورع يصيح ....يوم عاين لقى الورع عند العوسج اي نوع من النبات يدور حولها والا عنده ذيب يبغى ياكله كل ما راح الذيب جهة راح الورع لجهة ثانيه صاح الرجال على الذيب (الخلا......الخلا...) والذيب يوم سمع صوت الرجال هرب ويوم اقبل الرجال على الورع قال ابك بغى ياكلك الذيب فرد الورع انت وش عليك من ذيبي ياكلني والا ما ياكلني ويوم قرب منه الا هو مو ورع طبيعي شوشته اي شعره كنها شوك وعيونه مثل الصدوع من فوق لتحت وقال:الله يجعله ياكلك ولا يخلي لك شريده ويوم اقفى من الورع راح للزباره اللي سمع منها الصوت اول مرة سمعه يصيح بعد ويوم التفت يمه الا الذيب يراوغه يريد ياكله الرجال تركهم ويوم جاء الصباح راحت الابل للعوسجه اللي كان عندها الورع يوم جاء الرجال لقى مكان اللي اكله الذيب ويوجد دم بسيط وكان الذيب حافر زرب صغير في طرف احد العواسج عاد الرجال فسر محفر الذيب : ان الجني (الورع) كان ناوي يدخل في بطن الارض بس الذيب صاده قبل ما يدخل ومن رواياتهم عن الذيب يقولون: انه سبع ليال يتعشى من البهايم وخشاش الارض وسبع ليال يتعشى من الجن وسبع ليال يتعشى من الجميم الايبد

ملاحظات /
1_ هذه القصص منقوله .
2_انا وكاتبها ليس من الجن .
3_الكلام هو بقلم صاحبها بالعاميه وحاولت ان اوضحها لكم.
4_اتمنى ان تكون هذه القصه مفيدة .

[الشاكـــي]

يعطيك الف عافية اخوي

مشاركة رائعة

وقصص مشوقه

تقبل مروري

وانتطر جديدك

تحياتي

[فيـــــدو]

قصص حلوه اخووووووووووي حمد
والله جت في وقتها لاني اذا طلعت البر احب سوااااليف الجن في الليل وفيه كم واحد من الي يطلعون معنا يخاااااااااافون من ذي السواااليف بس انا اخاااااااااااف من سوااااااليف الموت في البر
يعطيك العااااااااااااااافية على القصص
فيـــــــــــــــــدو

[حمد(الكيميائي)]

اقتباس المشاركة الأصلية كتبت بواسطة الشاكـــي يعطيك الف عافية اخوي مشاركة رائعة وقصص مشوقه تقبل مروري وانتطر جديدك تحياتي

اشكرك يااخي الشاكي على هالمرور الطيب وتقبل تحياتي

[حمد(الكيميائي)]

اقتباس المشاركة الأصلية كتبت بواسطة فيـــــدو قصص حلوه اخووووووووووي حمد والله جت في وقتها لاني اذا طلعت البر احب سوااااليف الجن في الليل وفيه كم واحد من الي يطلعون معنا يخاااااااااافون من ذي السواااليف بس انا اخاااااااااااف من سوااااااليف الموت في البر يعطيك العااااااااااااااافية على القصص فيـــــــــــــــــدو

مشكور يا فــــــــيدو على هالمرور لا وصيك انك تخوف ربعك وانقلي لهم تحياتي