ذكريـ "قديمه"ــــــات
يالربع
ياجماعه
الصيف راح والشتاء قرب والمزايين بالشام((اعقب لاتخرب العالم))
كل انسانن يمتلك موهبه ,, وكل موهبه بامكانها ان تنبثق وتتطور وبامكانها ان تتدهور وتروح فيهاا,, يعني انت اذا ماستغليت موهبتك وصخرتها ولعنت ابو خيرها ماراح تقدر تكمل معنا((شعنده قام يتفلسف))
منول يومني ورع ابوي يقولي شد حيلك ياولدي واشري لك سيكل ,, ولما انجح اخر السنه واجيب الشهاده يروح يعطيني خمسه ريال ويقول رجع الباقي والا اشتر لاااخوانك((وجه مكشر)),,ولما كبرت وصرت بثالث ثانوي قالي اذا نجحت بخليك تصير ضابط بالكليه الامنيه,,((امنية كل طالب
))وصراحه انا خاقن مع نفسي لو اشوف النجمه على متني ويقولوون الضابط ضميني,,, جاء. الضابط ضميني غادر
والجنود افضخ قلبووهم واللي ابيه اسويه ,,وابن امه يتكلم والضابط ضميني موجود..
شديت حيلي وذاكرت وجبت ملخصات من عند نور المصري اللي في المكتب اللي جمبنا ,, وكنت ازرفها منه ويعصب علي ونتهاوش ,, ويروح يعلم ابوي اني سرقت من عنده قلم ابو ريال ودفتر ,, وتنتهي المشكله بكفين وانقلع يالسلوقي ادخل البيت,, وادخل البيت بروح رياضيه بعد ان تمغطت بالشارع شوي عند المصري نووور
وارجع اليوم الثاني لنور وماكن اي شي صااار ومثل ماقلت واقول
" ويبقى الحب بيننا"
لما جت النتايج لان اسمي مشاء الله في اول الائحه من المتميزين((بعدي والله يهالضميني))
وجيت فرحان اعدي من المدرسه وبغت تصدمني سياره قبل ماجيب الشهاده لابوي,, وقال بعدددددي ولدي
ودق على العميد فلان ,,وقال هذا ولدي جاب تسذا وتسذا ..
قال بعدي اجل انشاء الله اسمه الاول على الدفعه,,
جاء التقديم,, وقصما قصمات ياني كرهت نفسي ,, بس تحملت علشان امي تقول فلانه بنت جارتنا تقول ان ولدكم سجل ضابط انا بتزوجه((وانا وقتها كنت خاقن معها ياويلي بس .. اسمها نورهـ .. كانت عند امها العجوز وخواتها الثلاث ,,وكنت دايم اسوي فتوه .. اجيب لهم اغراض البيت ودايم تجي تاخذ الاغراض مني ,, هي تموت وتقولي كيف حالك وانا اموت واقول والله بخير ولكن نكتفي بنظرات العجب والانبهار,,))
قلت والله لاجل عين وتكرم مدينه لعيون نوووره اشد حيلي , ونجحت في كل شي,, وباقي الفرز النهائي,,وقال العميد لازم تروحون لجده تقدمون على الامير ..رحنا لجده وعلى لامير
قالوا الامير سافر لمصر,,
((امانه ماهيب حاجه تقهر))
ضاع حلمي الاول ,,وهو اني اكون ضابط
وضاعت بنت الجيراان اللي هي نوره ,,لانها سحبت علي .. تقول لامها وامها تقول لامي يعني اتصالات لاسلكيه ..مابيه شكله بيطلع داشر ولاهوب لاقي وضيفه((تفكيرهاان اللي مايلقى وضيفه يعتبر داشر لبى والله البراءه))وضاعت احلامي
,,,,,,,,,,
اخذت لي مده وانا طريح فراش .. من المجلس للملحق اللي بالحوش ,, ولا البس عقال حدادا علىنوره
حتى قلت في احد معلقاتي ..
حالتي في خطر تكفين يانوره**عبرتي عن جميع الناس اخفيهااا
((ياحظ اللي في المنتدى اسمها نوره اجل كككككك))
قعدت فترتن من الزمن..
ولقيت وضيفه يحبها قلبك انت ويااهـ
سجلت في وضيفه ماهيب صاحيه,, صرت اتحكم في بترول العالم((غمزه)),, صرت الولد المثقف اللي يعرف كل حاجه,, واذا جيت المجلس ارجه بصوتي الابح,,وكل تقدير واحترام,,
اللي حبيت ابينه من السالفه ,,ان مع كل حلم ضائع يبدا حلم جديد رائع((شعنده الفلفسه))<<شرايكم بالكلمه
صرت .. aramco employee
صار يضرب بي مثل في الراتب العالي .. كل ماهرجن الحريم قالن والله راتب فلان ((اللي هو انا )) انه اربعه اضعاف راتب فلان,, للدرجة ان شياب الحاره صارو يقولوون والله ان ضميني مايستلم راتبه الا في كرتون من كثر الفلووس ههههههههههههههههههههههه
...
نوره رجعت لي بعد مادرت اني بارامكو ,, سحبت عليها السيفوون ((احلى ياثقل)), , وصارت تعاني ماعانيته منذو قبل اسجل في ارانكو علىماقال ابوي,,
نقط نقط نقط لاخر السطر
سوالفي كثيرهـ وجايتكم بالطريقه
لكن مثل ماقلت هذا غيض من فيض
وابي كل منكم يشاركني همومي ويجبر بخاطري ويرزح له سالفه مضحكه
سالفه منتازهـ
سالفه تدبل التسبد
اهم حاجه يعود ايدينه على الكتابه بسرعه
و
و
و
" يبقى الحب بيننا"
وايضا مايستفاد,,
لاتلحق نفسك بلحق واحد تروح فيها...خل عندك مليون حلم..حتى لو تشوف طياره قل حلمي اني اسوقها,,
تروح تشوف سياره جديده تقول حلمي اني اشتريها
تشوف سوق كبير تقول حلمي اني امتلكه,,
يعني فل امها بالاحلام وربك ييسارهـ
وكذلك يستفاد:
لاتحط بقلبك مع بنت الا اذا انت واثق انها البنت الصحيه والخاليه من الوجع في المكان المناسب,,انتصحوا ياعيال من قصتي مع نوره,,
ويابنات,,
لاتحطين قلبك مع واحد لعاب يعرف ويعرف عشره غيركـ ,, اختاري الرجل المناسب لقلبك فسوف يسعد خشتك وكل يوم يضحك كر كر كر ,, ((ياويله من العيال هههههههههه))
,,
يلله انتظرا سوالفكم,, وصدقوني انتم بس حاولو تكتبوون,,
ولابأس بان تردون على سوالفي وتسئلووني ماعندي اي مشاكل بالعكس انا فري((شعنده اللغه))
<<شفتوا كيف سيقنال تو نضف سنوني
°o.•™(ســــ** ـــــوالـــ**ــــف)™•.o°:
و غلطانه فيني
العرض المتطور
