قصة نصراوي

[سام 6]

السلام عليكم

صباح الخيرات


هذا قصه روعه مره

قصة نصررررراوي





وانا صغير مثل كل المراهقين كان يجذبني اللون البراق .. ونسي والدي ان يخبرني ان ليس كل مايلمع ذهباً ..
انشغال والدي بتجارته ووالدتي بتربية اخواني جعلني فريسه سهله لكل من في نفسه مرض .. هكذا عرفت النصر .. اصدقاء السوء لم يتركوا لي مجالاً للتفكير... ماجد محيسن الهريفي شوف الكوبري ياروحي يابو عبدالله اييييه .. اعتقدت ان هذه هي الكوره وهذا منتهى الفن ..

عشر سنوات من الضياع والتعب النفسي الناس تاخذ بطولات وانا امدح ماجد ومحيسن .. يقولون لي فريقك ماجاب الدوري اقول ايه بس ماجد جاب كوبري .. يقولون فريقك مهدد بالهبوط اقول ايه بس ماجد لاعب القرن .. اشوف النصر ينهزم واردد مايقوله الريس عن التحكيم ..

عشر سنوات .. وانا اذا دخلت مجلس اتحاشا اقول اني نصراوي .. .. تعبت نفسياً واصدقاء السوء راحوا مع اللي راح بعد مازرعوا في نفسي كوره غلط في غلط ..

وكالعاده بعد ماغادرت مدرجات ملعب الملز منكس الراس وفريقي مهزوم .. خليت السياره ورحت امشي حول الملعب اخفف من الوجع .. وافكر في نفسي .. وصدفه قابلت زميل كان معانا في الحاره ماشفته من 20 سنه .. كنت اكرهه لسبب واحد كان هلالي ..

شافني وسلم علي والسعاده واضحه في ملامحه عرف قصتي يوم شافني ماسك العلم النصراوي .. كان مؤدب ولا حارشني قال بأدب الله يعينك الى هالحين نصراوي .. بغيت ابكي وخفت يعلم العيال عني .. ماقدرت اطالع عينه .. عرف جوابي .. مشى جنبي ساكت يوم وصلنا السياره عطاني شريطين للهلال وقال اذا شفت نفسك فاضي طالع هالشريطين .. وعطاني رقم جواله ..

وصلت البيت .. رميت الاشرطه وقلت ماناقص الا اطالع مباريات الهلال ... حاولت انام وكل ماتذكرت ترتيب النصر في الدوري طار النوم .. رحت امشي في الحوش وانا اقول الدخان والنصر واحد منهم راح يقضي عليَ ..

رجعت الملحق اقلب في الدش ملل.. وشفت الاشرطه اللي عطانياهم صديقي الهلالي .. قلت وش انا خسران بدال هالطفش خلني اشوف الهلا ل واضحك عليهم ..

بديت اطالع الاشرطه .. شي من الهدوء والسكينه بدا يتسلل الى نفسي .. شفت شي عكس اللي كانوا اصدقائي يقولونه .. شفت فن .. شفت كوره حقيقيه .. شفت بطولات من كل شكل ونوع .. الحين عرفت ليش جمهور الهلال اكثر سكينه وهدوء ضاع مني.. عشر سنوات من التخبط والضياع .. توني اشوف الكوره الصح ..

كل ماخلص الشريط رجعته من الاول اللين نمت .. صحيت الصبح وكلمت صديقي الهلالي طلبت منه اشرطه ثانيه وثالثه ورابعه .. ماهوب عيب اني عشت ضايع العيب استمر ضايع .. عرفت الفن ..عرفت الكوره .. عمري اللي راح في القهر والتعب والمجادله الكذابه ..

انضميت لشباب هلاليين علمتهم بقصتي .. اخذوا بيدي ساعدوني.. خفت اضعف وارجع لاصدقاء السوء .. كل ماضعفت رجعت شغلت واحد من الاشرطه وهدأت نفسي واطمأنت ..

لي سنتين من يوم اهتديت ... اهلي فرحانين بالتغير اللي طرأ على شخصيتي صرت اكثر هدوء واكثر روقان .. تحسنت انتاجيتي في عملي وهذا شي طبيعي .. صرت اذا جلست في مجلس وقلت اني هلالي ماعاد احد يتجرأ يتحرش فيني .. الارقام تتكلم .. والمنصات تشهد ..

هذي قصتي .. اهديها لكل نصراوي في غفله ..الايام تمضي والسنين تركض ... العمر واحد حرام نقضيه في ذل وتعب وقهر.. سعادتي اكبر من اني احطها رهينه اقدام حلوي وجهوي ..

الى كل نصراوي اهدي قصتي لتكن عظه وعبره

انتهت القصه

والله انه صادق

هههههههههاي

تحياتي

ودي وتقديري

[ŝâĺĺɏ]

وعليكم السلآم ورحمةالله وبركآته ،،


ههههههههههههآآآآآي حلووهـ ،،،



مشكووور ويعطيك العافيه ،،




لاهنت ،،


تحيآآآآتي ،،

[سام 6]

الله يعافيك

شكرا على المرور



تحياتي

ودي وتقديري

[قـيـس نـجـد]

ههههههههههههههههههههههههههههه

خخخخخخخخخخخخخخخخخخخخخخخخخـ

نصراوي ياعقال الراس يماخذ عقلي والأحساس

ههههههههههههههههههههههههههههههه

والله مضحك سم سم ههههههههههههههههههه

الله يكون بعون الجماهير النصراويه

ودي وتقديري

[ابوزيدالهلالي]

ههههههههههههههههههههههههههههه

الله يثبتك ويهدي بقية النصرايين
هههههههههههههههههههههههههه

مشكور على الموضوع
وتقبل مروري

[عطشااان]

لوووووووووووووووووووووووووووووووووووووووول
ســـــــــــــــــــــــــــــــام6
شي شي
يعطيك العافيه

[سام 6]

يا هلا فيكم


حبايب قلبي


تحياتي

ودي وتقديري