حدي مضايقه وابي أحد يساعدني

[لهيب الأنفاس]

بسم الله الرحمن الرحيم
ودي اسولف وأحكي لكم قصتي اللي شجعني أشترك في منتدى لاول مره إني ممكن اسمع رأي الناس من غير مايعرفوني لان مشكلتي ماني قادره اقولها لاحد لان للاسف ماعندي صديقات مقربات مني ممكن اشكيلهم همي وينصحوني انا عندي أخت متزوجه وعندها ولد وزوجها يخونها مع أعز صديقه لها ممكن تقولون شي عادي لان تسمعون من هذي المواضيع كثير بس صديقتها متزوجه ولد خالتي وانا قلت لامي بس ماصدقتني لان زوج اختي ملتزم ومؤذن بمسجد محد راضي يصدقني أمي تقولي يتهيألك وانا متاكده شفتهم بعيني كانوا يفكروا انه مافي احد بالبيت مايدرون اني كنت نايمه جوا بس ياليتني ماصحيت وشفت اللي شفته أختي تموت على زوجها اخاف اقولها واصدمها أو انصدم انا بأنها ماتصدفني كلمت صديقتها باني شفتها مع زوج اختي عشان تتوب لاكن كانت وقحه وهددتني بانها بتوهقني مع اخواني واخواني ولله الحمد متخلفين وشكاكين وبصدقون فيني اي شي لاني لوحدي في البيت مشددين علي كل شي بحساب وانا حدي تعبانه ماني عارفه ايش اسوي.
أرجو لكل من يقرى رسالتي يرد علي وينصحني عالاقل الاقي احد اسولف معاه توني مسويه الاميل ولاشتراك في المنتدى عشان الاقي اللي اسولف معاه

[ماااجد]

لهيب الانفاس لو كنت في البيت عندكم وقلت لي كان صدقتك بس طبعا راح ابحث عن الدليل

ع العموم هم ماصدقوك فيه حلوول انك تكشفي فيه فعلتهم بس يبي لها اشياء تتوفر وتجربيها اكثر من مره

مثلا لو كان عندك جوال نزلي فيه التسجيل الصوتي لاكثر من دقيقه من اي محل جوال واطلبي منه مايطلع صوت وقت التسجيل وجربيه اكثر من مره ولما تعرفي له صح ومتاكده انك راح تنجي اتصلي على اللي خانت مع زوج اختك المطوع واسحبيها بالكلام الين تثبتي عليها هالشيء ولا تقولي لها وقفلي وارجعي اسمعي التسجيل اذا نجح اوكي روحي لامك ثم اختك وهكذا واذا لم ينجح اعرف السبب وحاولي مره اخرى .

حل ثاني بس اتوقع اصعب شوي انك تترقبي لهم مره ثانيه وتصوريهم مثلا بجوالك اذا كان عندك جوال بس صعبه متى يجون ومتى ومتى الخ .

حل ثالث مثلا اذا جات اللي خانت مع زوج اختك لبيتكم خلي مثلا اختك المتزوجه تتخبى في مكان في غرفتك مثلا في دولاب الملابس وقفلي عليها بدون مااحد يدري ونادي اللي خانت مع زوج اختك لغرفتك بدون ماتعرف ان اختك في الدولاب بس انتبهي لا تختنق يعني ادرسي هالفكره زين وبعد ماتتاكدي من الخطه اسحبي اللي خانت في الكلام بعد ماتقفلي الغرفه عليكم من شان يطمن قلبها انك ماتبين احد يسمع وعلى انك ناديتيها من شان تشوفي حل للي قاعد يصير واسحبيها في الكلام لحد ماتتاكدي ان اختك اللي بالدولاب عرفت كل شيء .

اعرف ان هالافكار جهنميه وصعبه وحساسه جدا والفشل وارد كما النجاح وارد اذا درستيها صح بس
فكري في مثل هالاشياء اللي تثبت ادانه الخاينين

انا على اتم استعداد لاي مساعده اختي
اتمنى تشوفي كلامي وتعطيني رايك وش اللي ممكن تسوينه
واذا جات في بالك فكره ثانيه اعطيني خبر

كل الشكر لمنحنا هالثقه اختي
وتاكدي بان كل شيء راح يبان لا تخافي

مااااجد

[المحتار-]

اهلا لهيب


اول شغلة انصحك فيها انك ماتخبرين اختك وهذا اهم شئ

وانصحك تقومين بالخطة هذي ..
اذا تعرفين رقم جواله تطلعين شريحة مجهولة الاسم وترسلين له هالكلمتين ..


( مرحبا فلان
انا شخص فاعل خير وانا اكتشفت خيانتك زوجتك مع فلانة

وانا اترردت كثيرا افضحك مو عشانك لانك ماتستاهل
لكن من اجل زوجتك المسكينة لكن والله اخاف يجي يوم افضحك

واعتبر رسالتي هذي ا نذار مو مني من الله حب ينذرك وخلاني اكتب لك الرسالة

اوعدني تترك هالسالفة حرام عليك .......... اخوك المحب لك في الله فاعل خير


......

طبعا راح يرد عليك استمري معاه بالمراسلة والعبي باعصابة وهددية وصدقيني راح يحسب الف حساب لرسالتك
واذا حاول يلح عليك بأنه يعرفك قولي له مو مهم تعرفني
بالحالة هذي تحسين انك مسوية شئ ولا انتي ساكته و ماحد راح يعرف من انتي

اهم شئ تكن الشريحة مجهولة الاسم .. والاهم انك ماتكلمين معاه نهائي خليها شغلة رسائل فقط لاغير


يس خليك حذره ومايحتاج اوصيك مرو ثانية انتهبي تقولين لااختك انتبهي

[أموولة]

انا مع افكار الملقوف الماجد حسيت كأني قاعد اتابع مسلسل وانا اقرا

بسراحه ليتني مووجوده عندك عشان اقوم بهذي الافكار

بس المحتار فكرتك شوي فيها ممكن خراب
لانو اكيد حيروح حيقول للي مسوي معاها الخيانه

ولمن حيقولها

حتعرف انو محد عارف الحكايه هذي غير لهيب الانفاس لانها هددتها

وبالتالي حتشك فيها واذا شكت ممكن انها زي ماذكرت تألف قصة وتقولها لاخوان لهيب الانفاس بشي يمس شرف اختهم واكيد اخوانها حيشكو دامها زي ماذكرت شكاكين



وافينا وش صار معاكي

ورمضان جاي حبيبتي ادعي ان الله يخارجك من هذي البلوا

وبعدين انتي قبل كل شي حاولي انك نصحيها وتخوفيها من الله جايز سبحان الكريم تكون هدايتها على يدك

شووفي اذا تابت وبطلت استري عليها من ستر على مسلم له الاجر يوم البعث

واذا ماتابت لا تسكتي سوي شي يوقف المهزله هذي لان الساكت عن الحق شيطان اخرس

[المحتار-]

شوفي أموولة

مثل قصتها احيانا لابد من المواجهة


ويمكن تكون خطتي صح او غلط
وهذا راجع لكتمان الرجال بامر الرسايل

لكن الخطأ هو اخبار اختها بالقصة وهذا هو الدمار بعينه وتفكيك الاسرة

وهذا الشئ الوحيد الي حرصت عليه

يمكن الرجال يرتدع ويبطل


شكرا لك امووولة

[رجل من ماءالذهب]

بصراحة يا اخوان ويا اخوات ارى أننا لا نحب المواجهة

سبحان الله وكأن ( لهيب الأنفاس) هي المخطئة

لماذا الهروب ؟

أنا ارى ان أفضل حل هو جمع الاثنين ...و اخبارهم بالحقيقة وتذكيرهم بكلام الله
من القرآن والاحاديث الشريفة
وعقوبة الزاني والزانية
وكيف أن كل واحد منهم قد سمح لنفسه الدنيئة بخيانة شريك عمره والشخص الذي أحبه وجعل حبه وطاعته
هي أول أولوياته .

وبتهديدهم أيضا ..بحيث أنهم اذا لم يخافوا من ربهم سيخافون عواقب الفضيحة والقطيعة .


اعذروني ولكن في بعض الاحيان يكون أفضل علاج ( الكي ) ....

قد أكون مخطئ ولكني لا أحب اسلوب اللف والدوران واتخاذ الحيل ...المواجهة بالنسبة لي هي الحل الوحيد

اسف على الاطالة

[لهيب الأنفاس]

شكرا للجميع على ارائكم ماتدرون قد ايش ريحتوني لاني كنت خايفه من محاولة كشفهم لاكن انتوا شجعتوني اني لازم ابين دنائتهم لاهلي.
ماجد أفكارك جهنميه راح أعملها انشاء الله تضبط معي إذا مافادت مافي الاحل واحد وهو المواجهه مثل ماقال رجل من ذهب أموله مشكوره عمري عالافاده
المحتار انا مضطره اقولها عشان تعرف انه مايستاهل حبها وقبل مايكون عندها أولاد كثير وتتوهق فيهم واحسن تعرف مني ولا تعرف من غيري مويقولون(يابخت اللي بكاني ولا ضحك علي الناس)انا كنت محتاجه نصايحكم أدعولي ان الله يساعدني مو ترجع على راسي بدل مايكون الحق معاي يصير علي
ألــــــــــــــــــــــــــــــــــــــــــــــــ ـــــف شكر للجميع

[ماااجد]

لهيب اشكرك على تقبل افكاري

لكن انصحك نصيحه لوجهه الله اخيره

لا تعملي بالمواجهه وانتي ليس لديك اي دليل

ودليل قاطع قاطع قاطع

لانك لو عملتي بالمواجهه وليس لديك دليل

سوف تنقل الايه ضدك وقد يتصنعون القصص حولك

انتبهي كويس

وفكري في كلامي زين

مااااجد

[ما احبك]

أختي لهيب

أذكري الله

ونصيحتي لك لا تواجهين أحد ترى المواجهه في مثل هالأمور وبذات بين الأهل ماهي بزينه

وتولد ترسبات من الحقد والضغينه بين الأهل مع السنين عندك ألف طريقه انك تحلين الموضوع

بعقلانيه ودوري أحد من الحريم الي تكون عاقله وتعرف الله زين وما تنقل الكلام وأنتبهي لهل النقطه

ماتنقل الكلام وكلميها ممكن تقولك خطه أو طريقتاً زينه تقدرين من خلالها تحلون الموضوع

على العموم الله يعينك
والله يفرج همك

أخوك
ما احبك

[كبرياء جريح]

لهيب الشوق



يعطيك العافيه اختي



الشباب ماقصرو نصحوك باللي يقدرون عليه


لكن بنصحك نصيحه صدقيني بتفيدك عمرك كله


اولا لو حاولتي تسجلين مقطع فيديو او صوت توقعي بعد انه ممكن ينتشر

وبتكونين بتحلين مشكله فجأه تدخلين بمتاهات انتي بالغنى عنها وتخيلي ايش بيصير لك من اهلك


انا رايي انك تواجهين قريبتك البنت وتحجينها باايات دينيه وبكذا تسوين اللي يرضي ربك وضميرك

لهيب والله لو تحطين ببالك بس كيف بتفضحين الموضوع بتصيرين انتي بالنهايه المخطيه

احسن شي لما الواحد يحتار يرجع للكتاب او السنه


وفيه حديث للرسول صلى الله عليه وسلم في معناه

من راى منكم منكرا فل يغيره بيده فان لم يستطع فبلسانه فان لم يستطع فبقلبه وهذا اضعف الايمان

او كما قال صلى الله عليه وسلم

احسني النيه بفعلتك وربي بيوفقك لكن تحسبي من العقوبه ولا تكوني انتي بالنهايه الغلطانه


ربي يوفقك وتقبلي مروري




كبرياء جريح




.