بمناسبة العيد ( استرحلي يابيوت الشعر بعد السلام ) اهداء لقبلة مطير من صميم القلب

[الــســنــاح]

بسم الله الرحمن الرحيم

السلام عليكم ورحمه الله وبركاته

بعد التحيه الطيبه من صميم القلب

اخواني واخواتي اعضاء منتديات الود

في او ل ايام العيد المبارك اضع بين ايديكم المتواضعه هذي

ابيات من صميم القلب اهديها الي ربعي ( مطير )

بمناسبه العيد المبارك ونشالله تعجبكم القصيده

استرسلي يا بيوت الشعر بعد السلام=على جميع القبايل خص ربعي مطير
في مدحهم ما توقّف عند نقطة نظام=ممنوع مسموح والله ما حسبت المصير
بالطيب قومن بدت قومن رقت للغمام=واستوطنو غَيمة الطيبه بسيفن شطير
وبالفعل قومن تحدى فعل قوم الكلام=بالفعل في ذمتي ما للمطيري خشير
حطو على المعجزه بالفعل عدت اختام=ثلاثه اختام من راس الزناد القصير
أفعالهم فوق خد العز مثل الوشام=ومرودع الخد كايد ما يهوزه صغير
اسيوفهم ما تقص الا تبت العظام=بمخظب الدم صلو بالعراق الخطير
وارماحهم فجة صدور العدى والسهام=اسرع من الظامي اللي شاف نبع الغدير
ابطال شبه الجزيره في نهار العسام=لازرفل الجيش تسبقهم حصاة النذير
ابطال شبه الجزيره محتمين الجهام=لا صاح صايح يجون مطوحين الجفير
ابطال شبه الجزيره من نصاهم حرام=ما ينقل الهم في صدره قصير القصير
ابطال شبه الجزيره من خوال وعمام=عدوهم من طناهم ما يبشّر بخير
قلته وانا شاعرن منهم علي الحرام=ان الفخر لابسه منهم سوات الحرير
افخر بساسي واماري بالربوع الحشام=اهل الثنا من قديم الوقت ربعي مطير
ما ينحصر مجد ربعي فوق كل الكلام=في ذمتي ما جحدهم غير ميت ضمير

[ملكة الخواطر]

هههههههههههههه صح السانك

وكل عام وانت في الف خير

مساكين احنا ما من قبيلة مطير


تسلمو صح السانك

تحيتي

[العـ راعي ـليا]

صح الساانك ولا هنت

وعيدك مبارك .. وعساك من عوّادهـ ..

ونعم بربعك مطير .. وبجميع القبايل ..

تقبل تحيّتي وتواضع مروري .

دمت بحفظ الله ‘

[جنون شاعر]

صح لسانك
والنعم في مطير

ولا تهوووووون كل القباااااايل كل ابوهم كفو ورجال نسل رجال

خالص تحياتي

جنون شاعر

[الــســنــاح]

اقتباس المشاركة الأصلية كتبت بواسطة ملكة الخواطر هههههههههههههه صح السانك وكل عام وانت في الف خير مساكين احنا ما من قبيلة مطير تسلمو صح السانك تحيتي

صح بدنك

وبس وش قصدك بضحك


انا ماقالت في قبيلكم شي بس من حق ربعي اني امدحهم

دمت بود

[الــســنــاح]

اقتباس المشاركة الأصلية كتبت بواسطة العـ راعي ـليا صح الساانك ولا هنت وعيدك مبارك .. وعساك من عوّادهـ .. ونعم بربعك مطير .. وبجميع القبايل .. تقبل تحيّتي وتواضع مروري . دمت بحفظ الله ‘

صح بدنك

ونعم فيك وفي كل القبايل


علين وعليك مبارك

[الــســنــاح]

اقتباس المشاركة الأصلية كتبت بواسطة جنون شاعر صح لسانك والنعم في مطير ولا تهوووووون كل القباااااايل كل ابوهم كفو ورجال نسل رجال خالص تحياتي جنون شاعر

ونعم فيك وفي كل القبايل ورجال

[حلوة المعاني]

اقتباس المشاركة الأصلية كتبت بواسطة الــســنــاح بسم الله الرحمن الرحيم السلام عليكم ورحمه الله وبركاته بعد التحيه الطيبه من صميم القلب اخواني واخواتي اعضاء منتديات الود في او ل ايام العيد المبارك اضع بين ايديكم المتواضعه هذي ابيات من صميم القلب اهديها الي ربعي ( مطير ) بمناسبه العيد المبارك ونشالله تعجبكم القصيده استرسلي يا بيوت الشعر بعد السلام=على جميع القبايل خص ربعي مطير في مدحهم ما توقّف عند نقطة نظام=ممنوع مسموح والله ما حسبت المصير بالطيب قومن بدت قومن رقت للغمام=واستوطنو غَيمة الطيبه بسيفن شطير وبالفعل قومن تحدى فعل قوم الكلام=بالفعل في ذمتي ما للمطيري خشير حطو على المعجزه بالفعل عدت اختام=ثلاثه اختام من راس الزناد القصير أفعالهم فوق خد العز مثل الوشام=ومرودع الخد كايد ما يهوزه صغير اسيوفهم ما تقص الا تبت العظام=بمخظب الدم صلو بالعراق الخطير وارماحهم فجة صدور العدى والسهام=اسرع من الظامي اللي شاف نبع الغدير ابطال شبه الجزيره في نهار العسام=لازرفل الجيش تسبقهم حصاة النذير ابطال شبه الجزيره محتمين الجهام=لا صاح صايح يجون مطوحين الجفير ابطال شبه الجزيره من نصاهم حرام=ما ينقل الهم في صدره قصير القصير ابطال شبه الجزيره من خوال وعمام=عدوهم من طناهم ما يبشّر بخير قلته وانا شاعرن منهم علي الحرام=ان الفخر لابسه منهم سوات الحرير افخر بساسي واماري بالربوع الحشام=اهل الثنا من قديم الوقت ربعي مطير ما ينحصر مجد ربعي فوق كل الكلام=في ذمتي ما جحدهم غير ميت ضمير

ونعم بمطير وبكل القبايل , ..




قصيده جزله من جزل وكل عام وانت بألف خير . .









ودي

[همس البوح]

ونعم بقبيلتك اخووووووووووووووي وبكل القبااااائل
صح لسااااااااااااااااانك على هالابياااااات
واعتلى قدرك وشاااااانك
لاهنت

[الــســنــاح]

اقتباس المشاركة الأصلية كتبت بواسطة حلوة المعاني ونعم بمطير وبكل القبايل , .. قصيده جزله من جزل وكل عام وانت بألف خير . . ودي

صح بدنك ياغلاهم