قصيدتي فطرتي واحساس نبض وشعـور=قصة معانـاه قصـة جـد ماهـو هـزل
كتبتهـا لحتفـالات الـفـرح والـسـرور=وكتبتهـا للفـراق الـي مابعـده وصـل
كتبتهـا لنسيـم ولشـجـر والـزهـور=وكتبتهـا للعبـيـر ولـنـدى والنـفـل
وكتبتهـا للمسـاء والنيـرات الـبـدور=ولنجم والشمس وستخلص جمل من جمل
وكتبتهـا لصداقـه والخـوي الجـسـور=اللي ليا قـال كلمـه مـن لسانـه فعـل
كتبتهـا للكـرم والطيـب وزن وبحـور=وكتبتهـا لشهامـه والحيـاء والخـجـل
ابحث عن الشارده في مفـردات السطـور=تصيرلي من شرود الذهن همـزة وصـل
كتبت شعري وجاء لشعر وزن وحضـور=واصبحت شاعر وانا مدري وش الي حصل
لعبت دوري ومن حقي اليـا اخـذت دور=لي من صدى المعجين اشراق نور وامـل
وانـا لـك الله مايهتـز راسـي غـرور=والحبل ممدود مابيـن الرضـا والزعـل
الشعـر طـاري ودنيانـا محطـة عبـور=والرابـح الـي يقـوم ويجتهـد بالعمـل
الرزق مقسوم والصابـر يسمـى صبـور=والعلم مثل الفلـك يجلـي ظـلام الجهـل
ماسل حالـي محبـة ناحـلات الخصـور=انجيت في حبهـن الرجـل يبقـى رجـل