ياسامع للقول عساك تسلم= فقدت أبوي وصابني الهم والياس
حتى البصيره كنها الليل الأظلم= أقاسي اللوعه كسير ومحتاس
مر العزا وانا حسايف ومغتم=والحزن طاويني وولّع بمقباس
وين الغلا اللي شايل عني الهم=خيره مغطيني من الرجل للراس
ماعاد ينفع خال ولا ولد عم=انا واخواني تحت رحمة الناس
والغاليه تبكي بدل دمعها دم=على الذي درب الخطا فيه ماداس
عشنا حياة مثل عظم بلا لحم=وغيرنا يلبس جواهر من الماس
عشنا كفاف وبعض من ناس تعلم=ونفس عفيفه عن عطا كل الأجناس
واللي يشوف الحال ضلعه تهشم= ويبكي بكانا كل خيّر وحساس
كلا إلاجا العيد يحلم ويحلم= بهدية ملفوفة وسط قرطاس
وأنا إلاجا العيد كلي اتألم=وعذرت في سلم الحلاوه والألباس
ثوبي تشقق كل الأطراف والكم=ماأملك ببيتي غير دله ومحماس
وإحنا بوسط الناس ماحد تكلم= لالا ولا حدجر سيره من الساس
حنا لنا الله رب الأرباب يحكم= ينصف لنا من مجتمع صار بلاس
المجتمع ماعاد ياناس يفهم= ماعاد فيه اعمال خير ونوماس
لكن من قصّر بلاشك يندم= باليوم الآخر يوم دقات الأجراس
وصلاة ربي عد ماالصبح نسّم= على من نزل منذر وللدين حراس
العرض العادي
