ايش تتصرفوا يا حبايبي لو صار معكم هالشي؟؟؟

[حلوه و دلوعه]

السلام عليكم و رحمة الله و بركاته
كيفكم يا حبايبي و شاخباركم انشاء الله طيبين
أنا اليوم حابه اقول لكم شي صار معي و مدري وش اسوي فيه و متضايقة منه

أنا بصراحة في عندي وحدة من صاحباتي و هي صاحبتي من زمان و معاي بنفس القسم
و دايم مع بعض و ندرس مع بعض و كل وحدة تشكي للثانية و كنا أكثر من خوات

المهم ظلت علاقتنا على هالحال يمكن سنتين
و بعدها اكتشفت فيها شي ما كنت ألاحظه
اكتشفت انها تغار مني و تحسدني
أنا قبل لا أعرف هالشي كنت أقول انه صدفة اللي يصير
كنت بمجرد ما اقول لها اني رايحه هالمكان و الله اني يا اتهاوش مع اخوي
أو نطلع و أحد فينا يمرض و نرجع
و في مرة قلت لها ان احنا رايحين البحرين و قعدت تحن على راسي اسبوع كامل
يا حظك و يا حظك و ناس بتروح البحرين و ناس بتنطق بالبيت
و كلمة ماشاء الله ما تعرفها و مو موجودة بقاموسها
المهم ظلت تحن على راسي و يا بختك بتروحين السينما و بتروحين و بتنبسطين
المهم الله كتب و رحنا وتونا بس وصلنا و تغذينا و طلعنا من المطعم الا تخترب السيارة و يطلع منها دخان و لا رحنا لا سينما و لا شي ووقفنا بالشارع ننتظر المساعده
يعني ما اقول لها بشي الا و تنقلب الدنيا فوق تحت


و ساعات لما تتكلم معي بشي و ان ابوها سوى لها شي تقول لي ابوك انتي ما يسوي لك كذا ليش انا ابوي يسوي معاي كذا

و اذا قلت لها قولي ما شاء الله قالت لي وش شايفتني حسوده
شفتوا بعد هالبلوه

و انا ما اقدر اصارحها بهالشي صعب اني اقول لها ان هالشي مضايقني
و اللي مضايقني أكثر اني اعتبرتها مثل أختي و أفرح لها لو صار لها اي شي حلو
بس هي للأسف طلعت تحسدني على أقل شي حتى لو طالعة بيت خالتي

المشكلة اني احسها خدومة بس غيورة

و الله محتارة و متضايقة قولوا لي بالله عليكم وش اسوي؟؟؟



أختكم
حلوه و دلوعه

[%فزولها%]

والله ياختى يمالك من الاشخاص هذي بس ليش تجاملين وتصاحبينها على حساب نفسك وانتى كل شي على راسك بالعكس تبين ترتاحين عطيها بالوجه وصارحيها قولي ليش تحسدينا في كل شي وقوليلها الايات الى عن الحسد وش عقابها من الله من جد ذكريها وهذي ماهي صديقه مع احترامي لك اختى لو انها صاحبتك على قولك ومثل اختك ليش تحسدك في كل شي والاخت ماتحسد اختها يمال العافيه انتى والمفروض تتمنى لك الخير مثل ماتتمنى لنفسها صدقيني هذي الاخت بحق وحقيه الى تتمنى لك الخير وماتحسدك في كل شي ..........ويسلمو على الطرح الصريح منك اختى وعادي لاتشيلي هم الدنياااااااااااااا حلوووووووووووووه


دمتى بود فزوووووووو

[حلوه و دلوعه]

تسلمي يا حبيبتي فزولها
و الله انك صادقه بس ما ابي اقول لها صعبه اني اقول لها انتي حسوده
بس شكلي بتعامل معها بشكل سطحي

ربي يحفظك فزولها

[الجوري22]

	مساء الخير اختي حلو ودلوعه على اصراحه الحلوه انصحكي انك تقعدين وتكلمينه فى هذا الموضوع وتنصحينه ان الحسد صفه مو زينه في الانسان واذا اهي مثل اختك لازم تكلمه والله يساعدكي على ما ابتلكي

[حلوه و دلوعه]

يسلموا الجوري 22على مرورك الكريم
و على نصيحتك
و الله يعين الجميع يارب

[زعيم الخيال؟؟]

حلوه و دلوعه

مشكووووره اختي عالطرح الصريح والواضح والله لا يحرمنا منك ......
اما بالنسبه لخويتك هذي الصراحه هالنوع ماينفع معه الا ان علاقتك
معها تكون دراسيه وبس لا وين رايحه ولا من وين جايه ولا وش
اشتريتي ولا وش سويتي العلاقه تكون جدا سطحيه ومن جد كلامك
صعبه تصارحينها بحسدها وغيرتها لانها تعتبر ( بجاحه ) .....
والله يعينك على ما ابتلاك يارب .........

تحيـــــــــــاتي :
زعيم الخيال؟؟

[حلوه و دلوعه]

مشكور اخوي زعيم الخيال على مرورك
و على كلامك الاروع
يعطيك العافية

[(عبادي)]

تحية طيبة وبعد
في البداية اودان تعرفي ان صفةالغيرةموجودةفي كل نفس بشريةغيران تفاوتهامن حيث شدتها غالباًماتكون عندالنساء.
في واقع صديقتك انا اُفضل ان يكون لكي دورأرشادي وتوجيهي لان ذالك من مقومات الصديق المخلص لصديقة لذالك اصبحت رسالتك تجاه صديقتك واجبة عليك
ثم ان التخلي عنها لايحل المشكلة لان الحسديقع حتى مع من لاتعرفينهم اذا انكي افضل منهم على اية حال
كذالك احسان الظن مطلب مهم يتوجب عليك ان تحسني الظن بصديقتك وتجعلي ما يحصل من امورعاكسة لرغباتك امورقدرية من الله ولعل فيهاخيرلك ولأسرتك لان ماذكرتي من امور لا تأثرعلى سيرحياتك فلو كان غيرذالك من تأثيردراسي او اجتماعي او اسري فقدأُعطيك الحق
الامرالاخيراذا انت تعلمين ان الحسد والعين داء خطيرلك ان تعرفي ان لكل داء دواء فدواء الحسد هو حصنك المنيع الذي لن يكلفكي شي من ذكرالاذكارالواردة في القران والسنة بعدهالن يهمك اي حاسد من قريب وبعيد
الحديث يطول ولايتسع المقام لحصرة لكني اكتفي بأهمة .

وافرالتحية من اخوك /عبــــــــــادي


للتواصل /Abade811@hotmail.com