قصيده من الارشيف .. اتمنى ان تنال على اعجابكم وترتقي لمستوى ذائقتكم ..
الهم والضيقه غزوني وانا صغير=والحزن كملهم وانا توني شاب
وان قلت للي ينشدوني انا بخير=كذاب والله لو تظاهرت كذاب
مسكين منهو يعشق الزين ويطير=في حب منهو ماحسبه ضمن الاصحاب
في وسط سوق السيف كنا مسايير=في ديرة ٍ ملبوسهم لبس الاجناب
لمحت هاك الزين في تالي عصير=ماشفت زيه فالمخاليق جذاب
من عقب ما شفته بوسط الاصنصير=خلا خفوقي بين الاضلاع ينصاب
فعيون خلي شفت بعض التعابير=توحي علي تقول وشفيك مرتاب
ماتدري ان قلبي حصل فيه تغيير=من يوم شفته صوب القلب بحراب
يامرحبا باللي لفونا مسايير=في قلبي الوافي هلا والف ترحاب
تفضلي يا احلى البنات الغنادير=قصي شريط الحب ثم فكي الباب
وتمشي بقلبي وخوذي مشاوير=ثم اجلسي بقلبي على عرش الاحباب
عسى خفوقي مايجي منه تقصير=والا يجي منك على قلبي اعتاب
كنت اتمنى فالاصنصير تأخير=من شان تشبع عيني بحلو الاهداب
لكنّ حظي عارفه ماهو بخير=ومافيه بالدنيا ولو يوم قد طاب
صارت حياتي كلها فيه تفكير=من يوم ماقد راح عن عيني وغاب
ياطير تكفى لا عدمناك يا طير=ياطير قلبي في محبته قد ذاب
ياليت يم صويحبي ساعه اتطير=قله ترى طيفه عن العين ماغاب
قله ترى حبه يفوق التصاوير=واني انا مشتاق والشوق غلاب
ياليت يدري انه بقبلي اكبير=واني عشقته عشق مانيب كذاب
واني بعشقي غير ومحبتي غير=كن الوفا بالدم يمشي وينساب
كتبت مافي داخلي دون تشفير=ود الرساله دون توضيح واسباب
وسخرت من فكري هالابيات تسخير=ياليت ما سخرت يوصل للآحباب
عـبـدالـلـه الهـآملـي ,,
العرض العادي
